1 Yoˇhaˬ 3:2 - Akha

² Ngaˇ gaˬ dui dui-eu cawˬ deuˬ-oˇ, nymˬ-mˇ aˬ dui Miˬyehˇ-euˬ zaˬ ma. Ehˇ kʼawꞈ, aˬ dui mehˬ hu paw aˬ joˆ-ehˇ pyeuꞈ laˇ-eu maˬ duˬ-a siˬ. Ehˇ kʼawꞈ, Yeˬsuˇ Ka li-ahˇ bya cehˆ ni ya mawˇ ngeh, aˬ dui aˬ yawꞈ loꞈ-ehˇ pyeuꞈ laˇ tehꞈ-a lehˇ siˬ duˬ taˬ-euˬ ma. Aˬ jeˬ miˇ neh ehˇ naˇ, aˬ yawꞈ kʼaˇ ngeuˇ-eu loꞈ-ehˇ aˬ dui aˬ yawꞈ-ahˇ ya mawˇ duˬ ma.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

² Ngar zawr gaq-eu cawqdeuq-or! Nymq-mr aqdui-aq, Miqyaer-euq zaq ma. Aqkar aqdui aqjox-aer pyeuflar-eu gar maq panmaeq laf-aq siq. Aerkhawf, Kali dovle ngae, aqdui, aqyawf lof-aer pyeuflar taef-a laer siqnya ma. Aqjeq mirnae aernar-aq, aqyawf aqjox-aer pyeuf-eu gar aqdui byacaevni ya’mawr taef-a.

1 Yoˇhaˬ 3:2 Referans Kwoze

Piˇliˇpiˆ 3:21

Kʼaˇ jawˇ kʼaˇ jaˆ-eu jeˬ dawˬ tawˆ luꞈ, aˬ yawꞈ uˆ lahˇ-eu uˬ moˆ bi jawˇ ni jahˇ nya-eu aˬ yawꞈ-euˬ baoˬ kʼoeˇ-ahˇ gʼoe-awˇ, buꞈ-iˇ cehˇ-iˇ nya-eu aˬ dui-euˬ gʼawˇ mawˇ heu-ahˇ, yaw shehꞈ kʼahˬ sehˇ byah-eu aˬ yawꞈ-euˬ gʼawˇ mawˇ-ahˇ duˇ leˇ ni beˬ paˇ nehˬ laꞈ tehꞈ-a.

Gawˇlawˇsehˇ 3:4

Maˇ maˇ ni gʼeh-eu naw maꞈ-euˬ dehꞈ-eu jeˬ-aˬ, Ka li-euˬ gaˇ mˇ-eu gʼaˇ duˬ pyeuꞈ-awˇ, aˬ yawꞈ miˇ tsaˬ kʼoeˇ taˆ doˆ le ngeh naw maꞈ kʼawꞈ aˬ yawꞈ nehˬ-ehˇ doˆ le-awˇ, aˬ yawꞈ yaw shehꞈ kʼahˬ sehˇ ahˇ-eu loꞈ-ehˇ naw maꞈ kʼawꞈ yaw shehꞈ kʼahˬ sehˇ ahˇ tehꞈ-a.

2 Gawˇliˬtu 3:18

Aˬ dui dawˬ tawˆ luꞈ myaˆ pyawˬ-ahˇ saˬ paˇ maˬ dehˬ kaˬ taˬ-ehˇ, Sahˬpaˬ Miˬyehˇ-euˬ yaw shehꞈ kʼahˬ sehˇ aˬ dui-ahˇ tahˬ le luꞈ meh. Sahˬpaˬ Miˬyehˇ-euˬ Yaw sahˇ jawˇ gaˇ neh oe-euˬ yaw shehꞈ kʼahˬ sehˇ kʼoeˇ aˬ dui-ahˇ tiˬ jawˇ saˇ-iˬ tiˬ jawˇ yaw shehꞈ kʼahˬ sehˇ bi huiˬ dzehˬ laˇ-awˇ, aˬ yawꞈ-ahˇ duˇ leˇ ni aˬ dui-ahˇ bi paˇ laˇ luꞈ-eu meh.

