1 Teˇsaˬloˇni 1:10 - Akha

¹⁰ Miˬyehˇ neh shiˇ-euˬ gaˇ bi gʼoꞈ dehꞈ laˇ-euˬ gʼaˬ pyeuꞈ-awˇ, aˬ dui kʼoeˇ taˆ keuˆ le-eu lehˇ gʼeh-eu Miˬyehˇ-euˬ nui ma pehˇ-eu jeˬ laꞈ kʼoeˇ aˬ dui-ahˇ ka kʼoꞈ nehˬ laꞈ-euˬ gʼaˬ pyeuꞈ-eu aˬ yawꞈ -euˬ Zaˬmaˇ Yeˬsuˇ mˬ kʼoeˇ taˆ neh zaꞈ ka le gaˇ naw maꞈ aˬ joˆ-ehˇ noeˬ tmˬ luꞈ-eu gaˇ kawˆ, aꞈ yawꞈ maꞈ ja luꞈ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁰ Khoermirnae, shir-euq khawf Miqyaer nae bi ghofdaef lar-euq aqyawf-euq Zaqyo, mq-anr nae zafka le-eu gar nawmaf dawqluf-eu mae. Zaqyo khoerghaq-aq, aqkar keuvle-eu Miqyaer-euq nuima paer-eu jeq-anr nae aqdui-anr bibuq-ir naeqlaf-euq Yeqsur mae.

1 Teˇsaˬloˇni 1:10 Referans Kwoze

1 Teˇsaˬloˇni 5:9

Miˬyehˇ aˬ dui-ahˇ tseˇ doˆ-euˬ-aˬ, aˬ yawꞈ-euˬ nui ma pehˇ-eu jeˬ-ahˇ bi daˬ-eu gʼaˇ duˬ maˬ ngeuˇ-a. Aˬ dui-euˬ Sahˬpaˬ Yeˬsuˇ Ka li baˬ da neh ka kʼoꞈ-eu jeˬ bi za-eu lehˇ tseˇ doˆ-euˬ meh.

Maꞈtehˬ 3:7

Paˬliˬsehˇ deuˬ hawˇ-eu Saˬduˬgehˇ deuˬ kʼawꞈ, Yoˇhaˬ neh iˇ cuꞈ bi shawˇ-eu lehˇ oe luꞈ gaˇ Yoˇhaˬ ya mawˇ ngeh, heu loꞈ-ehˇ ehˇ nehˬ-euˬ meh. “Aˇ lawˇ uiˇ naˆ-euˬ zaˬ deuˬ-oˇ, Miˬyehˇ neh lehˬ hmˬ taˬ-euˬ kʼehˬ-eu kʼaˆ-eu jeˬ-ahˇ ya buˬ-iˇ ni jahˇ-awˬ lehˇ, naw maꞈ-ahˇ aˬ suˇ gʼaˬ ehˇ nehˬ laꞈ taˬ.

Gʼaˬkʼehˇ 2:24

Ehˇ kʼawꞈ, aˬ yawꞈ-ahˇ Miˬyehˇ neh paˇ bi gʼoꞈ dehꞈ laˇ-eu laꞈ kʼoeˇ, shiˇ-eu jeˬ-euˬ baoˬ uˬ moˆ bi dzeuˇ-iˇ-euˬ meh. Aˬ jeˬ miˇ neh ehˇ naˇ, shiˇ-eu jeˬ aˬ yawꞈ-ahˇ maˬ paꞈ tawꞈ nya-a.

