1 Tiˆmoˇseˬ 4:12 - Akha

¹² Nawˇ zaˬ guˬ pyeuꞈ-eu miˇ neh, aˬ cawˬ neh yehˬ bawˬ sehˇ lu-ehˇ maˬ ya bi ehˇ ni yahˇ-awˬ. Kʼoeˇ uˬ taꞈ, ngehˬ-eu tmˇ-eu, dehꞈ-eu jawˇ-eu, gʼoeˇ-eu gaˬ-eu, jah-eu, muiˬ-eu shawˇ-eu, heu deuˬ laꞈ kʼoeˇ, jah-eu tsawˇ haˬ deuˬ nawˬ-ahˇ bi dzaw geuꞈ paˬ-ehˇ dehꞈ-awˬ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹² Nawr zaqguq pyeuf-eu mirnae, aqcawq nae yaeqbawq-aer taqbi hawdoer. Ngaeq-awr tmr-eu paw, mr-awr shar-eu paw, gaq-eu paw, saflar paw, jan-eu paw hawr-eu shawrjaevni daef-eu paw, jan-eu tsawrhaq, nawq-anr hawgeuf dzawgeufduq pyeuf paq-aer daef-awq.

1 Tiˆmoˇseˬ 4:12 Referans Kwoze

Tiˇtuˆ 2:7

Yawˬ jeˬ na luꞈ laꞈ kʼoeˇ, nawˬ-ahˇ aˬ cawˬ yaw muiˬ jeˬ dzaw geuꞈ paˬ-ehˇ dehꞈ mehˬ jawˇ mehˬ nehˬ-awˬ. Nawˇ mehˬ nehˬ tsoˆ nehˬ ngeh, nui ma keuˆ-eu laꞈ kʼoeˇ dawˇ coe ni mehˬ nehˬ-awˬ.

2 Tiˆmoˇseˬ 2:22

Zaˬ guˬ deuˬ nui kʼahˇ jaˆ-eu jeˬ-ahˇ gaˇ jaw jaw-awˇ, Sahˬpaˬ Yeˬsuˇ-ahˇ caw ba nehˬ laꞈ lehˇ kuˇ luꞈ-eu nui ma shawˇ jehˆ ni gʼeh-eu tsawˇ haˬ deuˬ nehˬ-ehˇ tiˬ kawˆ loꞈ-ehˇ, yaw tsaˬ yaw dawˇ jeˬ , jah-eu jeˬ, gʼoeˇ-eu gaˬ-eu jeˬ, tsaˬ leˇ dzoeˇ leˇ-eu jeˬ, heu deuˬ gʼaˇ duˬ leh jeh dui dui-awˬ.

2 Tiˆmoˇseˬ 2:15

Yawˬ ha-euˬ gaˇ mˇ-eu gʼaˇ duˬ maˬ shaꞈ dawˇ-eu gaˇ mˇ zaˬ loꞈ-ehˇ maˬ ehˇ, Miˬyehˇ-euˬ yaw tsaˬ yaw dawˇ jeˬ gaˇ kawˆ dawˇ coe ni mehˬ-eu tsawˇ haˬ loꞈ-ehˇ maˬ ehˇ, Miˬyehˇ nui kʼahˇ shiˇ dui dui-eu tsawˇ haˬ tiˬ gʼaˬ pyeuꞈ laˇ ni leh jeh dui dui-awˬ.

1 Beˬtuˆluˆ 5:3

Miˬyehˇ neh nawˬ-ahˇ a nehˬ-awˇ bi bo saˆ-euˬ yawˇ yawˇ maꞈ kʼoeˇ taˆ zuiˆ gʼaˬ-eu taˬ leh jeh. Yawˇ yawˇ maꞈ nawˬ-ahˇ haw-awˇ dzaw geuꞈ paꞈ-ehˇ mˇ mehˬ shaˇ mehˬ mehˬ-awˬ.

1 Gawˇliˬtu 11:1

Ngaˇ Ka li-ahˇ dzaw geuꞈ-eu loꞈ-ehˇ, naw maꞈ ngaˬ-ahˇ dzaw geuꞈ-awˬ.