1 Gawˇliˬtu 13:12

Nymˬ-mˇ aˬ dui ya mawˇ luꞈ-eu heu-aˬ, pyawˬ haw-ahˇ haw-eu loꞈ-ehˇ duˇ-awˇ, maˬ mawˇ shawˇ laˇ-a. Aˇ yamˬ kʼoeˇ keuˆ le ngeh, myaˆ pyawˬ ciˬ daˬ-awˇ ya mawˇ duˬ tehꞈ-a. Nymˬ-mˇ ngaˇ siˬ nya-eu heu-aˬ, maˬ byah maˬ loꞈ-a siˬ. Ehˇ kʼawꞈ, aˇ yamˬ kʼoeˇ keuˆ le ngeh, byah laˇ loꞈ laˇ tehꞈ-a. Miˬyehˇ ngaˬ-ahˇ tiˬ byah tiˬ loꞈ siˬ nya-eu loꞈ-ehˇ byah laˇ loꞈ laˇ tehꞈ-a.

Lormav 8:29

Miˬyehˇ-euˬ Zaˬmaˇ-aˬ, mehˇ nmˇ gʼawˬ mya ni laꞈ kʼoeˇ aˬ yuiꞈ yuiꞈ saˬ gʼaˬ loꞈ-ehˇ pyeuꞈ laˇ-awˇ, Miˬyehˇ neh tseˇ doˆ gʼaˬ-euˬ tsawˇ haˬ deuˬ Zaˬmaˇ-ahˇ duˇ laˇ ni Miˬyehˇ neh sheuˬ ceuˆ doˆ taˬ-euˬ meh.

Jaceuq 17:15

Ehˇkʼawꞈ ngaˇmaˬlehˬ-eu miˇneh, nawˬ-euˬmyaˆpyawˬya haw mawˇ ma. Ngaˇnoeˬlaˇngeh nawˬ-ahˇmawˇ-awˇ, laˬkʼaˬya cehˇdui dui tehꞈ-a.

1 Gawˇliˬtu 15:49

Miˇ tsaˬ yuˇ-awˇ tehˆ taˬ-euˬ gʼaˬ-euˬ aˇ gʼehˇ aˬ dui pi luꞈ-eu loꞈ-ehˇ, mˬ-ahˇ neh oe-euˬ gʼaˬ-euˬ aˇ gʼehˇ aˬ dui paˇ ya pi tehꞈ-a.

Panmaeq 22:4

Aˬ yawꞈ-euˬ myaˆ pyawˬ-ahˇ aˬ yawꞈ maꞈ ya mawˇ-awˇ, aˬ yawꞈ maꞈ-euˬ naˇ kʼawˇ-ahˇ aˬ yawꞈ-euˬ tsawˇ myahˇ boꞈ taˬ tehꞈ-a.

2 Beˬtuˆluˆ 1:4

Kʼoeˇ loꞈ-ehˇ mˇ nehˬ laꞈ-eu laꞈ kʼoeˇ, aˬ yawꞈ neh aˬ dui-ahˇ biꞈ ma lehˇ saˇ jaˇ dzaˬ taˬ-euˬ huiˬ dui poeˬ dui dui-eu laꞈ sawˬ aˬ dui-ahˇ biꞈ laꞈ-euˬ meh. Laꞈ sawˬ kʼoeˇ deuˬ-aˬ, miˇ tsaˬ heu kʼoeˇ taˆ jaˆ-eu shiˬ shaˬ jiˇ nui kʼahˇ baˬ da neh luˬ-iˇ seˇ-iˇ-eu jeˬ-ahˇ naw maꞈ buˬ-iˇ law-iˇ-awˇ, Miˬyehˇ-euˬ yaw dehꞈ dehꞈ-eu jeˬ-ahˇ naw maꞈ bi za-eu gʼaˇ duˬ biꞈ laˬ-euˬ laꞈ sawˬ pyeuꞈ-eu meh.

1 Gawˇliˬtu 2:9

Ehˇ kʼawꞈ, Jaˇliꞈ laꞈ kʼoeˇ heu loꞈ-ehˇ ehˇ taˬ-euˬ jaˆ-eu meh. “Myaˆ nuiˆ maˬ mawˇ haw-ehˇ, naˬ bawˇ maˬ gaˬ haw-euˬ, maˬ noeˬ doˆ coeˇ-eu jeˬ, Miˬyehˇ-ahˇ gaˬ-euˬ deuˬ gʼaˇ duˬ, Miˬyehˇ lehˬ hmˬ laˆ saˆ-euˬ meh.”