1 Beˬtuˆluˆ 3:18

Tsawˇ haˬ zaˬ-euˬ iˬ baˇ gʼaˇ duˬ Ka li tiˬ poˆ tehꞈ-ehˇ kamˇ shiˇ-euˬ meh. Aˬ yawꞈ kamˇ shiˇ-euˬ kʼoeˇ-aˬ, iˬ baˇ zaˬ deuˬ-ahˇ Miˬyehˇ jawˇ gaˇ sheuˬ gʼeh-eu gʼaˇ duˬ, iˬ baˇ maˬ ahˇ-eu tsawˇ haˬ tiˬ gʼaˬ iˬ baˇ zaˬ deuˬ-euˬ dah zaˇ kamˇ shiˇ-euˬ jeˬ pyeuꞈ-awˇ, mˬ maˬ maˬ byaˆ zaˇ ziˇ gʼaˇ duˬ tiˬ poˆ tehꞈ-ehˇ kamˇ shiˇ-euˬ jeˬ pyeuꞈ-eu meh. Shiˬ shaˬ jiˇ paw taꞈ leˇ-awˇ aˬ yawꞈ-ahˇ sehꞈ-euˬ kʼawꞈ, saꞈ laˇ paw taꞈ leˇ-awˇ Miˬyehˇ neh aˬ yawꞈ-ahˇ bi dehꞈ-euˬ meh.

1 Beˬtuˆluˆ 1:3

Sahˬpaˬ Yeˬsuˇ Ka li-euˬ Aˬda pyeuꞈ-eu Miˬyehˇ-euˬ guiˬ lahˬ-ahˇ ja ceuˬ kaˇ-euˇ. Aˬ yawꞈ-euˬ huiˬ dui dui-eu gʼawˬ shaˬ gaˬ-eu jeˬ baˬ da neh, Yeˬsuˇ Ka li-ahˇ shiˇ-euˬ gaˇ bi gʼoꞈ dehꞈ laˇ-eu laꞈ kʼoeˇ aˬ dui-ahˇ yaw shuiꞈ bi dehꞈ paˇ laꞈ-euˬ meh. Kʼoeˇ-aˬ, aˬ dui-euˬ laꞈ kʼoeˇ dehꞈ luꞈ-eu noeˬ tmˬ duˬ bi byah laˇ-euˬ meh.

HeˬByehˇ 9:28

Kʼoeˇ gaˇ duˇ ni, tsawˇ haˬ gʼawˬ mya ni-euˬ iˬ baˇ yuˇ dzeh-eu gʼaˇ duˬ, Ka li-euˬ gʼawˇ mawˇ tiˬ poˆ lawˇ dah-euˬ meh. Aˬ yawꞈ tiˬ poˆ paˇ doˆ le tehꞈ-a. Ehˇ kʼawꞈ, iˬ baˇ shawˇ-eu gʼaˇ duˬ oe-euˬ maˬ ngeuˇ-a. Aˬ yawꞈ-ahˇ loꞈ luꞈ-eu tsawˇ haˬ deuˬ-ahˇ ka kʼoꞈ-eu gʼaˇ duˬ oe-euˬ jeˬ pyeuꞈ-eu meh.

Lormav 4:25

Aˬ dui-euˬ iˬ baˇ baˬ da neh aˬ yawꞈ-ahˇ sehꞈ-eu gʼaˇ duˬ bi a nehˬ-awˇ, aˬ dui Miˬyehˇ-ahˇ tsaˬ leˇ tsahˇ leˇ nya ni aˬ yawꞈ-ahˇ bi gʼoꞈ dehꞈ laˇ-euˬ meh.

Luˇkaꞈ 3:7

Yoˇhaˬ neh iˇ cuꞈ bi shawˇ-eu gʼaˇ duˬ, tsawˇ haˬ aˇ maꞈ maꞈ ma Yoˇhaˬ jawˇ gaˇ oe doˆ-euˬ meh. Aˬ yawꞈ maꞈ-ahˇ aˬ yawꞈ ehˇ nehˬ-eu, “Aˇ lawˇ uiˇ naˆ deuˬ-oˇ, Miˬyehˇ neh bi keuˆ le-eu lehˇ lehˬ hmˬ taˬ-euˬ kʼehˬ-eu kʼaˆ-eu jeˬ-ahˇ cehˆ dzeuˇ nya tehꞈ-a lehˇ, naw maꞈ-ahˇ aˬ suˇ gʼaˬ neh mehˬ gahˇ nehˬ laꞈ taˬ.

