1 Teˇsaˬloˇni 2:4 - Akha

⁴ Miˬyehˇ neh bi ngehˬ bi tmˇ laꞈ-euˬ jeˬ-ahˇ tehꞈ-ehˇ nga maꞈ ngehˬ-eu tmˇ-eu ma. Aˬ jeˬ miˇ neh ehˇ naˇ, nga maꞈ Laˬ kʼaˬ cehˇ-eu Guiˬ lahˬ dawˬ mehˬ geuˇ meh lehˇ, Miˬyehˇ neh daˇ tsehˆ taˬ-euˬ jeˬ pyeuꞈ-eu meh. Tsawˇ haˬ zaˬ nui kʼahˇ shiˇ ni nga maꞈ mˇ luꞈ-eu maˬ ngeuˇ. Nga maꞈ-euˬ nui ma-ahˇ lawˬ haw-eu gʼaˬ pyeuꞈ-eu Miˬyehˇ nui kʼahˇ shiˇ ni mˇ luꞈ-eu ma.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴ Aerkhawf, guiqlanqdawq maeqni Miqyaer, nga’maf-anr tsermr ghaq-awr, nga’maf-anr ghoe-awr bimaeq naeqlaf-euq mae. Nga’maf, tsawrhaq nuikhanr shirni maeq-eu maqngeur, aqdui-euq nuima-anr tsermr-eu Miqyaer nuikhanr shirni maeq-eu ma.

1 Teˇsaˬloˇni 2:4 Referans Kwoze

Gaˬlaˬtiˆ 1:10

Tsawˇ haˬ zaˬ ngaˬ-ahˇ nui ma tsaˬ ni ngaˇ mˇ luꞈ-eu nga loˇ. Maˬ ngeuˇ. Miˬyehˇ nui ma tsaˬ-eu jeˬ-ahˇ ngaˇ mawꞈ-eu ma. Tsawˇ haˬ zaˬ nui kʼahˇ shiˇ-eu jeˬ-ahˇ ngaˇ leh jeh luꞈ-eu nga loˇ. Kʼoeˇ loꞈ-ehˇ mˇ naˇ, ngaˇ Ka li-euˬ zaˬ kʼaˆ maˬ paˇ ngeuˇ-aˇ.

Lormav 8:27

Tsawˇ haˬ zaˬ-euˬ nui ma-ahˇ haw mawˇ nya-eu Miˬyehˇ-aˬ, Yaw sahˇ Miˬyehˇ noeˬ luꞈ-eu jeˬ-ahˇ siˬ nya-eu meh. Aˬ jeˬ miˇ neh ehˇ naˇ, Yaw sahˇ Miˬyehˇ-aˬ, Miˬyehˇ-euˬ tsawˇ haˬ deuˬ-euˬ dah zaˇ, Miˬyehˇ-euˬ nui ma-ahˇ tsaˬ ni guiˬ lahˬ shaˇ-eu meh.

Gaˬlaˬtiˆ 2:7

Kʼoeˇ uˬ taꞈ, Yuˇdaˆ tsawˇ haˬ deuˬ-ahˇ Laˬ kʼaˬ cehˇ-eu Guiˬ lahˬ dawˬ mehˬ-eu gʼaˇ duˬ Beˬtuˆluˆ-ahˇ Miˬyehˇ neh gaˇ biꞈ taˬ-euˬ loꞈ-ehˇ, aˬ cawˬ tsawˇ jeuˬ-ahˇ Laˬ kʼaˬ cehˇ-eu Guiˬ lahˬ dawˬ mehˬ-eu gʼaˇ duˬ Miˬyehˇ neh ngaˬ-ahˇ gaˇ biꞈ taˬ-euˬ meh lehˇ aˬ yawꞈ maꞈ haw mawˇ-eu meh.

2 Tiˆmoˇseˬ 1:14

Aˬ dui-euˬ laꞈ kʼoeˇ jawˇ-eu Muiˬ-eu shawˇ-eu Yaw sahˇ Miˬyehˇ-euˬ baoˬ-ahˇ gʼoe-awˇ, nawˬ-ahˇ a nehˬ taˬ-euˬ yaw muiˬ jeˬ-ahˇ jeˬ hmˬ geuꞈ-awˬ.

