1 Teˇsaˬloˇni 4:6 - Akha

⁶ Gaˇ kawˆ heu hmˬ-ahˇ taꞈ leˇ-awˇ, tsawˇ haˬ tiˬ gʼaˬ-iˬ aˬ yuiꞈ aˬ nyiˇ Ka li zaˬ-euˬ nymˇ jiˇ-ahˇ coeˬ-eu ciˆ-eu bahˬ-eu muˆ-eu jeˬ maˬ mˇ kʼmˬ-a. Gaˇ Kawˆ heu naw maꞈ-ahˇ nga maꞈ mehˬ nehˬ dzeuˇ gʼaˬ-euˬ ma. Kʼoeˇ loꞈ-ehˇ gʼeh-eu tsawˇ haˬ-ahˇ Sahˬpaˬ Yeˬsuˇ kʼehˬ nehˬ kʼaˆ nehˬ tehꞈ-a lehˇ, nga maꞈ yaw kʼaˆ kʼaˆ-ehˇ ehˇ-euˬ ma.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁶ Garkawv heu-anr tafler-awr nae tsawrhaq tiqghaq-iq yawqha-euq aqyuif aqnyir-anr coeqler civlerni, myawf-awr shuir-eu jeq taqmr. Nawmaf yanr de-eq laer dzeurlaf ngae ngar, nawmaf-anr yawkhav khav-aer maeqnaeq-euq lof-aer, Sanqpaq Miqyaer khoerlof-aer janr-euq tsawrhaq-anr yarkhaq darnaeq taef-a.

1 Teˇsaˬloˇni 4:6 Referans Kwoze

HeˬByehˇ 13:4

Sheuˬ dahˬ dzaˬ taꞈ-eu jeˬ-ahˇ tsawˇ haˬ yawˬ gʼaˬ na luꞈ ya taˬ huiˬ-awˇ, miˬ zaˬ yo zaˬ tiˬ gʼaˬ tiˇ gʼaˬ saˇ jaˇ ya ziꞈ meh. Maˬ tsaˬ maˬ dawˇ-eu laꞈ kʼoeˇ kʼaˬ miˬ sheu-eu tsawˇ haˬ deuˬ hawˇ-eu, aˬ cawˬ nehˬ-ehˇ joe-eu tsawˇ ha deuˬ-ahˇ Miˬyehˇ yaˇ kʼaˬ daˇ tehꞈ-a.

Lormav 12:19

Aˬ yuiꞈ aˬ nyiˇ Ka li zaˬ deuˬ-oˇ, aˬ cawˬ-ahˇ laꞈ poˆ tiˬ jawˇ-iˬ taˬ poˆ. Miˬyehˇ yaˇ kʼaˬ daˇ luꞈ-uˇ. Aˬ jeˬ miˇ neh ehˇ naˇ, Jaˇliꞈ laꞈ kʼoeˇ heu loꞈ-ehˇ ehˇ taˬ-euˬ meh. “Laꞈ poˆ poˆ-eu jeˬ-aˬ, ngaˬ-ahˇ taꞈ-eu jeˬ pyeuꞈ-eu ma. Ngaˇ jahˇ kʼoꞈ nehˬ ma lehˇ Sahˬpaˬ Miˬyehˇ ehˇ-eu meh.”

Doˆ-iˇ 20:17

“Aˬ cawˬ-euˬ nymˇ-ahˇ nawˇ mehˇ juiˇ maˬ ya juiˇ-a. Aˬ cawˬ-euˬ miˬ zaˬ-ahˇ maˬ ehˇ, zaˬ kʼaˆ deuˬ-ahˇ maˬ ehˇ, mawˇ neˇ deuˬ-ahˇ maˬ ehˇ, mahˬ tahˬ laˆ deuˬ-ahˇ maˬ ehˇ, aˬ cawˬ kʼaˇ jaˆ-eu jeˬ-ahˇ, nawˇ mehˇ juiˇ maˬ ya juiˇ-a.”

