1 Teˇsaˬloˇni 2:9 - Akha

⁹ Aˬ yuiꞈ aˬ nyiˇ Ka li zaˬ deuˬ-oˇ, nga maꞈ aˇ naˆ ni shaˬ shaˬ-ehˇ mˇ dui dui-euˬ gaˇ kawˆ naw maꞈ siˬ duˬ luꞈ meh. Naw maꞈ-ahˇ Miˬyehˇ-euˬ Laˬ kʼaˬ cehˇ-eu Guiˬ lahˬ dawˬ mehˬ ngeh, nga maꞈ gʼaˇ duˬ naw maꞈ pyuˇ shuiˇ maˬ bi jiˇ mawꞈ-eu miˇ neh, uˬ ciꞈ nah gʼahˇ maˬ ehˇ maˬ naˬ ni nga maꞈ leh jeh-euˬ ma.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁹ Aqyuif aqnyir deuq-or! Nga’maf, nawmaf naeq-aer jawr ngae, mrdui shar duidui-awr, laejae duidui-euq gar nawmaf noeqdovlar taef-a. Nawmaf-anr Miqyaer-euq guiqlanqdawq maeqnaeqluf ngae, nawmaf tiqghaq-anr-iq khavbaev maqya pyeufni, nga’maf uqcif nan’ghanr maqaer gar mr-euq ma.

1 Teˇsaˬloˇni 2:9 Referans Kwoze

2 Gawˇliˬtu 11:9

Naw maꞈ nehˬ-ehˇ ngaˇ jawˇ ngeh, pyuˇ loˬ laˇ kʼawꞈ naw maꞈ-ahˇ maˬ shaˇ haw-aˬ. Maˬgeˬdawˇniˆˆ miˇ kʼahˬ-ahˇ neh oe-euˬ aˬ yuiꞈ aˬ nyiˇ Ka li zaˬ deuˬ ngaˇ kʼaˇ loˬ-eu jeˬ sha ha le-euˬ meh. Dzeuˇ laˇ ngeh naw maꞈ-ahˇ tiˬ jeˬ-iˬ maˬ shaˇ haw-euˬ loꞈ-ehˇ, aˬ kaˇ mehˬ hu paw kʼawꞈ maˬ shaˇ ni mˇ daˆ leꞈ ma.

Gʼaˬkʼehˇ 18:3

Aˬ nyaꞈ dzeˇ zaˬ nehˬ-ehˇ aˬ yawꞈ jawˇ-awˇ gaˇ mˇ-euˬ meh. Aˬ jeˬ miˇ neh ehˇ naˇ, aˬ yawꞈ kʼawꞈ, aˬ nyaꞈ dzeˇ zaˬ loꞈ-ehˇ saˬ paˇ sehˬ gʼawˆ guꞈ ahˬ-awˇ dehꞈ-eu tsawˇ haˬ pyeuꞈ-eu meh.

2 Tiˆmoˇseˬ 1:3

Aˇ hu ngaˬ-euˬ aˬ poeˬ aˬ bawˇ deuˬ Miˬyehˇ-euˬ guiˬ lahˬ-ahˇ ja ceuˬ-euˬ loꞈ-ehˇ, ngaˬ-euˬ siˬ nya-eu nui ma shawˇ jehˆ ni taˬ-awˇ gaˇ mˇ nehˬ luꞈ-eu Miˬyehˇ-euˬ guiˬ lahˬ-ahˇ ngaˇ ja ceuˬ-eu ma. Uˬ ciꞈ nah gʼaˇ maˬ ehˇ ngaˇ guiˬ lahˬ kʼaˇ shaˇ ngeh, nawˬ-ahˇ noeˬ keuˆ-awˇ Miˬyehˇ-euˬ guiˬ lahˬ-ahˇ ja ceuˬ-eu ma.

1 Tiˆmoˇseˬ 5:5

Ngehˬ gʼeh caw ba nehˬ-eu gʼaˬ maˬ baw ni yawˬ ha tiˬ gʼaˬ tehꞈ-ehˇ jawˇ-eu miˬ coeˬ miˬ ma-aˬ, Miˬyehˇ tiˬ gʼaˬ-ahˇ tehꞈ-ehˇ noeˬ tmˬ kʼaˇ za-awˇ, uˬ ciꞈ nah gʼahˇ maˬ ehˇ caw ba nehˬ laꞈ lehˇ guiˬ lahˬ shaˇ-eu meh.

