1 Tiˆmoˇseˬ 5:3 - Akha

³ Ngehˬ gʼeh nehˬ-eu gʼaˬ maˬ jawˇ-eu miˬ coeˬ miˬ ma deuˬ-ahˇ yaw zeu baw-awˬ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³ Aqdir miqcoeq miqma deuq-anr yawzeu baw-awr hawpir naeq-awq.

1 Tiˆmoˇseˬ 5:3 Referans Kwoze

Dawˬmehˬ 27:19

“ ‘Boeˇ miˬ shiˬ kʼaˬ deuˬ, muˇ coe aˬ nmˇ deuˬ hawˇ-eu, miˬ coeˬ miˬ ma deuˬ-ahˇ maˬ tsaˬ maˬ dawˇ-eu laꞈ kʼoeˇ yaˇ kʼaˬ ja gʼaˬ-eu tsawˇ haˬ kʼoeˇ taˆ, Miˬyehˇ-euˬ yaˬ kʼehˇ yaˬ-eu jeˬ keuˆ le luꞈ-uˇ’ lehˇ, Leˬbiˇ tsawˇ haˬ deuˬ ya ehˇ meh. “Kʼoeˇ ngeh, tsawˇ haˬ dawˬ tawˆ luꞈ, ‘Aˬ meˬ’ lehˇ ya ehˇ kʼoꞈ meh.

Gʼaˬkʼehˇ 6:1

Zaˬ lahˇ deuˬ myaˬ laˇ luꞈ-eu aˇ nah aˇ yamˬ kʼoeˇ laꞈ kʼoeˇ, Heˬlaˬsaˇ dawˬ ngehˬ-eu Yuˇdaˆ tsawˇ haˬ deuˬ hawˇ-eu, Yuˇdaˆ dawˬ ngehˬ-eu Yuˇdaˆ tsawˇ haˬ deuˬ yaw kaˬ dawˬ ja doˆ-euˬ meh. Aˬ jeˬ miˇ neh ehˇ naˇ, aˬ yawꞈ nah yawꞈ loˬ-eu jeˬ biˇ nehˬ ngeh, aˬ yawꞈ maꞈ-euˬ miˬ coeˬ miˬ ma deuˬ-ahˇ yaw muiˬ paˬ-ehˇ maˬ biˇ oꞈ doe nehˬ nga lehˇ, Heˬlaˬsaˇ dawˬ ngehˬ-eu Yuˇdaˆ tsawˇ haˬ deuˬ ehˇ-eu meh.

Dawˬmehˬ 14:29

Dzaˬ dzaˬ dawˇ dawˇ kʼoeˇ deuˬ-aˬ, naw maꞈ-euˬ meuˬ deuˬ-ahˇ jawˇ luꞈ-eu jeˬ biˇ maˬ baw-eu Leˬbiˇ tsawˇ haˬ deuˬ, boeˇ miˬ siˬ kʼaˬ deuˬ, muˇ coe aˬ nmˇ deuˬ hawˇ-eu miˬ coeˬ miˬ ma deuˬ gʼaˇ duˬ meh. Aˬ yawꞈ maꞈ kʼaˇ loˬ-eu loꞈ-ehˇ, kʼoeˇ gaˇ yuˇ laꞈ tehꞈ-a. Naw maꞈ kʼaˇ mˇ kʼaˇ shaˇ-eu jeˬ laꞈ kʼoeˇ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ naw maꞈ-ahˇ guiˬ lahˬ biꞈ laꞈ ni, naw maꞈ kʼoeˇ loꞈ-ehˇ mˇ-awˬ.

Dawˬmehˬ 10:18

Muˇ coe aˬ nmˇ hawˇ-eu miˬ coeˬ miˬ ma deuˬ-ahˇ aˬ yawꞈ haw piˇ-eu meh. Aˬ dui nehˬ-ehˇ jawˇ luꞈ-eu boeˇ miˬ siˬ kʼaˬ deuˬ-ahˇ aˬ yawꞈ gaˬ-awˇ, dzaˬ dzaˬ dawˇ dawˇ hawˇ-eu dm gʼaˬ dm lmˇ biꞈ-eu meh.

