1 Saˬmeuˬlaˆ 29:3 - Akha3 Piˇliˇtiˆ guiˇ maꞈ deuˬ kʼoeˇ taˆ uˆ lahˇ-eu yaw huiˬ yaw mahˇ deuˬ Daˬbiˇ hawˇ-eu aˬ yawꞈ-euˬ tsawˇ haˬ deuˬ-ahˇ mawˇ-awˇ, “Heˬbyehˇ tsawˇ haˬ heu deuˬ heu gaˇ aˬ jeˬ jahˇ luꞈ ta” lehˇ naˇ haˬ-euˬ meh. Aˬkiˇ ehˇ-eu, “Heu-aˬ, Daˬbiˇ lehˇ kuˇ-eu Iˇsaˬleˬlaˆ sahˬ paˬ Sawˇluˆ-euˬ gaˇ mˇ-eu yaw huiˬ yaw mahˇ tiˬ gʼaˬ meh. Aˬ yawꞈ ngaˬ nehˬ-ahˇ jawˇ luꞈ-eu myahˇ laˇ-euˬ meh. Ngaˬ nehˬ-ehˇ jawˇ le ngeh tiˬ nah neh, ngaˬ-euˬ mehˬ shi aˬ yawꞈ neh mˇ lehˬ taˬ-euˬ tiˬ jeˬ-iˬ maˬ jaˆ-a.” Gade chapit la |
1 Saˬmeuˬlaˆ 29:3
13 Referans Kwoze
Ehˇ kʼawꞈ, kʼoeˇ loꞈ-ehˇ ja mehˬ nehˬ ngeh, nui ma nahˬ yu ni taˬ-awˇ yaw zeu baw-eu laꞈ kʼoeˇ ja mehˬ nehˬ-awˬ. Aˬ cawˬ yehˬ bawˬ sehˇ lu-ehˇ ehˇ laˇ gaˇ naw maꞈ ya daˬ ngeh, Ka li laꞈ kʼoeˇ naw maꞈ yaw muiˬ jeˬ mˇ luꞈ gaˇ ja doeˇ-eu tsawˇ haˬ deuˬ yawˬ ha-euˬ dawˬ-ahˇ yawˬ ha ya shaꞈ dawˇ-iˇ ni, naw maꞈ-euˬ siˬ nya-eu nui ma shawˇ jehˆ ni taˬ-awˬ.
Piˇ ma aˬ yuiꞈ deuˬ hawˇ-eu Yuˇdaˆ tsawˇ haˬ deuˬ aˬ yawꞈ-ahˇ ya mawˇ ngeh, “Laꞈ yaꞈ kʼoeˇ taˆ taꞈ sehꞈ-awˬ. Laꞈ yaꞈ kʼoeˇ taˆ taꞈ sehꞈ-awˬ” lehˇ guˇ-eu meh. Sahˬ paˬ Piˇlaˆ aˬ yawꞈ maꞈ-ahˇ ehˇ nehˬ-eu, “Toˆ-ehˇ ngeuˇ naˇ, naw maꞈ aˬ yawꞈ-ahˇ sheuˬ gʼeh-awˇ laꞈ yaꞈ kʼoeˇ taˆ taꞈ sehꞈ-iˇ-awˬ. Ngaˇ aˬ yawꞈ-euˬ yaw lehˬ maˬ poˆ mawˇ nya nya.”
Ngaˬ neh mˇ-euˬ yaw lehˬ jeˬ jaˆ naˇ kʼawꞈ, iˬ baˇ pyehˬ nehˬ laꞈ-awˬ. Sahˬpaˬ Miˬyehˇ-aˬ, nawˇ hawˇ-eu nawˬ-euˬ zaˬ nawˬ-euˬ uˆ deuˬ-ahˇ sahˬ paˬ bi geuꞈ tehꞈ-a. Aˬ jeˬ miˇ neh ehˇ naˇ, aˬ yawꞈ gʼaˇ duˬ nawˇ guiˇ deuˆ luꞈ-awˇ, yaw dehꞈ kʼaˇ dehꞈ kʼoeˇ keuˆ ni yaw haiˬ jeˬ maˬ mˇ ni nawˇ jawˇ tehꞈ-a.
