1 Teˇsaˬloˇni 3:12 - Akha

¹² Naw maꞈ tiˬ gʼaˬ tiˇ gʼaˬ gʼoeˇ-eu gaˬ-eu jeˬ hawˇ-eu tsawˇ haˬ dawˬ tawˆ luꞈ-ahˇ gʼoeˇ-eu gaˬ-eu jeˬ tiˬ jawˇ saˇ-iˬ tiˬ jawˇ myaˬ laˇ-awˇ, nga maꞈ naw maꞈ-ahˇ gʼoeˇ luꞈ gaˬ luꞈ-eu naˆ ni byah laˇ luꞈ-uˇ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹² Nga’maf, nawmaf-anr gaq-eu lof-aer, nawmaf tiqghaq tirghaq gaq-awr, tsawrhaq dawqtawv luf-anr khawf gaqnya larni, Sanqpaq Yeqsur, nawmaf-euq lafkhoer gaq-eu jeq bi myaqlar bi byanlar luf-ur.

1 Teˇsaˬloˇni 3:12 Referans Kwoze

Piˇliˇpiˆ 1:9

Naw maꞈ-euˬ gʼoeˇ-eu gaˬ-eu jeˬ tiˬ jawˇ saˇ-iˬ tiˬ jawˇ huiˬ laˇ mahˇ laˇ-eu laꞈ kʼoeˇ, yaw tsaˬ yaw dawˇ jeˬ-ahˇ siˬ duˬ mawˇ duˬ nya laˇ-awˇ, yaw muiˬ yaw doeˇ tseˇ paˆ geuꞈ nya laˇ ni ngaˇ guiˬ lahˬ shaˇ-eu ma.

Maꞈtehˬ 22:39

Aˬ cawˬ naˆ maˬ tseˇ huiˬ-eu nyiˬ dawˬ tiˬ dawˬ-aˬ, ‘Yawˬ haˇ yawˬ ha gaˬ-eu loꞈ-ehˇ, yawˬ ha dawˬ peh jawˇ-eu tsawˇ haˬ-ahˇ gaˬ-awˬ’ lehˇ ehˇ-eu kʼoeˇ dawˬ meh.

1 Teˇsaˬloˇni 5:15

Naw maꞈ tiˬ gʼaˬ-iˬ aˬ cawˬ yaw doeˇ jahˇ laˇ gaˇ yaw doeˇ maˬ ya jahˇ kʼoꞈ nehˬ ni yahˇ-awˬ. Ehˇ kʼawꞈ, tiˬ gʼaˬ tiˇ gʼaˬ yaw muiˬ jeˬ mˇ nehˬ-eu uˬ taꞈ, tsawˇ haˬ dawˬ tawˆ luꞈ-ahˇ yaw muiˬ jeˬ mˇ nehˬ-eu gʼaˇ duˬ, aˬ myah luꞈ noeˬ gahˇ taˬ-awˬ.

Lormav 13:8

Tiˬ gʼaˬ tiˇ gʼaˬ gʼoeˇ-eu gaˬ-eu dziˇ dzoˆ maˬ ngeuˇ naˇ, nui jeˬ dziˇ dzoˆ taˬ bi daˆ. Kʼoeˇ loꞈ-ehˇ mˇ naˇ, Zahˇ dawˬ kʼoꞈ dawˬ-ahˇ naˇ haˬ geuꞈ gaˇ duˇ-eu meh.

2 Teˇsaˬloˇni 1:3

Aˬ yuiꞈ aˬ nyiˇ Ka li zaˬ deuˬ-oˇ, naw maꞈ gʼaˇ duˬ nga maꞈ Miˬyehˇ guiˬ lahˬ-ahˇ maˬ ja ceuˬ-ehˇ tiˬ kʼehˬ-iˬ maˬ jawˇ coeˇ nya. Naw maꞈ-euˬ jah-eu jeˬ huiˬ laˇ tehˇ tehˬ-awˇ, naw maꞈ yaw kaˬ tiˬ gʼaˬ tiˇ gʼaˬ gʼoeˇ-eu gaˬ-eu jeˬ myaˬ laˇ luꞈ-eu miˇ neh, nga maꞈ Miˬyehˇ-euˬ guiˬ lahˬ-ahˇ ja ceuˬ paˬ-ehˇ gʼeh-eu meh.

Gaˬlaˬtiˆ 5:22

Ehˇ kʼawꞈ, Yaw sahˇ Miˬyehˇ laꞈ kʼoeˇ siˬ le-eu aˇ siˬ deuˬ-aˬ, gʼoeˇ-eu gaˬ-eu, laˬ kʼaˬ cehˇ-eu, nui saˇ oꞈ-eu, nui ma gʼawˬ mahˇ ni taˬ-eu, gʼawˬ shaˬ gaˬ-eu nui ma ahˇ-eu, yaw muiˬ jeˬ mˇ-eu, saˇ jaˇ ziꞈ-eu,

Gaˬlaˬtiˆ 5:6

Aˬ jeˬ miˇ neh ehˇ naˇ, Yeˬsuˇ Ka li laꞈ kʼoeˇ jawˇ-eu tsawˇ haˬ deuˬ gʼaˇ duˬ, baˆ kʼoˆ mehˬ dzaˬ yehˬ-euˬ hawˇ-eu maˬ yehˬ-euˬ tiˬ pawꞈ-iˬ beu gaˇ duˬ maˬ jaˆ-a. Gʼoeˇ-eu gaˬ-eu jeˬ mˇ doˆ shaˇ doˆ laꞈ nya-eu jah-eu kʼoeˇ tiˬ jeˬ tehꞈ-ehˇ gaˇ dahˇ tsoeˬ-eu jeˬ pyeuꞈ-eu meh.

