1 Tiˆmoˇseˬ 1:9 - Akha

⁹ Ehˇ kʼawꞈ, zahˇ dawˬ kʼoꞈ dawˬ-aˬ, tsawˇ haˬ yaw muiˬ deuˬ gʼaˇ duˬ taˬ taˬ-euˬ maˬ ngeuˇ-a. Zahˇ dawˬ kʼoꞈ dawˬ-ahˇ mˇ bahˬ-eu tsawˇ haˬ, naˬ lehˬ lehˬ-eu tsawˇ haˬ, Miˬyehˇ-ahˇ yaw zeu maˬ baw-eu tsawˇ haˬ, iˬ baˇ mˇ-eu tsawˇ haˬ, uˬ duˬ tahˬ-eu zahˇ sahˇ kʼoꞈ hawˇ-eu guiˬ lahˬ saꞈ laˇ paw maˬ taˬ huiˬ-eu tsawˇ haˬ, aˬ da aˬ ma-ahˇ sehꞈ-eu tsawˇ haˬ, aˬ cawˬ-ahˇ sehꞈ-eu tsawˇ haˬ,

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁹ Aqjeq mirnae aernar-aq, zanrdawq-aq, tsaq-awr dawr-eu tsawrhaq-euq gharduq bijav-euq maqngeur-a. Zanrdawq-anr leur-eu deuq, maq narhaq geuf-eu tsawrhaq, Miqyaer-anr yawzeu maqbaw-eu tsawrhaq, iqbaxzaq deuq, maqshawr-eu tsawrhaq, lavjawf-eu tsawrhaq, aqma aqda-anr saef-eu tsawrhaq, aqcawq-anr saef-eu tsawrhaq,

1 Tiˆmoˇseˬ 1:9 Referans Kwoze

Gaˬlaˬtiˆ 3:19

Toˆ-ehˇ ngeuˇ naˇ, Zahˇ dawˬ kʼoꞈ dawˬ kʼoeˇ aˬ jeˬ-euˬ gʼaˇ duˬ pyeuꞈ ta. Kʼoeˇ-aˬ, mˇ lehˬ-euˬ jeˬ-ahˇ bi siˬ nya-eu gʼaˇ duˬ biꞈ lahˬ laꞈ-euˬ jeˬ pyeuꞈ-awˇ, Miˬyehˇ neh saˇ jaˇ dzaˬ taˬ-euˬ gʼaˬ pyeuꞈ-eu Aˬbyaˬhaˬ-euˬ zaˬ kʼoeˇ gʼaˬ oe keuˆ ngeh keuˆ ni bi zmˬ-eu gʼaˇ duˬ biꞈ taˬ-euˬ jeˬ pyeuꞈ-eu meh. Zahˇ dawˬ kʼoꞈ dawˬ-aˬ, mˬ taˆ gʼaˬ kʼehˇ neh hehˇ ka leꞈ-awˇ, tsawˇ kaˬ tiˬ gʼaˬ-ahˇ neh tiˬ tiˆ biꞈ nehˬ le-euˬ jeˬ pyeuꞈ-eu meh.

1 Beˬtuˆluˆ 4:18

Jaˇliꞈ laꞈ kʼoeˇ heu loꞈ-ehˇ ehˇ taˬ-euˬ meh. “Ka kʼoꞈ-eu jeˬ-ahˇ za nya ni, tsawˇ muiˬ deuˬ kʼawꞈ maˬ awˬ-eu-aˬ, Miˬyehˇ ehˇ dawˬ maˬ naˇ haˬ-eu, iˬ baˇ zaˬ deuˬ aˇ naˆ shaˬ nmˇ.”

Lormav 5:20

Zahˇ dawˬ kʼoꞈ dawˬ biꞈ leꞈ-euˬ-aˬ, yaw lehˬ mˇ-eu bi myaˬ laˇ-eu gʼaˇ duˬ meh. Ehˇ kʼawꞈ, iˬ baˇ kʼaˇ myaˬ laˇ gaˇ Miˬyehˇ-euˬ guiˬ lahˬ kʼoeˇ myaˆ maˬ tseˇ myaˬ laˇ luꞈ-eu meh.