1 Tiˆmoˇseˬ 4:10

Aˬ dui-aˬ, leh jeh leh jeh-ehˇ gaˇ mˇ dui dui luꞈ-eu ma. Aˬ jeˬ miˇ neh ehˇ naˇ, dehꞈ luꞈ-eu Miˬyehˇ-ahˇ aˬ dui noeˬ tmˬ taˬ-euˬ ma. Aˬ yawꞈ-aˬ, tsawˇ haˬ dawˬ tawˆ luꞈ-ahˇ ka kʼoꞈ-eu gʼaˬ pyeuꞈ-awˇ, aˬ cawˬ-ahˇ naˆ maˬ tseˇ jah-eu tsawˇ haˬ deuˬ-ahˇ ka kʼoꞈ-eu meh.

1 Teˇsaˬloˇni 2:6

Aˬ cawˬ neh bi ciˬ poeˬ-eu lehˇ nga maꞈ mˇ-euˬ maˬ ngeuˇ. Naw maꞈ neh maˬ ehˇ, aˬ cawˬ neh maˬ ehˇ, bi ja ceuˬ-eu lehˇ mˇ-euˬ maˬ ngeuˇ.

1 Gawˇliˬtu 9:18

Toˆ-ehˇ ngeuˇ naˇ, ngaˇ aˬ geu jeˬ aˇ poeˬ za ta. Aˇ poeˬ maˬ yuˇ ni Laˬ kʼaˬ cehˇ-eu Guiˬ lahˬ dawˬ mehˬ-awˇ, kʼoeˇ loꞈ-ehˇ mˇ-euˬ baˬ da neh ngaˇ za geuˇ-eu jeˬ-ahˇ ngaˇ maˬ geuꞈ-euˬ kʼoeˇ-aˬ, ngaˬ neh za-euˬ guiˬ lahˬ ma.

1 Gawˇliˬtu 9:15

Ehˇ kʼawꞈ, ngaˇ za geuˇ-eu kʼoeˇ deuˬ-ahˇ ngaˇ maˬ geuꞈ-aˬ. Kʼoeˇ deuˬ-ahˇ za mawꞈ-eu miˇ neh nymˬ-mˇ sahˬ boꞈ heu taꞈ boꞈ-eu kʼawꞈ maˬ ngeuˇ. Ngaˇ nui ma huiˬ kʼaˇ za-eu heu-ahˇ aˬ cawˬ laˆ cawˆ laˇ gaˇ keuˆ naˇ, ngaˬ-euˬ gʼawˇ mawˇ shiˇ dah ma.

Gʼaˬkʼehˇ 20:31

Kʼoeˇ miˇ neh, smˇ kʼoꞈ byah ni naw maꞈ yawˬ gʼaˬ na luꞈ-ahˇ ngaˇ myaˆ biˇ doˆ-eu laꞈ kʼoeˇ mehˬ nehˬ-euˬ gaˇ maˬ ngehˇ ni, yahˇ yahˇ-ehˇ dehꞈ-awˬ.

Neˬhaˬmiˇ 5:18

Aˬ yawꞈ nah yawꞈ mawˇ neˇ tiˬ mawˇ, muiˬ dui dui-eu yawˇ koꞈ mawˇ hawˇ-eu, ya ciˆ gʼawˬ mya mawˇ sehꞈ nehˬ-awˇ, tseˇ nah kaˬ tiˬ poˆ aˬ gaꞈ dzaˇ uiˇ yaw shuiꞈ bi dawˇ-euˬ ma. Ehˇ kʼawꞈ, miˇ kʼahˬ zaˬ deuˬ kʼaˆ behˆ kah-eu ngaˇ siˬ nya-eu miˇ neh, uˆ lahˇ-eu gʼaˬ-ahˇ oꞈ-eu shaˬ bymˇ ngaˇ maˬ taꞈ dzaˬ-aˬ.

Neˬhaˬmiˇ 5:15

Ngaˬ-euˬ mehˬ hu Yuˇdaˆ miˇ kʼahˬ-ahˇ uˆ lahˇ-eu gaˇ mˇ yaꞈ-euˬ deuˬ-aˬ, miˇ kʼahˬ zaˬ deuˬ-ahˇ kʼaˆ behˆ yaw kah ciˬ pi-awˇ, tiˬ nah dzaˬ-eu dzaˬ dzaˬ dawˇ dawˇ, aˬ gaꞈ dzaˇ uiˇ hawˇ-eu pyuˇ maˇ byaˆ oeˬ tseˇ byaˆ taꞈ-euˬ meh. Aˬ yawꞈ maꞈ-euˬ zaˬ kʼaˆ deuˬ kʼawꞈ miˇ kʼahˬ zaˬ kʼoeˇ taˆ kʼaˆ dzaˬ-euˬ meh. Ehˇ kʼawꞈ, ngaˇ-aˬ, Miˬyehˇ-ahˇ guˆ-eu miˇ neh kʼoeˇ loꞈ-ehˇ maˬ jahˇ-aˬ.

