1 Saˬmeuˬlaˆ 25:21 - Akha

²¹ Kʼoeˇ ngeh, Daˬbiˇ heu loꞈ-ehˇ shaˇ sawˇ shaˇ sawˇ-ehˇ oe luꞈ-eu meh. “Bawˇ tsahˬ bawˇ dahˇ laꞈ kʼoeˇ tsawˇ haˬ kʼoeˇ gʼaˬ-euˬ myawˬ gahˬ deuˬ-ahˇ aˬ jeˬ miˇ neh ngaˇ haw piˇ nehˬ-euˬ nga. Aˬ yawꞈ-euˬ myawˬ tiˬ jeˬ-iˬ maˬ bi byoˆ ni teu naˆ naˆ-ehˇ caw ba nehˬ taˬ-euˬ kʼawꞈ, aˬ yawꞈ ngaˬ-ahˇ aˬ joˆ-ehˇ teu loꞈ-ehˇ paˇ jahˇ kʼoꞈ nehˬ laꞈ kʼmˬ-eu nga.

1 Saˬmeuˬlaˆ 25:21 Referans Kwoze

Dawqdaq 17:13

Yawˬ muiˬ jeˬ-ahˇ yaw doeˇ jahˇ kʼoꞈ-eu deuˬ-euˬ nymˇ jiˇ laꞈ kʼoeˇ yaw haiˬ jeˬ keuˆ le-eu maˬ tsehˆ leˇ-a.

Eˇpeˇsu 4:31

Aˬ cawˬ-ahˇ nui ma naˇ-eu jeˬ maˬ ehˇ, nui ma nymˇ-eu jeˬ maˬ ehˇ, nui ma pehˇ-eu jeˬ maˬ ehˇ, byehˇ dzeh jiˇ-awˬ. Aˬ cawˬ-ahˇ guˇ guˇ-ehˇ ceh-awˇ yaˬ kʼehˇ yaˬ-eu jeˬ hawˇ-eu, aˬ cawˬ-ahˇ bye-eu jeˬ taˬ paˇ mˇ.

Eˇpeˇsu 4:26

Naw maꞈ nui ma pehˇ laˇ ngeh, iˬ baˇ mˇ gaˇ maˬ bi keuˆ leˇ-eu uꞈ taꞈ, nahˇ ma ga ahˇ ngeh keuˆ ni nui ma pehˇ-eu jeˬ taˬ bi pyeuꞈ.

Lormav 12:21

Yaw haiˬ jeˬ neh naw maꞈ-ahˇ taˬ bi gʼaˬ leˇ. Ehˇ kʼawꞈ, yaw muiˬ jeˬ mˇ-awˇ yaw haiˬ jeˬ-ahˇ bi gʼaˬ leˇ-awˬ.

1 Beˬtuˆluˆ 3:17

Kʼehˬ-eu kʼaˆ-eu jeˬ-ahˇ naw maꞈ ya daˬ-eu-aˬ, Miˬyehˇ nui ma tsaˬ-eu jeˬ pyeuꞈ-eu ngeuˇ naˇ, maˬ muiˬ-eu jeˬ mˇ-awˇ ya daˬ-eu naˆ maˬ tseˇ, yaw muiˬ jeˬ mˇ-awˇ yaˬ daˬ-eu tsaˬ dzehˬ meh.

1 Teˇsaˬloˇni 5:15

Naw maꞈ tiˬ gʼaˬ-iˬ aˬ cawˬ yaw doeˇ jahˇ laˇ gaˇ yaw doeˇ maˬ ya jahˇ kʼoꞈ nehˬ ni yahˇ-awˬ. Ehˇ kʼawꞈ, tiˬ gʼaˬ tiˇ gʼaˬ yaw muiˬ jeˬ mˇ nehˬ-eu uˬ taꞈ, tsawˇ haˬ dawˬ tawˆ luꞈ-ahˇ yaw muiˬ jeˬ mˇ nehˬ-eu gʼaˇ duˬ, aˬ myah luꞈ noeˬ gahˇ taˬ-awˬ.

1 Beˬtuˆluˆ 3:9

Aˬ cawˬ yaw doeˇ jahˇ laˇ gaˇ yaw doeˇ taˬ jahˇ kʼoꞈ nehˬ. Aˬ cawˬ yaˬ kʼehˇ yaˬ laˇ gaˇ yaˬ kʼehˇ maˬ yaˬ kʼoꞈ nehˬ-ehˇ, Miˬyehˇ guiˬ lahˬ biꞈ nehˬ ni dawˬ ngehˬ gʼeh nehˬ-awˬ. Aˬ jeˬ miˇ neh ehˇ naˇ, Miˬyehˇ naw maꞈ-ahˇ kuˇ ngeh, guiˬ lahˬ biꞈ ma lehˇ saˇ jaˬ dzaˬ-awˇ kuˇ-euˬ meh.

Yeˬlaˬmiˇ 18:20

Yaw muiˬ jeˬ mˇ-eu yaw doeˇ oꞈ ta loˇ. Ngaˇ bi ga ahˇ-eu lehˇ aˬ yawꞈ maꞈ duˬ kʼahˬ kʼahˬ-euˬ meh. Nawˬ-euˬ nui pehˇ aˬ yawꞈ maꞈ kʼoeˇ taˆ maˬ bi keuˆ le-eu gʼaˇ duˬ, nawˬ-euˬ mehˬ shi ngaˇ yawꞈ laˇ-awˇ, aˬ yawꞈ maꞈ-euˬ dah zaˇ ngehˬ piˇ tmˇ piˇ-euˬ gaˇ, maˬ ngehˇ ni noeˬ keuˆ laꞈ.