Daˬbiˇ-euˬ nui ma laꞈ kʼoeˇ heu loꞈ-ehˇ shaˇ noeˬ luꞈ-eu meh. “Sawˇluˆ ngaˬ-ahˇ sehꞈ laˇ-eu aˇ nah tiˬ nah jaˆ laˇ-eu nga. Piˇliˇtiˆ miˇ kʼahˬ-ahˇ cehˆ jawˇ-iˇ-eu-aˬ, ngaˬ-euˬ gʼaˇ duˬ zaˬ dzehˬ-eu nga. Kʼoeˇ loꞈ-ehˇ jahˇ naˇ, Iˇsaˬleˬlaˆ miˇ kʼahˬ laꞈ kʼoeˇ Sawˇluˆ ngaˬ-ahˇ maˬ paˇ poˆ nya-eu miˇ neh, ngaˇ ya buˬ-iˇ tehꞈ-a.”
Kʼoeˇ ngeh, Aˬkiˇ neh Daˬbiˇ-ahˇ kuˇ-awˇ heu loꞈ-ehˇ ehˇ nehˬ-euˬ meh. “Nawˇ-aˬ, ngaˬ-ahˇ saˇ jaˇ ziꞈ-eu tsawˇ haˬ pyeuꞈ-eu gaˇ kawˆ, Iˇsaˬleˬlaˆ tsawˇ jeuˬ-euˬ dehꞈ luꞈ-eu Miˬyehˇ mehˬ shi ngaˇ kamˬ-eu ma. Nawˇ ngaˬ nehˬ-ehˇ tiˬ kawˆ loꞈ-ehˇ le-awˇ guiˇ deuˆ-eu gʼaˇ duˬ, ngaˇ nui ma tsaˬ-euˬ ma. Nawˇ ngaˬ nehˬ-ehˇ jawˇ le ngeh tiˬ nah neh, nawˇ yaw lehˬ jeˬ mˇ-eu ngaˇ maˬ mawˇ haw-aˬ.
Sahˬ paˬ Sawˇluˆ-ahˇ guiˇ deuˆ-iˇ-eu lehˇ iˇ luꞈ-eu Piˇliˇtiˆ tsawˇ haˬ deuˬ mehˬ nah Daˬbiˇ caw teh luꞈ ngeh, Maˬnaˇseˬ tsawˇ haˬ yehˇ tiˬ paˆ na deuˬ aˬ yawꞈ jawˇ paw cehˆ uˇ le-euˬ meh. Daˬbiˇ-aˬ, Piˇliˇtiˆ tsawˇ haˬ deuˬ jawˇ paw pyawˬ-awˇ sahˬ paˬ Sawˇluˆ-ahˇ guiˇ deuˆ-eu tsawˇ haˬ maˬ ngeuˇ-a. Daˬbiˇ nui ma paˇ laˇ-awˇ, aˬ yawꞈ-euˬ sahˬ paˬ pyeuꞈ-eu Sawˇluˆ jawˇ paw pyawˬ-awˇ aˬ yawꞈ maꞈ-ahˇ deuˆ laˇ gaˇ guˆ-eu miˇ neh, Piˇliˇtiˆ sahˬ paˬ deuˬ bawˬ dzaˬ-awˇ, aˬ yawꞈ-ahˇ Ziˇkaˬlehˆ meuˬ-ahˇ bi gʼoꞈ-iˇ-euˬ meh.
Kʼoeˇ loꞈ-ehˇ guˇ-eu teˇ saˇ-ahˇ Piˇliˇtiˆ tsawˇ haˬ deuˬ ya gaˬ ngeh, “Heˬbyehˇ tsawˇ haˬ deuˬ taˆ laꞈ kʼoeˇ guˇ guˇ-ehˇ jawˇ gaˇ naˇ haˬ sheˇ. Aˬ jeˬ miˇ neh guˇ-eu nya teu” lehˇ ehˇ-eu meh. Heˬbyehˇ tsawˇ haˬ deuˬ-euˬ taˆ laꞈ kʼoeˇ Sahˬpaˬ Miˬyehˇ-euˬ Dawˬ ma saˇ jaˇ Bahˬ keuˆ baꞈ keuˆ laꞈ taˬ-euˬ gaˇ aˬ yawꞈ maꞈ ya mawˇ ngeh,
Piblisite