1 Tiˆmoˇseˬ 1:11

Tsaˬ-eu dawˇ-eu jah-eu jeˬ kʼoeˇ-aˬ, ngaˬ neh bi ja mehˬ-eu gʼaˇ duˬ a nehˬ laꞈ-euˬ guiˬ lahˬ dawˬ pyeuꞈ-eu meh. Kʼoeˇ-aˬ, yaw shehꞈ kʼahˬ sehˇ hawˇ-eu guiˬ lahˬ huiˬ-eu Miˬyehˇ neh biꞈ nehˬ laꞈ-euˬ Laˬ kʼaˬ cehˇ-eu Guiˬlahˬ dawˬ laꞈ kʼoeˇ ahˇ-eu meh.

1 Teˇsaˬloˇni 3:10

Naw maꞈ-ahˇ nga maꞈ paˇ ya mawˇ dzoeˇ-awˇ, naw maꞈ jah-eu laꞈ kʼoeˇ maˬ byah-eu jeˬ bi byah laˇ ni bi caw ba nehˬ-eu gʼaˇ duˬ, uˬ ciꞈ nah gʼahˇ maˬ ehˇ nui ma keuˆ dui dui-eu laꞈ kʼoeˇ aˬ yawꞈ-ahˇ guiˬ lahˬ shaˇ luꞈ ma.

1 Teˇsaˬloˇni 2:2

Naw maꞈ jawˇ-eu Teˇsaˬloˇni meuˬ-ahˇ nga maꞈ maˬ oe mi naˆ-ehˇ, Piˇliˇpiˆ meuˬ laꞈ kʼoeˇ aˬ cawˬ nga maꞈ-ahˇ kʼehˬ nehˬ kʼaˆ nehˬ laꞈ-awˇ yehˬ bawˬ sehˇ lu-ehˇ ehˇ nehˬ laꞈ gaˇ ya daˬ-euˬ naw maꞈ siˬ nya meh. Laˆ tsoeˬ-eu gʼawˬ mya jeˬ jaˆ kʼawꞈ, Miˬyehˇ-euˬ Laˬ kʼaˬ cehˇ-eu Guiˬ lahˬ dawˬ naw maꞈ-ahˇ mehˬ nehˬ nya ni, aˬ dui-euˬ Miˬyehˇ nga maꞈ-ahˇ gʼaˬ biꞈ laꞈ-euˬ meh.

1 Teˇsaˬloˇni 1:3

Aˬ jeˬ miˇ neh ehˇ naˇ, jah-eu baˬ da neh naw maꞈ aˬ joˆ-ehˇ mˇ doˆ shaˇ doˆ laꞈ luꞈ-eu gaˇ kawˆ maˬ ehˇ, gʼoeˇ-eu gaˬ-eu jeˬ baˬ da neh naw maꞈ aˇ naˆ ni leh jeh-awˇ mˇ luꞈ-eu gaˇ kawˆ maˬ ehˇ, aˬ dui-euˬ Sahˬpaˬ Yeˬsuˇ Ka li-ahˇ naw maꞈ noeˬ tmˬ taˬ-euˬ jeˬ aˇ naˆ ni ziꞈ luꞈ-eu gaˇ kawˆ maˬ ehˇ, aˬ dui-euˬ Aˬda pyeuꞈ-eu Miˬyehˇ mehˬ shi nga maꞈ noeˬ keuˆ luꞈ-eu ma.

Piˇliˇpiˆ 4:16

Teˇsaˬloˇ ni meuˬ-ahˇ ngaˇ pyuˇ loˬ ngeh, naw maꞈ ngaˬ-ahˇ pyuˇ tiˬ poˆ nyiˬ poˆ dawˆ ahˇ nehˬ laꞈ-euˬ meh.