1 Teˇsaˬloˇni 2:8

Naw maꞈ-ahˇ nga maꞈ gʼoeˇ dui gaˬ dui dui-eu miˇ neh, Miˬyehˇ-euˬ Laˬ kʼaˬ cehˇ-eu Guiˬ lahˬ dawˬ tehꞈ-ehˇ maˬ ngeuˇ ni, nga maꞈ-euˬ gʼawˇ mawˇ kʼawꞈ naw maꞈ gʼaˇ duˬ shiˇ dah nehˬ coeˇ ma. Naw maꞈ-ahˇ nga maꞈ gaˬ dui dui-eu ma.

2 Beˬtuˆluˆ 1:7

Miˬyehˇ-ahˇ yaw zeu baw-eu jeˬ kʼoe taˆ Ka li zaˬ cawˬ cawˬ gaˬ-eu jeˬ bi lahˬ laˇ-awˬ. Ka li za cawˬ cawˬ gaˬ-euˬ jeˬ kʼoeˇ taˆ gʼoeˇ-eu gaˬ-eu jeˬ bi lahˬ laˇ-awˬ.

Maꞈtehˬ 7:12

“Aˬ cawˬ neh yawˬ ha-ahˇ kʼaˇ bi mˇ nehˬ mawꞈ-eu loꞈ-ehˇ, aˬ cawˬ-ahˇ mˇ nehˬ-awˬ. Aˬ jeˬ miˇ neh ehˇ naˇ, dawˬ heu dawˬ-aˬ, Moˇseˬ-euˬ Zahˇ dawˬ kʼoꞈ dawˬ hawˇ-eu Miˬyehˇ gʼaˇ duˬ ngehˬ dah-eu deuˬ neh mehˬ taˬ tsoˆ taˬ-euˬ dawˬ deuˬ laꞈ kʼoeˇ, dawˬ ma yaw dzahˇ pyeuꞈ-eu meh.

2 Beˬtuˆluˆ 3:18

Ehˇ kʼawꞈ, ka kʼoꞈ-eu gʼaˬ pyeuꞈ-eu aˬ dui-euˬ Sahˬpaˬ Yeˬsuˇ Ka li-euˬ guiˬ lahˬ yaw dzahˇ laꞈ kʼoeˇ hawˇ-eu aˬ yawꞈ-ahˇ siˬ nya-eu jeˬ laꞈ kʼoeˇ huiˬ laˇ mahˇ laˇ luꞈ-eu jeˬ taˬ bi tsehˆ-iˇ. Nymˬ-mˇ hawˇ-eu mˬ maˬ maˬ byaˆ zaˇ ziˇ aˬ yawꞈ yaw shehꞈ kʼahˬ sehˇ huiˬ luꞈ-uˇ. Aˬ miˬ

Yaˬkoˆ 1:17

Muiˬ-eu guiˬ lahˬ hawˇ-eu byah-eu laꞈ sawˬ dawˬ tawˆ luꞈ, mˬ paw neh yaw shehꞈ-euˬ Aˬda jawˇ gaˇ neh oe-euˬ meh. Aˬ yawꞈ laꞈ kʼoeˇ poˆ laˇ paˇ laˇ nya-eu naˇ shmˇ maˬ ahˇ-a.

1 Teˇsaˬloˇni 4:1

Aˬ yuiꞈ aˬ nyiˇ Ka li zaˬ deuˬ-oˇ, aˇ saˬ saˬ-eu dawˬ heu loꞈ-ehˇ ehˇ mawꞈ-eu ma. Miˬyehˇ nui kʼahˇ shiˇ ni aˬ joˆ-ehˇ ya dehꞈ ya jawˇ-eu gaˇ kawˆ, naw maꞈ-ahˇ nga maꞈ dehꞈ mehˬ jawˇ mehˬ gʼaˬ-euˬ ma. Naw maꞈ kʼoeˇ loꞈ-ehˇ dehꞈ luꞈ jawˇ luꞈ-eu meh. Kʼoeˇ naˆ maˬ tseˇ leh jeh-awˇ dehꞈ daˆ leꞈ-eu gʼaˇ duˬ Sahˬpaˬ Yeˬsuˇ-euˬ tsawˇ myahˇ uˬ moˆ naw maꞈ-ahˇ nga maꞈ shaˇ-eu ma.

Luˇkaꞈ 17:5

“Nga maꞈ jah-eu jeˬ bi myaˬ laˇ nehˬ laꞈ” lehˇ, gʼaˬ kʼehˇ deuˬ Sahˬpaˬ Yeˬsuˇ-ahˇ shaˇ-eu meh.

Jaceuq 115:4

Aˬ yawꞈ maꞈ-euˬ miˬ yehˇ deuˬ pyuˇ hawˇ-eu shuiˇ neh jahˇ-awˇ, tsawˇ haˬ neh tehˆ-euˬ mawˇ kawˇ meh.

2 Gawˇliˬtu 9:10

Ka-eu gʼaˇ duˬ siˬ yoeˬ hawˇ-eu dzaˬ-eu gʼaˇ duˬ kaˬ muˇ biꞈ-eu Miˬyehˇ-aˬ, naw maꞈ damˬ-eu jeˬ-ahˇ taꞈ leˇ-eu loˬ-eu siˬ yoeˬ nuiˆ yoeˬ dawˬ tawˆ luꞈ biꞈ nehˬ laꞈ-eu uˬ taꞈ, naw maꞈ nui ma keuˆ-awˇ damˬ-eu jeˬ siˬ le loˆ le-awˇ gʼawˬ mya ni za laˇ ni caw ba tehꞈ-a.