Jaceuq 17:3

Ngaˬ-euˬnui ma nawˇlawˬhaw sheˇ. Uˬciꞈngaˇjawˇgaˇoe haw sheˇ. ngaˬ-ahˇnawˇpyehˆtseˇduˬhaw sheˇ. Yaw haiˬjeˬ mˇmawꞈ-eu nui ma, maˬahˇ-eu nawˇ siˬduˬtehꞈ-a. Dawˬdoeˇngehˬ-eu tmˇ-eu gʼaˇduˬ, ngaˬ-euˬ kʼaˬmeh-ahˇngaˇmaˬzmˬ.

Eˇpeˇsu 6:6

Baw leˬ haw luꞈ ngeh tehꞈ-ehˇ myaˆ pyawˬ naˇ mehˇ za ni mˇ-eu jeˬ taˬ bi pyeuꞈ. Ehˇ kʼawꞈ, Ka li-euˬ zaˬ kʼaˆ loꞈ-ehˇ Miˬyehˇ nui kʼahˇ shiˇ-eu jeˬ-ahˇ nui ma keuˆ-awˇ mˇ-awˬ.

Tiˇtuˆ 1:3

Kʼoeˇ naˇ, aˇ yamˬ aˇ law tsaˬ laˇ ngeh, aˬ yawꞈ-euˬ guiˬ lahˬ dawˬ laꞈ kʼoeˇ dehꞈ-eu jeˬ kʼoeˇ pah mehˬ nehˬ laꞈ-euˬ meh. Gaˇ kawˆ kʼoeˇ ja mehˬ-eu gʼaˇ duˬ ngaˬ-ahˇ a nehˬ laꞈ taˬ-euˬ loꞈ-ehˇ, aˬ dui-euˬ Ka kʼoꞈ-eu gʼaˬ pyeuꞈ-eu Miˬyehˇ neh dawˬ kʼaˇ biꞈ laꞈ-euˬ loꞈ-ehˇ ngaˇ mehˬ luꞈ-eu meh.

Eˇpeˇsu 3:8

Miˬyehˇ-euˬ tsawˇ haˬ deuˬ laꞈ kʼoeˇ aˬ cawˬ taꞈ-ehˇ nyiˇ teˬ dzehˬ-eu gʼaˬ ngaˇ ma. Ehˇ kʼawꞈ, maˬ ehˇ jiˇ coeˇ gaˇ keuˆ ni byah dui kuꞈ dui dui-eu Ka li-euˬ guiˬ lahˬ gaˇ kawˆ aˬ cawˬ tsawˇ jeuˬ-ahˇ mehˬ-eu gʼaˬ bi geuꞈ laꞈ-euˬ meh.

2 Gawˇliˬtu 4:2

Shaꞈ dawˇ paˬ-ehˇ gʼeh-eu zaꞈ taˬ-euˬ jeˬ-ahˇ nga maꞈ tiˬ jawˇ-iˬ maˬ mˇ. Mehˇ shuiˇ shuiˇ-eu jeˬ hawˇ-eu Miˬyehˇ dawˬ kawˬ-ahˇ yuˇ pyawˆ-eu jeˬ nga maꞈ maˬ jahˇ. Yaw tsaˬ yaw dawˇ jeˬ-ahˇ bya cehˆ ni mehˬ-awˇ , nga maꞈ-ahˇ aˬ cawˬ jah coeˇ ni Miˬyehˇ-euˬ mehˬ shi dehꞈ luꞈ-eu ma.

Yeˬlaˬmiˇ 32:19

Nawˬ-euˬ nui noeˬ nui duˇ zahˬ dui dui leˇ paˬ-ehˇ gʼeh-awˇ, nawˬ neh mˇ-euˬ gaˇ deuˬ huiˬ dui dui-eu meh. Tsawˇ haˬ zaˬ kʼaˇ mˇ kʼaˇ shaˇ-eu jeˬ-ahˇ nawˇ mawˇ nya-awˇ, aˬ yawꞈ maꞈ neh kʼaˇ mˇ-euˬ loꞈ-ehˇ nawˇ guiˬ lahˬ biꞈ-eu meh.

