2 Gawˇliˬtu 1:14 - Akha

¹⁴ Nga maꞈ-euˬ gaˇ kawˆ naw maꞈ tsaˬ tsaˬ ni gʼoˆ shaw gʼaˬ taˬ-euˬ meh. Kʼoeˇ miˇ neh, aˬ dui-euˬ Sahˬpaˬ Yeˬsuˇ zaꞈ le ngeh nah naw maꞈ gʼaˇ duˬ nga maꞈ kʼahˬ sehˇ jehˆ kʼaˇ za-eu loꞈ-ehˇ, nga maꞈ gʼaˇ duˬ kʼawꞈ naw maꞈ kʼahˬ sehˇ jehˆ kʼaˇ za tehꞈ-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁴ Nawmaf, nga’maf-anr uicuiv siqnya-eu mae. Khoermirnae, aqdui-euq Sanqpaq Yeqsur-euq arnan ngae nan, nawmaf-euq baqda’nae nga’maf khanqsaer jaevnya-eu lof-aer, nawmaf khawf nga’maf-euq baqda’nae khanqsaer jaevnya taef-a.

2 Gawˇliˬtu 1:14 Referans Kwoze

Piˇliˇpiˆ 2:16

Saꞈ laˇ bi dehꞈ-eu dawˬ aˬ yawꞈ maꞈ-ahˇ biꞈ-awˬ. Kʼoeˇ loꞈ-ehˇ mˇ naˇ, Ka li zaꞈ le-eu Aˇ nah-ahˇ naw maꞈ gʼaˇ duˬ ngaˇ kʼahˬ sehˇ jehˆ kʼaˇ za tehꞈ-a. Aˬ jeˬ miˇ neh ehˇ naˇ, kʼoeˇ-aˬ, ngaˬ neh leh jeh-awˇ mˇ-euˬ gaˇ heu yawꞈ ngehꞈ maˬ ngeuˇ-eu gaˇ kawˆ bya cehˆ ni bi doˆ laˇ tehꞈ-a.

1 Gawˇliˬtu 1:8

Aˬ dui-euˬ Sahˬpaˬ Yeˬsuˇ Ka li gʼoꞈ le ngeh Nah naw maꞈ-ahˇ iˬ baˇ taˬ kʼaˇ maˬ bi za-eu gʼaˇ duˬ, aˇ saˬ saˬ ngeh keuˆ ni aˬ yawꞈ naw maꞈ-ahˇ jah-eu laꞈ kʼoeˇ bi ziꞈ laꞈ tehꞈ-a.

1 Teˇsaˬloˇni 3:13

Aˬ dui-euˬ Sahˬpaˬ Yeˬsuˇ aˬ yawꞈ-euˬ tsawˇ haˬ dawˬ tawˆ luꞈ nehˬ-ehˇ oe ngeh, aˬ dui-euˬ Aˬda Miˬyehˇ mehˬ shi naw maꞈ iˬ baˇ taˬ kʼaˇ maˬ za-eu muiˬ-eu shawˇ-eu tsawˇ haˬ pyeuꞈ ni, aˬ yawꞈ naw maꞈ-ahˇ kʼoeˇ loꞈ-ehˇ gʼaˬ biꞈ lahˬ nehˬ luꞈ-uˇ.

Piˇliˇpiˆ 4:1

Kʼoeˇ miˇ neh aˬ yuiꞈ aˬ nyiˇ Ka li zaˬ deuˬ-oˇ, ngaˇ naw maꞈ-ahˇ gaˬ dui dui-awˇ, noeˬ mawˇ dui dui luꞈ ma. Naw maꞈ baˬ da neh ngaˇ laˬ kʼaˬ cehˇ dui dui-awˇ, naw maꞈ gaˇ kawˆ ngaˇ kʼahˬ sehˇ jehˆ luꞈ ma. Ngaˇ gaˬ-eu aˬ yuiꞈ aˬ nyiˇ deuˬ-oˇ, Sahˬpaˬ Yeˬsuˇ laꞈ kʼoeˇ, kʼoeˇ loꞈ-ehˇ ziꞈ dah ni dehꞈ-awˬ.