Gaˬlaˬtiˆ 5:23

nui nahˬ nui yu ahˇ-eu, yawˬ ha-euˬ nui ma-ahˇ gʼaˬ leˇ-eu, heu deuˬ meh. Heu deuˬ-ahˇ laˆ tsoeˬ-eu zahˇ dawˬ kʼoꞈ dawˬ tiˬ dawˬ-iˬ maˬ jaˆ-a.

Tiˇtuˆ 3:3

Aˬ jeˬ miˇ neh ehˇ naˇ, aˬ dui kʼawꞈ dzeuˇ laˇ ngeh aˬ dzawˬ aˇ gah gah-awˇ, ehˇ dawˬ maˬ naˇ haˬ-euˬ uˬ taꞈ, yaw lehˬ yaw ca jeˬ-ahˇ mˇ-euˬ ma. Shiˬ shaˬ jiˇ-euˬ nui noeˬ nui loˆ hawˇ-eu byawˬ gʼa mo gʼa-eu gʼawˬ mya jeˬ-euˬ zaˬ kʼaˆ geuꞈ dzeuˇ yaꞈ-euˬ ma. Aˬ cawˬ-ahˇ myaˆ naˆ-euˬ uˬ taꞈ, coeˬ-eu ciˆ-eu jeˬ mˇ dzeuˇ yaꞈ-euˬ tsawˇ haˬ deuˬ pyeuꞈ-eu ma. Aˬ cawˬ aˬ dui-ahˇ bye-awˇ, aˬ dui kʼawꞈ aˬ cawˬ-ahˇ bye-euˬ ma.

Lormav 6:14

Iˬ baˇ neh naw maꞈ-ahˇ taˬ paˇ bi uˆ lahˇ. Aˬ jeˬ miˇ neh ehˇ naˇ, zahˇ dawˬ kʼoꞈ dawˬ uˬ moˆ naw maꞈ maˬ paˇ jawˇ-ehˇ, Miˬyehˇ-euˬ guiˬ lahˬ yaw dzahˇ uˬ moˆ jawˇ luꞈ-eu meh.

Lormav 1:30

Tiˬ gʼaˬ tiˇ gʼaˬ ja bu ja doeˇ-eu, Miˬyehˇ-ahˇ muiˇ-eu, aˬ cawˬ-ahˇ ngehˬ coeˬ ehˇ coeˬ-eu, yawˬ haˇ yawˬ ha taˬ huiˬ-eu, kʼahˬ sehˇ jehˆ-eu, yaw haiˬ jeˬ mˇ-eu gʼaˇ duˬ kʼaˆ kʼaˆ ni shaˇ noeˬ-eu, aˬ da aˬ ma ehˇ dawˬ maˬ naˇ haˬ-eu, heu deuˬ kʼawꞈ ahˇ-eu meh.

Panmaeq 22:15

Ehˇ kʼawꞈ, dehꞈ jawꞈ dui dui-eu tsawˇ haˬ deuˬ, maw loˬ ja maw mˇ-eu tsawˇ haˬ deuˬ, kʼaˬ miˬ sheu-eu tsawˇ haˬ deuˬ, aˬ cawˬ-ahˇ sehꞈ-eu tsawˇ haˬ deuˬ, tahˬ pahˬ aˬ ma mawˇ kawˇ-ahˇ uˬ duˬ tahˬ-eu tsawˇ haˬ deuˬ, ngehˬ-eu tmˇ-eu mˇ-eu shaˇ-eu laꞈ kʼoeˇ jaˬ myawꞈ myawꞈ-eu tsawˇ haˬ deuˬ, heu deuˬ-aˬ meuˬ-euˬ laꞈ nyiˇ ya jawˇ tehꞈ-a.

Panmaeq 21:8

Ehˇ kʼawꞈ, guˆ-eu nui ma ahˇ-eu tsawˇ haˬ, saˇ jaˇ puiˬ-eu tsawˇ haˬ, yaw jawꞈ jeˬ mˇ-eu tsawˇ haˬ, tsawˇ haˬ sehꞈ-eu tsawˇ haˬ, maˬ tsaˬ maˬ dawˇ-eu laꞈ kʼoeˇ kʼaˬ miˬ sheu-eu tsawˇ haˬ, mah loˬ ja maw zmˬ-eu tsawˇ haˬ, tahˬ pahˬ aˬ ma mawˇ kawˇ-ahˇ uˬ duˬ tahˬ-eu tsawˇ haˬ, jaˬ myawꞈ mehˇ shuiˇ shuiˇ-eu tsawˇ haˬ, heu loꞈ-ehˇ gʼeh-eu deuˬ-ahˇ oꞈ-eu jawˇ duˬ-aˬ, nyiˬ poˆ tiˬ poˆ shiˇ-eu jeˬ pyeuꞈ-eu, miˬ dzaˬ hawˇ-eu miˬ dzaˇ dzaˇ shuiˇ doꞈ luꞈ-eu lah kʼoeˇ lah meh.

