1 Tiˆmoˇseˬ 4:15 - Akha

¹⁵ Nawˇ gaˇ mˇ-eu huiˬ laˇ mahˇ laˇ luꞈ gaˇ tsawˇ haˬ dawˬ tawˆ luꞈ ya mawˇ ni, kʼoeˇ deuˬ dawˬ tawˆ luꞈ-ahˇ nui ma gʼawˇ mawˇ keuˆ-eu laꞈ kʼoeˇ mˇ dzaw shaˇ dzaw-awˬ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁵ Garkawv heudeuq-anr dzardziv dziv-awr nawq-euq mawrdo dawqtawvluf lawrnaeq-awr nawr huiqlar manrlar-eu gar yawqghaq navluf mawrnya’ni laejae duidui-awq.

1 Tiˆmoˇseˬ 4:15 Referans Kwoze

Maꞈtehˬ 5:16

Kʼoeˇ gaˇ duˇ ni, naw maꞈ neh mˇ-euˬ yaw muiˬ jeˬ-ahˇ aˬ cawˬ mawˇ-awˇ, mˬ kʼoeˇ taˆ jawˇ-eu naw maꞈ-euˬ Aˬda-ahˇ ja ceuˬ ni, aˬ cawˬ mehˬ shi naw maꞈ-euˬ yaw shehꞈ yaw kʼaˆ-ehˇ bi bya-awˬ.

Jaceuq 143:5

Dzeuˇ yaꞈ-euˬ aˇ nah aˇ yamˬ deuˬ-ahˇ noeˬ mawˇ laˇ miˇ-a. Nawˬ neh mˇ dzeuˇ shaˇ dzeuˇ yaꞈ-euˬ deuˬ-ahˇ ngaˇ shaˇ noeˬ-awˇ, gaˇ kawˆ kʼoeˇ deuˬ-ahˇ ngaˬ-euˬ nui ma laꞈ kʼoeˇ shaˇ sawˇ luꞈ-eu ma.

Jaceuq 104:34

Ngaˇ laˬ kʼaˬ cehˇ-eu jeˬ aˬ yawꞈ jawˇ gaˇ neh doˆ le-euˬ miˇ neh, ngaˬ-euˬ caˇ dawˬ-ahˇ aˬ yawꞈ nui ma tsaˬ luꞈ-uˇ.

Gʼaˬkʼehˇ 6:4

Nga maꞈ-aˬ, guiˬ lahˬ shaˇ-eu hawˇ-eu dawˬ mehˬ mehˬ-eu jeˬ tehꞈ-ehˇ aˇ yamˬ tiˬ byah ni mˇ ma.”

Tiˇtuˆ 2:14

Maˬ muiˬ maˬ jaˬ-eu jeˬ dawˬ tawˆ luꞈ laꞈ kʼoeˇ aˬ dui-ahˇ aˬ yawꞈ ka kʼoꞈ-awˇ, aˬ yawꞈ-ahˇ tehꞈ-ehˇ taꞈ-eu muiˬ-eu shawˇ-eu tsawˇ haˬ hawˇ-eu, yaw muiˬ jeˬ mˇ mawꞈ-eu nui ma ahˇ-eu tsawˇ haˬ bi pyeuꞈ laˇ-eu gʼaˇ duˬ, aˬ yawꞈ-euˬ gʼawˇ mawˇ aˬ dui-ahˇ biꞈ nehˬ laꞈ-euˬ meh.

Jaceuq 119:97

Nawˬ-euˬ zahˇ dawˬ kʼoꞈ dawˬ-ahˇ ngaˇ aˇ naˆ ni gaˬ-eu nga. Nah ga-ehˇ zahˇ dawˬ kʼoꞈ dawˬ-ahˇ shaˇ noeˬ luꞈ-eu ma.

Yawˇshuˆ 1:8

Nawˇ uˬ duˬ kʼaˇ tahˬ ngeh, Zahˇ dawˬ kʼoꞈ dawˬ sahˬ boꞈ-ahˇ maˬ ngehˇ ni gui-awˬ. Uˬ ciꞈ nah gʼahˇ maˬ ehˇ, maˬ byehˇ ni gui-eu laꞈ kʼoeˇ, kʼoeˇ gaˇ kʼaˇ boꞈ taˬ-euˬ yawˬ jeˬ na luꞈ-ahˇ naˇ haˬ geuꞈ-awˬ. Kʼoeˇ loꞈ-ehˇ jahˇ naˇ, nawˇ baw le za le-awˇ, mˇ-eu shaˇ-eu yawˬ jeˬ na luꞈ laꞈ kʼoeˇ, guiˬ lahˬ baw tehꞈ-a.

