1 Yoˇhaˬ 3:17 - Akha

¹⁷ Smˇ muiˬ smˇ baw tiˬ gʼaˬ-aˬ, shaˬ-eu zahˬ-eu aˬ yuiꞈ aˬ nyiˇ tiˬ gʼaˬ-ahˇ mawˇ luꞈ kʼawꞈ, gʼawˬ shaˬ gaˬ-eu nui ma maˬ ahˇ naˇ, Ka li zaˬ ma lehˇ aˬ joˆ-ehˇ ehˇ nya nmˇ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁷ Aqsur ghaq maqkaq, mirtsaq-euq myawqganq jav-awr, yawqha-euq maernmr mawf-eu jeq-anr maq hawdov nya-aer, ghawqshaq gaq-eu nuima piqtaeq nar-aq, Miqyaer-euq gaq-eu jeq aqyawf-euq lafkhoer aqjox-aer anrnya nmr-mq?

1 Yoˇhaˬ 3:17 Referans Kwoze

HeˬByehˇ 13:16

Yaw muiˬ jeˬ hawˇ-eu tiˬ gʼaˬ tiˇ gʼaˬ caw ba ngehˬ gʼeh-eu jeˬ-ahˇ maˬ ngehˇ ni mˇ-awˬ. Aˬ jeˬ miˇ neh ehˇ naˇ, kʼoeˇ-aˬ, Miˬyehˇ nui ma tsaˬ-eu lawˇ-eu shehˇ-eu jeˬ pyeuꞈ-eu meh.

1 Yoˇhaˬ 4:20

Tsawˇ haˬ tiˬ gʼaˬ Miˬyehˇ-ahˇ gaˬ ma lehˇ ehˇ kʼawꞈ, Ka li zaˬ cawˬ cawˬ maˬ gaˬ naˇ, jaˬ myawꞈ myawꞈ-eu tsawˇ haˬ meh. Aˬ jeˬ miˇ neh ehˇ naˇ, yawˬ ha ya mawˇ luꞈ-eu Ka li zaˬ cawˬ cawˬ maˬ gaˬ naˇ, maˬ ya mawˇ-eu Miˬyehˇ-ahˇ aˬ joˆ-ehˇ gaˬ nmˇ.

Luˇkaꞈ 3:11

Aˬ yawꞈ ehˇ-eu, “Pehˇ kʼahˬ nyiˬ kahˇ jaˆ-eu tsawˇ haˬ, maˬ jaˆ-eu tsawˇ haˬ-ahˇ tiˬ kahˇ biˇ nehˬ-awˇ, dzaˬ dzaˬ dawˇ dawˇ jaˆ-eu tsawˇ haˬ kʼawꞈ, maˬ jaˆ-eu deuˬ-ahˇ biˇ nehˬ-awˬ.”

Dawqdaq 19:17

Iˇ shaˬ zaˬ-ahˇ gʼawˬ shaˬ gaˬ-eu tsawˇ haˬ, Sahˬpaˬ Miˬyehˇ-ahˇ dziˇ dzoˆ paˇ mehˬ gaˇ duˇ-awˇ, Sahˬpaˬ Miˬyehˇ dziˇ dzoˆ tsoeˬ nehˬ tehꞈ-a.

Yaˬkoˆ 2:15

Aˬ yuiꞈ aˬ nyiˇ Ka li zaˬ deuˬ laꞈ kʼoeˇ, kʼaˬ dzeˇ zaˬ maˬ ehˇ, zaˬ miˬzaˬ maˬ ehˇ, tiˬ gʼaˬ na dm gʼaˬ dm lmˇ hawˇ-eu dzaˬ dzaˬ dawˇ dawˇ maˬ jaˆ ni shaˬ luꞈ-eu ehˇ-awˬ.

Dawqdaq 28:9

Zahˇ sahˇ kʼoꞈ mehˬ nah maˬ caw teh-eu tsawˇ haˬ-euˬ guiˬ lahˬ shaˇ dawˬ-ahˇ, Miˬyehˇ nui daˆ daˆ-eu meh.

2 Gawˇliˬtu 8:9

Aˬ dui-euˬ Sahˬpaˬ Yeˬsuˇ Ka li neh mˇ nehˬ laꞈ-euˬ guiˬ lahˬ-ahˇ naw maꞈ siˬ nya luꞈ meh. Aˬ yawꞈ smˇ muiˬ muiˬ dui dui-eu kʼawꞈ, naw maꞈ gʼaˇ duˬ iˇ shaˬ zaˬ pyeuꞈ le-euˬ meh. Aˬ yawꞈ iˇ shaˬ shaˬ-euˬ baˬ da neh naw maꞈ smˇ muiˬ bi muiˬ laˇ-eu gʼaˇ duˬ, kʼoeˇ loꞈ-ehˇ mˇ le-euˬ meh.

1 Yoˇhaˬ 5:1

Yeˬsuˇ-ahˇ Ka li meh lehˇ kʼaˇ jah-eu tsawˇ haˬ-aˬ, Miˬyehˇ-euˬ zaˬ pyeuꞈ-eu meh. Aˬ da-ahˇ kʼaˇ gaˬ-eu tsawˇ haˬ-aˬ, aˬ da-euˬ zaˬ-ahˇ kʼawꞈ gaˬ-eu meh.

Dawqdaq 12:10

Yaw tsaˬ yaw dawˇ tsawˇ haˬ-aˬ, yawˬ ha-euˬ jeˬ zaˬ-ahˇ ngeh gʼeh-awˇ, haiˬ-eu tsawˇ haˬ-aˬ, yawˬ ha-euˬ jeˬ zaˬ-ahˇ kʼehˬ-eu meh.

Dawqdaq 14:31

Yaw shaˬ zaˬ-ahˇ kʼehˬ-eu jeˬ, Beh-euˬ yaw sahˇ-ahˇ coeˬ leˇ-awˇ, yaw shaˬ zaˬ-ahˇ ngehˬ gʼeh-eu jeˬ, aˬ yawꞈ-ahˇ uˬ duˬ tahˬ gaˇ duˇ-eu meh.

Dawqdaq 21:13

Zaˬ coeˬ zaˬ-euˬ ngoeˇ dawˬ-ahˇ nawˇ maˬ naˇ haˬ naˇ, nawˬ-euˬ shaˇ dawˬ aˬ cawˬ-ahˇ maˬ gaˬ leˇ-a.

Yaˬkoˆ 2:16

Naw maꞈ aˬ yawꞈ-ahˇ kʼaˇ loˬ-eu jeˬ maˬ caw ba nehˬ ni, “Miˬyehˇ guiˬ lahˬ biꞈ luꞈ-uˇ. Yaw lmˇ lmˇ-ehˇ jawˇ-awˇ tiˬ dehˆ dzaˬ-awˬ dawˇ-awˬ” lehˇ ehˇ nehˬ naˇ, naw maꞈ ehˇ-eu kʼoeˇ aˬ jeˬ gaˇ dahˇ tsoeˬ nmˇ.