Tiˇtuˆ 1:16

Aˬ yawꞈ maꞈ Miˬyehˇ-ahˇ siˬ nya ma lehˇ ehˇ-eu kʼawꞈ, aˬ yawꞈ maꞈ mˇ-eu shaˇ-eu kʼoeˇ loꞈ-ehˇ maˬ ngeuˇ-a. Aˬ yawꞈ maꞈ-aˬ, bye dui dui laˇ paˬ-ehˇ gʼeh-eu, ehˇ dawˬ maˬ naˇ haˬ-eu tsawˇ haˬ deuˬ pyeuꞈ-awˇ, yaw muiˬ jeˬ mˇ-eu tiˬ pawꞈ-iˬ maˬ geuˇ-a.

1 Beˬtuˆluˆ 3:20

Bi ka lahˇ taˬ-euˬ saꞈ laˇ kʼoeˇ deuˬ-aˬ, Noˇaˬ saˇ baoˬ jahˇ-euˬ ziˇ kʼoeˇ ziˇ-ahˇ Miˬyehˇ nui ma gʼawˬ mahˇ ni taˬ-awˇ dawˬ-euˬ kʼawꞈ, Miˬyehˇ-euˬ ehˇ dawˬ maˬ naˇ haˬ-euˬ tsawˇ haˬ kʼoeˇ deuˬ-euˬ saꞈ laˇ deuˬ meh. Saˇ baoˬ laꞈ kʼoeˇ uˇ leˇ-euˬ tsawˇ haˬ yehꞈ gʼaˬ tehꞈ-ehˇ Miˬyehˇ neh iˇ cuꞈ-ahˇ bi buˬ-iˇ-euˬ meh.

HeˬByehˇ 11:31

Laˬhaˇ lehˇ myahˇ-euˬ meh maˬ laˇ kʼoeˇ gʼaˬ Miˬyehˇ-euˬ ehˇ dawˬ maˬ naˇ haˬ-eu tsawˇ haˬ deuˬ nehˬ-ehˇ maˬ ya shiˇ caw-euˬ kʼoeˇ-aˬ, jah-eu jeˬ baˬ da neh meh. Aˬ jeˬ miˇ neh ehˇ naˇ, kʼoeˬ sho haw laˇ-euˬ Iˇsaˬleˬlaˆ tsawˇ haˬ deuˬ-ahˇ aˬ yawꞈ yaw muiˬ paˬ-ehˇ ha-euˬ meh.

2 Teˇsaˬloˇni 2:8

Kʼoeˇ ngeh jawˇ, Haiˬ dui dui-eu gʼaˬ-ahˇ bya cehˆ ni ya mawˇ tehꞈ-a. Ehˇ kʼawꞈ, Sahˬpaˬ Yeˬsuˇ oe ngeh a yawꞈ-euˬ kʼaˬ meh-euˬ saꞈ neh Haiˬ dui dui-eu Gʼaˬ-ahˇ baw sehꞈ-awˇ, aˬ yawꞈ-euˬ yaw sehꞈ kʼahˬ sehˇ naˇ guiˇ guiˇ-eu kʼoeˇ neh laˆ piˬ laˆ byoˆ nehˬ tehꞈ-a.

Lormav 4:13

Miˇ tsaˬ heu dawˬ tawˆ luꞈ Aˬbyaˬhaˬ hawˇ-eu aˬ yawꞈ-euˬ zaˬ deuˬ uˆ deuˬ-ahˇ biꞈ ma lehˇ Miˬyehˇ saˇ jaˇ dzaˬ ngeh, Aˬbyaˬhaˬ Zahˇ dawˬ kʼoꞈ dawˬ mehˬ nah caw teh-eu miˇ neh dzaˬ-euˬ maˬ ngeuˇ-a. Ehˇ kʼawꞈ, aˬ yawꞈ jah-awˇ, Miˬyehˇ neh yaw tsaˬ yaw dawˇ tsawˇ haˬ lehˇ bi ha geuꞈ-euˬ miˇ neh meh.