1 Tiˆmoˇseˬ 4:6

Gaˇ kawˆ heu deuˬ aˬ yuiꞈ aˬ nyiˇ Ka li zaˬ deuˬ-ahˇ nawˇ mehˬ nehˬ naˇ, nawˇ-aˬ, nawˬ neh caw teh gʼeh-euˬ jah-eu jeˬ-ahˇ taꞈ-eu yaw tsaˬ yaw dawˇ jeˬ laꞈ kʼoeˇ hawˇ-eu muiˬ dui dui-eu mehˬ-eu tsoˆ-eu dawˬ deuˬ laꞈ kʼoeˇ huiˬ laˇ-euˬ, Yeˬsuˇ Ka li-euˬ muiˬ-eu zaˬ kʼaˆ tiˬ gʼaˬ pyeuꞈ tehꞈ-a.

Jaceuq 119:148

Uˬ ciꞈ miˇ lah-ehˇ ngaˇ yaw noeˬ-ehˇ yuꞈ-awˇ, nawˬ neh mehˬ nehˬ tsoˆ nehˬ laꞈ-euˬ dawˬ-ahˇ shaˇ noeˬ-euˬ ma.

Jaceuq 119:99

Nawˇ mehˬ nehˬ tsoˆ nehˬ laꞈ-euˬ dawˬ-ahˇ ngaˇ shaˇ sawˇ geuꞈ-eu miˇ neh, ngaˬ-ahˇ mehˬ-eu tsoˆ-eu deuˬ naˆ maˬ tseˇ ngaˇ noeˬ siˬ noeˬ mawˇ nya-eu ma.

Jaceuq 119:48

Nawˬ-euˬ zahˇ dawˬ kʼoꞈ dawˬ-ahˇ ngaˇ gaˬ-awˇ yaw zeu baw ma. Nawˇ mehˬ-eu tsoˆ-eu dawˬ-ahˇ ngaˇ gʼaˬ shaˇ ma.

Jaceuq 119:15

Nawˇ mehˬ-eu tsoˆ-eu dawˬ-ahˇ ngaˇ dzaw geuꞈ-awˇ, nawˬ-euˬ gaˇ ma-ahˇ ngaˇ shaˇ sawˇ ma.

2 Gawˇliˬtu 8:5

Kʼoeˇ-aˬ, nga maꞈ neh noeˬ tmˬ taˬ-euˬ taꞈ-ehˇ dzehˬ leˇ taˬ-euˬ jeˬ pyeuꞈ-eu meh. Yaw beh tiˬ tiˆ, aˬ yawꞈ maꞈ-euˬ gʼawˇ mawˇ Sahˬpaˬ Yeˬsuˇ-ahˇ a nehˬ-euˬ meh. Nyiˬ tiˆ tiˬ tiˆ, Miˬyehˇ nui ma tsaˬ-eu loꞈ-ehˇ aˬ yawꞈ maꞈ-euˬ gʼawˇ mawˇ nga maꞈ-ahˇ a nehˬ laꞈ-euˬ meh.

Jaceuq 105:5

Aˬ yawꞈ-euˬ zaˬ kʼaˆ Aˬbyaˬhaˬ-euˬ zaˬ deuˬ uˆ deuˬ-oˇ, aˬ yawꞈ neh tseˇ doˆ-euˬ Yaˬkoˆ-euˬ zaˬ deuˬ uˆ deuˬ-oˇ, Miˬyehˇ neh mˇ-euˬ kʼaˆ jeˬ-ehˇ gʼeh-eu gaˇ deuˬ hawˇ-eu, aˬ yawꞈ neh yaˇ kʼaˬ daˇ-euˬ gaˇ kawˆ deuˬ-ahˇ, maˬ ngehˇ ni noeˬ keuˆ-awˬ.

Jaceuq 49:3

Ngaˬ-euˬ nui noeˬ ciˇ tahˬ naꞈ-awˇ, nui gahˇ byah-eu dawˬ ngaˇ ngehˬ ma.

Jaceuq 19:14

Ka kʼoꞈyaw sahˇ SahˬpaˬMiˬyehˇ, ngaˬ-euˬlo guˇpyeuꞈ-eu gʼaˬ-oˇ, ngaˬ-euˬnui noeˬnui duˇ hawˇ-eu, ngaˬneh ngehˬ-euˬtmˇ-euˬ dawˬdeuˬ, nawˇgeuꞈnya-eu jeˬbi pyeuꞈlaꞈ.

1 Gawˇliˬtu 16:15

Saˬteˬpaˬ hawˇ-eu aˬ yawꞈ-euˬ miˬ sawˇ zaˬ deuˬ gaˇ kawˆ naw maꞈ siˬ nya meh. Aˬ yawꞈ pehˬ-aˬ, Aˬˬgaˬyaˇ miˇ kʼahˬ laꞈ kʼoeˇ Ka li zaˬ pyeuꞈ beh beh laˇ-awˇ, Miˬyehˇ-euˬ tsawˇ haˬ deuˬ gʼaˇ duˬ gaˇ mˇ-eu lehˇ gʼawˇ mawˇ damˬ taˬ-euˬ tsawˇ haˬ meh. Ngaˇ naw maꞈ-ahˇ heu loꞈ-ehˇ shaˇ-eu ma.