1 Beˬtuˆluˆ 1:21

Aˬ yawꞈ-ahˇ shiˇ-euˬ gaˇ bi gʼoꞈ dehꞈ laˇ-awˇ yaw shehꞈ kʼahˬ sehˇ biꞈ nehˬ-euˬ gʼaˬ pyeuꞈ-eu Miˬyehˇ-ahˇ, aˬ yawꞈ baˬ da neh naw maꞈ jah laˇ-euˬ meh. Kʼoeˇ miˇ neh, naw maꞈ jah-awˇ noeˬ tmˬ-eu jeˬ-aˬ, Miˬyehˇ tiˬ gʼaˬ tehꞈ meh.

Lormav 8:34

Toˆ-ehˇ ngeuˇ naˇ, aˬ yawꞈ maꞈ iˬ baˇ ahˇ meh lehˇ aˬ suˇ gʼaˬ paˇ ehˇ nmˇ. Tiˬ gʼaˬ-iˬ maˬ paˇ ehˇ-aˇ. Shiˇ gʼaˬ-euˬ gaˇ Miˬyehˇ neh paˇ bi gʼoꞈ dehꞈ laˇ-awˇ, Miˬyehˇ-euˬ aˇ maˇ paw jawˇ-awˇ aˬ dui-euˬ gʼaˇ duˬ Miˬyehˇ-ahˇ shaˇ luꞈ-eu gʼaˬ pyeuꞈ-eu Yeˬsuˇ Ka li kʼawꞈ, kʼoeˇ loꞈ-ehˇ maˬ ehˇ-aˇ.

Panmaeq 1:18

Ngaˇ-aˬ, dehꞈ luꞈ-eu gʼaˬ ma. Ngaˇ shiˇ-euˬ ma. Ehˇ kʼawꞈ, nymˬ-mˇ mˬ maˬ maˬ byaˆ zaˇ ziˇ dehꞈ-eu ma. Shiˇ-eu jeˬ-euˬ mahˬ tawꞈ kahˬ maˬ ehˇ, shiˇ-eu miˇ kʼahˬ-euˬ mahˬ tawꞈ kahˬ maˬ ehˇ,ngaˬ-euˬ aˬ laꞈ laꞈ kʼoeˇ jaˆ-eu ma.

Gʼaˬkʼehˇ 1:11

Aˬ yawꞈ nyaꞈ-ehˇ-eu, “Gaˬliˬlehˇ tsawˇ haˬ deuˬ-oˇ, aˬ jeˬ miˇ neh naw maꞈ heu gaˇ yawꞈ-awˇ mˬ-ahˇ haw haw-ehˇ jawˇ te. Naw maꞈ jawˇ gaˇ neh mˬ-ahˇ bi ciˬ kʼoꞈ daˆ leꞈ-euˬ Yeˬsuˇ heu gʼaˬ-aˬ, naw maꞈ-euˬ mehˬ shi kʼaˇ gʼoꞈ daˆ leˇ-euˬ loꞈ-ehˇ tiˬ poˆ paˇ gʼoꞈ ka le meh.”

2 Beˬtuˆluˆ 3:14

Kʼoeˇ miˇ neh cawˬ deuˬ-oˇ, Aˇnah kʼoeˇ nah-ahˇ naw maꞈ dawˬ luꞈ-eu loꞈ-ehˇ, Miˬyehˇ mehˬ shi iˬ baˇ taˬ kʼaˇ maˬ za-eu Miˬyehˇ-ahˇ tsaˬ leˇ tsahˇ leˇ gʼaˬ-euˬ muiˬ-eu shawˇ-eu tsawˇ haˬ pyeuꞈ ni leh jeh-awˬ.

1 Teˇsaˬloˇni 2:16

Aˬ cawˬ tsawˇ jeuˬ ka kʼoꞈ-eu jeˬ bi za-eu lehˇ nga maꞈ Miˬyehˇ dawˬ kawˬ mehˬ nehˬ gaˇ keuˆ ni laˆ tsoeˬ-eu lehˇ leh jeh-eu meh. Kʼoeˇ loꞈ-ehˇ gʼeh-eu laꞈ kʼoeˇ, aˬ yawꞈ maꞈ aˬ myah luꞈ mˇ luꞈ-eu iˬ baˇ dawˬ tawˆ luꞈ byah jiˇ laˇ ni kaꞈ gʼa-eu meh. Nymˬ-mˇ aˇ saˬ saˬ laˇ ngeh, Miˬyehˇ nui ma pehˇ-eu jeˬ aˬ yawꞈ maꞈ kʼoeˇ taˆ keuˆ le teuˇ le-euˬ meh.