1 Laˬsaˬbaˬ 29:17

Tsawˇ haˬ yawˬ gʼaˬ na luꞈ-euˬ nui ma-ahˇ nawˇ lawˬ haw-awˇ, nui ma tiˬ siˬ tehꞈ-ehˇ taˬ luꞈ-eu miˇ neh, nawˇ laˬ kʼaˬ cehˇ meh lehˇ ngaˇ siˬ nya ma. Nui ma dawˇ coe ni jaˆ-awˇ, nui ma keuˆ dui dui-eu laꞈ kʼoeˇ, heu deuˬ dawˬ tawˆ luꞈ nawˬ-ahˇ ngaˇ damˬ nehˬ-eu ma. Heu gaˇ uiˬ laˇ taˬ-euˬ nawˬ-euˬ tsawˇ haˬ deuˬ kʼawꞈ, laˬ kʼaˬ cehˇ-eu laꞈ kʼoeˇ nawˬ-ahˇ damˬ-eu jeˬ yuˇ laꞈ-euˬ gaˇ ngaˇ ya mawˇ-euˬ ma.

1 Gawˇliˬtu 9:17

Ngaˇ yawˬ haˇ yawˬ ha nui ma keuˆ-awˇ mˇ-euˬ ngeuˇ naˇ, aˇ poeˬ za geuˇ tehꞈ-a. Ehˇ kʼawꞈ, Miˬyehˇ neh biꞈ laꞈ-euˬ gaˇ pyeuꞈ-eu miˇ neh, ngaˇ mˇ luꞈ-eu jeˬ pyeuꞈ-eu ma.

Luˇkaꞈ 16:11

Miˇ tsaˬ pyuˇ shuiˇ myawˬ gahˬ-ahˇ naw maꞈ tuˆ tehˬ ngeh, saˇ jaˇ maˬ ziꞈ naˇ, maˇ maˇ ni gʼeh-eu pyuˇ shuiˇ myawˬ gahˬ-ahˇ bi tuˆ tehˬ-eu gʼaˇ duˬ naw maꞈ-ahˇ aˬ suˇ gʼaˬ jah coeˇ nmˇ.

Dawqdaq 17:3

Shuiˇ hawˇ-eu pyuˇ-ahˇ miˬ dzaˬ neh lawˬ haw-awˇ, tsawˇ haˬ zaˬ-euˬ nui ma-ahˇ Sahˬpaˬ Miˬyehˇ lawˬ haw-eu meh.

1 Sahˬpaˬ 8:39

aˬ yawꞈ maꞈ-euˬ shaˇ dawˬ-ahˇ naˇ haˬ nehˬ-awˬ. Mˬ kʼoeˇ taˆ jaˆ-eu nawˬ-euˬ nymˇ-ahˇ jawˇ-awˇ aˬ yawꞈ maꞈ-euˬ shaˇ dawˬ-ahˇ naˇ haˬ-eu laꞈ kʼoeˇ, aˬ yawꞈ maꞈ-ahˇ iˬ baˇ pyehˬ nehˬ-awˬ. Nawˇ tiˬ gʼaˬ tehꞈ-ehˇ tsawˇ haˬ zaˬ-euˬ nui noeˬ nui duˇ-ahˇ siˬ nya-eu meh. Nga maꞈ-euˬ aˬ poeˬ aˬ bawˇ deuˬ-ahˇ nawˬ neh biꞈ nehˬ-euˬ miˇ kʼahˬ laꞈ kʼoeˇ, nawˬ-euˬ tsawˇ haˬ deuˬ kʼaˇ jawˇ kʼoeˇ keuˆ ni, tsawˇ haˬ yawˬ gʼaˬ na luꞈ-ahˇ, yawˬ ha neh kʼaˇ mˇ-euˬ loꞈ-ehˇ yaˇ kʼaˬ daˇ nehˬ-awˬ.