Lormav 1:18

Yaw tsaˬ yaw dawˇ jeˬ-ahˇ aˬ cawˬ maˬ mawˇ nya ni laˆ tsoeˬ-eu tsawˇ haˬ zaˬ-euˬ iˬ baˇ hawˇ-eu yaw haiˬ jeˬ mˇ gaˇ, Miˬyehˇ nui ma pehˇ-eu laꞈ kʼoeˇ tsawˇ haˬ zaˬ-ahˇ yaˇ kʼaˬ daˇ-eu gaˇ kawˆ, mˬ-ahˇ neh pah mehˬ leꞈ-euˬ meh.

Dawqdaq 28:24

Yawˬ ha aˬ da aˬ ma-euˬ myawˬ kʼoeˬ-eu maˬ lehˬ-aˇ lehˇ noeˬ-eu tsawˇ haˬ-aˬ, smˇ kʼoeˬ kʼoeˬ ma ma-eu tsawˇ haˬ-ahˇ maˬ beu gaˇ-a.

Doˆ-iˇ 20:15

“Aˬ cawˬ-euˬ myawˬ nawˇ maˬ ya kʼoeˬ-a.

Yaˬkoˆ 5:4

Naw maꞈ-euˬ deh yaˇ-ahˇ gaˇ bi mˇ-euˬ tsawˇ haˬ deuˬ-ahˇ naw maꞈ gʼaˬ gaˇ poeˬ maˬ biꞈ-a. Aˬ yawꞈ maꞈ toˇ gaˇ naˇ haˬ sheˇ. Naw maꞈ-euˬ cehˇ laˆ luiˆ nehˬ-euˬ tsawˇ haˬ kʼoeˇ deuˬ ngoeˇ ngoeˇ-ehˇ guˇ-eu teˇ saˇ kʼoeˇ, Baoˬ huiˬ-eu Sahˬpaˬ Miˬyehˇ-euˬ naˬ bawˇ-ahˇ gaˬ keuˆ leˇ-euˬ meh.

Yaˬkoˆ 2:6

Ehˇ kʼawꞈ, shaˬ-eu zahˬ-eu tsawˇ haˬ deuˬ-ahˇ naw maꞈ yaw zeu maˬ baw-a. Naw maꞈ-euˬ kʼoeˇ taˆ nawˬ tehˬ-awˇ naw maꞈ-ahˇ yaˇ kʼaˬ daˇ duˬ-ahˇ sheuˬ gʼeh-eu kʼoeˇ, aˬ suˇ gʼaˬ-a. Smˇ muiˬ smˇ baw deuˬ maˬ ngeuˇ-a loˇ.

Gaˬlaˬtiˆ 5:21

myaˆ naˆ-eu, dzaˬ yehꞈ dawˇ yehꞈ-eu, maˬ tsaˬ maˬ dawˇ-eu bawˬ-iˬ gʼeh-eu, heu loꞈ-ehˇ gʼeh-eu deuˬ mˇ doˆ laꞈ-eu meh. Kʼoeˇ loꞈ-ehˇ dehꞈ-eu tsawˇ haˬ deuˬ-aˬ, Miˬyehˇ Miˇ kʼahˬ-ahˇ maˬ ya uˇ lehˇ-a lehˇ dzeuˇ laˇ ngeh ngaˬ neh naw maꞈ-ahˇ ehˇ-euˬ loꞈ-ehˇ, nymˬ-mˇ kʼawꞈ tiˬ poˆ paˇ ehˇ-eu ma.

