Tsawˇ haˬ zaˬ-euˬ zaˬ siˬ tsawˇ gahˇ-ahˇ gʼoe-awˇ mehˇ shuiˇ shuiˇ luꞈ-eu gaˇ dahˇ maˬ tsoeˬ-eu jaˬ myawꞈ kʼoeˇ deuˬ-euˬ zaˬ kʼaˆ maˬ ya geuꞈ ni yahˇ-awˬ. Kʼoeˇ-aˬ, Yeˬsuˇ Ka li laꞈ kʼoeˇ doˆ le-euˬ jeˬ maˬ ngeuˇ-a. Mˬ hawˇ-eu miˇ yaw kaˬ-ahˇ uˆ lahˇ-eu yaw sahˇ deuˬ-euˬ laꞈ-ahˇ neh, tsawˇ haˬ zaˬ neh tiˬ ziˇ saˇ-iˬ tiˬ ziˇ tawˬ ka leꞈ-euˬ mehˬ-eu tsoˆ-eu jeˬ pyeuꞈ-eu meh.
2 Gawˇliˬtu 11:3 - Akha3 Eˇbaˆ-ahˇ aˇ lawˇ neh mehˇ shuiˇ bi shuiˇ tawˆ-euˬ loꞈ-ehˇ, Ka li-ahˇ maˇ maˇ ni shawˇ jehˆ ni gaˬ-eu naw maꞈ-euˬ nui ma bi tsahˇ pyawˇ gaˇ ngaˇ kʼahˬ lahˇ dui dui nya. Gade chapit laYawshawr Yaerbof Dawqma Sarjax Yawshuif Jaceuq-eu Hawr-eu Dawqdaq3 Arlawr, aqyawf-euq jaqmyawf nae Erbav-anr maershuir shuirtawv-euq lof-aer, Kali-euq lafkhoer shawrjaevni ghae-eu nawmaf-euq nuima khoersiq byov-ir gar ngar guv mir-a. Gade chapit la |
2 Gawˇliˬtu 11:3
47 Referans Kwoze
Ngaˇ gaˬ dui dui-eu cawˬ deuˬ-oˇ, Yaw sahˇ Miˬyehˇ za-euˬ tsawˇ haˬ ma lehˇ kʼaˇ ehˇ laˇ gaˇ naw maꞈ maˬ jah ni, aˬ yawꞈ maꞈ za-euˬ yaw sahˇ kʼoeˇ Miˬyehˇ jawˇ gaˇ neh oe-euˬ nga loˇ lehˇ jeˬ huˬ lawˬ haw-awˬ. Aˬ jeˬ miˇ neh ehˇ naˇ, Miˬyehˇ gʼaˇ duˬ ngehˬ dah-eu maˬ ngeuˇ-eu tsawˇ haˬ deuˬ miˇ tsaˬ doe ni iˇ byah taˬ-euˬ meh.
La kʼaˬ cehˇ-eu Guiˬ lahˬ dawˬ-ahˇ beu gaˇ-eu mehˬ-eu tsoˆ-eu gʼawˬ mya jeˬ neh gaˇ ma taˬ bi sheuˬ bahˬ. Dzaˇ dzaˬ sheuˬ-eu baˬ da neh naw maꞈ-euˬ saꞈ laˇ gʼaˬ kʼaˆ laˇ-eu maˬ ngeuˇ-a. Miˬyehˇ-euˬ guiˬ lahˬ yaw dzahˇ-aˬ, naw maꞈ-euˬ saꞈ laˇ gʼaˬ bi kʼaˆ laˇ-eu gʼaˇ duˬ muiˬ dui dui-eu jeˬ pyeuꞈ-eu meh. Dzaˇ dzaˬ sheuˬ-eu kʼoeˇ-aˬ, tsawˇ haˬ zaˬ gʼaˇ duˬ gaˇ dahˇ maˬ tsoeˬ-a.