1 Beˬtuˆluˆ 2:17

Yawˬ gʼaˬ na luꞈ-ahˇ yaw zeu baw-awˬ. Ka li-ahˇ jah-eu tsawˇ haˬ cawˬ cawˬ gaˬ-awˬ gʼoeˇ-awˬ. Miˬyehˇ-ahˇ taˬ huiˬ taˬ mahˇ-awˬ. Gehˇsaˬ sahˬ paˬ-ahˇ yaw zeu baw-awˬ.

Dawˬmehˬ 16:14

Nawˬ-euˬ zaˬ deuˬ, nawˬ-euˬ zaˬ kʼaˆ deuˬ, naw maꞈ-euˬ meuˬ deuˬ-ahˇ jawˇ-eu Leˬbiˇ tsawˇ haˬ deuˬ, boeˇ miˬ siˬ kʼaˬ deuˬ, muˇ coe aˬ nmˇ deuˬ hawˇ-eu, miˬ coeˬ miˬ ma deuˬ nehˬ-ehˇ, bawˬ-iˬ heu hmˬ gʼeh-eu laꞈ kʼoeˇ laˬ kʼaˬ cehˇ-awˬ.

Dawˬmehˬ 16:11

Nawˬ-euˬ zaˬ deuˬ, nawˬ-euˬ zaˬ kʼaˆ deuˬ, naw maꞈ-euˬ meuˬ deuˬ-ahˇ jawˇ luꞈ-eu Leˬbiˇ tsawˇ haˬ deuˬ, boeˇ miˬ siˬ kʼaˬ deuˬ, muˇ coe aˬ nmˇ deuˬ hawˇ-eu miˬ coeˬ miˬ ma deuˬ nehˬ-ehˇ, uˬ duˬ tahˬ-eu jawˇ duˬ-ahˇ Sahˬpaˬ Miˬyehˇ-euˬ mehˬ shi laˬ kʼaˬ cehˇ-awˬ.

Doˆ-iˇ 20:12

“Nawˬ-euˬ Miˬyehˇ pyeuꞈ-eu Sahˬpaˬ Miˬyehˇ neh nawˬ-ahˇ biꞈ-euˬ miˇ tsaˬ kʼoeˇ taˆ, nawˇ ziˇ baw ni, nawˬ-euˬ aˬ da aˬ ma-ahˇ nawˇ yaw zeu ya baw meh.

1 Beˬtuˆluˆ 3:7

Kʼoeˇ loꞈ-ehˇ duˇ ni, kʼaˬ dzeˇ zaˬ deuˬ kʼawꞈ, zaˬ miˬ zaˬ-aˬ kʼaˬ dzeˇ zaˬ naˆ maˬ tseˇ gʼaˬ baˬ-eu meh lehˇ siˬ nya-eu laꞈ kʼoeˇ, yawˬ ha-euˬ miˬ zaˬ nehˬ-ehˇ dehꞈ-awˬ. Aˬ yawꞈ maꞈ-ahˇ yaw zeu baw-awˬ. Aˬ jeˬ miˇ neh ehˇ naˇ, aˬ yawꞈ maꞈ gʼeh naw maꞈ nehˬ-ehˇ tiˬ kawˆ loꞈ-ehˇ Miˬyehˇ neh biꞈ laꞈ-euˬ yaw dehꞈ dehꞈ-eu guiˬ lahˬ yaw dzahˇ jeˬ biˇ za tehꞈ-a. Kʼoeˇ loꞈ-ehˇ yaw zeu baw naˇ, naw maꞈ guiˬ lahˬ shaˇ gaˇ laˆ tsoeˬ-eu tiˬ jeˬ-iˬ ma jaˆ-aˇ.

Yaˬkoˆ 1:27

Aˬ da Miˬyehˇ-euˬ mehˬ shi shawˇ jehˆ ni gʼeh-awˇ maˇ jawˆ ni gʼeh-eu uˬ duˬ tahˬ-eu zahˇ sahˇ kʼoꞈ-aˬ, muˇ coe aˬ nmˇ deuˬ hawˇ-eu miˬ coeˬ miˬ ma deuˬ shaˬ gaˇ zahˬ gaˇ caw ba nehˬ-awˇ, miˇ tsaˬ shiˬ shaˬ jiˇ-euˬ nui kʼahˇ neh maˬ bi laˆ jawꞈ ni yawˬ haˇ yawˬ ha yahˇ-awˇ dehꞈ-eu jeˬ pyeuꞈ-eu meh.

