1 Saˬmeuˬlaˆ 26:21 - Akha

²¹ Sawˇluˆ ehˇ-eu, “Ngaˇ mˇ-euˬ lehˬ law hawˇ nga. Ngaˬ li Daˬbiˇ-oˇ, gʼoꞈ laˇ-awˬ. Nawˬ-ahˇ laˆ tahˬ laˆ naˇ-eu jeˬ ngaˇ maˬ paˇ mˇ ma. Aˬ jeˬ miˇ neh nga lehˇ ehˇ naˇ, nymˇ ciꞈ nawˇ ngaˬ-ahˇ sehꞈ-eu yehꞈ dui dui laˇ-euˬ kʼawꞈ, maˬ sehꞈ ni bi dzeuˇ-iˇ laꞈ-euˬ meh. Ngaˇ-aˬ, tsawˇ uˬ tiˬ gʼaˬ law hawˇ miˇ-a. Guˆ dui dui laˇ paˬ-ehˇ gʼeh-eu jeˬ-ahˇ ngaˇ mˇ-euˬ nga.”

1 Saˬmeuˬlaˆ 26:21 Referans Kwoze

1 Saˬmeuˬlaˆ 24:17

Kʼoeˇ naˇ, Daˬbiˇ-ahˇ aˬ yawꞈ heu loꞈ-ehˇ ehˇ nehˬ-euˬ meh. “Nawˇ-aˬ, ngaˇ naˆ maˬ tseˇ tsaˬ-eu dawˇ-eu tsawˇ haˬ pyeuꞈ-eu meh. Nawˬ-ahˇ ngaˇ yaw doeˇ mˇ nehˬ-euˬ kʼawꞈ, nawˇ ngaˬ-ahˇ yaw muiˬ jeˬ mˇ kʼoꞈ nehˬ laꞈ-euˬ meh.

1 Saˬmeuˬlaˆ 15:24

Sawˇluˆ ehˇ-eu, “Ngeuˇ ma. Ngaˇ iˬ baˇ mˇ gʼaˬ-euˬ ma. Sahˬpaˬ Miˬyehˇ-euˬ dawˬ hawˇ-eu nawˬ neh mehˬ nehˬ tsoˆ nehˬ laꞈ-euˬ jeˬ-ahˇ ngaˇ maˬ naˇ haˬ geuꞈ ni, mˇ lehˬ shaˇ lehˬ gʼaˬ-euˬ miˇ-a. Ngaˬ-euˬ tsawˇ haˬ deuˬ-ahˇ ngaˇ guˆ-eu miˇ neh, aˬ yawꞈ maꞈ kʼaˇ bi mˇ mawꞈ-eu loꞈ-ehˇ mˇ-euˬ ma.

Doˆ-iˇ 9:27

Sahˬ paˬ kʼoeˇ gʼaˬ, Moˇseˬ hawˇ-eu Aˬloˬ-ahˇ bi kuˇ laꞈ-awˇ, heu loꞈ-ehˇ ehˇ nehˬ-euˬ meh. “Heu poˆ-aˬ, ngaˇ iˬ baˇ mˇ gʼaˬ-euˬ ma. Sahˬpaˬ Miˬyehˇ-aˬ, yaw tsaˬ yaw dawˇ paw jawˇ-awˇ, ngaˇ hawˇ-eu ngaˬ-euˬ tsawˇ haˬ deuˬ-aˬ, yaw lehˬ paw jawˇ luꞈ-eu ma.

Maꞈtehˬ 27:4

Aˬ yawꞈ ehˇ-eu, “Iˬ baˇ maˬ ahˇ-eu tsawˇ haˬ-ahˇ bi sehꞈ-eu lehˇ ahˬ dzaˬ-euˬ ngaˬ-euˬ yaw lehˬ heu, iˬ baˇ huiˬ dui dui nya.” Aˬ yawꞈ maꞈ ehˇ-eu, “Gaˇ kawˆ teu nga maꞈ-ahˇ tiˬ jeˬ-iˬ maˬ taꞈ. Nawˬ-euˬ gaˇ kawˆ nawˇ tehꞈ meh.”

1 Saˬmeuˬlaˆ 15:30

Sawˇluˆ ehˇ-eu, “Ngaˇ mˇ lehˬ shaˇ lehˬ gʼaˬ-euˬ ma. Ehˇ kʼawꞈ, ngaˬ-euˬ tsawˇ haˬ deuˬ-euˬ aˬ yuiꞈ aˬ tsu deuˬ hawˇ-eu Iˇsaˬleˬlaˆ tsawˇ jeuˬ dawˬ tawˆ luꞈ-euˬ mehˬ shi, aˬ joˆ-ehˇ gʼeh-awˇ neh kʼawꞈ ngaˬ-ahˇ yaw zeu ui cuiˆ baw nehˬ laꞈ-awˬ. Nawˬ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ ngaˇ uˬ duˬ tahˬ nya ni, ngaˬ nehˬ-ehˇ tiˬ poˆ gʼoꞈ leˇ nehˬ laꞈ-awˬ.”

Jaceuq 116:15

Muiˬ-eu jaˬ-eu aˬ yawꞈ-euˬ tsawˇ haˬ tiˬ gʼaˬ shiˇ ngeh, Sahˬpaˬ Miˬyehˇ aˇ naˆ ni shaˬ zahˬ mˇ-eu nga.

Jaceuq 49:8

Tsawˇ haˬ-euˬ saꞈ laˇ aˇ poeˬ kʼaˆ dui dui-eu miˇ neh, aˬ yawꞈ maˬ zeuˇ tsehˆ coeˇ-a.