Lormav 13:4

Aˬ jeˬ miˇ neh ehˇ naˇ, sahˬ paˬ sahˬ ma-aˬ, nawˬ-euˬ gʼaˇ duˬ muiˬ ni Miˬyehˇ neh kʼehˇ taˬ-euˬ tsawˇ haˬ pyeuꞈ-eu meh. Ehˇ kʼawꞈ, nawˇ maˬ muiˬ-eu jeˬ mˇ naˇ, sahˬ paˬ sahˬ ma-ahˇ guˆ-awˬ. Aˬ yawꞈ nawˬ-ahˇ kʼehˬ-eu yaw duˬ baw meh. Aˬ jeˬ miˇ neh ehˇ naˇ, maˬ muiˬ-eu jeˬ mˇ-eu tsawˇ haˬ deuˬ kʼoeˇ taˆ Miˬyehˇ-euˬ kʼehˬ-eu kʼaˆ-eu jeˬ bi keuˆ le-eu gʼaˇ duˬ, Miˬyehˇ neh aˬ yawꞈ-ahˇ kʼehˇ taˬ-euˬ meh.

Luˇkaꞈ 12:5

Aˬ suˇ gʼaˬ-ahˇ guˆ-eu tsaˬ ta lehˇ, naw maꞈ-ahˇ ngaˇ mehˬ nehˬ nyaˇ. Gʼawˇ mawˇ-ahˇ sehꞈ-eu uˬ taꞈ, shiˬ buiˇ lah ma-ahˇ biˬ ahˇ nya-eu baoˬ jaˆ-eu Miˬyehˇ-ahˇ guˆ-awˬ. Ngaˇ ehˇ gaˇ jah-awˬ. Naw maꞈ aˬ yawꞈ-ahˇ ya guˆ meh.

Maˬlaˬkiˇ 3:5

Baoˬ huiˬ-eu Sahˬpaˬ Miˬyehˇ heu loꞈ-ehˇ ehˇ-eu meh. “Yaˇ kʼaˬ daˇ-eu gʼaˇ duˬ naw maꞈ jawˇ gaˇ ngaˇ oe-awˇ, mah loˬ ja maw mˇ-euˬ deuˬ, aˬ cawˬ-euˬ miˬ zaˬ yo zaˬ-ahˇ bahˬ-euˬ deuˬ, maˬ tsaˬ maˬ dawˇ-eu saˇ kiˇ kamˬ-euˬ deuˬ, gʼaˬ gaˇ poeˬ maˬ biꞈ byah ni mehˇ shuiˇ shuiˇ dzaˬ-euˬ deuˬ, miˬ coeˬ miˬ ma, muˇ coeˬ aˬ nmˇ, aˬ cawˬ tsawˇ jeuˬ, heu deuˬ-ahˇ yehˬ bawˬ sehˇ lu-ehˇ gʼeh-euˬ deuˬ hawˇ-eu, ngaˬ-ahˇ yaw zeu maˬ baw-eu tsawˇ haˬ dawˬ tawˆ luꞈ-ahˇ, ngaˇ pyehˆ tseˇ duˬ ma.

Yeˬsaˬgeˬlaˇ 22:13

“Nawˬ neh tahˇ joe joe za-euˬ jeˬ hawˇ-eu, nawˬ neh shiˬ laˆ yoeˇ-euˬ jeˬ kʼoeˇ taˆ ngaˬ-euˬ aˬ laꞈ laꞈ puˇ tahˬ gʼeh leꞈ ma.

2 Teˇsaˬloˇni 1:8

Miˬyehˇ-ahˇ Miˬyehˇ meh lehˇ maˬ sawˇ-ehˇ, aˬ dui-euˬ Sahˬpaˬ Yeˬsuˇ Ka li-euˬ Laˬ kʼaˬ cehˇ-eu Guiˬ lahˬ dawˬ-ahˇ maˬ naˇ haˬ geuꞈ-eu tsawˇ haˬ deuˬ-ahˇ kʼehˬ-eu gʼaˇ duˬ Sahˬpaˬ Yeˬsuˇ oe ngeh, miˬ dzaˬ miˬ lmˇ hehˇ leꞈ tehꞈ-a.