1 Teˇsaˬloˇni 1:6

Nga maꞈ-ahˇ maˬ ehˇ, Sahˬpaˬ Yeˬsuˇ-ahˇ maˬ ehˇ, naw maꞈ dzaw geuꞈ-euˬ meh. Shaˬ-eu zahˬ-eu jeˬ-ahˇ naw maꞈ ya daˬ dui dui-euˬ kʼawꞈ, Muiˬ-eu shawˇ-eu Yaw sahˇ Miˬyehˇ neh biꞈ-euˬ laˬ kʼaˬ cehˇ-eu jeˬtiˬ byah ni ahˇ-eu laꞈ kʼoeˇ, guiˬ lahˬ dawˬ-ahˇ naw maꞈ ha geuꞈ-euˬ meh.

Tiˇtuˆ 2:15

Gaˇ kawˆ heu deuˬ mehˬ nehˬ tsoˆ nehˬ-awˬ. Gʼaˬ biꞈ ngeh maˬ ehˇ, dehˬ dehˬ-ehˇ mehˬ paˇ tsoˆ paˇ ngeh maˬ ehˇ, baoˬ tiˬ byah ni zmˬ-awˬ. Aˬ cawˬ tiˬ gʼaˬ-iˬ nawˬ-ahˇ ta bi taˬ nyiˇ.

Maꞈtehˬ 18:10

“Tsawˇ haˬ yaw nyiˇ heu loꞈ-ehˇ gʼeh-eu tiˬ gʼaˬ na-ahˇ naw maꞈ yehˬ bawˬ sehˇ lu-ehˇ maˬ ya gʼeh ni yahˇ-awˬ. Mˬ kʼoeˇ taˆ ngaˬ Da-euˬ mehˬ shi, aˬ yawꞈ maꞈ-euˬ mˬ taˆ gʼaˬ kʼehˇ deuˬ aˬ myah luꞈ jawˇ-eu meh lehˇ, naw maꞈ-ahˇ ngaˇ ehˇ-eu ma.Jaˇliꞈ tiˬ paˆ na deuˬ laꞈ kʼoeˇ, gaˬ naˇ yaw zaˬ 11 heu loꞈ-ehˇ ahˇ-eu meh. 18.11: Aˬ jeˬ miˇ neh ehˇ naˇ, byoˆ-iˇ-euˬ tsawˇ haˬ deuˬ-ahˇ ka kʼoꞈ-eu gʼaˇ duˬ, Tsawˇhaˬ-euˬ Zaˬmaˇ oe-euˬ meh(Luˇkaꞈ 19.10)*

2 Tiˆmoˇseˬ 2:7

Ngaˇ ehˇ luꞈ-eu gaˇ kawˆ heu deuˬ-ahˇ yaw muiˬ paˬ-ehˇ shaˇ sawˇ haw-awˬ. Aˬ jeˬ miˇ neh ehˇ naˇ, kʼoeˇ deuˬ dawˬ tawˆ luꞈ-ahˇ nawˇ gʼoˆ shaw nya ni, Sahˬpaˬ Yeˬsuˇ caw ba tehꞈ-a.

Yaˬkoˆ 3:13

Naw maꞈ laꞈ kʼoeˇ, tsawˇ gahˇ ahˇ-awˇ siˬ-eu nya-eu tsawˇ haˬ jawˇ te loˇ. Muiˬ-eu dehꞈ-eu jawˇ-eu jeˬ laꞈ kʼoeˇ maˬ ehˇ, nui nahˬ nui yu hawˇ-eu nui gahˇ neh mˇ doˆ shaˇ doˆ laꞈ-eu muiˬ-eu gaˇ deuˬ laꞈ kʼoeˇ maˬ ehˇ, zaˬ siˬ tsawˇ gahˇ kʼoeˇ bi doˆ laˇ-awˬ.

