1 Saˬmeuˬlaˆ 6:2 - Akha

² Kʼoeˇ naˇ, piˇ ma hawˇ-eu nyiˇ paˬ deuˬ-ahˇ Piˇliˇtiˆ tsawˇ haˬ deuˬ kuˇ uiˬ-awˇ, “Sahˬpaˬ Miˬyehˇ-euˬ Dawˬ ma saˇ jaˇ Bahˬ keuˆ-ahˇ aˬ joˆ-ehˇ jahˇ nmˇ. Aˬ yawꞈ jaˆ duˬ-ahˇ paˇ sha ha kʼoꞈ nehˬ leˇ mawꞈ naˇ, aˬ jeˬ biꞈ caw-awˇ yaˬ sha ha kʼoꞈ nehˬ leˇ nmˇ” lehˇ naˇ haˬ-euˬ meh.

1 Saˬmeuˬlaˆ 6:2 Referans Kwoze

Doˆ-iˇ 7:11

Kʼoeˇ ngeh, sahˬ paˬ kʼoeˇ gʼaˬ, mah loˬ nya-eu deuˬ hawˇ-eu, zaˬ siˬ nui gahˇ ahˇ dui dui-eu aˬ yawꞈ-euˬ tsawˇ haˬ deuˬ kuˇ uiˬ-awˇ, tsawˇ haˬ kʼoeˇ deuˬ kʼawꞈ, aˬ yawꞈ maꞈ-euˬ mah loˬ loˬ-eu tsawˇ gahˇ-ahˇ gʼoe-awˇ, Aˬloˬ neh mˇ-euˬ jeˬ mˇ mehˬ nehˬ-euˬ meh.

Aˇ dahˬ 41:8

Uˬ bya bya laˇ ngeh, sahˬ paˬ noeˬ shaˬ dui dui-eu miˇ neh, Iˇjiˇtuˆ miˇ kʼahˬ laꞈ kʼoeˇ kʼaˇ jawˇ-eu nyiˇ paˬ shaˆ ma deuˬ hawˇ-eu, zaˬ siˬ tsawˇ gahˇ ahˇ-eu tsawˇ haˬ deuˬ-ahˇ bi kuˇ uiˬ-euˬ meh. Aˬ yawꞈ neh yuꞈ maˆ maˆ mawˇ-euˬ gaˇ kawˆ kʼoeˇ aˬ yawꞈ maꞈ-ahˇ dzawˇ mehˬ nehˬ kʼawꞈ, tiˬ gʼaˬ-iˬ dawˬ tsuiꞈ maˬ yuˇ doˆ nehˬ nya-a.

Daˬyeˬlaˇ 5:7

Nyiˇ paˬ shaˆ ma deuˬ hawˇ-eu mah loˬ ja maw deuˬ kuˇ laꞈ-eu gʼaˇ duˬ aˬ yawꞈ dawˬ biꞈ-euˬ meh. Aˬ yawꞈ maꞈ laˇ keuˆ ngeh, heu loꞈ-ehˇ ehˇ nehˬ-euˬ meh. “Heu gaˇ boꞈ taˬ-euˬ gaˇ kawˆ heu gui doˆ nya-awˇ, ngaˬ-ahˇ kʼaˇ dzawˇ poˆ nehˬ laꞈ nya-eu gʼaˬ-ahˇ, sahˬ paˬ dm-eu pehˇ kʼahˬ pehˇ mahˇ yaw neˇ bi dm-awˇ, kawˬ lahˇ-ahˇ taˬ huiˬ taˬ mahˇ-eu shuiˇ shuiˇ caˆ bi dah-awˇ, miˇ kʼahˬ heu kʼahˬ laꞈ kʼoeˇ aˬ cawˬ taꞈ-ehˇ huiˬ-eu sahˬ paˬ smˇ gʼaˬ tiˬ gʼaˬ bi geuꞈ-ma.”

Daˬyeˬlaˇ 2:2

Kʼoeˇ miˇ neh, ja maw mah loˬ nya-eu deuˬ hawˇ-eu, nyiˇ paˬ shaˆ ma deuˬ-ahˇ aˬ yawꞈ bi kuˇ laˬ-iˇ-awˇ, yuꞈ maˆ dawˬ tsuiꞈ bi yuˇ doˆ-euˬ meh. Tsawˇ haˬ kʼoeˇ deuˬ laˇ keuˆ-awˇ, sahˬ paˬ-euˬ mehˬ shi yawꞈ luꞈ-eu meh.

Maꞈtehˬ 2:4

Piˇ ma aˬ yuiꞈ deuˬ hawˇ-eu Zahˇ dawˬ kʼoꞈ dawˬ mehˬ-eu saˬ laˬ dawˬ tawˆ luꞈ-ahˇ aˬ yawꞈ kuˇ uiˬ-awˇ, “Ka li aˬ gaˇ dehꞈ le ta” lehˇ naˇ haˬ-euˬ meh.

Iˇsaˬyaˇ 2:6

Miˬyehˇ-oˇ, Yaˬkoˆ-euˬ zaˬ deuˬ uˆ deuˬ pyeuꞈ-eu, nawˬ-euˬ tsawˇ haˬ deuˬ-ahˇ nawˇ byehˇ dzeh-euˬ meh. Aˬ jeˬ miˇ neh ehˇ naˇ, nahˇ ma doˆ kʼehˬ miˇ kʼahˬ paw neh oe-euˬ nyiˇ paˬ shiˇ-eu zahˇ hawˇ-eu, Piˇliˇtiˆ tsawˇ haˬ deuˬ ja maw maw-eu zahˇ-ahˇ, aˬ yawꞈ maꞈ mˇ dui dui luꞈ-eu uˬ taꞈ, aˬ cawˬ tsawˇ jeuˬ nehˬ-ehˇ laꞈ tsaꞈ tsaꞈ tehˬ-awˇ dehꞈ-eu meh.

1 Saˬmeuˬlaˆ 6:1

Sahˬpaˬ Miˬyehˇ-euˬ Dawˬ ma saˇ jaˇ Bahˬ keuˆ kʼoeˇ, Piˇliˇtiˆ miˇ kʼahˬ laꞈ kʼoeˇ ba la shiꞈ siˬ keuˆ ni jaˆ-euˬ meh.

1 Saˬmeuˬlaˆ 5:8

Kʼoeˇ naˇ, aˬ yawꞈ maꞈ tsawˇ haˬ pyehˬ gʼeh-awˇ, Piˇliˇtiˆ sahˬ paˬ ngaˬ gʼaˬ luꞈ bi kuˇ uiˬ-awˇ, “Iˇsaˬleˬlaˆ Miˬyehˇ-euˬ Dawˬ ma saˇ jaˇ Bahˬ keuˆ-ahˇ aˬ dui aˬ joˆ-ehˇ jahˇ nmˇ” lehˇ naˇ haˬ ngeh, “Gaˬdaˇ meuˬ-ahˇ baꞈ gʼeh-awˬ” lehˇ ehˇ-eu miˇ neh, Piˇliˇtiˆ tsawˇ haˬ deuˬ-euˬ meuˬ tiˬ meuˬ pyeuꞈ-eu Gaˬdaˇ meuˬ-ahˇ aˬ yawꞈ maꞈ baꞈ gʼeh-euˬ meh.