1 Tiˆmoˇseˬ 6:11 - Akha

¹¹ Ehˇ kʼawꞈ, Miˬyehˇ-euˬ tsawˇ haˬ pyeuꞈ-eu nawˇ-aˬ, heu deuˬ dawˬ tawˆ luꞈ-ahˇ gaˇ jaw jaw-awˬ. Yaw tsaˬ yaw dawˇ jeˬ, Miˬyehˇ-ahˇ yaw zeu baw-eu jeˬ, jah-eu jeˬ, gʼoeˇ-eu gaˬ-eu jeˬ, daˬ coeˇ oˇ coeˇ-eu jeˬ, nui nahˬ nui yu ahˇ-eu jeˬ, heu deuˬ-ahˇ leh jeh dui dui-awˬ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹¹ Aerkhawf, Miqyaer-euq tsawrhaq pyeuf-eu nawr ghaq-aq, khoerdeuq-anr caevdzeur-awq. Tsaq-awr dawr-eu jeq, Miqyaer-anr yawzeu baw-eu jeq, jan-eu jeq, gaq-eu jeq, daqcoer orcoer-eu jeq hawr-eu nuinanq nuiyu anr-eu jeq, heudeuq-anr taemir nya’ni laejae-awq.

1 Tiˆmoˇseˬ 6:11 Referans Kwoze

2 Tiˆmoˇseˬ 2:22

Zaˬ guˬ deuˬ nui kʼahˇ jaˆ-eu jeˬ-ahˇ gaˇ jaw jaw-awˇ, Sahˬpaˬ Yeˬsuˇ-ahˇ caw ba nehˬ laꞈ lehˇ kuˇ luꞈ-eu nui ma shawˇ jehˆ ni gʼeh-eu tsawˇ haˬ deuˬ nehˬ-ehˇ tiˬ kawˆ loꞈ-ehˇ, yaw tsaˬ yaw dawˇ jeˬ , jah-eu jeˬ, gʼoeˇ-eu gaˬ-eu jeˬ, tsaˬ leˇ dzoeˇ leˇ-eu jeˬ, heu deuˬ gʼaˇ duˬ leh jeh dui dui-awˬ.

2 Tiˆmoˇseˬ 3:17

Kʼoeˇ baˬ da neh, Miˬyehˇ gaˇ mˇ-eu tsawˇ haˬ-aˬ, byah dui nya dui dui-eu tsawˇ haˬ pyeuꞈ-awˇ, yaw muiˬ jeˬ dawˬ tawˆ luꞈ-ahˇ mˇ nya ni Jaˇliꞈ dawˬ kawˬ-ahˇ gʼoe-awˇ dzaw bym taˬ-euˬ tsawˇ haˬ pyeuꞈ-eu meh.

1 Tiˆmoˇseˬ 4:12

Nawˇ zaˬ guˬ pyeuꞈ-eu miˇ neh, aˬ cawˬ neh yehˬ bawˬ sehˇ lu-ehˇ maˬ ya bi ehˇ ni yahˇ-awˬ. Kʼoeˇ uˬ taꞈ, ngehˬ-eu tmˇ-eu, dehꞈ-eu jawˇ-eu, gʼoeˇ-eu gaˬ-eu, jah-eu, muiˬ-eu shawˇ-eu, heu deuˬ laꞈ kʼoeˇ, jah-eu tsawˇ haˬ deuˬ nawˬ-ahˇ bi dzaw geuꞈ paˬ-ehˇ dehꞈ-awˬ.

HeˬByehˇ 12:14

Tsawˇ haˬ yawˬ gʼaˬ na luꞈ nehˬ-ehˇ tsaˬ leˇ tsahˇ leˇ-eu laꞈ kʼoeˇ yaw muiˬ yaw shawˇ shawˇ-ehˇ dehꞈ-awˬ. Kʼoeˇ loꞈ-ehˇ maˬ dehꞈ naˇ, tsawˇ haˬ tiˬ gʼaˬ-iˬ Sahˬpaˬ Miˬyehˇ-ahˇ maˬ mawˇ nya-a.