1 Gawˇliˬtu 1:7

Kʼoeˇ miˇ neh, Sahˬpaˬ Yeˬsuˇ Ka li gʼoꞈ le gaˇ naw maꞈ loꞈ luꞈ-eu laꞈ kʼoeˇ, guiˬ lahˬ tiˬ hmˬ-iˬ maˬ bi ga ka-iˇ ni naw maꞈ ciˬ kʼmˇ taˬ-euˬ meh.

2 Beˬtuˆluˆ 3:12

Mˬ dawˬ tawˆ luꞈ puiˆ byoˆ jiˇ-awˇ, nahˇ ma, ba la, aˬ guiˇ dawˬ tawˆ luꞈ guiˇ byoˆ jiˇ-eu aˇ nah pyeuꞈ-eu Miˬyehˇ-euˬ Aˇ nah kʼoeˇ nah yaw kawˇ-ehˇ keuˆ le ni naw maꞈ dawˬ luꞈ-eu-aˬ, kʼoeˇ loꞈ-ehˇ dehꞈ-eu tsaˬ meh.

HeˬByehˇ 10:27

Aˬ dui kʼoeˇ taˆ keuˆ le-eu yaˇ kʼaˬ daˇ-eu jeˬ hawˇ-eu Miˬyehˇ-ahˇ puiˬ-eu tsawˇ haˬ deuˬ-ahˇ laˆ luˬ laˆ seˇ le-eu, guˆ dui dui laˇ paˬ-ehˇ gʼeh-eu miˬ dzaˬ-ahˇ guˆ guˆ-ehˇ dawˬ-eu jeˬ maˬ ngeuˇ naˇ, aˬ dui gʼaˇ duˬ nui jeˬ noeˬ tmˬ kʼaˇ maˬ paˇ za meh.

Tiˇtuˆ 2:13

aˬ dui-euˬ huiˬ dui dui-eu Miˬyehˇ hawˇ-eu Ka kʼoꞈ-eu gʼaˬ pyeuꞈ-eu Yeˬsuˇ Ka li-euˬ yaw shehꞈ kʼahˬ sehˇ doˆ le-eu Aˇ nah kʼoeˇ nah-ahˇ noeˬ tmˬ-awˇ dawˬ-eu gʼaˇ duˬ mehˬ nehˬ laꞈ-euˬ meh.

Piˇliˇpiˆ 3:20

Aˬ dui-aˬ, mˬ taˆ miˇ kʼahˬ zaˬ deuˬ pyeuꞈ-awˇ, aˬ dui-euˬ Ka kʼoꞈ-eu gʼaˬ pyeuꞈ-eu Sahˬpaˬ Yeˬsuˇ Ka li mˬ kʼoeˇ taˆ neh zaꞈ ka le gaˇ nui ma keuˆ-awˇ dawˬ luꞈ-eu tsawˇ haˬ deuˬ ma.

Gaˬlaˬtiˆ 3:13

Ehˇ kʼawꞈ, aˬ dui gʼaˇ duˬ yaˬ kʼehˇ yaˬ-eu jeˬ-ahˇ Ka li daˬ-awˇ, Zahˇ dawˬ kʼoꞈ dawˬ neh aˬ dui kʼoeˇ taˆ bi keuˆ le-euˬ yaˬ kʼehˇ yaˬ-eu jeˬ laꞈ kʼoeˇ aˬ yawꞈ aˬ dui-ahˇ ka kʼoꞈ nehˬ laꞈ-euˬ meh. Aˬ jeˬ miˇ neh ehˇ naˇ, “Aˇ bawˇ kʼoeˇ taˆ kʼaˇ paꞈ gʼeu sehꞈ-euˬ tsawˇ haˬ-aˬ, Miˬyehˇ neh yaˬ kʼehˇ yaˬ nehˬ-euˬ jeˬ-ahˇ ya daˬ-euˬ tsawˇ haˬ meh” lehˇ, Jaˇ liꞈ laꞈ kʼoeˇ ehˇ taˬ-euˬ meh.