Maꞈtehˬ 10:21

“Mehˇ nmˇ yaw kaˬ tiˬ gʼaˬ tiˇ gʼaˬ bi shiˇ ni ahˬ dzaˬ-awˇ, aˬ da deuˬ kʼawꞈ zaˬ deuˬ-ahˇ kʼoeˇ loꞈ-ehˇ jahˇ nehˬ-eu jeˬ keuˆ le tehꞈ-a. Zaˬ deuˬ yawˬ ha-euˬ aˬ da aˬ ma bi shiˇ-eu jeˬ toˆ tehꞈ-a.

Yeˬsaˬgeˬlaˇ 21:25

“Iˇsaˬleˬlaˆ miˇ kʼahˬ-ahˇ uˆ lahˇ luꞈ-eu maˬ muiˬ maˬ shawˇ-eu tsawˇ haˬ yaw haiˬ gʼaˬ-oˇ, nawˬ-ahˇ aˇ saˬ saˬ-eu poˆ kʼehˬ-eu aˇ nah keuˆ le luꞈ meh.

Yeˬlaˬmiˇ 23:11

Sahˬpaˬ Miˬyehˇ ehˇ-eu, “Miˬyehˇ gʼaˇ duˬ ngehˬ dah-eu deuˬ hawˇ-eu, piˇ ma deuˬ Miˬyehˇ maˬ baw-ehˇ, Uˬ duˬ tahˬ nymˇ nymˇ ma laꞈ kʼoeˇ yaw haiˬ jeˬ mˇ luꞈ-eu, ngaˇ nyehꞈ duˬ taˬ-euˬ ma.

Dawqdaq 30:17

Yawˬ ha aˬ da-ahˇ cehꞈ lehꞈ ka niˇ gʼa-awˇ, aˬ ma ma mawˬ-ahˇ maˬ haw nahˇ-eu tsawˇ haˬ-aˬ, jeˬ shiˇ kʼaˬ dzeˇ neh bi dzaˬ-awˇ, dzeˇ ngawˇ neh myaˆ nuiˆ bi keuꞈ doˆ-eu tsaˬ meh.

Dawqdaq 30:11

Aˬ da-ahˇ yaˬ kʼehˇ yaˬ-awˇ, aˬ ma-ahˇ maˬ taˬ huiˬ-eu tsawˇ haˬ jawˇ-eu meh.

Dawqdaq 28:24

Yawˬ ha aˬ da aˬ ma-euˬ myawˬ kʼoeˬ-eu maˬ lehˬ-aˇ lehˇ noeˬ-eu tsawˇ haˬ-aˬ, smˇ kʼoeˬ kʼoeˬ ma ma-eu tsawˇ haˬ-ahˇ maˬ beu gaˇ-a.

Dawqdaq 28:17

Aˬ cawˬ-ahˇ sehꞈ-eu tsawˇ haˬ-aˬ, yawˬ ha lmˬ bymˇ yawˬ ha duˬ tehˇ tehˬ gaˇ duˇ-eu meh. Aˬ yawꞈ-ahˇ taˬ laˆ tsoeˬ nehˬ.

Dawqdaq 20:20

Aˬ ma aˬ da-ahˇ yaˬ kʼehˇ yaˬ-eu tsawˇ haˬ, zahˇ tsui ni gʼeh ngeh tsiˇ kʼmˬ miˆ-iˇ tehꞈ-a.