1 Teˇsaˬloˇni 2:6

Aˬ cawˬ neh bi ciˬ poeˬ-eu lehˇ nga maꞈ mˇ-euˬ maˬ ngeuˇ. Naw maꞈ neh maˬ ehˇ, aˬ cawˬ neh maˬ ehˇ, bi ja ceuˬ-eu lehˇ mˇ-euˬ maˬ ngeuˇ.

Gʼaˬkʼehˇ 9:39

Beˬtuˆluˆ lehˬ hmˬ-awˇ, aˬ yawꞈ nyaꞈ nehˬ-ehˇ iˇ-euˬ meh. Aˬ yawꞈ iˇ keuˆ ngeh, aˬ yawꞈ-ahˇ nymˇ laꞈ taˆ tiˆ-ahˇ sheuˬ daˆ leꞈ-euˬ meh. Miˬ coeˬ miˬ ma dawˬ tawˆ luꞈ aˬ yawꞈ-euˬ tiˬ jawˬ uiˬ le-awˇ, Dawˬkaꞈ yaw dehꞈ dehꞈ ngeh guꞈ nehˬ yaꞈ-euˬ mehˬ tsoeˬ deuˬ aˬ yawꞈ-ahˇ sheu haw sheu haw-ehˇ ngoeˇ-eu meh.

Luˇkaꞈ 7:12

Meuˬ-euˬ lahˇ kʼehˬ dawˬ peh aˬ yawꞈ le keuˆ ngeh, tsawˇ shiˇ baꞈ pahˬ-iˇ-eu lehˇ doˆ le luꞈ gaˇ ya mawˇ-euˬ meh. Miˬ coeˬ miˬ ma ti gʼaˬ aˬ li tiˬ li tehꞈ-ehˇ jawˇ-eu bi shiˇ-euˬ meh. Meuˬ-ahˇ jawˇ-eu tsawˇ haˬ gʼawˬ mya ni, miˬ coeˬ miˬ ma kʼoeˇ gʼaˬ nehˬ-ehˇ doˆ le luꞈ-eu meh.

Luˇkaꞈ 2:37

Kʼoeˇ ngeh neh naˇ, yehꞈ tseˇ kʼoꞈ byah laˇ ngeh keuˆ ni miˬ coeˬ miˬ ma geuꞈ-awˇ jawˇ-eu meh. Aˬ yawꞈ Uˬ duˬ tahˬ nymˇ nymˇ ma-ahˇ tiˬ jawˇ-iˬ maˬ gʼawˬ-iˇ ni, uˬ ciꞈ nah gʼahˇ maˬ ehˇ, maˬ dzaˬ-eu zahˇ jahˇ-awˇ guiˬ lahˬ shaˇ-euˬ meh.

Maꞈtehˬ 23:13

“Awꞈ-aꞈ tahˬ kʼoˬ-ahˇ duˇ-eu Zahˇ dawˬ kʼoꞈ dawˬ mehˬ-eu saˬ laˬ deuˬ hawˇ-eu Paˬliˬsehˇ deuˬ-oˇ, naw maꞈ ya noeˬ shaˬ dui dui tehꞈ-a. Aˬ jeˬ miˇ neh ehˇ naˇ, tsawˇ haˬ zaˬ-euˬ mehˬ shi, Mˬtaˆ Miˇkʼahˬ-ahˇ uˇ leˇ-eu laˇ gʼoˆ-ahˇ naw maꞈ gʼoˆ sehˬ sehˬ taˬ-awˇ, yawˬ ha maˬ uˇ leˇ-eu uˬ taꞈ, uˇ leˇ-eu lehˇ leh jeh-eu tsawˇ haˬ deuˬ-ahˇ kʼawꞈ, naw maꞈ maˬ bi uˇ leˇ-a.

Maꞈtehˬ 15:6

Naw maꞈ kʼoeˇ loꞈ-ehˇ ehˇ-eu laꞈ kʼoeˇ, aˇ hu ba neh tawˬ ka leꞈ-euˬ zahˇ oeˇ-ahˇ tehꞈ-ehˇ leh jeh-awˇ, Miˬyehˇ neh biꞈ taˬ-euˬ dawˬ deuˬ-ahˇ naw maꞈ yaw zeu maˬ baw-a.

Yeˬlaˬmiˇ 49:11

Naw maꞈ tsawˇ haˬ muˇ coe aˬ nmˇ deuˬ ngaˬ nehˬ-ehˇ taˬ yaꞈ-awˬ. Ngaˇ haw piˇ nehˬ ma. Naw maꞈ-euˬ miˬ coeˬ miˬ ma deuˬ ngaˬ-ahˇ gʼoe nya meh.