1 Gawˇliˬtu 10:14

Kʼoeˇ miˇ neh, ngaˇ gaˬ-eu aˬ yuiꞈ aˬ nyiˇ Ka li zaˬ deuˬ-oˇ, tahˬ pahˬ aˬ ma mawˇ kawˇ-ahˇ uˬ duˬ maˬ tahˬ ni yahˇ-awˬ.

1 Beˬtuˆluˆ 3:11

Yaw haiˬ jeˬ mˇ-eu byehˇ dzeh-awˇ, yaw muiˬ jeˬ ya mˇ daˆ leꞈ meh. Aˬ cawˬ-ahˇ tsaˬ leˇ dzoeˇ leˇ ni, nui ma keuˆ-awˇ ya leh jeh meh.

1 Gawˇliˬtu 6:18

Aˬ cawˬ nehˬ-ehˇ joe-eu jeˬ-ahˇ gʼawˬ tsehˆ tsehˆ-awˬ. Tsawˇ haˬ zaˬ neh mˇ-euˬ iˬ baˇ nui deuˬ dawˬ tawˆ luꞈ gʼawˇ mawˇ-ahˇ coeˬ-eu ciˆ-eu maˬ ngeuˇ-a. Ehˇ kʼawꞈ, aˬ cawˬ nehˬ-ehˇ joe-eu jeˬ mˇ-euˬ tsawˇ haˬ-aˬ, yawˬ ha-euˬ gʼawˇ mawˇ-ahˇ coeˬ ni ciˆ ni iˬ baˇ mˇ gaˇ duˇ-eu meh.

Jaceuq 34:14

Yaw haiˬbyehˇ-awˇyaw muiˬmˇ-awˬ. Tsaˬleˇdzoeˇleˇ-eu jeˬ poˆ-awˬ.

1 Tiˆmoˇseˬ 5:10

Kʼoeˇ uˬ taꞈ, yaw muiˬ jeˬ heu loꞈ-ehˇ mˇ taˬ-euˬ jaˆ-eu tsawˇ haˬ ya bi pyeuꞈ meh. Yawˬ ha-euˬ zaˬ deuˬ-ahˇ yaw muiˬ paˬ-ehˇ bo saˆ huiˬ-eu, daˬ yah-ahˇ yaw muiˬ-ehˇ ha-eu, Ka li zaˬ deuˬ gʼaˇ duˬ nyiˇ-eu teˬ-eu gaˇ deuˬ mˇ nehˬ-eu, shaˬ laˇ zahˬ laˇ-euˬ deuˬ-ahˇ caw ba-eu, yaw muiˬ jeˬ-ahˇ gʼaˬ byehˆ maˬ byehˆ ni mˇ-eu, heu loꞈ-ehˇ gʼeh-eu gaˇ deuˬ-ahˇ mˇ-eu tsawˇ haˬ ya bi pyeuꞈ-eu meh.

1 Gawˇliˬtu 14:1

Gʼoeˇ-eu gaˬ-eu jeˬ-ahˇ naw maꞈ leh jeh dui dui paˬ-ehˇ gʼeh-eu meh. Saꞈ laˇ paw naw maꞈ za taˬ-euˬ laꞈ sawˬ deuˬ-ahˇ nui ma keuˆ-awˬ. Miˬyehˇ dawˬ kawˬ mehˬ nya ni za taˬ-euˬ laꞈ sawˬ-ahˇ, dawˬ tawˆ luꞈ naˆ maˬ tseˇ nui ma keuˆ-awˬ.

Lormav 14:19

Kʼoeˇ miˇ neh, tiˬ gʼaˬ tiˇ gʼaˬ tsaˬ leˇ dzoeˇ leˇ-eu jeˬ hawˇ-eu, tiˬ gʼaˬ tiˇ gʼaˬ caw dehˬ caw toˆ-eu jeˬ-ahˇ aˬ dui noeˬ tsoˆ taˬ-eu tsaˬ meh.

