2 Gawˇliˬtu 1:18 - Akha

¹⁸ Miˬyehˇ saˇ jaˇ ziꞈ-eu yaw duˬ baw-eu loꞈ-ehˇ, “Oe-eu” hawˇ-eu “Maˬ oe-eu” nyiˬ jeˬ luꞈ tiˬ poˆ tehꞈ-ehˇ nga maꞈ maˬ ehˇ-aˬ lehˇ ehˇ tsehˆ peuˬ ma.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁸ Miqyaer sarjax zif-eu lof-aer, ngaq nae nawmaf-anr aernaeq-euq dawqdeuq-aq, ngeur-eu jeq khawf maqngeur-eu jeq khawf, keuqkeuq soso-aer aer-eu maqngeur.

2 Gawˇliˬtu 1:18 Referans Kwoze

1 Gawˇliˬtu 1:9

Aˬ dui-euˬ Sahˬpaˬ pyeuꞈ-eu aˬ yawꞈ-euˬ Zaˬmaˇ Yeˬsuˇ Ka li-ahˇ taꞈ leˇ nya ni naw maꞈ-ahˇ kuˇ doˆ-euˬ Miˬyehˇ-aˬ, saˇ jaˇ ziꞈ-eu Miˬyehˇ pyeuꞈ-eu meh.

Panmaeq 3:14

“Lawˬdiˬciˆ Ka li zaˬ aˇ muˇ-euˬ mˬ taˆ gʼaˬ kʼehˇ-ahˇ heu loꞈ-ehˇ boꞈ nehˬ-awˬ. “Heu-aˬ, saˇ jaˇ ziꞈ-eu laꞈ kʼoeˇ dawˇ coe ni saˇ kiˇ kamˬ-eu gʼaˬ pyeuꞈ-awˇ, Miˬyehˇ neh kʼaˇ beh taˬ-eu jeˬ dawˬ tawˆ luꞈ kʼoeˇ taˆ uˆ lahˇ-eu, Aˬmiˬ lehˇ kuˇ-eu gʼaˬ-euˬ dawˬ meh.

Panmaeq 3:7

“Piˇlaˬdeˬpiˇ Ka li zaˬ aˇ muˇ-euˬ mˬ taˆ gʼaˬ kʼehˇ-ahˇ heu loꞈ-ehˇ boꞈ nehˬ-awˬ. “Heu-aˬ, muiˬ-eu shawˇ-eu tsaˬ-eu dawˇ-eu gʼaˬ pyeuꞈ-awˇ, Daˬbiˇ-euˬ mahˬ tawꞈ kahˬ tuˆ tehˬ taˬ-awˇ, aˬ yawꞈ laˇ gʼoˆ pah ngeh tsawˇ haˬ tiˬ gʼaˬ-iˬ maˬ piˬ tehꞈ kʼoꞈ nya-eu uˬ taꞈ, aˬ yawꞈ laˇ gʼoˆ piˬ tehˬ ngeh tsawˇ haˬ tiˬ gʼaˬ-iˬ maˬ pah nya-eu gʼaˬ-euˬ dawˬ meh.

1 Yoˇhaˬ 5:20

Maˇ maˇ ni gʼeh-eu Miˬyehˇ-ahˇ aˬ dui siˬ nya laˇ ni, Miˬyehˇ-euˬ Zaˬmaˇ oe-awˇ noeˬ siˬ noeˬ mawˇ nya-eu tsawˇ gahˇ biꞈ laꞈ-euˬ meh lehˇ aˬ dui siˬ nya ma. Aˬ yawꞈ-euˬ Zaˬmaˇ Yeˬsuˇ Ka li laꞈ kʼoeˇ aˬ dui jawˇ luꞈ-eu miˇ neh, maˇ maˇ ni gʼeh-eu Miˬyehˇ laꞈ kʼoeˇ aˬ dui jawˇ luꞈ-eu ma. Heu-aˬ, maˇ maˇ ni gʼeh-eu Miˬyehˇ hawˇ-eu mˬ maˬ maˬ byaꞈ zaˇ ziˇ dehꞈ-eu jeˬ pyeuꞈ-eu meh.