Jaceuq 146:9

Aˬ dui-euˬ miˇ kʼahˬ laꞈ kʼoeˇ jawˇ-eu boeˇ miˬ siˬ kʼaˬ deuˬ-ahˇ aˬ yawꞈ haw piˇ nehˬ-awˇ, muˇ coe aˬ nmˇ hawˇ-eu miˬ coeˬ miˬ ma deuˬ-ahˇ caw ba nehˬ-euˬ meh. Ehˇ kʼawꞈ, haiˬ-eu tsawˇ haˬ deuˬ-euˬ nui kʼahˇ-ahˇ aˬ yawꞈ laˆ cawˆ nehˬ-euˬ meh.

Jaceuq 94:6

Miˬ coeˬ miˬ ma hawˇ-eu muˇ coe aˬ nmˇ deuˬ-ahˇ aˬ yawꞈ maꞈ sehꞈ-awˇ, nga maꞈ miˇ kʼahˬ laꞈ kʼoeˇ jawˇ-eu boeˇ miˬ siˬ kʼaˬ deuˬ-ahˇ sehꞈ-eu meh.

Jaceuq 68:5

Aˬ yawꞈ-euˬ muiˬ-eu shawˇ-eu Uˬ duˬ tahˬ nymˇ nymˇ ma laꞈ kʼoeˇ jawˇ luꞈ-eu Miˬyehˇ-aˬ, muˇ coe aˬ nmˇ deuˬ-ahˇ ngehˬ gʼeh-awˇ, miˬ coeˬ miˬ ma deuˬ-ahˇ haw piˇ-eu meh.

Yawˇbaˆ 31:16

Shaˬ zaˬ zahˬ zaˬ deuˬ-ahˇ ngaˇ maˬ caw ba ni maˬ byehˇ dzeh-aˬ. Miˬ coeˬ miˬ ma deuˬ-ahˇ ngehˬ maˬ gʼeh ni maˬ bi shaˬ-aˬ.

Yawˇbaˆ 29:13

Noeˬ dui noeˬ duiˇ-euˬ tsawˇ haˬ deuˬ ngaˬ-ahˇ ya ja ceuˬ-awˇ, miˬ coeˬ miˬ ma deuˬ nui saˇ oꞈ ni ngaˇ caw ba nehˬ-euˬ ma.

1 Tiˆmoˇseˬ 5:2

Tsawˇ mawˬ mawˬ laˇ-euˬ zaˬ miˬ zaˬ deuˬ-ahˇ yawˬ ha-euˬ aˬ ma loꞈ-ehˇ sawˇ-awˬ. Zaˬ miˬ aˬ buˇ zaˬ guˬ deuˬ-ahˇ nui ma shawˇ jehˆ ni taˬ-eu laꞈ kʼoeˇ yawˬ ha-euˬ dmˇ ma loꞈ-ehˇ sawˇ-awˬ.

Yoˇhaˬ 1:47

Naˬdaˬneˬlaˇ aˬ yawꞈ jawˇ gaˇ laˇ luꞈ-eu ya mawˇ ngeh, Yeˬsuˇ ehˇ-eu, “Maˇ maˇ ni gʼeh-eu Iˇsaˬleˬlaˆ tsawˇ haˬ laˇ ngaˇ. Aˬ yawꞈ laꞈ kʼoeˇ jaˬ myawꞈ myawꞈ-eu jeˬ tiˬ pawꞈ-iˬ maˬ ahˇ-a.”

Gʼaˬkʼehˇ 9:41

Kʼoeˇ naˇ, Beˬtuˆluˆ aˬ laꞈ cawˬ nehˬ-awˇ, aˬ yawꞈ-ahˇ gʼeu tuˇ nehˬ-euˬ meh. Kʼoeˇ ngeh, jah-eu tsawˇ haˬ deuˬ hawˇ-eu miˬ coeˬ miˬ ma kʼoeˇ deuˬ-ahˇ Beˬtuˆluˆ kuˇ-awˇ, zaˬ miˬ zaˬ kʼoeˇ gʼaˬ-ahˇ, yaw dehꞈ-ehˇ aˬ yawꞈ maꞈ-ahˇ a kʼoꞈ nehˬ-euˬ meh.