2 Gawˇliˬtu 6:5

Aˬ cawˬ neh bi diˬ dui dui-euˬ, tawˬ-ahˇ bi dawˆ-euˬ, tsawˇ haˬ aˇ maꞈ neh yehˬ bawˬ-ehˇ bi gʼeh-euˬ, gaˇ aˇ dzehˬ mˇ dzeuˇ-euˬ, maˬ ya yuꞈ dehˆ-euˬ, maˬ ya dzaˬ maˬ ya dawˇ dehˆ-euˬ, heu deuˬ-ahˇ nga maꞈ daˬ-euˬ ma.

1 Gawˇliˬtu 4:12

Nga maꞈ gaˇ mˇ sehꞈ leꞈ miˇ-a. Nga maꞈ-ahˇ yaˬ kʼehˇ yaˬ laˇ gaˇ dawˬ ngehˬ gʼeh nehˬ-awˇ, nga maꞈ-ahˇ kʼehˬ laˇ kʼaˆ laˇ gaˇ oˇ oˇ-ehˇ daˬ-eu ma.

Lormav 15:19

Zahˬ leˇ paˬ-ehˇ gʼeh-eu jeˬ hawˇ-eu kʼaˆ jeˬ-ehˇ gʼeh-eu jeˬ mˇ nya-eu baoˬ hawˇ-eu, Muiˬ-eu Shawˇ-eu Yaw sahˇ Miˬyehˇ-euˬ baoˬ-ahˇ gʼoe-awˇ mˇ-euˬ jeˬ pyeuꞈ-eu meh. Yeˬluˇsaˬlehˬ meuˬ-ahˇ neh Iˇluˇliˆ miˇ kʼahˬ-ahˇ keuˆ ni iˇ-euˬ gaˇ pehˇ kahˇ li, Ka li-euˬ gaˇ kawˆ Laˬ kʼaˬ cehˇ-eu Guiˬ lahˬ dawˬ mehˬ doe-euˬ ma.

Lormav 15:16

Yuˇdaˆ tsawˇ haˬ maˬ ngeuˇ-eu deuˬ-euˬ gʼaˇ duˬ gaˇ bi mˇ-eu lehˇ, ngaˬ-ahˇ Yeˬsuˇ Ka li-euˬ zaˬ kʼaˆ bi geuꞈ laꞈ-euˬ meh. Miˬyehˇ-euˬ Laˬ kʼa cehˇ-eu Guiˬ lahˬ dawˬ mehˬ-eu gaˇ-ahˇ taꞈ leˇ-awˇ, piˇ ma tiˬ gʼaˬ loꞈ-ehˇ ngaˇ gaˇ mˇ luꞈ-eu ma. Yuˇdaˆ tsawˇ haˬ maˬ ngeuˇ-eu deuˬ-ahˇ Miˬyehˇ-ahˇ lawˇ nehˬ-euˬ jeˬ loꞈ-ehˇ Miˬyehˇ ha geuꞈ nya ni, Muiˬ-eu Shawˇ-eu Yaw sahˇ Miˬyehˇ neh Miˬyehˇ-ahˇ damˬ nehˬ-euˬ jeˬ loꞈ-ehˇ bi pyeuꞈ-eu gʼaˇ duˬ, piˇ ma tiˬ gʼaˬ loꞈ-ehˇ ngaˇ mˇ luꞈ-eu ma.

Lormav 1:1

Ngaˇ-aˬ, Yeˬsuˇ Ka liˬ-euˬ zaˬ kʼaˆ Pawˇluˆ ma. Miˬyehˇ-euˬ Laˬ kʼaˬ cehˇ-eu Guiˬ lahˬ dawˬ mehˬ-eu gʼaˇ duˬ, Miˬyehˇ neh tseˇ doˆ-awˇ kuˇ-euˬ gʼaˬ kʼehˇ tiˬ gʼaˬ pyeuꞈ-eu ma.

Luˇkaꞈ 18:7

Toˆ-ehˇ ngeuˇ naˇ, uˬ ciꞈ nah gʼahˇ maˬ ehˇ caw ba nehˬ laꞈ lehˇ shaˇ luꞈ-eu, Miˬyehˇ neh tseˇ doˆ-euˬ tsawˇ haˬ deuˬ-euˬ gʼaˇ duˬ, Miˬyehˇ yaˇ kʼaˬ maˬ daˇ nehˬ-aˇ loˇ. Aˬ yawꞈ nyi naˬ nyi naˬ-ehˇ jawˇ tehꞈ-a loˇ.

