1 Saˬmeuˬlaˆ 24:4 - Akha

⁴ Daˬbiˇ-euˬ tsawˇ haˬ deuˬ Daˬbiˇ-ahˇ ehˇ-eu. “Heu-aˬ, nawˬ-eu gʼaˇ duˬ yehꞈ dui dui laˇ-euˬ aˇ yamˬ ngaˇ. Nawˬ-ahˇ muiˇ-eu tsawˇ haˬ-ahˇ nawˬ-euˬ aˬ laꞈ laꞈ kʼoeˇ ngaˇ a nehˬ-awˇ, nawˇ kʼaˇ jahˇ nehˬ mawꞈ-eu jeˬ jahˇ nehˬ nya meh lehˇ, Sahˬpaˬ Miˬyehˇ neh ehˇ taˬ-euˬ kʼoeˇ iˬ nah keuˆ le-euˬ ngaˇ.” Kʼoeˇ ngeh, Daˬbiˇ aˬ ya ya-ehˇ joe joe-ehˇ iˇ-awˇ, Sawˇluˆ-ahˇ maˬ bi siˬ leˇ ni, aˬ yawꞈ-euˬ pehˇ kʼahˬ pehˇ dahˬ yehˬ tsehˆ-euˬ meh.

1 Saˬmeuˬlaˆ 24:4 Referans Kwoze

1 Saˬmeuˬlaˆ 26:23

Saˇ jaˇ ziꞈ-awˇ yaw tsaˬ yaw dawˇ jeˬ mˇ-eu tsawˇ haˬ-ahˇ Sahˬpaˬ Miˬyehˇ guiˬ lahˬ biꞈ-eu meh. Iˬ nah nawˬ-ahˇ ngaˬ-euˬ aˬ laꞈ laꞈ kʼoeˇ aˬ yawꞈ a nehˬ laꞈ gʼaˬ-euˬ meh. Ehˇ kʼawꞈ, Sahˬpaˬ Miˬyehˇ neh tseˇ doˆ taˬ-euˬ gʼaˬ pyeuꞈ-eu miˇ neh, nawˬ-ahˇ laˆ tahˬ laˆ naˇ-eu jeˬ ngaˇ maˬ mˇ-aˬ.

1 Saˬmeuˬlaˆ 24:10

Nymˬ-mˇ tseuˆ tseuˆ ni, lo kʼahˬ heu kʼahˬ laꞈ kʼoeˇ, Sahˬpaˬ Miˬyehˇ neh nawˬ-euˬ gʼawˇ mawˇ ngaˬ-euˬ aˬ laꞈ laꞈ kʼoeˇ a nehˬ laꞈ gʼaˬ-euˬ gaˇ, nawˇ ya mawˇ-euˬ meh. Nawˬ-ahˇ sehꞈ-awˬ lehˇ ngaˬ-euˬ tsawˇ haˬ tiˬ paˆ na deuˬ ngaˬ-ahˇ ehˇ-eu meh. Ehˇ kʼawꞈ, nawˇ sahˬ paˬ geuꞈ-eu gʼaˇ duˬ, Sahˬpaˬ Miˬyehˇ neh nawˬ-ahˇ tseˇ doˆ taˬ-euˬ miˇ neh, nawˬ-ahˇ ngaˇ ui cuiˆ tehꞈ-ehˇ kʼawꞈ maˬ laˆ tahˬ maˬ laˆ naˇ nehˬ lehˇ, aˬ yawꞈ maꞈ-ahˇ ngaˇ ehˇ nehˬ-euˬ ma.

1 Saˬmeuˬlaˆ 24:18

Nawˇ ngaˬ-euˬ kʼoeˇ taˆ aˇ naˆ ni muiˬ-eu tsawˇ haˬ pyeuꞈ-eu gaˇ kawˆ, iˬ nah nawˇ bi siˬ bi mawˇ-euˬ meh. Aˬ jeˬ miˇ neh ehˇ naˇ, Sahˬpaˬ Miˬyehˇ ngaˬ-ahˇ nawˬ-euˬ aˬ laꞈ laꞈ kʼoeˇ a nehˬ gʼaˬ-euˬ kʼawꞈ, nawˇ ngaˬ-ahˇ maˬ sehꞈ-a.

1 Saˬmeuˬlaˆ 23:17

Yawˇnaˆshaˬ ehˇ-eu, “Taˬ guˆ. Ngaˬ da Sawˇluˆ nawˬ-ahˇ tiˬ jeˬ-iˬ maˬ jahˇ laˇ nya-a. Nawˇ Iˇsaˬleˬlaˆ tsawˇ jeuˬ-euˬ sahˬ paˬ ya pyeuꞈ laˇ-awˇ, ngaˇ nawˬ-euˬ laꞈ oˆ teˬ ni jawˇ-awˇ gaˇ ya mˇ-eu gaˇ kawˆ aˬ yawꞈ siˬ duˬ luꞈ meh.”