Iˇsaˬyaˇ 51:1

Sahˬpaˬ Miˬyehˇ heu loꞈ-ehˇ ehˇ-eu meh. “Ka kʼoꞈ-eu jeˬ-ahˇ poˆ luꞈ-awˇ, ngaˬ-ahˇ tahˬ shaˇ laˇ-eu tsawˇ haˬ deuˬ-oˇ, ngaˇ ehˇ gaˇ naˇ haˬ-awˬ. Naw maꞈ doˆ le-euˬ lo guˇ-ahˇ haw-awˬ. Naw maꞈ-ahˇ taꞈ doˆ-euˬ lo gahˬ-ahˇ shaˇ noeˬ-awˬ.

Jaceuq 38:20

Ngaˇyaw muiˬjeˬmˇ-eu miˇneh, yaw muiˬ-ahˇyaw doeˇtsoeˬ-eu deuˬ, ngaˬ-ahˇmuiˇ-eu deuˬpyeuꞈ-eu meh.

2 Sahˬpaˬ 5:20

Eˇliˇshehˇ-euˬ zaˬ kʼaˆ Geˬhaˬziˇ yawˬ haˇ yawˬ ha ehˇ-eu, “Ngaˬ-euˬ yaw sahˇ gʼaˬ Neˬmaˬ-ahˇ tiˬ jeˬ-iˬ maˬ shaˇ ni bi gʼoꞈ leˇ-euˬ nga. Suˇliˆ tsawˇ haˬ kʼoeˇ gʼaˬ neh biꞈ yaꞈ-euˬ jeˬ aˬ yawꞈ ha geuꞈ-eu tsaˬ meh. Sahˬpaˬ Miˬyehˇ-euˬ tsawˇ myahˇ uˬ moˆ aˬ yawꞈ-euˬ mehˬ nah ngaˇ caw teh leˇ-awˇ, tiˬ jeˬ paˬ shaˇ geuꞈ ma.”

1 Tiˆmoˇseˬ 6:20

Tiˆmoˇseˬ-oˇ, nawˬ-ahˇ a nehˬ taˬ-euˬ jeˬ-ahˇ yaw muiˬ paˬ-ehˇ jeˬ hmˬ bo saˆ-awˬ. Gaˇ dahˇ maˬ tsoeˬ-eu jeˬ ngehˬ-eu tmˇ-eu jeˬ-ahˇ maˬ ehˇ, tsawˇ haˬ tiˬ paˆ na deuˬ neh “Zaˬ siˬ tawˇ gahˇ” lehˇ maˬ ngeuˇ gaˇ myahˇ lehˬ taˬ-euˬ tsawˇ pyehˇ pyehˇ-eu jeˬ-ahˇ maˬ ehˇ, gaˇ jaw jaw-awˬ.

Yeˬlaˬmiˇ 35:4

Aˬ yawꞈ maꞈ-ahˇ Uˬ duˬ tahˬ nymˇ nymˇ ma laꞈ kʼoeˇ ngaˇ sheuˬ kʼoꞈ laꞈ-awˇ, Iˇgaˬdaˬliˇ-euˬ aˬ li pyeuꞈ-eu Miˬyehˇ gʼaˇ duˬ ngehˬ dah-eu Haˬnaˬ-euˬ gʼaˬ kʼehˇ deuˬ-euˬ aˇ lawˆ-ahˇ sheuˬ gʼeh-euˬ ma. Aˇ lawˆ kʼoeˇ lawˆ-aˬ, Uˬ duˬ tahˬ nymˇ nymˇ ma laꞈ kʼoeˇ yaw huiˬ yaw mahˇ tiˬ gʼaˬ geuꞈ luꞈ-eu Shaˬlmˬ-euˬ aˬ li Mawˇseˬyaˇ-euˬ aˇ lawˆ hawˇ-eu, yaw huiˬ yaw mahˇ nui deuˬ-euˬ aˇ lawˆ deuˬ-euˬ kʼoeˇ taˆ jaˆ-eu meh.