Naw maꞈ-aˬ, naw maꞈ-euˬ aˬ da nehˬ sahˬ paˬ-euˬ zaˬ deuˬ pyeuꞈ-awˇ, naw maꞈ-euˬ aˬ da-euˬ nui kʼahˇ mehˬ nah caw teh mawꞈ-eu meh. Aˬ yawꞈ-aˬ, aˇ dahˬ beh ngeh neh aˬ cawˬ-ahˇ sehꞈ-euˬ gʼaˬ pyeuꞈ-awˇ, yaw tsaˬ yaw dawˇ paw tiˬ pawꞈ-iˬ maˬ pyawˬ-a. Aˬ jeˬ miˇ neh ehˇnaˇ, aˬ yawꞈ laꞈ kʼoeˇ yaw tsawˬ yaw dawˇ jeˬ maˬ ahˇ-a. Aˬ yawꞈ jaˬ myawꞈ myawꞈ-eu kʼoeˇ-aˬ, kʼoeˇ loꞈ-ehˇ mˇ-eu lehˇ seu le-euˬ miˇ neh meh. Aˬ jeˬ miˇ neh ehˇ naˇ, aˬ yawꞈ-aˬ, jaˬ myawꞈ myawꞈ-eu deuˬ dawˬ tawˆ luꞈ-euˬ aˬ da yaw dzahˇ gʼaˬ meh.
Miˇ tsaˬ heu kʼoeˇ taˆ nga maꞈ yaw dehꞈ dehꞈ luꞈ-eu heu hawˇ-eu, kʼaˆ kʼaˆ ni naw maꞈ nehˬ-ehˇ cawˬ ya cawˬ taꞈ luꞈ-eu heu-aˬ, Miˬyehˇ neh biꞈ leꞈ-euˬ myaˆ pyawˬ bya cehˆ ni taˬ nya-eu jeˬ hawˇ-eu, nui ma dawˇ coe ni gʼeh-eu jeˬ laꞈ kʼoeˇ ya dehꞈ luꞈ-eu baˬ da neh maˬ ehˇ, tsawˇ haˬ zaˬ-euˬ zaˬ siˬ tsawˇ gahˇ-ahˇ maˬ gʼoe-ehˇ Miˬyehˇ-euˬ guiˬ lahˬ yaw dzahˇ-euˬ baoˬ-ahˇ gʼoe-awˇ ya dehꞈ luꞈ-eu baˬ da neh maˬ ehˇ, nga maꞈ kʼahˬ sehˇ jehˆ kʼaˇ za-eu ma.
Kʼoeˇ baˬ da neh, Tiˆmoˇseˬ-ahˇ ngaˇ kʼehˇ gʼeh laꞈ-euˬ jeˬ pyeuꞈ-eu ma. Ngaˇ naw maꞈ-euˬ gaˇ kawˆ siˬ mawꞈ-eu maˬ jawˇ tehˬ coˇ ni pyeuꞈ laˇ-euˬ miˇ neh, naw maꞈ jah-eu aˬ joˆ-ehˇ pyeuꞈ luꞈ-eu bi haw laˇ-eu lehˇ, aˬ yawꞈ-ahˇ kʼehˇ gʼeh laꞈ-euˬ ma. Nehꞈ sahˬ paˬ naw maꞈ-ahˇ muˇ juˇ juˇ-awˇ, nga maꞈ neh mˇ yaꞈ-euˬ gaˇ deuˬ yawꞈ ngehꞈ-ehˇ pyeuꞈ-iˇ-eu baw le lehˇ ngaˇ kʼahˬ lahˇ dui dui luꞈ ma.