Eˇpeˇsu 5:6

Gaˇ dahˇ maˬ tsoeˬ-eu dawˬ neh tsawˇ haˬ tiˬ gʼaˬ-iˬ naw maꞈ-ahˇ mehˇ shuiˇ taˬ bi shuiˇ tawˆ. Aˬ jeˬ miˇ neh ehˇ naˇ, kʼoeˇ loꞈ-ehˇ gʼeh-eu jeˬ baˬ da neh Miˬyehˇ ehˇ dawˬ maˬ naˇ haˬ-eu deuˬ kʼoeˇtaˆ Miˬyehˇ nui ma pehˇ-eu jeˬ keuˆ le tehꞈ-a.

Eˇpeˇsu 4:17

Lawˇ ciꞈ zaˬ loꞈ-ehˇ taˬ paˇ dehꞈ lehˇ, Sahˬ paˬ Yeˬsuˇ-euˬ tsawˇ myahˇ uˬ moˆ ngaˇ naw maꞈ-ahˇ yaw kʼaˆ kʼaˆ-ehˇ ehˇ-eu ma. Aˬ yawꞈ maꞈ-euˬ nui noeˬ gaˇ dahˇ maˬ tsoeˬ-a.

Maˬkuˆ 10:19

Zahˇ dawˬ kʼoꞈ dawˬ heu deuˬ-ahˇ nawˇ siˬ nya meh. ‘Tsawˇ haˬ taˬ sehꞈ. Aˬ cawˬ-euˬ miˬ zaˬ yo zaˬ-ahˇ taˬ bahˬ taˬ muˆ. Smˇ kʼoeˬ taˬ kʼoeˬ. Aˬ cawˬ gaˇ kawˆ maˬ ngeuˇ gaˇ keuˆ ni saˇ kiˇ taˬ kamˬ. Jaˬ myawꞈ taˬ myawꞈ. Yawˬ ha-euˬ aˬ da aˬ ma-ahˇ yaw zeu baw-awˬ’ lehˇ ehˇ taˬ-euˬ meh.”

Zeˬpaˬniˇ 3:5

Kʼoeˇ gaˇ jawˇ-eu Sahˬpaˬ Miˬyehˇ, maˬ tsaˬ maˬ dawˇ-eu maˬ mˇ-ehˇ, yaw tsaˬ yawˬ dawˇ jeˬ mˇ luꞈ-awˇ, aˬ yawꞈ-euˬ yaw tsaˬ yaw dawˇ jeˬ, yawˬ shawˬ na luꞈ mehˬ nehˬ luˬ kʼawꞈ, maˬ tsaˬ maˬ dawˇ-eu tsawˇ haˬ deuˬ, shaꞈ dawˇ-eu myaˆ pyawˬ maˬ baw ni, maˬ tsaˬ-eu jeˬ mˇ luꞈ-eu meh.

Zeˬpaˬniˇ 3:1

Aˬ cawˬ-ahˇ nawˬ dzaˬ kʼaˆ dzaˬ-awˇ, yaw cawˆ mˇ-awˇ puiˬ mawꞈ-eu meuˬ, yaw kʼaˆ-ehˇ ya noeˬ shaˬ tehꞈ-a.

Yeˬlaˬmiˇ 9:4

Mehˇ nmˇ kʼaˇ ngeuˇ-eu deuˬ Yaˬkoˆ loꞈ-ehˇ tsawˇ gahˇ gahˇ-awˇ, cawˬ kʼaˇ ngeuˇ-eu jaˬ myawꞈ mehˇ shuiˇ myaˬ-eu miˇ neh, yawˬ ha-euˬ cawˬ-ahˇ ya yahˇ-awˇ, mehˇ nmˇ yaw kaˬ maˬ jah coeˇ-a.