Lormav 2:7

Tsawˇ haˬ tiˬ paˆ na deuˬ-aˬ, yaw muiˬ jeˬ-ahˇ maˬ tsehˆ leˇ ni mˇ-eu laꞈ kʼoeˇ, yaw shehꞈ kʼahˬ sehˇ hawˇ-eu taˬ huiˬ taˬ mahˇ nehˬ-eu jeˬ-ahˇ maˬ ehˇ, mˬ maˬ maˬ byaˆ zaˇ ziˇ maˬ shiˇ ni ya dehꞈ-eu jeˬ-ahˇ maˬ ehˇ, poˆ luꞈ-eu meh. Kʼoeˇ loꞈ-ehˇ gʼeh-eu tsawˇ haˬ deuˬ-ahˇ mˬ maˬ maˬ byaˆ zaˇ ziˇ dehꞈ-eu jeˬ Miˬyehˇ biꞈ nehˬ tehꞈ-a.

Gʼaˬkʼehˇ 17:31

Aˬ jeˬ miˇ neh ehˇ naˇ, aˬ yawꞈ neh tseˇ doˆ-euˬ tsawˇ haˬ-ahˇ gʼoe-awˇ, miˇ tsaˬ heu dawˬ tawˆ luꞈ-ahˇ yaw tsaˬ yaw dawˇ jeˬ neh yaˇ kʼaˬ daˇ-eu gʼaˇ duˬ, Miˬyehˇ neh toꞈ taˬ-euˬ aˇ nah tiˬ nah jaˆ meh. Tsawˇ haˬ kʼoeˇ gʼaˬ-ahˇ shiˇ-euˬ gaˇ paˇ bi gʼoꞈ dehꞈ laˇ-eu laꞈ kʼoeˇ, aˬ yawꞈ neh kʼoeˇ loꞈ-ehˇ lehˬ hmˬ taˬ-euˬ jaˆ-eu gaˇ kawˆ, tsawˇ haˬ dawˬ tawˆ luꞈ-ahˇ bi siˬ duˬ-euˬ meh.”

Gʼaˬkʼehˇ 4:10

naw maꞈ neh laꞈ yaꞈ kʼoeˇ taˆ taꞈ sehꞈ nehˬ-awˇ, Miˬyehˇ neh bi gʼoꞈ dehꞈ laˇ-euˬ Naˬzaˬlehˇ tsawˇ haˬ Yeˬsuˇ Ka li-euˬ tsawˇ myahˇ baoˬ baˬ da neh , nymˬ-mˇ naw maꞈ mehˬ shi yawꞈ luꞈ-eu tsawˇ haˬ heu gʼaˬ muiˬ laˇ-euˬ meh lehˇ naw maꞈ dawˬ tawˆ luꞈ siˬ duˬ-eu uˬ taꞈ, Iˇsaˬleˬlaˇ tsawˇ haˬ dawˬ tawˆ luꞈ siˬ duˬ-eu tsaˬ meh.

Gʼaˬkʼehˇ 3:21

Muiˬ-eu shawˇ-eu Yaw sahˇ Miˬyehˇ gʼaˇ duˬ ngehˬ dah-eu deuˬ-ahˇ gʼoe-awˇ yawˬ jeˬ na luꞈ yaw shuiꞈ beˬ paˇ jiˇ-eu aˇ yamˬ maˬ keuˆ laˇ kʼoeˇ keuˆ ni, mˬ kʼoeˇ taˆ aˬ yawꞈ ya jawˇ tawˬ meh.

Gʼaˬkʼehˇ 3:15

Dehꞈ-eu gaˇ ma sheuˬ mehˬ-eu gʼaˬ-ahˇ naw maꞈ sehꞈ-euˬ meh. Ehˇkʼawꞈ, Miˬyehˇ neh aˬ yawꞈ-ahˇ paˇ bi gʼoꞈ dehꞈ laˇ-euˬ meh. Nga nyaꞈ siˬ duˬ mawˇ duˬ-euˬ ma.