1 Saˬmeuˬlaˆ 23:7

Daˬbiˇ Kiˇlahˬ meuˬ-ahˇ iˇ-euˬ gaˇ kawˆ Sawˇluˆ ya gaˬ ngeh, heu loꞈ-ehˇ ehˇ-eu meh. “Daˬbiˇ-ahˇ Miˬyehˇ neh ngaˬ-euˬ aˬ laꞈ laꞈ kʼoeˇ a nehˬ laꞈ-euˬ nga. Meuˬ meuˬ lahˇ yaw muiˬ paˬ-ehˇ gawˬ ziꞈ taˬ-awˇ, meuˬ lahˇ kʼehˬ laˇ gʼoˆ ziꞈ dah ni jaˆ-eu meuˬ kʼoeˇ meuˬ laꞈ kʼoeˇ Daˬbiˇ iˇ uˇ-euˬ-aˬ, aˬ yawˇ yawꞈ lahˇ ju kʼmˇ taˬ-euˬ gaˇ cehˆ paꞈ leˇ-euˬ gaˇ duˇ-eu nga.”

Yawˇbaˆ 31:31

Boeˇ miˬ siˬ kʼaˬ deuˬ-ahˇ ngaˇ aˬ myah luꞈ nymˇ daˆ kuˇ daˆ-euˬ gaˇ kawˆ, ngaˬ-euˬ gaˇ mˇ-eu tsawˇ haˬ dawˬ tawˆ luꞈ siˬ nya meh.

2 Saˬmeuˬlaˆ 4:8

Aˬ yawꞈ nyaꞈ nmˇ Heˬbyoˬ meuˬ-ahˇ sahˬ paˬ Daˬbiˇ jawˇ gaˇ uˬ duˬ kʼoeˇ siˬ yuˇ gʼeh nehˬ-awˇ, “Uˬ duˬ heu siˬ-aˬ, nawˬ-ahˇ muiˇ-awˇ sehꞈ-eu lehˇ leh jeh yaꞈ-eu Sawˇluˆ-euˬ aˬ li Iˇshaˬbawˇshehˆ-euˬ uˬ duˬ ma. Iˬ nah Sahˬpaˬ Miˬyehˇ nawˬ-euˬ gʼaˇ duˬ Sawˇluˆ hawˇ-eu aˬ yawꞈ-euˬ zaˬ deuˬ-ahˇ laꞈ poˆ poˆ nehˬ-euˬ meh” lehˇ ehˇ nehˬ-euˬ meh.

Doˆ-iˇ 21:13

Ehˇ kʼawꞈ, diˇ daˬ-ehˇ sehꞈ-euˬ jeˬ maˬ ngeuˇ-ehˇ, maˬ yehꞈ maˬ ca-ehˇ laˆ tahˬ-awˇ bi shiˇ-euˬ jeˬ pyeuꞈ naˇ, naw maꞈ gʼaˇ duˬ ngaˬ neh tsaˬ tsoˆ taˬ-euˬ jawˇ duˬ-ahˇ aˬ yawꞈ cehˆ-awˇ, shiˇ-eu jeˬ-ahˇ cehˆ buˬ nya meh.

1 Saˬmeuˬlaˆ 22:1

Daˬbiˇ-aˬ, Gaˬdaˇ meuˬ-ahˇ neh cehˆ doˆ-awˇ, Aˬduˬlamˬ meuˬ dawˬ peh jaˆ-eu lo kʼahˬ-ahˇ iˇ-euˬ meh. Aˬ yawꞈ kʼoeˇ gaˇ jawˇ-eu gaˇ kawˆ aˬ yawꞈ-euˬ aˇ doˆ deuˬ hawˇ-eu aˬ yuiꞈ aˬ nyiˇ deuˬ ya siˬ ngeh, aˬ yawꞈ jawˇ gaˇ jawˇ leˇ-euˬ meh.

Jaceuq 57:1

Miˬyehˇ-oˇ, ngaˬ-ahˇ gʼawˬ shaˬ gaˬ nehˬ laꞈ-awˬ. Ngaˇ nui saˇ oꞈ ni nawˇ jawˇ gaˇ laˇ-euˬ loꞈ-ehˇ, ngaˬ-ahˇ gʼawˬ shaˬ gaˬ nehˬ laꞈ-awˬ. Nawˬ-euˬ aˬ dahˇ naˇ shmˇ uˬ moˆ, mˬ jeˬ jaˬ lehˇ tsiˇ leˇ ngeh keuˆ ni, ngaˇ awˆ kʼaˇ za-eu ma.

Jaceuq 142:1

Caw ba nehˬ laꞈ lehˇ Sahˬpaˬ Miˬyehˇ-ahˇ kuˇ-awˇshaˇ-euˬ ma.