Luˇkaꞈ 2:37

Kʼoeˇ ngeh neh naˇ, yehꞈ tseˇ kʼoꞈ byah laˇ ngeh keuˆ ni miˬ coeˬ miˬ ma geuꞈ-awˇ jawˇ-eu meh. Aˬ yawꞈ Uˬ duˬ tahˬ nymˇ nymˇ ma-ahˇ tiˬ jawˇ-iˬ maˬ gʼawˬ-iˇ ni, uˬ ciꞈ nah gʼahˇ maˬ ehˇ, maˬ dzaˬ-eu zahˇ jahˇ-awˇ guiˬ lahˬ shaˇ-euˬ meh.

Yeˬlaˬmiˇ 9:1

Aˬ cawˬ neh bi sehꞈ-euˬ ngaˬ-euˬ tsawˇ jeuˬ gʼaˇ duˬ, uˬ ciꞈ nah gʼahˇ ngaˇ ngoeˇ coeˇ ni, uˬ duˬ iˇ cuꞈ lah duˬ pyeuꞈ-awˇ, myaˆ biˇ iˇ beuˆ yoeˇ nmˇ duˇ nya.

Jaceuq 88:1

Sahˬpaˬ Miˬyehˇ pyeuꞈ-eu Miˬyehˇ-oˇ, caw ba nehˬ laꞈ lehˇ nah ga-ehˇ ngaˇ guˇ-awˇ, uˬ ciꞈ paw nawˬ-euˬ mehˬ shi ngaˇ laˇ-eu ma.

Jaceuq 32:4

Uˬciꞈnah gʼahˇmaˬtsehˆleˇni, nawˬ-euˬaˬlaꞈngaˬ-ahˇkah-awˇ, jawˇla nahˇtsaˇlawꞈ-eu loꞈ-ehˇ, gʼaˬdawˬtawˆluꞈ lawꞈguiˇ-euˬnya.

Gʼaˬkʼehˇ 20:24

Ehˇ kʼawꞈ, ngaˬ-euˬ gʼawˇ mawˇ heu-aˬ, tiˬ jeˬ-iˬ maˬ poeˬ maˬ lawˬ-a lehˇ ngaˇ noeˬ jiˇ taˬ-euˬ ma. Ngaˇ ya mˇ-eu saˬ saˬ naˬ gaˇ heu mˇ jiˇ-awˇ, Sahˬpaˬ Yeˬsuˇ neh ngaˬ-ahˇ biꞈ taˬ-euˬ Miˬyehˇ gʼawˬ shaˬ gaˬ-eu jeˬ gaˇ kawˆ Laˬ kʼaˬ cehˇ-eu Guiˬ lahˬ dawˬ mehˬ-eu gaˇ heu mˇ luiˆ yaꞈ nya ni noeˬ tsoˆ taˬ-euˬ ma.

1 Gawˇliˬtu 9:4

Ngaˬ neh gaˇ mˇ-euˬ aˇ poeˬ ngaˇ dzaˬ dzaˬ dawˇ dawˇ za-eu maˬ geuˇ-a loˇ.

2 Gawˇliˬtu 11:27

Gaˇ mˇ dui dui-awˇ shaˬ dui dui-eu laꞈ kʼoeˇ, uˬ ciꞈ maˬ yuꞈ ni gʼawˬ mya poˆ leh jeh haw-euˬ ma. Hawˬ mehꞈ-eu, iˇ cuꞈ mehꞈ-eu, dzaˬ dzaˬ dawˇ dawˇ maˬ jaˆ-ehˇ ya dzahˬ-eu, dm gʼaˬ dm lmˇ maˬ jaˆ-ehˇ yaw gaˆ gaˆ-eu, heu deuˬ-ahˇ daˬ dzeuˇ yaꞈ-euˬ ma.

2 Sahˬpaˬ 6:2

Kʼoeˇ miˇ neh, nga maꞈ jawˇ-eu jawˇ duˬ tsoˆ lahˬ-eu gʼaˇ duˬ, Yawˇdaˬ lawˇ baˬ-ahˇ iˇ-awˇ aˇ bawˇ bi deuˆ-iˇ laꞈ” lehˇ shaˇ ngeh, “Iˇ-awˇ deuˆ-iˇ-awˬ” lehˇ Eˇliˇshehˇ ehˇ nehˬ-euˬ meh.

Dawqdaq 31:18

Aˬ yawꞈ kʼaˇ mˇ kʼaˇ shaˇ doˆ-euˬ yawˬ jeˬ na luꞈ-euˬ aˇ poeˬ aˬ yawꞈ siˬ nya-awˇ, uˬ ciꞈ sehˇ gʼahˇ keuˆ ni maˬ naˬ leˇ ni mˇ-eu meh.