2 Laˬsaˬbaˬ 8:14

Aˬ yawꞈ-euˬ aˬ da Daˬbiˇ neh taˬ yaꞈ-euˬ zahˇ sahˇ kʼoꞈ-ahˇ caw teh-eu laꞈ kʼoeˇ, tiˬ nah saˇ-iˬ tiˬ nah gaˇ ya mˇ-eu piˇ ma deuˬ-ahˇ maˬ ehˇ, ja ceuˬ-eu caˇ dawˬ caˇ ngeh hawˇ-eu gaˇ mˇ ngeh, piˇ ma deuˬ-ahˇ ya caw ba-eu Leˬbiˇ tsawˇ haˬ deuˬ-ahˇ maˬ ehˇ, aˬ yawꞈ aˇ muˇ muˇ baw nehˬ taˬ-euˬ meh. Aˬ yawˬ nah yawꞈ, Uˬ duˬ tahˬ nymˇ nymˇ ma-euˬ lahˇ kʼehˬ aˬ yawꞈ kʼehˬ yawꞈ-ahˇ loꞈ piˇ-eu tsawˇ haˬ deuˬ-ahˇ kʼawꞈ, Miˬyehˇ-euˬ tsawˇ haˬ pyeuꞈ-eu Daˬbiˇ neh dawˬ biꞈ taˬ-euˬ loꞈ-ehˇ, aˇ muˇ muˇ baw nehˬ-euˬ meh.

2 Sahˬpaˬ 23:17

“Lmˬ bymˇ kʼoeˇ aˬ suˇ gʼaˬ-euˬ lmˬ bymˇ-a” lehˇ aˬ yawꞈ naˇ haˬ ngeh, “Lmˬ bymˇ kʼoeˇ-aˬ, lawˇ duˬ heu hmˬ-ahˇ nymˬ-mˇ nawˬ neh jahˇ nehˬ gʼaˬ-euˬ loꞈ-ehˇ pyeuꞈ laˇ tehꞈ-a lehˇ ngehˬ dah yaꞈ-euˬ, Miˬyehˇ gʼaˇ duˬ ngehˬ dah-eu kʼoeˇ gʼaˬ-eu lmˬ bymˇ meh” lehˇ, Beˬdeˬlaˇ meuˬ-ahˇ jawˇ-eu tsawˇ haˬ deuˬ aˬ yawꞈ-ahˇ ehˇ nehˬ-euˬ meh.

2 Sahˬpaˬ 1:13

Yaw huiˬ yaw mahˇ yawˬ gʼaˬ yawˬ-ahˇ sahˬ paˬ tiˬ poˆ paˇ kʼehˇ-awˇ, tsawˇ haˬ ngaˬ tseˇ gʼaˬ sheuˬ-awˇ paˇ bi iˇ-euˬ meh. Yaw huiˬ yaw mahˇ kʼoeˇ gʼaˬ gawˬ duˇ-ahˇ daˆ leˇ-awˇ, Eˇliˇyaˆ-euˬ mehˬ shi pawˬ tsuiꞈ pawˬ dmˬ dmˬ-eu laꞈ kʼoeˇ ehˇ-eu, “Miˬyehˇ-euˬ tsawˇ haˬ-oˇ, ngaˇ hawˇ-eu ngaˬ-euˬ tsawˇ haˬ deuˬ-ahˇ gʼawˬ shaˬ gaˬ-eu laꞈ kʼoeˇ taˬ bi shiˇ nehˬ laꞈ.

2 Sahˬpaˬ 1:9

Kʼoeˇ naˇ, Eˇliˇyaˆ-ahˇ bi nyehꞈ-iˇ-eu gʼaˇ duˬ, yaw huiˬ yaw mahˇ tiˬ gʼaˬ-ahˇ tsawˇ haˬ ngaˬ tseˇ gʼaˬ sheuˬ-awˇ bi iˇ-euˬ meh. Gawˬ duˇ-ahˇ Eˇliˇyaˆ nuiˇ luꞈ gaˇ tsawˇ haˬ kʼoeˇ gʼaˬ mawˇ-awˇ, “Miˬyehˇ-euˬ tsawˇ haˬ-oˇ, nawˇ zaꞈ ka le-awˬ lehˇ sahˬ paˬ dawˬ biꞈ laꞈ-euˬ meh” lehˇ ehˇ nehˬ-euˬ meh.