Yeˬlaˬmiˇ 7:6

Boeˇ miˬ siˬ kʼaˬ deuˬ, muˇ coe aˬ nmˇ deuˬ hawˇ-eu, miˬ coeˬ miˬ ma deuˬ-ahˇ taˬ kʼehˬ taˬ kʼaˆ. Iˬ baˇ maˬ ahˇ-eu tsawˇ haˬ deuˬ-ahˇ sehꞈ-eu jeˬ, miˇ kʼahˬ heu kʼahˬ laꞈ kʼoeˇ taˬ paˇ mˇ. Miˬ yehˇ nui deuˬ-ahˇ uˬ duˬ tahˬ-eu jeˬ kʼawꞈ byehˇ dzeh-awˬ. Aˬ jeˬ miˇ neh ehˇ naˇ, kʼoeˇ loꞈ-ehˇ mˇ-eu baˬ da neh nawˇ ya luˬ ya seˇ-iˇ tehꞈ-a.

Iˇsaˬyaˇ 5:7

Baoˬ huiˬ-eu Sahˬpaˬ Miˬyehˇ-euˬ aˬ gaꞈ yaˇ kmˇ-aˬ, Iˇsaˬleˬlaˆ tsawˇ jeuˬ tsawˇ ca meh. Aˬ yawꞈ neh ka taˬ-euˬ aˬ gaꞈ baw duˆ-aˬ, Yuˇdaˆ tsawˇ haˬ deuˬ meh. Aˬ yawꞈ maꞈ yaw muiˬ yaw jaˬ jeˬ mˇ gaˇ aˬ yawꞈ mawˇ mawꞈ kʼawꞈ, shiˬ laˆ yoeˇ-eu jeˬ aˬ yawꞈ maꞈ mˇ-euˬ meh. Aˬ yawꞈ maꞈ yaw tsaˬ yaw dawˇ laꞈ kʼoeˇ dehꞈ gaˇ aˬ yawꞈ mawˇ mawꞈ kʼawꞈ, bi kʼehˬ bi kʼaˆ-awˇ ngoeˇ-eu teˇ saˇ ya gaˬ-eu meh.

Dawˬ tsoˆ 5:8

Iˇ shaˬ zaˬ deuˬ-ahˇ sahˬ paˬ sahˬ ma deuˬ kʼehˬ-awˇ kʼaˆ-awˇ nawˬ dzaˬ kʼaˆ dzaˬ gaˇ ya mawˇ ngeh, taˬ zahˬ leˇ. Sahˬ paˬ sahˬ ma aˬ geu gʼaˬ maˬ kaˬ, aˬ yawꞈ taꞈ-ehˇ huiˬ dzehˬ-eu gʼaˬ jawˇ-awˇ, tiˬ gʼaˬ kʼoeˇ taˆ tiˬ gʼaˬ huiˬ daˆ leꞈ-eu meh.

Dawqdaq 20:23

Maˬ byah-eu cehˇ pehˬ-ahˇ Sahˬpaˬ Miˬyehˇ nui daˆ daˆ-awˇ, maˬ tsaˬ-eu paˆ yawˬ-ahˇ aˬ yawꞈ bye-eu meh.

Dawqdaq 20:14

Zeuˇ ngeh ja doeˇ, geuꞈ ngeh ja poeˬ.

Dawqdaq 11:1

Mehˇ shuiˇ shuiˇ dzaˬ-eu paˆ yawˬ-ahˇ Sahˬpaˬ Miˬyehˇ bye-awˇ, tsaˬ-eu byah-eu paˆ yawˬ-ahˇ aˬ yawꞈ nui kʼahˇ shiˇ-eu meh.

Jaceuq 140:12

Sahˬpaˬ Miˬyehˇ-oˇ, shaˬ-eu zahˬ-eu deuˬ-ahˇ nawˇ haw piˇ-awˇ, mehꞈ-eu shuꞈ-eu deuˬ-ahˇ nawˇ ngehˬ gʼeh-eu gaˇ kawˆ ngaˇ siˬ nya ma.