Tiˬ paˆ na deuˬ-aˬ, aˬ yawꞈ-ahˇ baˆ kʼoˆ mehˬ dzaˬ bi yehˬ mawꞈ-eu meh. Tsawˇ haˬ kʼoeˇ deuˬ Ka li-ahˇ jah-eu tsawˇ haˬ jahˇ geuꞈ-awˇ, nga maꞈ-euˬ aˇ muˇ laꞈ kʼoeˇ uˇ kʼoeˬ laˇ-awˇ, Yeˬsuˇ Ka li laꞈ kʼoeˇ nga maꞈ Zahˇ dawˬ kʼoꞈ dawˬ dawˬ tawˆ luꞈ-ahˇ maˬ caw teh ni mˇ nya shaˇ nya-eu a kawˬ-aˬ za taˬ-euˬ gaˇ kawˆ-ahˇ kʼoeˬ sho haw laˇ-euˬ meh. Aˬ yawꞈ maꞈ-aˬ, nga maꞈ-ahˇ Zahˇ dawˬ kʼoꞈ dawˬ-euˬ zaˬ kʼaˆ bi geuꞈ mawꞈ-eu meh.
Aˬ jeˬ miˇ neh ehˇ naˇ, Ka li jaˬ myawꞈ deuˬ hawˇ-eu, Miˬyehˇ gʼaˇ duˬ ngehˬ dah-eu jaˬ myawꞈ deuˬ doˆ le tehꞈ-a. Aˬ yawꞈ maꞈ zahˬ dui dui leˇ paˬ-ehˇ gʼeh-eu jeˬ hawˇ-eu, kʼaˆ jeˬ-ehˇ gʼeh-eu jeˬ mˇ mehˬ-eu laꞈ kʼoeˇ, gʼeh nya naˇ, Miˬyehˇ neh tseˇ doˆ-euˬ tsawˇ haˬ deuˬ-ahˇ kʼawꞈ mehˇ shuiˇ shuiˇ tawˆ-awˇ, gaˇ ma sheuˬ bahˬ gʼeh tehꞈ-a.
Aˬ jeˬ miˇ neh ehˇ naˇ, Miˬyehˇ-ahˇ yaw zeu maˬ baw-eu tsawˇ haˬ tiˬ paˆ na deuˬ, aˬ dui laꞈ kʼoeˇ ciˬ cuˇ ni uˇ kʼoeˬ laˇ taˬ-euˬ meh. Tsawˇ haˬ kʼoeˇ deuˬ-aˬ, yawˬ ha maˬ tsaˬ maˬ dawˇ-eu laꞈ kʼoeˇ yaw dehꞈ dehꞈ-eu jeˬ-ahˇ yaw tsaˬ yaw dawˇ jeˬ bi pyeuꞈ laˇ-eu gʼaˇ duˬ Miˬyehˇ-euˬ guiˬ lahˬ yaw dzahˇ-ahˇ yuˇ pyawˆ-eu uˬ taꞈ, aˬ dui-ahˇ uˆ lahˇ-eu gʼaˬ hawˇ-eu aˬ dui-euˬ Sahˬpaˬ pyeuꞈ-eu Yeˬsuˇ Ka li-ahˇ maˬ ha geuꞈ-a. Aˬ yawꞈ maꞈ yaˇ kʼaˬ daˇ nehˬ gaˇ ya daˬ-eu gaˇ kawˆ, aˇ hu ba neh Jaˇliꞈ laꞈ kʼoeˇ ehˇ taˬ-euˬ jaˆ-eu meh.
Aˬ jeˬ miˇ neh ehˇ naˇ, ehˇ dawˬ maˬ naˇ haˬ-eu uˬ taꞈ, gaˇ dahˇ maˬ tsoeˬ-eu jeˬ ja-eu laꞈ kʼoeˇ aˬ cawˬ-ahˇ mehˇ shuiˇ shuiˇ-awˇ tsahˇ pyawˇ-eu tsawˇ haˬ gʼawˬ mya ni jawˇ-eu meh. Kʼoeˇ loꞈ-ehˇ gʼeh-eu tsawˇ haˬ deuˬ-aˬ, kʼaˆ kʼaˆ ni Yuˇdaˆ tsawˇ haˬ-euˬ zahˇ sahˇ kʼoꞈ tawˬ-awˇ Ka li zaˬ pyeuꞈ laˇ-euˬ kʼoeˇ deuˬ meh.