Maꞈtehˬ 1:21

Aˬ yawꞈ aˬ li tiˬ li ciˬ tehꞈ-a. Aˬ li kʼoeˇ li-ahˇ Yeˬsuˇ lehˇ nawˇ myahˇ nehˬ-awˬ. Aˬ jeˬ miˇ neh ehˇ naˇ, aˬ li kʼoeˇ li-aˬ, aˬ yawꞈ-euˬ tsawˇ haˬ deuˬ-ahˇ iˬ baˇ laꞈ kʼoeˇ ka kʼoꞈ doˆ nehˬ tehꞈ-a.”

Panmaeq 1:7

Haw yawˬ. Aˬ yawꞈ mˬ dmˇ dziˬ-awˇ oe luꞈ meh. Tsawˇ haˬ yawˬ gʼaˬ na luꞈ aˬ yawꞈ-ahˇ ya mawˇ tehꞈ-a. Aˬ yawꞈ-ahˇ gahˬ neh tsawˆ-euˬ deuˬ kʼawꞈ ya mawˇ tehꞈ-a. Aˬ yawꞈ baˬ da neh miˇ tsaˬ zaˬ dawˬ tawˆ luꞈ tsawˇ ngoeˇ ya ngoeˇ tehꞈ-a. Aˬ diˇ ngeuˇ tehꞈ-a. Aˬ miˬ.

1 Beˬtuˆluˆ 2:21

Naw maꞈ kʼoeˇ loꞈ-ehˇ dehꞈ-eu gʼaˇ duˬ Miˬyehˇ naw maꞈ-ahˇ kuˇ-euˬ meh. Aˬ jeˬ miˇ neh ehˇ naˇ, naw maꞈ Ka li-euˬ pehˬ zaˇ-ahˇ caw teh nya ni, aˬ yawꞈ-ahˇ bi dzaw geuꞈ-eu lehˇ, naw maꞈ gʼaˇ duˬ aˬ yawꞈ daˬ dzeuˇ yaꞈ-euˬ meh.

2 Tiˆmoˇseˬ 4:1

Miˬyehˇ-euˬ mehˬ shi hawˇ-eu, dehꞈ luꞈ-eu tsawˇ haˬ hawˇ-eu shiˇ dzeuˇ-euˬ tsawˇ haˬ deuˬ-ahˇ yaˇ kʼaˬ daˇ nehˬ-eu Sahˬpaˬ geuꞈ-awˇ uˆ lahˇ le-eu lehˇ gʼeh-eu Yeˬsuˇ Ka li-euˬ mehˬ shi, ngaˇ nawˬ-ahˇ heu loꞈ-ehˇ dawˬ biꞈ-eu ma.

1 Teˇsaˬloˇni 2:7

Maˇ maˇ ni ehˇ naˇ, nga maꞈ Ka li-euˬ gʼaˬ kʼehˇ pyeuꞈ-eu miˇ neh nga maꞈ neh mˇ-euˬ aˇ poeˬ shaˇ-eu a kawˬ-aˬ jaˆ ma. Ehˇ kʼawꞈ, naw maꞈ nehˬ-ehˇ nga maꞈ jawˇ ngeh, aˬ ma tiˬ gʼaˬ zaˬ nahˬ-ahˇ bo saˆ-eu loꞈ-ehˇ nahˬ yu ni mˇ-euˬ ma.

1 Teˇsaˬloˇni 1:7

Kʼoeˇ miˇ neh naw maꞈ-aˬ, Maˬgeˬdawˇniˆ miˇ kʼahˬ hawˇ-eu Aˬgaˬyaˇ miˇ kʼahˬ-ahˇ jawˇ-eu tsawˇ haˬ deuˬ gʼaˇ duˬ dzaw geuꞈ duˬ pyeuꞈ laˇ-euˬ meh.