1 Saˬmeuˬlaˆ 27:4

Daˬbiˇ Gaˬdaˇ meuˬ-ahˇ cehˆ jawˇ-iˇ-euˬ gaˇ kawˆ Sawˇluˆ ya gaˬ ngeh, Daˬbiˇ-ahˇ maˬ paˇ poˆ ni byehˇ-euˬ meh.

1 Saˬmeuˬlaˆ 26:24

Iˬ nah ngaˇ nawˬ-ahˇ maˬ sehꞈ ni bi dzeuˇ-iˇ-euˬ loꞈ-ehˇ, ngaˬ-ahˇ kʼawꞈ Sahˬpaˬ Miˬyehˇ kʼoeˇ loꞈ-ehˇ jahˇ nehˬ laꞈ-awˇ, shaˬ-eu zahˬ-eu jeˬ laꞈ kʼoeˇ bi buˬ-iˇ laꞈ luꞈ-uˇ”

1 Saˬmeuˬlaˆ 18:30

Piˇliˇtiˆ tsawˇ haˬ deuˬ laˇ-awˇ guiˇ kʼaˇ deuˆ laˇ ngeh, Sawˇluˆ-euˬ guiˇ maꞈ kʼoeˇ taˆ uˆ lahˇ-eu yaw huiˬ yaw mahˇ deuˬ naˆ maˬ tseˇ Daˬbiˇ guiˇ deuˆ gʼaˬ nya dzehˬ-eu miˇ neh, Daˬbiˇ tsawˇ myahˇ doˆ dui dui-eu meh.

Bawˇtsahˬ 22:34

Baˬlamˬ ehˇ-eu, “Ngaˇ iˬ baˇ mˇ gʼaˬ-euˬ ma. Ngaˬ-ahˇ laˆ tsoeˬ-eu lehˇ gaˇ ma-ahˇ nawˇ yawꞈ luꞈ-eu ngaˇ maˬ siˬ-aˬ. Ehˇ kʼawꞈ, ngaˇ le-eu maˬ tsaˬ-a lehˇ nawˇ noeˬ naˇ, nymˬ-mˇ ngaˇ iˇ kahˇ paw paˇ gʼoꞈ kʼoꞈ-iˇ ma.”

1 Saˬmeuˬlaˆ 26:22

Daˬbiˇ ehˇ-eu, “Sahˬ paˬ-oˇ, nawˬ-euˬ gahˬ heu gaˇ jaˆ meh. Nawˬ-euˬ tsawˇ haˬ tiˬ gʼaˬ pyehˬ laꞈ-awˇ bi laˬ kʼoꞈ laˇ-awˬ.

Jaceuq 72:14

Aˬ cawˬ kʼehˬ nehˬ kʼaˆ nehˬ-awˇ yehˬ bawˬ-ehˇ bi jahˇ-eu laꞈ kʼoeˇ, aˬ yawꞈ maꞈ-ahˇ aˬ yawꞈ ka kʼoꞈ-eu meh. Aˬ yawꞈ maꞈ-euˬ saꞈ laˇ-ahˇ aˬ yawꞈ taˬ huiˬ-eu meh.

1 Saˬmeuˬlaˆ 13:13

Sawˇluˆ-ahˇ Saˬmeuˬlaˆ ehˇ nehˬ-eu, “Aˬ dzawˬ aˇ gah-euˬ gaˇ nawˇ mˇ-euˬ ngaˇ. Sahˬpaˬ Miˬyehˇ neh nawˬ-ahˇ biꞈ taˬ-euˬ zahˇ dawˬ kʼoꞈ dawˬ-ahˇ nawˇ maˬ naˇ haˬ geuꞈ-a. Nawˇ naˇ haˬ geuꞈ law nmˇ-aˬ, nawˇ hawˇ-eu nawˬ-euˬ zaˬ deuˬ uˆ deuˬ-ahˇ, Iˇsaˬleˬlaˆ miˇ kʼahˬ kʼoeˇ taˆ aˬ myah luꞈ bi uˆ lahˇ tehꞈ-a.

2 Sahˬpaˬ 1:13

Yaw huiˬ yaw mahˇ yawˬ gʼaˬ yawˬ-ahˇ sahˬ paˬ tiˬ poˆ paˇ kʼehˇ-awˇ, tsawˇ haˬ ngaˬ tseˇ gʼaˬ sheuˬ-awˇ paˇ bi iˇ-euˬ meh. Yaw huiˬ yaw mahˇ kʼoeˇ gʼaˬ gawˬ duˇ-ahˇ daˆ leˇ-awˇ, Eˇliˇyaˆ-euˬ mehˬ shi pawˬ tsuiꞈ pawˬ dmˬ dmˬ-eu laꞈ kʼoeˇ ehˇ-eu, “Miˬyehˇ-euˬ tsawˇ haˬ-oˇ, ngaˇ hawˇ-eu ngaˬ-euˬ tsawˇ haˬ deuˬ-ahˇ gʼawˬ shaˬ gaˬ-eu laꞈ kʼoeˇ taˬ bi shiˇ nehˬ laꞈ.

2 Sahˬpaˬ 1:14

Yaw huiˬ yaw mahˇ kʼoeˇ nyiˬ gʼaˬ hawˇ-eu aˬ yawꞈ nyaꞈ-euˬ tsawˇ haˬ deuˬ-ahˇ, mˬ kʼoeˇ taˆ neh miˬ dzaˬ ga le-awˇ puiˆ sehꞈ-euˬ meh. Ehˇ kʼawꞈ, ngaˬ-ahˇ gʼawˬ shaˬ gaˬ neh laꞈ-awˬ.”