Jaceuq 94:1

Sahˬpaˬ Miˬyehˇ-oˇ, nawˇ-aˬ, kʼehˬ nehˬ kʼaˆ nehˬ-eu Miˬyehˇ meh. Nawˇ nui ma pehˇ-eu jeˬ bi mawˇ-awˬ.

Dawˬmehˬ 32:35

Aˬ yawꞈ neh laꞈ poˆ bi poˆ-awˇ, muiˇ-eu deuˬ ya coˬ dzeh-iˇ-eu, aˇ nah kʼoeˇ nah peh le luꞈ meh.

Dawˬmehˬ 24:7

“Tsawˇ haˬ aˬ geu gʼaˬ maˬ kaˬ, yawˬ ha-euˬ tsawˇ jeuˬ pyeuꞈ-eu Iˇsaˬleˬlaˆ tsawˇ haˬ tiˬ gʼaˬ na-ahˇ kʼoeˬ-awˇ, yawˬ ha-euˬ zaˬ kʼaˆ bi geuꞈ-eu maˬ ehˇ, aˬ cawˬ zaˬ kʼaˆ bi geuꞈ-eu gʼaˇ duˬ ahˬ dzaˬ-eu maˬ ehˇ, mˇ naˇ, sehꞈ gaˇ ya daˬ tehꞈ-a, Kʼoeˇ loꞈ-ehˇ gʼeh-eu yaw haiˬ jeˬ maˬ ya bi doˆ laˇ ni, kʼoeˇ loꞈ-ehˇ ya sehꞈ meh.

Uˬ duˬ 25:17

Iˇsaˬleˬlaˆ tsawˇ haˬ cawˬ cawˬ, tsawˇ gahˇ taˬ gahˇ dzaˬ. Ehˇ kʼawꞈ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ guˆ-awˬ.

Uˬ duˬ 25:14

Kʼoeˇ miˇ neh, yawˬ ha-euˬ tsawˇ jeuˬ pyeuꞈ-eu Iˇsaˬleˬlaˆ tsawˇ haˬ-ahˇ miˇ tsaˬ ahˬ nehˬ ngeh maˬ ehˇ, zeuˇ ngeh maˬ ehˇ, kʼaˆ dzaˬ gahˇ dzaˬ-eu jeˬ taˬ mˇ.

Uˬ duˬ 19:13

“Aˬ cawˬ kʼoeˇ taˆ mehˇ shuiˇ taˬ shuiˇ dzaˬ. Tahˇ joe taˬ joe dzaˬ. Yawˬ ha-ahˇ gʼaˬ mahˇ mahˇ dzaˬ-eu tsawˇ haˬ-ahˇ gʼaˬ gaˇ aˇ poeˬ maˬ biꞈ ni, tiˬ miˇ tehꞈ-ehˇ kʼawꞈ taˬ bi dzeuˇ-iˇ.

Uˬ duˬ 19:11

“Smˇ kʼoeˬ taˬ kʼoeˬ. Tsawˇ gahˇ taˬ gahˇ. Jaˬ myawꞈ taˬ myawꞈ.

Eˇpeˇsu 4:28

Smˇ kʼoeˬ kʼoeˬ-eu tsawˇ haˬ maˬ kʼoeˬ ni byehˇ-awˇ, yawˬ ha dehꞈ nya jawˇ nya-eu uˬ taꞈ shaˬ zaˬ zahˬ zaˬ deuˬ-ahˇ caw ba nya ni, yaw sui yaw dawˇ laꞈ kʼoeˇ pyuˇ poˆ-eu gʼaˇ duˬ gaˇ mˇ-awˬ.

Miˇkaˬ 2:2

Aˬ yawꞈ maꞈ deh ma geuꞈ mawꞈ ngeh, aˬ cawˬ-ahˇ kʼaˆ geuꞈ-euˬ meh. Aˬ yawꞈ maꞈ nymˇ geuꞈ mawꞈ ngeh, aˬ cawˬ-euˬ nymˇ yuˇ geuꞈ-euˬ meh. Tsawˇ haˬ tiˬ gʼaˬ-iˬ yawˬ ha-euˬ nymˇ jiˇ hawˇ-eu nymˇ dahˬ myawˬ gahˬ deuˬ aˬ yawꞈ maꞈ-euˬ laꞈ-ahˇ maˬ ya ahˇ leˇ ni maˬ tuˆ tehˬ ziꞈ nya-aˬ.