Bawˇtsahˬ 27:16

“Yaw dehꞈ kʼaˇ dehꞈ-eu jeˬ dawˬ tawˆ luꞈ-euˬ Miˬyehˇ pyeuꞈ-eu Sahˬpaˬ Miˬyehˇ-oˇ, Iˇsaˬleˬlaˆ tsawˇ haˬ-ahˇ sheuˬ gʼeh nehˬ nya-eu tsawˇ haˬ tiˬ gʼaˬ tseˇ doˆ-awˬ lehˇ nawˬ-ahˇ ngaˇ shaˇ-eu ma.

Panmaeq 2:23

Aˬ yawꞈ-euˬ mehˬ nah kʼaˇ caw teh-eu deuˬ-ahˇ ngaˇ sehꞈ ma. Kʼoeˇ ngeh jawˇ, tsawˇ haˬ yawˬ gʼaˬ na luꞈ-euˬ nui noeˬ nui duˇ dawˬ tawˆ luꞈ-ahˇ ngaˇ siˬ nya-eu gaˇ kawˆ, Ka li zaˬ aˇ muˇ dawˬ tawˆ luꞈ-ahˇ siˬ leˇ tehꞈ-a. Naw maꞈ yawˬ gʼaˬ na luꞈ-ahˇ yawˬ ha neh kʼaˇ mˇ taˬ-euˬ loꞈ-ehˇ ngaˇ mˇ kʼoꞈ nehˬ ma.

HeˬByehˇ 4:13

Miˬyehˇ-euˬ mehˬ shi dehˬ kaˬ zaꞈ taˬ nya-eu tiˬ jeˬ-iˬ maˬ jaˆ-a. Kʼaˇ beh taˬ-euˬ yawˬ jeˬ na luꞈ aˬ yawꞈ-euˬ myaˆ nuiˆ mehˬ shi bya cehˆ ni pah dzeh taˬ-euˬ gaˇ duˇ-eu meh. Aˬ dui neh kʼaˇ mˇ kʼaˇ shaˇ taˬ-euˬ jeˬ dawˬ tawˆ luꞈ, aˬ yawꞈ mehˬ shi aˬ dui ya dzawˇ mehˬ leˇ-eu meh.

1 Tiˆmoˇseˬ 6:20

Tiˆmoˇseˬ-oˇ, nawˬ-ahˇ a nehˬ taˬ-euˬ jeˬ-ahˇ yaw muiˬ paˬ-ehˇ jeˬ hmˬ bo saˆ-awˬ. Gaˇ dahˇ maˬ tsoeˬ-eu jeˬ ngehˬ-eu tmˇ-eu jeˬ-ahˇ maˬ ehˇ, tsawˇ haˬ tiˬ paˆ na deuˬ neh “Zaˬ siˬ tawˇ gahˇ” lehˇ maˬ ngeuˇ gaˇ myahˇ lehˬ taˬ-euˬ tsawˇ pyehˇ pyehˇ-eu jeˬ-ahˇ maˬ ehˇ, gaˇ jaw jaw-awˬ.

Gawˇlawˇsehˇ 3:22

Zaˬ kʼaˆ deuˬ-oˇ, yawˬ jeˬ na luꞈ laꞈ kʼoeˇ yawˬ ha-euˬ baw leˬ ehˇ dawˬ naˇ haˬ-awˬ. Baw leˬ deuˬ neh bi ja ceuˬ-eu lehˇ baw leˬ mawˇ gaˇ tehꞈ-ehˇ dawˬ gʼoˆ gʼoˆ-eu jeˬ maˬ bi pyeuꞈ ni, Sahˬpaˬ Yeˬsuˇ-ahˇ yaw zeu baw-eu miˇ neh nui ma laꞈ kʼoeˇ keuˆ ni dawˬ gʼoˆ gʼoˆ-eu jeˬ bi pyeuꞈ-awˬ.

