1 Saˬmeuˬlaˆ 3:15 - Akha

¹⁵ Saˬmeuˬlaˆ-aˬ, uˬ shawˬ uˬ bya bya laˇ ngeh keuˆ ni yuꞈ-euˬ meh. Kʼoeˇ naˇ, aˬ yawꞈ tuˇ-awˇ, Sahˬpaˬ Miˬyehˇ-euˬ nymˇ laˇ gʼoˆ pah-euˬ meh. Yaw sahˇ laꞈ kʼoeˇ aˬ yawꞈ ya siˬ ya mawˇ-euˬ je, Eˇliˆ-ahˇ aˬ yawꞈ maˬ dzawˇ nehˬ peuˬ-a.

1 Saˬmeuˬlaˆ 3:15 Referans Kwoze

Maˬlaˬkiˇ 1:10

Baoˬ huiˬ-eu Sahˬpaˬ Miˬyehˇ heu loꞈ-ehˇ ehˇ-eu meh. “Naw maꞈ ngaˬ-euˬ lawˇ duˬ kʼoeˇ taˆ miˬ dzaˬ ciˆ doꞈ-awˇ gaˇ dahˇ maˬ tsoeˬ-eu jeˬ maˬ ya mˇ ni, naw maꞈ laꞈ kʼoeˇ tiˬ gʼaˬ na Uˬ duˬ tahˬ nymˇ nymˇ ma-euˬ laˇ gʼoˆ piˬ tehˬ leˇ gaˇ ngaˇ geuꞈ mawꞈ-eu ma. Naw maꞈ-ahˇ ngaˇ nui ma maˬ tsaˬ nya. Naw maꞈ neh yuˇ laꞈ-euˬ lawˇ-eu shehˇ-eu jeˬ ngaˇ maˬ ha geuꞈ.

1 Saˬmeuˬlaˆ 1:9

Tiˬ nah-aˬ, Shiˇloˬ meuˬ laꞈ kʼoeˇ aˬ yawꞈ maꞈ dzaˬ dehˆ dawˇ dehˆ gʼaˬ ngeh, Haˬnahˬ tsawˬ tuˇ laˇ-euˬ meh. Kʼoeˇ ngeh, Sahˬpaˬ Miˬyehˇ-euˬ nymˇ-ahˇ, laˇ gʼoˆ bahˬ dawˬ peh jaˆ-eu nuiˇ boˆ-ahˇ piˇ ma Eˇliˆ nuiˇ luꞈ-eu meh.

Bawˇtsahˬ 12:6

Sahˬpaˬ Miˬyehˇ ehˇ-eu, “Ngaˇ ehˇ gaˇ naˇ haˬ-awˬ. Naw maꞈ laꞈ kʼoeˇ Miˬyehˇ gʼaˇ duˬ ngehˬ dah-eu deuˬ jawˇ naˇ, yaw sahˇ laꞈ kʼoeˇ aˬ yawꞈ maꞈ-ahˇ ngaˇ pah mehˬ nehˬ-awˇ, yuꞈ maˆ maˆ-eu laꞈ kʼoeˇ ngaˇ dawˬ ngehˬ cawˬ ma.

1 Saˬmeuˬlaˆ 3:10

Sahˬpaˬ Miˬyehˇ kʼoeˇ gaˇ yawꞈ le-awˇ, yaw beh kuˇ-eu loꞈ-ehˇ “Saˬmeuˬlaˆ-oˇ, Saˬmeuˬlaˆ-oˇ” lehˇ kuˇ le-euˬ meh. Saˬmeuˬlaˆ gʼeh, “Nawˬ-euˬ dawˬ-ahˇ nawˬ-euˬ zaˬ kʼaˆ naˇ haˬ luꞈ ma” lehˇ ehˇ kʼoꞈ nehˬ-euˬ meh.

1 Saˬmeuˬlaˆ 3:16

“Aˬ li Saˬmeuˬlaˆ-oˇ” lehˇ Eˇliˆ aˬ yawꞈ-ahˇ kuˇ laˇ ngeh, aˬ yawꞈ oˬ toˬ kʼoꞈ nehˬ-euˬ meh.

1 Laˬsaˬbaˬ 15:23

Beˬleˬkiˇ hawˇ-eu Eˇlaˬkaˬnaˬ aˬ nyaꞈ-ahˇ, AwˇbehˆEˬdoˬ hawˇ-eu Yeˬhiˇyaˬ nehˬ-ehˇ tiˬ kawˆ loꞈ-ehˇ, Dawˬ ma saˇ jaˇ Bahˬ keuˆ-ahˇ bi loꞈ-eu gʼaˇ duˬ tseˇ doˆ-euˬ meh. Piˇ ma deuˬ pyeuꞈ-eu Sheˬbaˬniˇ, Yoˇshaˬpaˇ, Naˬdaˬneˬlaˇ, Aˬmaˬsehˇ, Zaˬkaˬliˇ, Baˬnaˇyaˬ, Eˇliˇzaˬ aˬ ha maꞈ-ahˇ, Dawˬ ma saˇ jaˇ Bahˬ keuˆ mehˬ shi daˇ heh bi baw-eu gʼaˇ duˬ tseˇ doˆ-euˬ meh.