Yaˬkoˆ 3:17

Ehˇ kʼawꞈ, mˬ-ahˇ neh doˆ le-euˬ zaˬ siˬ tsawˇ gahˇ gaˇ kawˆ ya ehˇ naˇ, yaw beh tiˬ jeˬ-aˬ, muiˬ-eu shawˇ-eu jeˬ meh. Kʼoeˇ jiˇ naˇ, tsaˬ leˇ dzoeˇ leˇ-eu, nui nahˬ nui yu ahˇ-eu, bya cehˆ ni cawˬ cawˬ taꞈ-eu heu deuˬ meh. Gʼawˬ shaˬ gaˬ-eu nui ma tiˬ byah ni ahˇ-awˇ, yaw muiˬ jeˬ mˇ doˆ shaˇ doˆ laꞈ-eu meh. Myaˆ pyawˬ huiˬ nyiˇ maˬ tseˇ-eu uˬ taꞈ, nui ma laꞈ gʼoꞈ maˬ baw-a.

Piˇliˇpiˆ 4:8

Aˬ yuiꞈ aˬ nyiˇ Ka li zaˬ deuˬ-oˇ, aˇ saˬ saˬ-eu dawˬ heu loꞈ-ehˇ ehˇ-eu ma. Yaw muiˬ jeˬ hawˇ-eu ja ceuˬ paˬ-ehˇ gʼeh-eu jeˬ pyeuꞈ-eu, tsaˬ-eu dawˇ-eu jeˬ, aˬ cawˬ yaw zeu baw paˬ-ehˇ gʼeh-eu jeˬ, aˬ cawˬ-ahˇ dehꞈ tsaˬ dehꞈ tsahˇ-eu jeˬ, muiˬ-eu shawˇ-eu jeˬ, aˬ cawˬ haw gaˬ paˬ-ehˇ gʼeh-eu jeˬ, aˬ cawˬ taˬ huiˬ taˬ mahˇ paˬ-ehˇ gʼeh-eu jeˬ, heu deuˬ naw maꞈ laꞈ kʼoeˇ bi ahˇ-awˬ.

1 Teˇsaˬloˇni 2:10

Naw maꞈ jawˇ gaˇ nga maꞈ neh mˇ yaꞈ shaˇ yaꞈ-euˬ kʼoeˇ-aˬ, muiˬ-eu shawˇ-eu tsaˬ-eu dawˇ-eu jeˬ pyeuꞈ-awˇ, iˬ baˇ taˬ kʼaˇ maˬ za-eu gaˇ kawˆ naw maꞈ hawˇ-eu Miˬyehˇ siˬ duˬ mawˇ duˬ-euˬ meh.

1 Tiˆmoˇseˬ 1:14

Aˬ dui-euˬ Sahˬpaˬ Miˬyehˇ-aˬ, ngaˬ-ahˇ maˬ ehˇ jiˇ coeˇ-eu guiˬ lahˬ shehˆ daˆ nehˬ laꞈ-awˇ, Yeˬsuˇ Ka li laꞈ kʼoeˇ aˬ dui za-euˬ jah-eu jeˬ hawˇ-eu gʼoeˇ-eu gaˬ-eu jeˬ biꞈ nehˬ laꞈ-euˬ meh.

Zaˬkaˬliˇ 2:4

Mˬ taˆ gʼaˬ kʼehˇ yaw beh gʼaˬ, aˬ yawꞈ jawˇ gaˇ oe-euˬ mˬ taˆ gʼaˬ kʼehˇ kʼoeˇ gʼaˬ-ahˇ heu loꞈ-ehˇ ehˇ nehˬ-euˬ meh. “Yaw kawˇ-ehˇ cehˆ coeˬ coeˬ-awˇ, daˇ dza aˇ caˆ yuˇ luꞈ-eu zaˬ guˬ kʼoeˇ gʼaˬ-ahˇ heu loꞈ-ehˇ ehˇ nehˬ-iˇ-awˬ. Yeˬluˇsaˬlehˬ meuˬ laꞈ kʼoeˇ, jeˬ zaˬ hawˇ-eu tsawˇ haˬ aˇ dzehˬ myaˬ dzeuˇ-eu miˇ neh, meuˬ meuˬ lahˇ kʼoeˇ maˬ deˇ leˇ-a. Teu miˇ neh meuˬ meuˬ lahˇ maˬ bi jaˆ nya-a lehˇ ehˇ nehˬ-awˬ.