2 Gawˇliˬtu 5:11

Nga maꞈ Sahˬpaˬ Miˬyehˇ-ahˇ yaw zeu baw-awˇ guˆ-eu siˬ nya-eu miˇ neh, tsawˇ haˬ yawˬ gʼaˬ na luꞈ aˬ yawꞈ jawˇ paw pyawˇ laˇ ni gʼaˬ biꞈ luꞈ-eu ma. Nga maꞈ aˬ joˆ-ehˇ gʼeh-eu tsawˇ haˬ pyeuꞈ-eu gaˇ kawˆ Miˬyehˇ siˬ duˬ meh. Naw maꞈ-euˬ nui ma laꞈ kʼoeˇ kʼawꞈ, ngaˬ-ahˇ siˬ nya luꞈ meh lehˇ ngaˇ noeˬ tmˬ-eu ma.

Yeˬlaˬmiˇ 17:10

Sahˬpaˬ Miˬyehˇ pyeuꞈ-eu ngaˇ-aˬ, tsawˇ haˬ zaˬ-euˬ nui ma-ahˇ pyehˆ tseˇ-awˇ, yaw gʼoꞈ yaw dawˇ lawˬ haw-eu ma. Tsawˇ haˬ zaˬ-euˬ dehꞈ jeˬ dehꞈ kawˆ-ahˇ ngaˇ haw-awˇ, yawˬ gʼaˬ na luꞈ-ahˇ kʼaˇ oꞈ kʼaˇ geuˇ-eu loꞈ-ehˇ, yaw muiˬ yaw doeˇ guiˬ lahˬ ngaˇ biꞈ-eu ma.”

Jaceuq 44:21

Miˬyehˇmaˬsiˬ-ehˇjawˇnmˇloˇ. Nui noeˬnoeˬkʼoeˬ-euˬgaˇkeuˆni, aˬyawꞈsiˬjiˇmawˇjiˇluꞈmeh.

2 Tiˆmoˇseˬ 2:2

Tsawˇ kaˬ gʼawˬ mya ni-euˬ mehˬ shi ngaˬ neh nawˬ-ahˇ mehˬ nehˬ tsoˆ nehˬ-euˬ dawˬ kʼoeˇ deuˬ yuˇ-awˇ, aˬ cawˬ-ahˇ mehˬ nehˬ tsoˆ nehˬ nya-eu jah coeˇ paˬ-ehˇ gʼeh-eu tsawˇ haˬ deuˬ-ahˇ a nehˬ-awˬ.

2 Gawˇliˬtu 5:16

Iˬ nah taꞈ naˇ, shiˬ shaˬ jiˇ myaˆ nuiˆ neh aˬ cawˬ-ahˇ nga maꞈ maˬ paˇ haw ma. Dzeuˇ laˇ ngeh Ka li-ahˇ shiˬ shaˬ jiˇ myaˆ nuiˆ neh haw-euˬ kʼawꞈ, aˬ kaˇ naˇ kʼoeˇ loꞈ-ehˇ maˬ paˇ haw ma.

1 Gawˇliˬtu 7:25

Naw maꞈ neh ngaˬ-ahˇ boꞈ naˇ haˬ laꞈ-euˬ smˇ miˇ maˬ iˇ ni jawˇ-eu zaˬ miˬ zaˬ deuˬ-euˬ gaˇ kawˆ-ahˇ taꞈ leˇ-awˇ, Sahˬpaˬ Miˬyehˇ-euˬ dawˬ ngaˇ maˬ za-aˬ. Ehˇ kʼawꞈ, Miˬyehˇ guiˬ lahˬ baˬ da neh jah coeˇ paˬ-ehˇ gʼeh-eu ngaˬ-euˬ nui noeˬ naw maꞈ-ahˇ biꞈ-eu ma.