Tsawˇ haˬ tiˬ paˆ na deuˬ yawˬ ha aˬ cawˬ-ahˇ maˬ duˇ-eu yaw sahˇ laꞈ kʼoeˇ ya siˬ ya mawˇ-eu jeˬ za taˬ-euˬ miˇ neh, aˬ cawˬ naˆ maˬ tseˇ huiˬ dzehˬ mahˇ dzehˬ ma lehˇ ehˇ-awˇ, yawˬ ha-euˬ gʼawˇ mawˇ-ahˇ taˬ nyiˇ-eu gaˇ kawˆ maˬ tsaˬ-eu jeˬ-ehˇ mehˬ-awˇ, mˬ taˆ gʼaˬ kʼehˇ-ahˇ uˬ duˬ ya tahˬ meh lehˇ ehˇ-eu meh. Kʼoeˇ loꞈ-ehˇ gʼeh-eu tsawˇ haˬ deuˬ neh naw maꞈ za paˬ-ehˇ gʼeh-eu laꞈ sawˬ deuˬ maˬ ya bi yuˇ doˆ geuꞈ ni yahˇ-awˬ. Kʼoeˇ loꞈ-ehˇ gʼeh-eu tsawˇ haˬ-aˬ, miˇ tsaˬ zaˬ deuˬ noeˬ-eu loꞈ-ehˇ noeˬ-awˇ, hawˬ haˇ yawˬ ha nui ma huiˬ luꞈ meh. Ehˇ kʼawꞈ, aˬ yawꞈ maꞈ kʼoeˇ loꞈ-ehˇ nui ma huiˬ-eu-aˬ, yawꞈ ngehꞈ meh.
Aˬ cawˬ-ahˇ gʼaˬ biꞈ-eu gʼaˇ duˬ laꞈ sawˬ za-euˬ ngeuˇ naˇ, gʼaˬ biꞈ-eu tsaˬ meh. Aˬ cawˬ-ahˇ biꞈ nehˬ damˬ nehˬ-eu laꞈ sawˬ za-euˬ ngeuˇ naˇ, nui ma keuˆ-eu laꞈ kʼoeˇ biꞈ nehˬ-eu tsaˬ meh. Aˬ cawˬ kʼoeˇ taˆ aˬ yuiꞈ aˬ tsu geuꞈ-awˇ uˆ lahˇ-eu laꞈ sawˬ za-euˬ ngeuˇ naˇ, leh jeh dui dui-awˇ mˇ-eu tsaˬ meh. Aˬ cawˬ-ahˇ gʼawˬ shaˬ gaˬ nehˬ-eu laꞈ sawˬ za-euˬ ngeuˇ naˇ, laˬ kʼaˬ tiˬ cehˇ gaˬ nehˬ-eu tsaˬ meh.
Aˇ lawˇ-aˬ, Sahˬpaˬ Miˬyehˇ pyeuꞈ-eu Miˬyehˇ neh beh taˬ-euˬ jeˬ zaˬ deuˬ laꞈ kʼoeˇ, aˬ cawˬ naˆ maˬ tseˇ nui ma laꞈ gʼoꞈ baw-eu jeˬ pyeuꞈ-eu meh. “Aˬ diˇ aˬ maˇ yaˇ kmˇ laꞈ kʼoeˇ siˬ-eu aˇ siˬ tiˬ siˬ-iˬ taˬ pyaˆ dzaˬ lehˇ naw nyaꞈ-ahˇ Miˬyehˇ ehˇ ta loˇ” lehˇ, zaˬ miˬ zaˬ kʼoeˇ gʼaˬ-ahˇ aˇ lawˇ kʼoeˇ mawˇ naˇ haˬ-euˬ meh.
Piblisite