2 Laˬsaˬbaˬ 32:21

Sahˬpaˬ Miˬyehˇ neh mˬ taˆ gʼaˬ kʼehˇ pyehˬ gʼeh leꞈ-awˇ, Aˬshuˇliˆ guiˇ maꞈ-euˬ yehˇ deuˬ hawˇ-eu yaw huiˬ yaw mahˇ deuˬ-ahˇ bi sehꞈ-euˬ meh. Kʼoeˇ miˇ neh, Aˬshuˇliˆ sahˬpa kʼoeˇ gʼaˬ nui ma cawˆ-eu laꞈ kʼoeˇ, aˬ yawꞈ-euˬ miˇ kʼahˬ-ahˇ gʼoꞈ leˇ-euˬ meh. Kʼoeˇ naˇ, aˬ yawꞈ-euˬ miˬ yehˇ-euˬ uˬ duˬ tahˬ nymˇ laꞈ kʼoeˇ aˬ yawꞈ jawˇ luꞈ-eu aˇ nah tiˬ nah-ahˇ, aˬ yawꞈ-euˬ aˬ li tiˬ deuˬ mi cehˇ yuˇ-awˇ aˬ yawꞈ-ahˇ sehꞈ-euˬ meh.

2 Sahˬpaˬ 19:37

Tiˬ nah-aˬ, aˬ yawꞈ-euˬ miˬ yehˇ pyeuꞈ-eu Niˇsaˬlawˇ miˬ yehˇ-euˬ uˬ duˬ tahˬ nymˇ laꞈ kʼoeˇ aˬ yawꞈ uˬ duˬ tahˬ luꞈ ngeh, aˬ yawꞈ-euˬ aˬ li Aˬdaˬleˬmeˬlehˆ hawˇ-eu, Shaˬleˬzaˬ aˬ nyaꞈ nmˇ aˬ yawꞈ-ahˇ mi cehˇ deuˆ sehꞈ-awˇ Aˬyaˬyaˇ miˇ kʼahˬ paw cehˆ-euˬ meh. Kʼoeˇ naˇ, aˬ yawꞈ-euˬ aˬ li Eˇdaˬhaˬdoˬ gʼaˬ, aˬ yawꞈ-euˬ dah zaˇ sahˬ paˬ geuꞈ-euˬ meh.

2 Saˬmeuˬlaˆ 16:11

Aˬbiˇshaiˇ hawˇ-eu yaw huiˬ yaw mahˇ kʼoeˇ deuˬ-ahˇ Daˬbiˇ ehˇ nehˬ-eu, “Ngaˬ li maˇ maˇ ni gʼeh-eu gʼaˬ kʼawꞈ, ngaˬ-ahˇ sehꞈ-eu lehˇ leh jeh luꞈ-eu maˬ ngeuˇ-a loˇ. Aˬ jeˬ miˇ neh Beˬyaˬmiˬ tsawˇ jeuˬ heu gʼaˬ-ahˇ naw maꞈ zahˬ leˇ-eu nya. Sahˬpaˬ Miˬyehˇ neh aˬ yawꞈ-ahˇ kʼoeˇ loꞈ-ehˇ yaˬ kʼehˇ bi yaˬ-euˬ meh. Aˬ yawˇ yawꞈ kʼaˇ ehˇ mawꞈ-eu jeˬ ehˇ ehˇ-ehˇ jawˇ luꞈ-uˇ.

Dawˬmehˬ 27:16

“ ‘Yawˬ ha-euˬ aˬ da aˬ ma-ahˇ yaw zeu maˬ baw-eu tsawˇ haˬ kʼoeˇ taˆ Miˬyehˇ-euˬ yaˬ kʼehˇ yaˬ-eu jeˬ keuˆ le luꞈ-uˇ’ lehˇ, Leˬbiˇ tsawˇ haˬ deuˬ ya ehˇ meh. “Kʼoeˇ ngeh, tsawˇ haˬ dawˬ tawˆ luꞈ, ‘Aˬ meˬ’ lehˇ ya ehˇ kʼoꞈ meh.

Uˬ duˬ 20:9

Zahˇ sahˇ kʼoꞈ heu deuˬ-aˬ, Sahˬpaˬ Miˬyehˇ neh biꞈ-euˬ zahˇ sahˇ kʼoꞈ pyeuꞈ-eu meh. Yawˬ ha-euˬ aˬ ma aˬ da-ahˇ yaˬ kʼehˇ yaˬ-eu tsawˇ haˬ-aˬ, sehꞈ nehˬ gaˇ ya daˬ tehꞈ-a. Aˬ yawꞈ-aˬ, yawˬ haˇ yawˬ ha ya shiˇ ni mˇ-eu meh.