1 Sahˬpaˬ 20:28

Miˬyehˇ gʼaˇ duˬ ngehˬ dah-eu tiˬ gʼaˬ sahˬ paˬ Aˬhaˆ jawˇ gaˇiˇ-awˇ, heu loꞈ-ehˇ ehˇ nehˬ-euˬ meh. “Sahˬpaˬ Miˬyehˇ ehˇ-eu, Ngaˇ-aˬ, gawˬ jawˬ gawˬ duˇ miˬ yehˇ pyeuꞈ-awˇ, deh ga-euˬ miˬ yehˇ maˬ ngeuˇ-a lehˇ Suˇliˆ tsawˇ haˬ deuˬ ehˇ-eu miˇ neh, huiˬ dui myaˬ dui dui-eu aˬ yawꞈ maꞈ-euˬ guiˇ maꞈ deuˬ kʼoeˇ taˆ, nawˬ-ahˇ ngaˇ bi gʼaˬ leˇ ma. Kʼoeˇ ngeh, ngaˇ Sahˬpaˬ Miˬyehˇ pyeuꞈ-eu gaˇ kawˆ, nawˇ hawˇ-eu nawˬ-euˬ tsawˇ haˬ deuˬ ya siˬ tehꞈ-a lehˇ ehˇ-eu meh.”

1 Sahˬpaˬ 17:18

Miˬ coeˬ miˬ ma kʼoeˇ gʼaˬ Eˇliˇyaˆ-ahˇ ehˇ-eu, “Miˬyehˇ-euˬ tsawˇ haˬ-oˇ, aˬ jeˬ miˇ neh nawˇ ngaˬ-ahˇ heu loꞈ-ehˇ jahˇ nehˬ laꞈ te. Ngaˬ-euˬ iˬ baˇ Miˬyehˇ-ahˇ nawˇ ehˇ noeˬ nehˬ-awˇ, ngaˬ li bi shiˇ-eu lehˇ heu gaˇ laˇ teˬ loˇ.”

1 Saˬmeuˬlaˆ 2:27

Miˬyehˇ gʼaˇ duˬ ngehˬ dah-eu tsawˇ haˬ tiˬ gʼaˬ Eˇliˆ jawˇ gaˇ laˇ-awˇ, Sahˬpaˬ Miˬyehˇ-euˬ dawˬ heu loꞈ-ehˇ tsaꞈ nehˬ laˇ-euˬ meh. “Nawˬ-euˬ aˬ poeˬ Aˬloˬ hawˇ-eu aˬ yawꞈ-euˬ miˬ sawˇ zaˬ deuˬ Iˇjiˇtuˆ sahˬ paˬ-euˬ zaˬ kʼaˆ geuꞈ luꞈ ngeh, ngaˬ-euˬ gʼawˇ mawˇ Aˬloˬ-ahˇ pah mehˬ nehˬ-euˬ ma.

1 Sahˬpaˬ 13:26

Miˬyehˇ gʼaˇ duˬ ngehˬ dah-eu tsawˇ mawˬ kʼoeˇ gʼaˬ gaˇ kawˆ kʼoeˇ ya gaˬ ngeh, heu loꞈ-ehˇ ehˇ nehˬ-euˬ meh. “Tsawˇ haˬ kʼoeˇ gʼaˬ-aˬ, Sahˬpaˬ Miˬyehˇ-euˬ ehˇ dawˬ maˬ naˇ haˬ-eu Miˬyehˇ gʼaˇ duˬ ngehˬ dah-eu gʼaˬ meh. Kʼoeˇ miˇ neh, Sahˬpaˬ Miˬyehˇ neh ehˇ taˬ-euˬ loꞈ-ehˇ, aˇ laˬ jaˬ shiˇ pyehˬ gʼeh leꞈ-awˇ aˬ yawꞈ-ahˇ bi kawꞈ sehꞈ-euˬ meh.”