Jaceuq 38:20

Ngaˇyaw muiˬjeˬmˇ-eu miˇneh, yaw muiˬ-ahˇyaw doeˇtsoeˬ-eu deuˬ, ngaˬ-ahˇmuiˇ-eu deuˬpyeuꞈ-eu meh.

Jaceuq 37:8

Nui ma pehˇ-eu jeˬbiˬdzeh-awˇ, nui ma huiˬ-eu jeˬlaˆbyoˆ-awˇ, kʼahˬlahˇ-eu jeˬtaˬpaˇbi ahˇ. Nawˬ-ahˇlaˆshaˬ-eu jeˬtehꞈmeh.

Jaceuq 35:12

Maˬlehˬgaˇyaw lehˬciˬpi-awˇ, kʼahˬnaꞈ-ahˇdehˬahˇlaꞈ-euˬmeh.

Yawˇbaˆ 30:8

Tsawˇ myahˇ maˬ baw-eu gaˇ dahˇ maˬ tsoeˬ-eu baˬ maꞈ pyeuꞈ-eu miˇ neh, miˇ kʼahˬ laꞈ kʼoeˇ maˬ bi jawˇ ni bi teh dzeh-euˬ meh.

1 Saˬmeuˬlaˆ 25:13

Kʼoeˇ ngeh, “Mi cehˇ shaꞈ-awˬ” lehˇ, aˬ yawꞈ-euˬ tsawˇ haˬ deuˬ-ahˇ Daˬbiˇ dawˬ biꞈ-awˇ, aˬ yawꞈ maꞈ yawˬ gʼaˬ na luꞈ mi cehˇ shaꞈ-euˬ meh. Daˬbiˇ gʼeh mi cehˇ shaꞈ-awˇ, aˬ yawꞈ-euˬ tsawˇ haˬ oeˬ yaˇ gʼaˬ byah ni sheuˬ-awˇ doˆ-iˇ-euˬ meh. Myawˬ gahˬ-ahˇ bi loꞈ-eu gʼaˇ duˬ, naˇ kʼah paw nyiˬ yaˇ gʼaˬ bi jawˇ yaꞈ-euˬ meh.

Aˇ dahˬ 44:4

Ehˇ kʼawꞈ, aˬ yawꞈ maꞈ meuˬ-ahˇ gʼawˬ mahˇ ni maˬ iˇ kaˬ mi naˆ-ehˇ, aˬ yawꞈ-euˬ nymˇ-ahˇ bi haw bi pyaˆ-euˬ zaˬ kʼaˆ kʼoeˇ gʼaˬ-ahˇ Yoˇsehˆ heu loꞈ-ehˇ ehˇ nehˬ-euˬ meh. “Tsawˇ haˬ kʼoeˇ deuˬ-euˬ mehˬ nah yaw kawˇ-ehˇ caw teh gʼeh-awˇ, aˬ yawꞈ maꞈ-ahˇ teh miˇ naˇ, heu loꞈ-ehˇ ehˇ nehˬ-awˬ. ‘Aˬ cawˬ naw maꞈ-ahˇ yaw muiˬ jeˬ jahˇ nehˬ naˇ, aˬ jeˬ miˇ neh naw maꞈ yaw doeˇ paˇ jahˇ kʼoꞈ te.

1 Saˬmeuˬlaˆ 25:7

Nawˇ yawˇ caꞈ hm tehˬ luꞈ-eu gaˇ kawˆ ngaˇ ya gaˬ-euˬ ma. Nawˬ-euˬ yawˇ bo-eu tsawˇ haˬ deuˬ nga maꞈ nehˬ-ehˇ jawˇ ngeh, nga maꞈ tiˬ jeˬ-iˬ maˬ jahˇ nehˬ-aˬ. Aˬ yawꞈ maꞈ Gaˬlaˬmeˬlaˇ meuˬ-ahˇ kʼaˇ jawˇ-eu nmˇ kaˬ, aˬ yawꞈ maꞈ-euˬ myawˬ tiˬ jeˬ-iˬ maˬ bi byoˆ-aˬ.

1 Saˬmeuˬlaˆ 25:15

Aˬ yawꞈ maꞈ-aˬ, nga maꞈ kʼoeˇ taˆ muiˬ dui dui-eu tsawˇ haˬ deuˬ pyeuꞈ-eu meh. Aˬ yawꞈ maꞈ nga maꞈ-ahˇ tiˬ jeˬ-iˬ maˬ suˬ saˬ ni, nga maꞈ kʼawꞈ, deh ga-ahˇ aˬ yawꞈ maꞈ nehˬ-ehˇ tehꞈ-ehˇ jawˇ-euˬ ma. Nga maꞈ-euˬ myawˬ tiˬ hmˬ-iˬ maˬ byoˆ haw-aˬ.

1 Saˬmeuˬlaˆ 25:20

Gawˬ jawˬ baˬ gʼa gaˇ gʼoꞈ tiˬ tsahˇ-ahˇ, Aˬbiˇgeˬlaˆ mahˬ tahˬ laˆ dziˬ-awˇ le luꞈ ngeh, Daˬbiˇ hawˇ-eu aˬ yawꞈ-euˬ tsawˇ haˬ deuˬ oe luꞈ gaˇ ja pyuˬ ni tahˬ puˬ-euˬ meh.