Piˇliˇpiˆ 1:10

Dawˬ tawˆ luꞈ laꞈ kʼoeˇ muiˬ dzehˬ-eu jeˬ-ahˇ naw maꞈ tseˇ geuꞈ nya laˇ ni shaˇ luꞈ-eu ma. Kʼoeˇ miˇ neh, Ka li zaꞈ le-eu Aˇ nah-ahˇ naw maꞈ laꞈ kʼoeˇ maˬ muiˬ-eu jeˬ maˬ paˇ ahˇ-ehˇ, iˬ baˇ taˬ kʼaˇ maˬ za ni pyeuꞈ laˇ tehꞈ-a.

1 Teˇsaˬloˇni 5:23

Aˬ dui-ahˇ nui saˇ oꞈ-eu jeˬ biꞈ nehˬ laꞈ-eu Miˬyehˇ naw maꞈ-ahˇ tiˬ byah tiˬ loꞈ bi muiˬ bi shawˇ laˇ-awˇ, aˬ dui-euˬ Sahˬpaˬ Yeˬsuˇ Ka li zaꞈ le ngeh, naw maꞈ-euˬ nui ma, gʼawˇ mawˇ, saꞈ laˇ dawˬ tawˆ luꞈ, iˬ baˇ taˬ kʼaˇ maˬ bi za ni Miˬyehˇ bo saˆ luꞈ-uˇ.

Piˇliˇpiˆ 1:6

Muiˬ-eu gaˇ heu hmˬ-ahˇ naw maꞈ laꞈ kʼoeˇ aˇ dahˬ beh le-euˬ gʼaˬ pyeuꞈ-eu Miˬyehˇ-aˬ, gaˇ heu hmˬ mˇ jiˇ-eu aˇ nah pyeuꞈ-eu Yeˬsuˇ Ka li zaꞈ le-eu Aˇ nah-ahˇ keuˆ ni mˇ daˆ gʼeh leꞈ tehꞈ-a lehˇ ngaˇ jah duˬ taˬ-euˬ ma.

2 Gawˇliˬtu 5:12

Nga maꞈ-ahˇ naw maꞈ ha geuꞈ nehˬ laꞈ ni, yawˬ ha-euˬ gaˇ kawˆ naw maꞈ-ahˇ maˬ paˇ boꞈ ahˇ laꞈ ma. Yawˬ ha nui ma aˬ joˆ-ehˇ taˬ-eu gaˇ kawˆ-ahˇ maˬ shaˇ sawˇ ni, aˬ cawˬ yawˬ ha-ahˇ noeˬ huiˬ laˇ gaˇ tehꞈ-ehˇ kʼahˬ sehˇ jehˆ luꞈ-eu tsawˇ haˬ deuˬ mehˬ shi, nga maꞈ-euˬ gaˇ kawˆ naw maꞈ kʼahˬ sehˇ bi jehˆ mawꞈ miˇ-a.

2 Gawˇliˬtu 2:5

Tsawˇ haˬ tiˬ gʼaˬ na aˬ cawˬ bi noeˬ shaˬ-eu jeˬ mˇ naˇ, ngaˬ-ahˇ tehꞈ-ehˇ coeˬ laˇ-eu maˬ ngeuˇ-a. Naw maꞈ-ahˇ kʼawꞈ ui cuiˆ na coeˬ leˇ-eu meh. (Gaˇ kawˆ heu aˇ dzehˬ maˬ ehˇ dzeuˇ mawꞈ-eu miˇ neh, ngaˇ heu naˆ ni tehꞈ-ehˇ ehˇ-eu ma.)