Gawˇlawˇsehˇ 1:18

Aˬ yawꞈ-aˬ, aˬ yawꞈ-euˬ gʼawˇ mawˇ pyeuꞈ-eu Ka li zaˬ aˇ muˇ-euˬ uˬ duˬ pyeuꞈ-awˇ, gʼawˇ mawˇ kʼoeˇ-ahˇ yaw dehꞈ bi dehꞈ-eu gʼaˬ pyeuꞈ-eu meh. Kʼaˇ jawˇ kʼaˇ jaˆ-eu jeˬ dawˬ tawˆ luꞈ kʼoeˇ taˆ aˬ yawꞈ huiˬ dzehˬ mahˇ dzeh ni, shiˇ-euˬ gaˇ gʼoꞈ dehꞈ laˇ-euˬ dehꞈ beh beh le-euˬ gʼaˬ pyeuꞈ-eu meh.

Lormav 1:4

Miˬyehˇ-ahˇ taꞈ-eu paw neh sawˇ leꞈ naˇ, aˬ yawꞈ-aˬ, Miˬyehˇ-euˬ Zaˬmaˇ pyeuꞈ-eu gaˇ kawˆ, huiˬ dui dui-eu baoˬ laꞈ kʼoeˇ aˬ dui-ahˇ bi mawˇ laꞈ-euˬ meh. Aˬ yawꞈ shiˇ gʼaˬ-euˬ gaˇ Miˬyehˇ neh paˇ bi gʼoꞈ dehꞈ laˇ-eu laꞈ kʼoeˇ bi mawˇ laꞈ-euˬ meh.

Luˇkaꞈ 2:25

Kʼoeˇ ngeh yamˬ-ahˇ, Suˇmoˬ lehˇ myahˇ-euˬ tsawˇ haˬ tiˬ gʼaˬ Yeˬluˇsaˬlehˬ meuˬ-ahˇ jawˇ-eu meh. Aˬ yawꞈ-aˬ, Miˬyehˇ-ahˇ guˆ-eu nui ma ahˇ-eu tsawˇ haˬ yaw muiˬ tiˬ gʼaˬ pyeuꞈ-awˇ, Iˇsaˬleˬlaˆ tsawˇ jeuˬ ka kʼoꞈ-eu jeˬ za-eu aˇ nah-ahˇ dawˬ luꞈ-eu tiˬ gʼaˬ meh. Muiˬ-eu shawˇ-eu Yaw sahˇ Miˬyehˇ aˬ yawꞈ nehˬ-ehˇ jawˇ-eu meh.

Aˇ dahˬ 49:18

Sahˬpaˬ Miˬyehˇ-oˇ, nawˇ ka kʼoꞈ nehˬ laꞈ gaˇ ngaˇ loꞈ luꞈ-eu ma.

Maꞈtehˬ 16:27

Tsawˇhaˬ-euˬ Zaˬmaˇ-aˬ, aˬ yawꞈ Aˬda-euˬ yaw shehꞈ kʼahˬ sehˇ dm-awˇ, aˬ yawꞈ-euˬ mˬ taˆ gʼaˬ kʼehˇ deuˬ nehˬ-ehˇ zaꞈ le-awˇ, tsawˇ haˬ yawˬ gʼaˬ yawˬ na luꞈ-ahˇ, yawˬ ha neh kʼaˇ mˇ taˬ-euˬ loꞈ-ehˇ tsoeˬ kʼoꞈ nehˬ le tehꞈ-a.

Maꞈtehˬ 16:28

Heu gaˇ jawˇ luꞈ-eu tsawˇ haˬ tiˬ paˆ na deuˬ maˬ shiˇ dzeuˇ mi naˆ-ehˇ, Tsawˇhaˬ-euˬ Zaˬmaˇ sahˬ paˬ geuꞈ-awˇ oe gaˇ ya mawˇ tehꞈ-a lehˇ, ngaˇ naw maꞈ-ahˇ maˇ jawˆ ni ehˇ-eu ma.”

Gʼaˬkʼehˇ 2:32

Yeˬsuˇ heu gʼaˬ-ahˇ Miˬyehˇ neh bi gʼoꞈ dehꞈ laˇ-euˬ meh. Gaˇ kawˆ heu aˬ diˇ aˬ maˇ pyeuꞈ laˇ-euˬ aˬ dui yawˬ gʼaˬ na luꞈ siˬ duˬ mawˇ duˬ-euˬ saˇ kiˇ pyeuꞈ-eu ma.