2 Gawˇliˬtu 11:31

Ngaˇ jaˬ myawꞈ maˬ myawꞈ-eu gaˇ kawˆ Sahˬpaˬ Yeˬsuˇ-euˬ Aˬda pyeuꞈ-eu Miˬyehˇ siˬ nya luꞈ meh. Aˬ yawꞈ-euˬ tsawˇ myahˇ mˬ maˬ maˬ byaˆ zaˇ ziˇ guiˬ lahˬ huiˬ luꞈ-uˇ.

2 Gawˇliˬtu 2:17

Nga maꞈ-aˬ, aˬ cawˬ loꞈ-ehˇ yawˬ ha gʼaˇ duˬ jiˇ jeuˬ ahˇ ni Miˬyehˇ dawˬ kawˬ mehˬ-eu tsawˇ haˬ maˬ ngeuˇ. Ehˇ kʼawꞈ, Miˬyehˇ neh kʼehˇ gʼeh leꞈ-euˬ tsawˇ haˬ pyeuꞈ-eu miˇ neh, Ka li-euˬ zaˬ kʼaˆ loꞈ-ehˇ Miˬyehˇ mehˬ shi dawˇ coe ni ngehˬ-eu tmˇ-eu ma.

2 Gawˇliˬtu 1:23

Miˬyehˇ-ahˇ tsawˇ kaˬ bi geuꞈ ma. Ngaˬ-euˬ nui ma-ahˇ aˬ yawꞈ siˬ nya meh. Ngaˇ Gawˇliˬtu meuˬ-ahˇ maˬ oe lehˇ ehˇ-eu-aˬ, naw maꞈ-ahˇ maˬ bi naˇ leˇ ni shaˇ noeˬ-awˇ ehˇ-eu ma.

Yoˇhaˬ 8:26

Ngaˇ naw maꞈ gaˇ kawˆ ehˇ paˬ-ehˇ gʼawˬ mya ni jaˆ ma. Naw maꞈ-ahˇ dehˬ paˬ-ehˇ gʼawˬ mya ni jaˆ ma. Ngaˬ-ahˇ kʼehˇ gʼeh leꞈ-euˬ gʼaˬ-aˬ, yaw tsaˬ yaw dawˇ meh. Aˬ yawꞈ neh kʼaˇ ehˇ nehˬ laꞈ-euˬ jeˬ tehꞈ-ehˇ miˇ tsaˬ zaˬ deuˬ-ahˇ ngaˇ ehˇ nehˬ-eu ma.”

Yoˇhaˬ 7:28

Yeˬsuˇ Uˬ duˬ tahˬ nymˇ nymˇ ma laꞈ kʼoeˇ mehˬ nehˬ tsoˆ nehˬ luꞈ ngeh, teˇ saˇ yaw kʼaˆ-ehˇ heu loꞈ-ehˇ ehˇ-eu meh. “Ngaˇ aˬ suˇ gʼaˬ pyeuꞈ-awˇ aˬ gaˇ neh oe-euˬ naw maꞈ siˬ duˬ ma loˇ. Ngaˇ ngaˬ-euˬ nui noeˬ oe-euˬ maˬ ngeuˇ. Ngaˬ-ahˇ kʼehˇ gʼeh leꞈ-euˬ gʼaˬ-aˬ, yaw tsawˬ yaw dawˇ meh. Naw maꞈ aˬ yawꞈ-ahˇ maˬ siˬ nya-a.

2 Gawˇliˬtu 6:8

Yaw zeu baw nehˬ laꞈ-euˬ jeˬ-ahˇ maˬ ehˇ, daˬ laˆ ga nehˬ laꞈ-euˬ jeˬ-ahˇ maˬ ehˇ, yehˬ bawˬ sehˇ lu-ehˇ ehˇ nehˬ laꞈ-euˬ jeˬ-ahˇ maˬ ehˇ, ja ceuˬ nehˬ laꞈ-euˬ jeˬ-ahˇ maˬ ehˇ, nga maꞈ ya daˬ-euˬ ma. Nga maꞈ yaw tsaˬ yaw dawˇ jeˬ ngehˬ-euˬ kʼawꞈ, jaˬ myawꞈ myawꞈ-eu tsawˇ haˬ ngaˇ lehˇ ehˇ laˇ gaˇ ya daˬ-euˬ ma.