1 Sahˬpaˬ 13:1

Miˬyehˇ gʼaˇ duˬ ngehˬ dah-eu tsawˇ haˬ tiˬ gʼaˬ-ahˇ, Yuˇdaˆ miˇ kʼahˬ-ahˇ neh Sahˬpaˬ Miˬyehˇ neh pyehˬ gʼeh laꞈ-awˇ, lawˇ-eu shehˇ-eu jeˬ mˇ-eu lehˇ lawˇ duˬ dawˬ peh Yeˬyawˇbamˬ yawꞈ luꞈ gaˇ laˇ keuˆ-euˬ meh.

1 Saˬmeuˬlaˆ 9:6

Zaˬ kʼaˆ kʼoeˇ gʼaˬ ehˇ-eu, “Taˬ tehˬ lawˬ siˬ, Meuˬ heu meuˬ laꞈ kʼoeˇ muiˬ-eu shawˇ-eu tsawˇ haˬ tiˬ gʼaˬ jawˇ meh. Aˬ yawꞈ neh ja maw kʼaˇ maw-euˬ yawˬ jeˬ na luꞈ tsaˬ-eu miˇ neh, aˬ cawˬ aˬ yawꞈ-ahˇ yaw zeu baw dui dui meh. Aˇ nyaꞈ gʼeh aˬ yawꞈ jawˇ gaˇ le haw kaˇ-euˇ. Mahˬ tahˬ laˆ aˬ gaˇ jawˇ-eu aˬ yawꞈ ehˇ nehˬ laꞈ nya-eu baw le.”

Dawˬmehˬ 33:1

Heu-aˬ, Miˬyehˇ-euˬ tsawˇ haˬ pyeuꞈ-eu Moˇseˬ maˬ shiˇ mi naˆ-ehˇ, Iˇsaˬleˬlaˆ tsawˇ haˬ deuˬ-ahˇ dawˬ ngehˬ gʼeh nehˬ-eu laꞈ kʼoeˇ biꞈ yaꞈ-euˬ guiˬ lahˬ deuˬ meh.

Dawˬmehˬ 16:20

Naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ neh naw maꞈ-ahˇ biꞈ-euˬ miˇ kʼahˬ-ahˇ naw maꞈ ya jawˇ-awˇ mehˬ hu paw dehꞈ daˆ leꞈ nya ni, aˬ myah luꞈ yaw tsaˬ yaw dawˇ jeˬ-ahˇ yaw muiˬ muiˬ-ehˇ mˇ-awˬ.

Neˬhaˬmiˇ 12:36

Aˇ hu Miˬyehˇ-euˬ tsawˇ haˬ pyeuꞈ-eu sahˬpaˬ Daˬbiˇ neh zmˬ-euˬ caˇ dawˬ caˇ ngeh diˬ-eu baw-eu keu ka deuˬ baꞈ-awˇ Zaˬkaˬliˇ-euˬ mehˬ nah caw teh luꞈ-eu aˬ yawꞈ-euˬ aˬ yuiꞈ aˬ nyiˇ deuˬ-aˬ, Sheˬmaˇyaˬ, Aˬzaˬyeˬlaˇ, Miˇlaˬlehˇ, Giˇlaˬlehˇ, Mawˇi, Neˬdaˬneˬlaˇ, Yuˇdaˆ, hawˇ-eu Haˬnaˬniˇ meh. Aˇ muˇ kʼoeˇ muˇ-ahˇ zahˇ dzoeˬ miˬ ma Eˇzaˬlaˬ sheuˬ gʼeh-euˬ meh.

Neˬhaˬmiˇ 12:24

Haˬshaˬbiˇ, Sheˬleˬbiˇ, Yeˬshah, Biˇnuiˇ hawˇ-eu Kaˬdaˬmeˬlaˇ aˬ ha maꞈ neh mehˬ nehˬ tsoˆ nehˬ-euˬ loꞈ-ehˇ, Leˬbiˇ tsawˇ haˬ deuˬ-ahˇ aˇ muˇ biˇ-euˬ meh. Miˬyehˇ-euˬ tsawˇ haˬ pyeuꞈ-eu sahˬpaˬ Daˬbiˇ neh mehˬ taˬ tsoˆ taˬ yaꞈ-euˬ loꞈ-ehˇ, tiˬ yamˬ laꞈ kʼoeˇ nyiˬ muˇ, tiˬ muˇ tiˬ poˆ caˇ caˇ-ehˇ Miˬyehˇ-ahˇ ja ceuˬ-euˬ meh.

