1 Tiˆmoˇseˬ 3:5 - Akha

⁵ Aˬ jeˬ miˇ neh ehˇ naˇ, yawˬ ha-euˬ nymˇ jiˇ-ahˇ maˬ gʼaˬ leˇ-eu tsawˇ haˬ-aˬ, Miˬyehˇ-euˬ Ka li zaˬ aˇ muˇ-ahˇ aˬ joˆ-ehˇ bo saˆ nya nmˇ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁵ Yawqha-euq nymrjir-anr maq uvlanr nya-eu tsawrhaq-aq, Miqyaer-euq Kalizaq armur-anr aqjox-aer bosav nya-eu?

1 Tiˆmoˇseˬ 3:5 Referans Kwoze

1 Saˬmeuˬlaˆ 3:13

Aˬ yawꞈ-euˬ aˬ li deuˬ ngaˬ-ahˇ ngehˬ bahˬ tmˇ bahˬ-euˬ miˇ neh, aˬ yawꞈ-euˬ nymˇ jiˇ-ahˇ aˬ myah luꞈ ngaˇ kʼehˬ nehˬ ma lehˇ, Eˇliˆ-ahˇ ngaˇ ehˇ nehˬ taˬ-euˬ jaˆ-eu ma. Aˬ yawꞈ maꞈ kʼoeˇ loꞈ-ehˇ gʼeh luꞈ-eu Eˇliˆ siˬ nya kʼawꞈ, aˬ yawꞈ maꞈ-ahˇ maˬ laˆ tsoeˬ-a.

Eˇpeˇsu 5:24

Kʼoeˇ miˇ neh, Ka li-euˬ dawˬ-ahˇ Ka li zaˬ aˇ muˇ tiˬ byah ni naˇ haˬ geuꞈ-eu loꞈ-ehˇ, kʼaˬ dzeˇ zaˬ-euˬ dawˬ-ahˇ miˬ zaˬ gʼaˬ tiˬ byah ni ya naˇ haˬ geuꞈ-eu meh.

Eˇpeˇsu 5:32

Jaˇliꞈ aˇ deuˆ heu deuˆ laꞈ kʼoeˇ, naꞈ dui dui-eu zaꞈ taˬ-euˬ jeˬ pah mehˬ luꞈ-eu meh. Kʼoeˇ-aˬ, Ka li hawˇ-eu Ka li zaˬ aˇ muˇ-ahˇ ehˇ mawꞈ-eu meh lehˇ ngaˇ gʼoˆ shaw-eu ma.

1 Tiˆmoˇseˬ 3:15

Ehˇ kʼawꞈ, ngaˇ yaw kawˇ-ehˇ maˬ laˇ keuˆ nya lawˬ naˇ, dehꞈ luꞈ-eu Miˬyehˇ-euˬ Ka li zaˬ aˇ muˇ pyeuꞈ-awˇ, yaw tsaˬ yaw dawˇ jeˬ-ahˇ toˆ diˇ taˬ-euˬ kʼawˇ zeuˇ pyeuꞈ-eu Miˬyehˇ-euˬ nymˇ jiˇ-ahˇ aˬ joˆ-ehˇ ya sheuˬ gʼeh-eu gaˇ kawˆ, sahˬ boꞈ heu taꞈ nawˬ-ahˇ mehˬ nehˬ laꞈ tehꞈ-a.

Eˇpeˇsu 1:22

Dawˬ tawˆ luꞈ Miˬyehˇ neh Ka li-euˬ aˬ kuiˇ pehˬ zaˬ uˬ moˆ bi jaˆ-awˇ, Ka li zaˬ aˇ muˇ-euˬ gʼaˇ duˬ aˬ yawꞈ-ahˇ dawˬ tawˆ luꞈ kʼoeˇ taˆ uˬ duˬ bi geuꞈ-euˬ meh.

Gʼaˬkʼehˇ 20:28

Kʼoeˇ miˇ neh, naw maꞈ-euˬ gʼawˇ mawˇ yaw muiˬ paˬ-ehˇ yahˇ-awˇ dehꞈ-eu uˬ taꞈ, Muiˬ-eu shawˇ-eu Yaw sahˇ Miˬyehˇ neh naw maꞈ-ahˇ a nehˬ-awˇ bi haw bi pyaˆ-euˬ yawˇ yawˇ maꞈ-ahˇ yaw muiˬ paˬ-ehˇ bo saˆ haw piˇ-awˬ. Miˬyehˇ neh aˬ yawꞈ-euˬ Zaˬmaˇ bi shiˇ dah-awˇ zeuˇ tsehˆ taˬ-euˬ aˬ yawꞈ-euˬ Ka li zaˬ aˇ muˇ-ahˇ yawˇ bo-eu loꞈ-ehˇ bo-awˬ.

1 Gawˇliˬtu 10:32

Yuˇdaˆ tsawˇ haˬ deuˬ-ahˇ maˬ ehˇ, Yuˇdaˆ tsawˇ haˬ maˬ ngeuˇ-eu deuˬ-ahˇ maˬ ehˇ, Miˬyehˇ-euˬ Ka li zaˬ aˇ muˇ-ahˇ maˬ ehˇ, coeˬ-eu ciˆ-eu jeˬ maˬ mˇ ni dehꞈ-awˬ.