Doˆ-iˇ 21:14

Ehˇ kʼawꞈ, tsawˇ haˬ tiˬ gʼaˬ na nui ma pehˇ laˇ-awˇ, yawˬ gʼaˬ yawˬ-ahˇ sehꞈ naˇ, ngaˬ-euˬ lawˇ duˬ-ahˇ aˬ yawꞈ cehˆ-iˇ-awˇ cehˆ buˬ-euˬ kʼawꞈ, aˬ yawꞈ-ahˇ gʼeu doˆ-awˇ ya sehꞈ tehꞈ-a.

Doˆ-iˇ 20:13

“Aˬ cawˬ-ahˇ nawˇ maˬ ya sehꞈ-a.

1 Beˬtuˆluˆ 2:7

Kʼaˬ lo heu-aˬ, jah-eu tsawˇ haˬ deuˬ pyeuꞈ-eu naw maꞈ gʼaˇ duˬ poeˬ dui lawˬ dui dui-eu meh. Ehˇ kʼawꞈ, maˬ jah-eu tsawˇ haˬ deuˬ gʼaˇ duˬ-aˬ, heu loꞈ-ehˇ ehˇ taˬ-euˬ meh. “Nymˇ tsoˆ-eu deuˬ maˬ geuꞈ nahˇ-ehˇ, byehˇ dzeh taˬ-euˬ kʼaˬ lo kʼoeˇ siˬ, dawˬ tawˆ luꞈ naˆ maˬ tseˇ poeˬ-eu, laˬ coeˇ lo ziꞈ pyeuꞈ laˇ-euˬ meh.”

HeˬByehˇ 12:16

Aˬ li aˬ yuiꞈ-ahˇ oꞈ-eu aˇ yaˬ-ahˇ hawˬ tiˬ byawˇ neh paˇ dzeh-euˬ Iˇsawˇ loꞈ-ehˇ, tsawˇ haˬ tiˬ gʼaˬ-iˬ kʼaˬ miˬ sheu-awˇ Miˬyehˇ-ahˇ yaw zeu maˬ baw-eu tsawˇ haˬ maˬ ya bi pyeuꞈ ni yahˇ-awˬ.

Gaˬlaˬtiˆ 5:21

myaˆ naˆ-eu, dzaˬ yehꞈ dawˇ yehꞈ-eu, maˬ tsaˬ maˬ dawˇ-eu bawˬ-iˬ gʼeh-eu, heu loꞈ-ehˇ gʼeh-eu deuˬ mˇ doˆ laꞈ-eu meh. Kʼoeˇ loꞈ-ehˇ dehꞈ-eu tsawˇ haˬ deuˬ-aˬ, Miˬyehˇ Miˇ kʼahˬ-ahˇ maˬ ya uˇ lehˇ-a lehˇ dzeuˇ laˇ ngeh ngaˬ neh naw maꞈ-ahˇ ehˇ-euˬ loꞈ-ehˇ, nymˬ-mˇ kʼawꞈ tiˬ poˆ paˇ ehˇ-eu ma.

Gaˬlaˬtiˆ 5:18

Yaw sahˇ Miˬyehˇ sheuˬ gʼeh-eu mehˬ nah naw maꞈ caw teh naˇ, Zahˇ dawˬ kʼoꞈ dawˬ-euˬ uˬ moˆ naw maꞈ maˬ paˇ jawˇ meh.

1 Tiˆmoˇseˬ 4:7

Miˬyehˇ-ahˇ yaw zeu baw-eu jeˬ maˬ ahˇ-eu ja mahˇ maˬ tsahˇ-eu aˬ poeˬ dawˬ oeˇ deuˬ-ahˇ maˬ naˇ haˬ ni, Miˬyehˇ-ahˇ yaw zeu baw-eu jeˬ laꞈ kʼoeˇ bym laˇ byehˆ laˇ ni mˇ dzaw shaˇ dzaw tehˇ tehˬ-awˬ.

1 Tiˆmoˇseˬ 6:20

Tiˆmoˇseˬ-oˇ, nawˬ-ahˇ a nehˬ taˬ-euˬ jeˬ-ahˇ yaw muiˬ paˬ-ehˇ jeˬ hmˬ bo saˆ-awˬ. Gaˇ dahˇ maˬ tsoeˬ-eu jeˬ ngehˬ-eu tmˇ-eu jeˬ-ahˇ maˬ ehˇ, tsawˇ haˬ tiˬ paˆ na deuˬ neh “Zaˬ siˬ tawˇ gahˇ” lehˇ maˬ ngeuˇ gaˇ myahˇ lehˬ taˬ-euˬ tsawˇ pyehˇ pyehˇ-eu jeˬ-ahˇ maˬ ehˇ, gaˇ jaw jaw-awˬ.