1 Yoˇhaˬ 3:1

Aˬda Miˬyehˇ aˬ dui-ahˇ aˇ naˆ ni gaˬ-eu gaˇ kawˆ shaˇ noeˬ haw sheˇ. Aˬ yawꞈ aˬ dui-ahˇ gaˬ dui dui-eu miˇ neh Miˬyehˇ-euˬ zaˬ lehˇ myahˇ nehˬ laꞈ-euˬ meh. Aˬ dui-aˬ, maˇ maˇ ni aˬ yawꞈ-euˬ zaˬ deuˬ ma. Kʼoeˇ miˇ neh, miˇ tsaˬ zaˬ deuˬ aˬ dui-ahˇ maˬ siˬ nya-a. Aˬ jeˬ miˇ neh ehˇ naˇ, aˬ yawꞈ maꞈ Miˬyehˇ-ahˇ maˬ siˬ nya-eu miˇ neh, aˬ dui-ahˇ maˬ siˬ nya-eu jeˬ pyeuꞈ-eu meh.

Gaˬlaˬtiˆ 4:6

Naw maꞈ Miˬyehˇ-euˬ zaˬ pyeuꞈ-eu gaˇ kawˆ bi siˬ bi mawˇ-eu gʼaˇ duˬ, “Aˬ da-oˇ, ngaˬ Da-oˇ” lehˇ aˬ dui-ahˇ bi guˇ laꞈ-euˬ aˬ yawꞈ-euˬ Zaˬmaˇ-euˬ Yaw sahˇ kʼoeˇ, aˬ dui-euˬ nui ma laꞈ kʼoeˇ Miˬyehˇ neh bi uˇ le-euˬ meh.

Lormav 8:18

Heu ziˇ laꞈ kʼoeˇ aˬ dui ya daˬ luꞈ-eu heu-aˬ, aˬ kaˇ aˬ dui-ahˇ biꞈ laꞈ-eu yaw shehꞈ kʼahˬ sehˇ-ahˇ shaˇ cehˆ haw naˇ, tiˬ pawꞈ-iˬ ehˇ nyaꞈ maˬ nyeuˆ-aˇ lehˇ ngaˇ noeˬ duˬ taˬ-euˬ ma.

Gaˬlaˬtiˆ 3:26

Jah-eu jeˬ baˬ da neh, naw maꞈ dawˬ tawˆ luꞈ Yeˬsuˇ Ka li laꞈ kʼoeˇ Miˬyehˇ-euˬ zaˬ pyeuꞈ-eu meh.

Yoˇhaˬ 17:24

Aˬda-oˇ, nawˬ neh biꞈ laꞈ-euˬ tsawˇ haˬ heu deuˬ nawˇ ngaˬ-ahˇ biꞈ laꞈ-euˬ yaw shehꞈ kʼahˬ sehˇ-ahˇ mawˇ nya ni, aˬ yawꞈ maꞈ-ahˇ ngaˇ kʼaˇ jawˇ gaˇ bi jawˇ mawꞈ-eu ma. Aˬ jeˬ miˇ neh ehˇ naˇ, miˇ tsaˬ tahˬ kʼawˇ maˬ beh mi naˆ-ehˇ nawˇ ngaˬ-ahˇ gaˬ-euˬ meh.

Maꞈtehˬ 5:8

“Nui ma laꞈ kʼoeˇ muiˬ-eu shawˇ-eu tsawˇ haˬ deuˬ guiˬ lahˬ huiˬ-eu meh. Aˬ jeˬ miˇ neh ehˇ naˇ, aˬ yawꞈ maꞈ Miˬyehˇ-ahˇ ya mawˇ tehꞈ-a.

1 Yoˇhaˬ 2:28

Ngaˇ gaˬ dui dui-eu zaˬ deuˬ-oˇ, Ka li zaꞈ le-eu Aˇ nah keuˆ le-awˇ, aˬ yawꞈ-ahˇ bya cehˆ ni ya mawˇ ngeh, aˬ dui-euˬ nui ma maˬ ya baˬ-ehˇ, aˬ yawꞈ-ahˇ shaꞈ dawˇ-eu baˬ da neh cehˆ zaꞈ cehˆ zaꞈ-ehˇ maˬ ya shaˬ ni, nymˬ-mˇ naw maꞈ aˬ yawꞈ-euˬ laꞈ kʼoeˇ jawˇ-awˬ.