1 Laˬsaˬbaˬ 23:14

Ehˇ kʼawꞈ, Miˬyehˇ-euˬ tsawˇ haˬ pyeuꞈ-eu Moˇseˬ-euˬ aˬ li deuˬ-aˬ, Leˬbiˇ tsawˇ jeuˬ laꞈ kʼoeˇ ahˇ-eu meh.)

1 Sahˬpaˬ 17:24

Miˬ coeˬ miˬ ma kʼoeˇ gʼaˬ ehˇ-eu, “Nymˬ-mˇ poˆ jawˇ, nawˇ Miˬyehˇ-euˬ tsawˇ haˬ pyeuꞈ-eu gaˇ kawˆ hawˇ-eu, nawˬ-ahˇ gʼoe-awˇ Sahˬpaˬ Miˬyehˇ aˬ diˇ aˬ maˇ dawˬ ngehˬ luꞈ-eu gaˇ kawˆ, ngaˇ yaw muiˬ paˬ-ehˇ siˬ duˬ-eu ma.”

Dawqdaq 15:9

Haiˬ-eu deuˬ neh mˇ-euˬ gaˇ-ahˇ, Sahˬpaˬ Miˬyehˇ nui daˆ daˆ-awˇ, yaw tsaˬ yaw dawˇ mˇ-eu tsawˇ haˬ deuˬ-ahˇ, aˬ yawꞈ gaˬ-eu meh.

1 Tiˆmoˇseˬ 1:14

Aˬ dui-euˬ Sahˬpaˬ Miˬyehˇ-aˬ, ngaˬ-ahˇ maˬ ehˇ jiˇ coeˇ-eu guiˬ lahˬ shehˆ daˆ nehˬ laꞈ-awˇ, Yeˬsuˇ Ka li laꞈ kʼoeˇ aˬ dui za-euˬ jah-eu jeˬ hawˇ-eu gʼoeˇ-eu gaˬ-eu jeˬ biꞈ nehˬ laꞈ-euˬ meh.

2 Tiˆmoˇseˬ 2:21

Tsawˇ haˬ tiˬ gʼaˬ na, yaw haiˬ jeˬ kʼoeˇ deuˬ dawˬ tawˆ luꞈ-ahˇ yawˬ haˇ yawˬ ha shawˇ dzeh jiˇ naˇ, huiˬ-eu gaˇ gʼaˇ duˬ aˬ yawꞈ-ahˇ zmˬ tehꞈ-a. Aˬ jeˬ miˇ neh ehˇ naˇ, aˬ yawꞈ-aˬ, yaw sahˇ gʼaˬ-ahˇ gʼawˇ mawˇ aˬ nehˬ taˬ-euˬ gaˇ dahˇ tsoeˬ-eu jeˬ pyeuꞈ-awˇ, yaw muiˬ jeˬ mˇ-eu gʼaˇ duˬ bi zmˬ-eu lehˇ lehˬ hmˬ dah taˬ-euˬ jeˬ pyeuꞈ-eu meh.

2 Tiˆmoˇseˬ 3:10

Ehˇ kʼawꞈ nawˇ-aˬ, ngaˬ-euˬ mehˬ nah caw teh-awˇ dzaw geuꞈ luꞈ-eu tsawˇ haˬ pyeuꞈ-eu meh. Ngaˬ neh mehˬ-euˬ tsoˆ-euˬ jeˬ, ngaˬ neh dehꞈ mehˬ jawˇ mehˬ-euˬ jeˬ, ngaˬ neh noeˬ-euˬ jeˬ, ngaˬ-euˬ jah-eu jeˬ, ngaˬ-euˬ nui ma mahˇ-eu jeˬ, ngaˬ-euˬ gʼoeˇ-eu gaˬ-eu jeˬ, ngaˇ daˬ coeˇ oˇ coeˇ-eu jeˬ,