Dawqdaq 16:11

Tsaˬ-eu paˆ yawˬ hawˇ-eu byah-eu cehˇ daˇ kʼaˆ puˬ, Sahˬpaˬ Miˬyehˇ-euˬ pyeuꞈ-awˇ, pehˬ byah saˆ byah gaˇ aˬ yawꞈ mawˇ mawꞈ-eu meh.

Luˇkaꞈ 16:28

Ngaˬ-euˬ mehˇ nmˇ ngaˬ gʼaˬ jawˇ-eu ma. Kʼehˬ-eu kʼaˆ-eu jeˬ-ahˇ ya daˬ dui dui-eu jawˇ duˬ heu tsahˇ-ahˇ, aˬ ha mehˇ nmˇ maˬ ya laˇ keuˆ ni yahˇ-eu gʼaˇ duˬ tiˬ poˆ bi ehˇ gaˬ-iˇ sheˇ.’

2 Gawˇliˬtu 7:11

Naw maꞈ neh noeˬ shaˬ-euˬ kʼoeˇ-ahˇ Miˬyehˇ aˬ joˆ-ehˇ jahˇ-euˬ gaˇ shaˇ noeˬ haw sheˇ. Naw maꞈ guiˬ lahˬ saꞈ laˇ paw nui ma keuˆ dui dui laˇ-euˬ meh. Naw maꞈ yawˬ ha maˬ mˇ lehˬ-euˬ gaˇ kawˆ bi siˬ bi mawˇ mawꞈ dui dui laˇ-euˬ meh. Yaw tsaˬ yaw dawˇ laꞈ kʼoeˇ nui ma pehˇ-eu, kʼahˬ lahˇ-eu, ngaˬ-ahˇ mawˇ mawꞈ dui dui-eu, ngaˬ-euˬ gʼaˇ duˬ nui ma keuˆ dui dui-eu, yaw lehˬ mˇ gaˇ yaw kʼaˆ-ehˇ daˇ nehˬ mawꞈ-eu, heu deuˬ naw maꞈ-euˬ laꞈ kʼoeˇ pyeuꞈ doˆ laˇ-euˬ meh. Yawˬ jeˬ na luꞈ laꞈ kʼoeˇ yawˬ ha maˬ lehˬ maˬ ca-eu gaˇ kawˆ bya cehˆ ni doˆ laˇ ni naw maꞈ dehꞈ-euˬ meh.

1 Teˇsaˬloˇni 2:11

Aˬ da tiˬ gʼaˬ yawˬ ha-euˬ zaˬ deuˬ-ahˇ hehˇ tehˇ-eu loꞈ-ehˇ, naw maꞈ aˬ yawꞈ gʼaˬ yawꞈ-ahˇ nga maꞈ hehˇ tehˇ-euˬ naw maꞈ siˬ nya meh.

HeˬByehˇ 2:6

Ehˇ kʼawꞈ, Jaˇliꞈ laꞈ kʼoeˇ heu loꞈ-ehˇ tiˬ tsahˇ ehˇ taˬ-euˬ meh. “Miˬyehˇ-oˇ tsawˇ haˬ zaˬ gʼaˇ duˬ, nawˇ shaˇ noeˬ shaˇ sawˇ nehˬ paˬ-ehˇ, tsawˇ haˬ zaˬ aˬ jeˬ-a. Yawꞈ maꞈ gʼaˇ duˬ kʼahˇ kʼoꞈ paˬ-ehˇ, tsawˇ haˬ zaˬ aˬ jeˬ-a.