HeˬByehˇ 9:28

Kʼoeˇ gaˇ duˇ ni, tsawˇ haˬ gʼawˬ mya ni-euˬ iˬ baˇ yuˇ dzeh-eu gʼaˇ duˬ, Ka li-euˬ gʼawˇ mawˇ tiˬ poˆ lawˇ dah-euˬ meh. Aˬ yawꞈ tiˬ poˆ paˇ doˆ le tehꞈ-a. Ehˇ kʼawꞈ, iˬ baˇ shawˇ-eu gʼaˇ duˬ oe-euˬ maˬ ngeuˇ-a. Aˬ yawꞈ-ahˇ loꞈ luꞈ-eu tsawˇ haˬ deuˬ-ahˇ ka kʼoꞈ-eu gʼaˇ duˬ oe-euˬ jeˬ pyeuꞈ-eu meh.

2 Gawˇliˬtu 4:17

Tiˬ kʼehˬ tiˬ yamˬ laꞈ kʼoeˇ nga maꞈ ya daˬ luꞈ-eu ehˇ nyaꞈ maˬ nyeuˆ-eu shaˬ zahˬ heu-aˬ, maˬ shaˇ cehˆ nya gaˇ keuˆ ni huiˬ-eu mˬ maˬ maˬ byaˆ zaˇ ziˇ ziꞈ-eu yaw shehꞈ kʼahˬ sehˇ-ahˇ za nya ni lehˬ hmˬ luꞈ gaˇ duˇ-eu ma.

Yawˇbaˆ 19:26

Ngaˬ-euˬ baˆ kʼoˆ-ahˇ maˇ naˇ neh dzaˬ byoˆ jiˇ kʼawꞈ, shiˬ shaˬ jiˇ pi-awˇ Miˬyehˇ-ahˇ ngaˇ ya mawˇ tehꞈ-a.

1 Yoˇhaˬ 5:1

Yeˬsuˇ-ahˇ Ka li meh lehˇ kʼaˇ jah-eu tsawˇ haˬ-aˬ, Miˬyehˇ-euˬ zaˬ pyeuꞈ-eu meh. Aˬ da-ahˇ kʼaˇ gaˬ-eu tsawˇ haˬ-aˬ, aˬ da-euˬ zaˬ-ahˇ kʼawꞈ gaˬ-eu meh.

Jaceuq 31:19

Nawˬ-ahˇzeu-eu deuˬ-euˬkʼoeˇtaˆ, nawˬneh biꞈ-euˬguiˬlahˬkʼoeˇdeuˬ, aˇnaˆni byah-eu kuꞈ-eu nga. Nawˬ-ahˇgʼoe-eu tsawˇ haˬdeuˬ-ahˇ, nawˇaˇnaˆni muiˬ-eu gaˇkawˆ, miˇtsaˬzaˬdeuˬmawˇjiˇluꞈmeh.

Iˇsaˬyaˇ 56:5

Zaˬ jawˇ-eu naˆ maˬ tseˇ muiˬ-eu tsawˇ myahˇ biꞈ-awˇ, ngaˬ-euˬ Uˬ duˬ tahˬ nymˇ nymˇ ma laꞈ kʼoeˇ, mˬ maˬ maˬ byaˆ zaˇ ziˇ maˬ ngehˇ ni bi jaˆ ma.

Jaceuq 16:11

Dehꞈ-eu saꞈlaˇgaˇma tiˬkahˇ, nawˇngaˬ-ahˇtoeˬmehˬnehˬlaꞈ-awˇ, nawˬ-euˬmehˬshi ngaˇya jawˇngeh, laˬkʼaˬcehˇ-eu jeˬbyah-eu meh. Aˬmyah luꞈ laˬkʼaˬcehˇ-eu jeˬ, nawˬ-euˬaˇmaˇlaꞈ-ahˇjaˆmeh.

Maˬlaˬkiˇ 3:2

Ehˇ kʼawꞈ, aˬ yawꞈ oe ngeh nah aˬ suˇ gʼaˬ daˬ coeˇ nmˇ, Aˬ yawꞈ doˆ le ngeh, maˬ shiˇ-ehˇ dzeuˇ-iˇ-eu aˬ suˇ gʼaˬ jawˇ nmˇ. Aˬ yawꞈ-aˬ, taˆ dui dui-eu shaˇ byaˬ hawˇ-eu, shmˇ baw guiˇ-eu miˬ dzaˬ-ahˇ duˇ-eu meh.

Luˇkaꞈ 17:30

Tsawˇhaˬ-euˬ Zaˬmaˇ doˆ le ngeh nah, kʼoeˇ loꞈ-ehˇ pyeuꞈ laˇ tehꞈ-a.