2 Tiˆmoˇseˬ 2:16

Gaˇ dahˇ maˬ tsoeˬ-eu gaˇ kawˆ ja uˇ-eu jeˬ-ahˇ gaˇ jaw jaw-awˬ. Kʼoeˇ-aˬ, tsawˇ haˬ zaˬ deuˬ Miˬyehˇ-ahˇ gaˇ mahˇ kaˬ-iˇ ni jahˇ gaˇ duˇ-eu meh.

2 Tiˆmoˇseˬ 3:2

Tsawˇ haˬ zaˬ deuˬ-aˬ, yawˬ ha gʼaˇ duˬ tehꞈ-ehˇ shaˇ noe-eu, pyuˇ-ahˇ mehˇ juiˇ juiˇ-eu, kʼahˬ sehˇ jehˆ-eu, nui ma huiˬ-eu mahˇ-eu, aˬ cawˬ-ahˇ yehˬ bawˬ sehˇ lu-ehˇ ehˇ-eu, aˬ da aˬ ma-euˬ ehˇ dawˬ maˬ naˇ haˬ-eu, guiˬ lahˬ-ahˇ maˬ siˬ nya-eu, uˬ duˬ tahˬ-eu zahˇ sahˇ kʼoꞈ-ahˇ maˬ taˬ huiˬ-eu,

Tiˇtuˆ 1:6

Ka li zaˬ aˇ muˇ-ahˇ sheuˬ gʼeh-eu tsawˇ haˬ-aˬ, iˬ baˇ taˬ kʼaˇ maˬ za-eu tsawˇ haˬ ya bi pyeuꞈ meh. Miˬ zaˬ tiˬ gʼaˬ tehꞈ-ehˇ ya bi baw-awˇ, aˬ yawꞈ-euˬ zaˬ deuˬ kʼawꞈ Ka li-ahˇ jah-eu tsawˇ haˬ ya bi pyeuꞈ meh. Ehˇ dawˬ maˬ naˇ haˬ-eu aˬ dzawˬ aˇ gah gah-eu zaˬ deuˬ maˬ ya bi pyeuꞈ-a.

Tiˇtuˆ 1:10

Aˬ jeˬ miˇ neh ehˇ naˇ, ehˇ dawˬ maˬ naˇ haˬ-eu uˬ taꞈ, gaˇ dahˇ maˬ tsoeˬ-eu jeˬ ja-eu laꞈ kʼoeˇ aˬ cawˬ-ahˇ mehˇ shuiˇ shuiˇ-awˇ tsahˇ pyawˇ-eu tsawˇ haˬ gʼawˬ mya ni jawˇ-eu meh. Kʼoeˇ loꞈ-ehˇ gʼeh-eu tsawˇ haˬ deuˬ-aˬ, kʼaˆ kʼaˆ ni Yuˇdaˆ tsawˇ haˬ-euˬ zahˇ sahˇ kʼoꞈ tawˬ-awˇ Ka li zaˬ pyeuꞈ laˇ-euˬ kʼoeˇ deuˬ meh.

Yuˇdaˆ 1:15

Tsawˇ haˬ dawˬ tawˆ luꞈ-ahˇ yaˇ kʼaˬ daˇ-eu lehˇ oe-awˇ, aˬ yawꞈ maꞈ Miˬyehˇ-ahˇ yaw zeu maˬ baw ni mˇ taˬ shaˇ taˬ-euˬ miˇ neh maˬ ehˇ, Miˬyehˇ-ahˇ yaw zeu maˬ baw-eu iˬ baˇ zaˬ deuˬ neh aˬ yawꞈ-ahˇ ngehˬ doeˇ ehˇ doeˇ-euˬ miˇ neh maˬ ehˇ, aˬ yawꞈ maꞈ-ahˇ kʼehˬ nehˬ kʼaˆ nehˬ tehꞈ-a.”