Jaceuq 119:23

Sahˬ paˬ sahˬ ma deuˬ ngaˬ-ahˇ yaw doeˇ jahˇ-eu lehˇ mehˬ bawˬ mˇ kʼawꞈ, nawˬ-euˬ zahˇ sahˇ kʼoꞈ-ahˇ ngaˇ dzaw geuꞈ ma.

Jaceuq 77:12

Nawˬ neh mˇ yaꞈ-euˬ gaˇ dawˬ tawˆ luꞈ-ahˇ ngaˇ paˇ shaˇ noeˬ poˆ ma. Nawˬ-euˬ huiˬ-eu gaˇ kʼoeˇ deuˬ-ahˇ, ngaˇ ciˬ cuˇ ni shaˇ noeˬ-awˇ gʼaˬ yuˇ ma.

Jaceuq 63:6

Ngaˇ yuꞈ zaˇ-ahˇ yuꞈ luꞈ ngeh, nawˬ-ahˇ noeˬ mawˇ-eu ma. Uˬ ciꞈ miˇ lah-ehˇ nawˬ-euˬ gaˇ kawˆ ngaˇ shaˇ noeˬ-euˬ ma.

Jaceuq 1:2

SahˬpaˬMiˬyehˇ-euˬ Zahˇdawˬ-ahˇ, naˇhaˬgeuꞈgaˇ laˬkʼaˬcehˇ-awˇ, uˬciꞈnah gʼahˇ maˬtsehˆleˇni, Zahˇdawˬ dzaw geuꞈ-eu baˬda neh,

2 Gawˇliˬtu 4:14

Sahˬpaˬ Yeˬsuˇ-ahˇ bi gʼoꞈ dehꞈ laˇ-euˬ Miˬyehˇ-aˬ, nga maꞈ-ahˇ Yeˬsuˇ nehˬ-ehˇ bi gʼoꞈ dehꞈ laˇ-awˇ, naw maꞈ nehˬ-ehˇ tiˬ kawˆ loꞈ-ehˇ aˬ yawꞈ mehˬ shi bi sheuˬ keuˆ laꞈ tehꞈ-a lehˇ nga maꞈ siˬ nya ma.

1 Tiˆmoˇseˬ 4:14

Miˬyehˇ gʼaˇ duˬ ngehˬ dah-eu deuˬ neh dawˬ ngehˬ gʼeh-awˇ Ka li zaˬ aˇ muˇ-euˬ aˬ yuiꞈ aˬ tsu deuˬ nawˬ-euˬ kʼoeˇ taˆ aˬ laꞈ baꞈ daˆ nehˬ ngeh za taˬ-euˬ jeˬ pyeuꞈ-eu guiˬ lahˬ saꞈ laˇ paw-euˬ laꞈ sawˬ deuˬ-ahˇ taˬ byehˇ dzeh taˬ.

1 Tiˆmoˇseˬ 4:16

Yawˬ ha-euˬ gʼawˇ mawˇ gaˇ kawˆ maˬ ehˇ, yawˬ ha mehˬ-eu tsoˆ-eu jeˬ gaˇ kawˆ maˬ ehˇ, yaw muiˬ-ehˇ yahˇ-awˬ. Gaˇ heu deuˬ-ahˇ maˬ byehˇ ni mˇ daˆ leꞈ-awˬ. Aˬ jeˬ miˇ neh ehˇ naˇ, nawˇ kʼoeˇ loꞈ-ehˇ mˇ-eu kʼoeˇ-aˬ, nawˬ-euˬ gʼawˇ mawˇ-ahˇ maˬ ehˇ, nawˬ neh mehˬ nehˬ tsoˆ nehˬ-euˬ tsawˇ haˬ deuˬ-ahˇ maˬ ehˇ, ka kʼoꞈ-eu jeˬ pyeuꞈ-eu meh.

Bawˇtsahˬ 8:26

Kʼoeˇ naˇ, Sehˬ gʼawˆ laꞈ kʼoeˇ gaˇ mˇ luꞈ-eu yawˬ ha-euˬ aˬ yuiꞈ aˬ nyiˇ Leˬbiˇ tsawˇ haˬ deuˬ-ahˇ ya caw ba meh. Ehˇ kʼawꞈ, yawˬ haˇ yawˬ ha gaˇ tawˬ-awˇ maˬ ya mˇ-a. Heu-aˬ, Leˬbiˇ tsawˇ haˬ deuˬ-ahˇ nawˇ aˬ joˆ-ehˇ gaˇ ya biˇ mˇ-eu gaˇ kawˆ meh.”