Luˇkaꞈ 20:36

Aˬ yawꞈ maꞈ-aˬ, mˬ taˆ gʼaˬ kʼehˇ loꞈ-ehˇ pyeuꞈ laˇ-awˇ, tiˬ jawˇ-iˬ maˬ shiˇ-a. Aˬ yawꞈ maꞈ shiˇ gʼaˬ-awˇ paˇ gʼoꞈ dehꞈ laˇ-euˬ miˇ neh, Miˬyehˇ-euˬ zaˬ deuˬ pyeuꞈ laˇ-euˬ meh.

Yoˇhaˬ 1:12

Ehˇ kʼawꞈ, tiˬ paˆ na deuˬ aˬ yawꞈ-ahˇ ha geuꞈ-awˇ jah-eu meh. Kʼoeˇ miˇ neh, Miˬyehˇ-euˬ zaˬ bi pyeuꞈ laˇ-eu a kawˬ-aˬ, aˬ yawꞈ maꞈ-ahˇ aˬ yawꞈ biꞈ-euˬ meh.

Yoˇhaˬ 11:52

Aˬ yawꞈ maꞈ gʼaˇ duˬ tehꞈ-ehˇ maˬ ngeuˇ ni, miˇ tsaˬ doe ni bi teh byaˆ taˬ-euˬ Miˬyehˇ-euˬ tsawˇ haˬ deuˬ tiˬ maꞈ tiˬ muˇ tehꞈ-ehˇ paˇ bi pyeuꞈ laˇ-eu gʼaˇ duˬ aˬ yawꞈ ya shiˇ dah-eu gaˇ kawˆ ngehˬ dah-eu jeˬ kʼawꞈ pyeuꞈ-eu meh.

Lormav 8:16

Aˬ dui Miˬyehˇ-euˬ zaˬ pyeuꞈ-eu gaˇ kawˆ, Yaw sahˇ Miˬyehˇ hawˇ-eu aˬ dui-euˬ saꞈ laˇ tiˬ kawˆ loꞈ-ehˇ saˇ kiˇ kamˬ-eu meh.

Lormav 8:19

Miˬyehˇ neh aˬ yawꞈ-euˬ zaˬ deuˬ pah mehˬ nehˬ laꞈ gaˇ, kʼaˇ beh taˬ-euˬ jeˬ dawˬ tawˆ luꞈ noeˬ tmˬ dui dui-eu laꞈ kʼoeˇ loꞈ luꞈ-eu meh.

1 Yoˇhaˬ 2:7

Ngaˇ gaˬ dui dui-eu cawˬ deuˬ-oˇ, ngaˇ naw maꞈ-ahˇ boꞈ ahˇ laꞈ-euˬ dawˬ heu deuˬ-aˬ, yaw shuiꞈ maˬ ngeuˇ. Aˇ dahˬ beh ngeh neh naw maꞈ-ahˇ biꞈ-euˬ dawˬ yaw oeˇ kʼoeˇ ma. Dawˬ yaw oeˇ kʼoeˇ-aˬ, naw maꞈ-ahˇ mehˬ nehˬ-euˬ guiˬ lahˬ dawˬ kʼoeˇ meh.

1 Yoˇhaˬ 3:10

Miˬyehˇ-euˬ zaˬ hawˇ-eu Nehꞈ sahˬ paˬ-euˬ zaˬ yaw kaˬ kʼoeˇ naˆ ni beu gaˇ-eu meh. Yaw tsaˬ yaw dawˇ jeˬ maˬ mˇ-ehˇ, Ka li zaˬ cawˬ cawˬ maˬ gaˬ-eu tsawˇ haˬ-aˬ, Miˬyehˇ-euˬ zaˬ maˬ ngeuˇ-a.

1 Yoˇhaˬ 3:21

Kʼoeˇ miˇ neh ngaˇ gaˬ dui dui-eu cawˬ deuˬ-oˇ, aˬ dui-euˬ nui ma aˬ dui-ahˇ iˬ baˇ taˬ kʼaˇ maˬ za naˇ, Miˬyehˇ mehˬ shi aˬ dui nui ma ziꞈ dah ni jaˆ-eu ma.

Panmaeq 2:28

Shawˬ ga shawˬ muiˇ kʼawꞈ, aˬ yawꞈ-ahˇ ngaˇ biꞈ ma.