Yoˇhaˬ 21:17

Yeˬsuˇ aˬ yawꞈ-ahˇ smˬ poˆ tiˬ poˆ paˇ naˇ haˬ-eu, “Yoˇhaˬ-euˬ aˬ li Siˇmoˬ-oˇ, nawˇ ngaˬ-ahˇ gaˬ ma loˇ.” “Nawˇ ngaˬ-ahˇ gaˬ ma loˇ” lehˇ Yeˬsuˇ aˬ yawꞈ-ahˇ smˬ poˆ naˇ haˬ keuˆ laꞈ-euˬ miˇ neh, Beˬtuˆluˆ nui ma maˬ saˇ-ehˇ, heu loꞈ-ehˇ ehˇ kʼoꞈ nehˬ-euˬ meh. “Sahˬpaˬ-oˇ, nawˇ yawˬ jeˬ na luꞈ siˬ nya meh. Ngaˇ nawˬ-ahˇ aˇ naˆ ni gaˬ-eu nawˇ siˬ nya meh.” Yeˬsuˇ aˬ yawꞈ-ahˇ ehˇ nehˬ-eu, “Ngaˬ-euˬ yawˇ deuˬ-ahˇ bo saˆ-awˬ.

Luˇkaꞈ 12:42

Sahˬpaˬ Yeˬsuˇ ehˇ-eu, “Saˇ jaˇ ziꞈ-awˇ zaˬ siˬ tsawˇ gahˇ ahˇ-eu zaˬ kʼaˆ aˬ geu gʼaˬ-a. Aˬ yawꞈ-aˬ, nymˇ jiˇ-ahˇ haw-eu pyaˆ-eu gʼaˇ duˬ hawˇ-eu, zaˬ kʼaˆ nui deuˬ-ahˇ aˇ yamˬ tsaˬ tsaˬ ni bi dzaˬ bi dawˇ-eu gʼaˇ duˬ, baw leˬ neh kʼehˇ taˬ-euˬ zaˬ kʼaˆ kʼoeˇ gʼaˬ meh.

Jaceuq 7:9

Haiˬ-eu deuˬ aˇsaˬbi saˬ-awˇ, tsaˬ-eu deuˬ bi dehꞈtuˇlaˇ-awˬ. Tsaˬ-eu dawˇ-eu Miˬyehˇnawˇ-aˬ, nui ma-ahˇ yaˇkʼaˬdaˇ-eu meh.

Jaceuq 139:23

Miˬyehˇ-oˇ, ngaˬ-ahˇ pyehˆ tseˇ-awˇ ngaˬ-euˬ nui ma poˆ duˬ-awˬ. Ngaˬ-ahˇ lawˬ haw-awˇ ngaˬ-euˬ nui noeˬ nui duˇ tseˇ duˬ-awˬ.

2 Gawˇliˬtu 2:17

Nga maꞈ-aˬ, aˬ cawˬ loꞈ-ehˇ yawˬ ha gʼaˇ duˬ jiˇ jeuˬ ahˇ ni Miˬyehˇ dawˬ kawˬ mehˬ-eu tsawˇ haˬ maˬ ngeuˇ. Ehˇ kʼawꞈ, Miˬyehˇ neh kʼehˇ gʼeh leꞈ-euˬ tsawˇ haˬ pyeuꞈ-eu miˇ neh, Ka li-euˬ zaˬ kʼaˆ loꞈ-ehˇ Miˬyehˇ mehˬ shi dawˇ coe ni ngehˬ-eu tmˇ-eu ma.

1 Beˬtuˆluˆ 4:11

Mˬ maˬ maˬ byaˆ zaˇ ziˇ yaw shehꞈ kʼahˬ sehˇ hawˇ-eu baoˬ ahˇ-eu gʼaˬ pyeuꞈ-eu Miˬyehˇ-ahˇ, yawˬ jeˬ na luꞈ laꞈ kʼoeˇ Yeˬsuˇ Ka li-ahˇgʼoe-awˇ aˬ cawˬ ja ceuˬ ni, dawˬ mehˬ mehˬ-eu tsawˇ haˬ deuˬ Miˬyehˇ dawˬ kawˬ mehˬ-awˇ, aˬ cawˬ-ahˇ caw ba-eu tsawˇ haˬ deuˬ kʼawꞈ, Miˬyehˇ neh biꞈ-euˬ baoˬ-ahˇ gʼoe-awˇ caw ba-awˬ. Aˬ miˬ

2 Sahˬpaˬ 16:16

Sahˬ paˬ Aˬkaˆ neh dawˬ kʼaˇ biꞈ nehˬ-euˬ loꞈ-ehˇ Uˇliˇyaˆ mˇ-euˬ meh.