Lormav 11:25

Aˬ yuiꞈ aˬ nyiˇ Ka li zaˬ deuˬ-oˇ, naw maꞈ yawˬ haˇ yawˬ ha zaˬ siˬ tsawˇ gahˇ ahˇ ma lehˇ maˬ ya noeˬ ni, zaꞈ taˬ-euˬ yaw tsaˬ yaw dawˇ tiˬ jeˬ naw maꞈ-ahˇ ngaˇ ehˇ nehˬ mawꞈ miˇ-a. Iˇsaˬleˬlaˇ tsawˇ haˬ deuˬ nui ma gʼahˇ-eu kʼoeˇ-aˬ, gʼawˬ myahˇ ni maˬ gmˬ-aˇ. Aˬ cawˬ tsawˇ jeuˬ aˇ myaˆ gʼaˬ bi laˇ byah-eu lehˇ Miˬyehˇ neh noeˬ taˬ-euˬ loꞈ-ehˇ laˇ byah ngeh keuˆ ni gmˬ-eu tehꞈ meh.

1 Gawˇliˬtu 15:31

Aˬ yuiꞈ aˬ nyiˇ Ka li zaˬ deuˬ-oˇ, shiˇ-eu jeˬ-ahˇ yawˬ nah na luꞈ ngaˇ ya tahˬ puˬ luꞈ-eu ma. Aˬ dui-euˬ Sahˬpaˬ Yeˬsuˇ Ka li-ahˇ taꞈ leˇ-eu yaw dehꞈ dehꞈ-eu jeˬ laꞈ kʼoeˇ naw maꞈ-ahˇ ngaˇ nui ma huiˬ kʼaˇ za-eu miˇ neh, ngaˇ heu loꞈ-ehˇ ehˇ tsehˆ peuˬ-eu ma.

1 Gawˇliˬtu 11:18

Yaw beh tiˬ jeˬ ya ehˇ naˇ, naw maꞈ maˬ tsaˬ leˇ-ehˇ aˇ muˇ muˇ paˆ-euˬ gaˇ kawˆ ngaˇ ya gaˬ taˬ-euˬ ma. Ngaˬ neh kʼaˇ ya gaˬ-euˬ loꞈ-ehˇ tiˬ paˆ paˆ tsaˬ-eu duˇ lehˇ ngaˇ jah-eu ma.

Piˇliˇpiˆ 1:26

Kʼoeˇ miˇ neh, ngaˇ naw maꞈ jawˇ gaˇ paˇ laˇ keuˆ ngeh, ngaˬ neh mˇ-euˬ shaˇ-euˬ jeˬ baˬ da neh, Yeˬsuˇ Ka li laꞈ kʼoeˇ naw maꞈ yaw dehꞈ dehꞈ-eu jeˬ yaw beh naˆ maˬ tseˇ kʼahˬ sehˇ jehˆ kʼaˇ za tehꞈ-a.

2 Gawˇliˬtu 9:2

Naw maꞈ caw ba mawꞈ-eu nui ma ahˇ meh lehˇ ngaˇ siˬ nya-awˇ, Maˬgeˬdawˇniˆˆ miˇ kʼahˬ-ahˇ jawˇ-eu Ka li zaˬ deuˬ-ahˇ naw maꞈ-euˬ gaˇ kawˆ ngaˇ kʼahˬ sehˇ jehˆ mehˬ gʼaˬ-euˬ ma. “Aˬgaˬyaˇ miˇ kʼahˬ-ahˇ jawˇ-eu Ka li zaˬ deuˬ-aˬ, miˇ nui kʼoꞈ ba neh caw ba nehˬ-eu gʼaˇ duˬ lehˬ hmˬ dah taˬ-euˬ meh” lehˇ ngaˇ ehˇ nehˬ-euˬ ma. Naw maꞈ nui ma keuˆ-eu gaˇ kawˆ ya gaˬ ngeh, aˬ yawꞈ maꞈ dawˬ tawˆ luꞈ ehˇ gʼaˬ ni nui ma keuˆ laˇ-euˬ meh.