1 Saˬmeuˬlaˆ 25:33 - Akha

³³ Tsawˇ haˬ-ahˇ sehꞈ-awˇ laꞈ poˆ poˆ kʼoꞈ nehˬ-eu laꞈ kʼoeˇ, ngaˇ iˬ baˇ maˬ ya mˇ ni, iˬ nah ngaˬ-ahˇ laˆ tsoeˬ le-euˬ nawˬ neh mˇ-euˬ muiˬ dui dui-eu gaˇ heu hmˬ baˬ daˬ neh, Miˬyehˇ-ahˇ guiˬ lahˬ huiˬ dui dui luꞈ-uˇ.

1 Saˬmeuˬlaˆ 25:33 Referans Kwoze

1 Saˬmeuˬlaˆ 25:26

Nawˬ-ahˇ muiˇ-eu deuˬ-ahˇ nawˇ laꞈ poˆ poˆ nehˬ-awˇ maˬ ya sehꞈ ni, nawˬ-ahˇ ha lahˇ-eu gʼaˬ-aˬ Sahˬpaˬ Miˬyehˇ meh. Nawˬ-ahˇ muiˇ-eu deuˬ hawˇ-eu nawˬ-ahˇ laˆ coeˬ laˆ ciˆ mawꞈ-euˬ deuˬ-aˬ, Naˬbaˬlaˇ loꞈ-ehˇ kʼehˬ nehˬ kʼaˆ nehˬ-eu jeˬ-ahˇ ya daˬ luꞈ-uˇ lehˇ, dehꞈ luꞈ-eu Sahˬpaˬ Miˬyehˇ mehˬ shi nymˬ-mˇ ngaˇ yaˬ kʼehˇ yaˬ-eu ma.

Dawqdaq 28:23

Ja poeˬ nya-eu gʼaˬ-ahˇ naˆ maˬ tseˇ, mehˬ paˇ tsoˆ paˇ nehˬ-eu gʼaˬ-ahˇ aˬ cawˬ guiˬ lahˬ huiˬ-eu meh.

Dawqdaq 27:21

Pyuˇ hawˇ-eu shuiˇ-ahˇ miˬ dzaˬ neh lawˬ haw nya-eu loꞈ-ehˇ, tsawˇ haˬ zaˬ-euˬ myaˆ pyawˬ naˇ mehˇ-ahˇ ja ceuˬ-eu jeˬ neh lawˬ haw nya-eu meh.

Dawqdaq 25:12

Naˇ haˬ geuꞈ mawꞈ-eu tsawˇ haˬ tiˬ gʼaˬ yahˇ nya ni, siˬ duˬ mawˇ duˬ haw-euˬ gʼaˬ neh mehˬ nehˬ tsoˆ nehˬ-euˬ dawˬ-aˬ, muiˬ dui dui-eu shuiˇ neh jahˇ taˬ-euˬ laꞈ behˬ hawˇ-eu myawˬ guˇ naˆ maˬ tseˇ aˇ poeˬ kʼaˆ-eu meh.

Dawqdaq 17:10

Aˬ dzawˬ aˇ gah-ahˇ tiˬ yaˇ laꞈ diˬ-eu naˆ maˬ tseˇ, zaˬ siˬ tsawˇ gahˇ ahˇ-eu gʼaˬ-ahˇ mehˬ-eu tiˬ dawˬ, nui ma bi paˇ laˇ nya-eu meh.

Dawqdaq 9:9

Tsawˇ gahˇ ahˇ-eu tsawˇ haˬ-ahˇ mehˬ nehˬ tsoˆ nehˬ naˇ, tsawˇ gahˇ ahˇ dzehˬ laˇ tehꞈ-a. Yaw tsaˬ yaw dawˇ tsawˇ haˬ-ahˇ mehˬ nehˬ tsoˆ nehˬ naˇ, siˬ laˇ gahˇ laˇ dzehˬ tehꞈ-a.

Jaceuq 141:5

Tsawˇ muiˬ deuˬ neh gʼawˬ shaˬ gaˬ-awˇ dehˬ-euˬ dawˬ doeˇ-ahˇ ya daˬ kʼawꞈ, haiˬ-eu tsawˇ haˬ deuˬ neh taˬ bi taˬ huiˬ nehˬ laꞈ. Aˬ jeˬ miˇ neh ehˇ naˇ, aˬ yawꞈ maꞈ neh mˇ-euˬ yaw haiˬ jeˬ piˬ-iˇ byoˆ-iˇ nya ni, aˬ myah luꞈ ngaˇ guiˬ lahˬ shaˇ luꞈ-eu ma.

1 Saˬmeuˬlaˆ 25:31

gaˇ kawˆ maˬ jaˆ gaˇ aˬ cawˬ-ahˇ sehꞈ-eu jeˬ baˬ da neh maˬ ehˇ, aˬ cawˬ-ahˇ laꞈ poˆ poˆ kʼoꞈ nehˬ-eu jeˬ baˬ da neh maˬ ehˇ, nawˇ maˬ paˇ ya noeˬ shaˬ ni pyeuꞈ-iˇ tehꞈ-a. Sahˬpaˬ Miˬyehˇ nawˬ-ahˇ guiˬ lahˬ biꞈ nehˬ laꞈ ngeh, nawˬ-euˬ zaˬ kʼaˆ pyeuꞈ-eu ngaˬ-ahˇ taˬ ngehˇ nehˬ laꞈ.”

1 Saˬmeuˬlaˆ 24:19

Yawˬ ha-ahˇ muiˇ-eu tsawˇ haˬ-ahˇ nyehꞈ mi-awˇ, maˬ laˆ tahˬ maˬ laˆ naˇ ni pyehˬ nehˬ-eu aˬ suˇ gʼaˬ jawˇ ta. Iˬ nah nawˇ ngaˬ-ahˇ mˇ nehˬ laꞈ-euˬ jeˬ baˬ da neh, Sahˬpaˬ Miˬyehˇ nawˬ-ahˇ guiˬ lahˬ biꞈ luꞈ-uˇ.

Doˆ-iˇ 22:2

Smˇ kʼoeˬ tiˬ gʼaˬ, smˇ kʼoeˬ kʼoeˬ luꞈ gaˇ aˬ cawˬ mawˇ-awˇ bi sehꞈ naˇ, sehꞈ-eu gʼaˬ kʼoeˇ taˆ iˬ baˇ maˬ jaˆ-a.

Dawqdaq 13:14

Tsawˇ gahˇ ahˇ-eu deuˬ neh mehˬ-euˬ tsoˆ-euˬ dawˬ deuˬ, dehꞈ-eu saꞈ laˇ lawˇ gawˆ yoeˇ gaˇ duˇ-awˇ, shiˇ-eu lahˇ ju-ahˇ sheuˬ dzeuˇ nya-eu meh.