1 Saˬmeuˬlaˆ 24:12 - Akha

¹² Aˇ nyaꞈ aˬ geu gʼaˬ lehˬ-eu nga lehˇ, Sahˬpaˬ Miˬyehˇ yaˇ kʼaˬ daˇ luꞈ-uˇ. Nawˬ neh ngaˬ-ahˇ mˇ lehˬ-euˬ jeˬ baˬ da neh, Sahˬpaˬ Miˬyehˇ nawˬ-ahˇ jahˇ kʼoꞈ nehˬ luꞈ-uˇ. Ehˇ kʼawꞈ, ngaˇ nawˬ-ahˇ ui cuiˆ tehꞈ-ehˇ kʼawꞈ maˬ laˆ tahˬ maˬ laˆ naˇ nehˬ ni jawˇ ma.

1 Saˬmeuˬlaˆ 24:12 Referans Kwoze

Jaceuq 43:1

Miˬyehˇ-oˇ, miˬyehˇmaˬbaw-eu deuˬmehˬshi, ngaˇiˬbaˇmaˬahˇ-eu gaˇkawˆ, nawˇyaˇkʼaˬdaˇtsehˆnehˬlaꞈ-awˬ. Jaˬmyawꞈmehˇshuiˇyaw haiˬmehˬshi, ngaˬ-ahˇnawˇka kʼoꞈnehˬlaꞈ-awˬ.

Yaˇ kʼaˬ daˇ 11:27

Nawˬ-ahˇ ngaˇ mˇ lehˬ taˬ-euˬ kʼawꞈ tiˬ jeˬ-iˬ maˬ jaˆ. Nawˇ guiˇ deuˆ le-eu laꞈ kʼoeˇ ngaˬ-ahˇ mˇ lehˬ-euˬ meh. Sahˬpaˬ Miˬyehˇ-aˬ, yaˇ kʼaˬ daˇ-eu gʼaˬ meh. Aˬmoˬ tsawˇ haˬ hawˇ-eu Iˇsaˬleˬlaˆ tsawˇ haˬ yaw kaˬ-ahˇ aˬ yawꞈ iˬ nah yaˇ kʼaˬ daˇ tehꞈ-a.”

Jaceuq 35:1

SahˬpaˬMiˬyehˇ-oˇ, ngaˬ-ahˇmuiˇ-eu deuˬ-ahˇ muiˇ-awˇ, ngaˬ-ahˇdeuˆ-eu deuˬ-ahˇdeuˆ-awˬ.

Aˇ dahˬ 16:5

Kʼoeˇ ngeh, Aˬbyaˬ-ahˇ Saˬlehˇ heu loꞈ-ehˇ ehˇ nehˬ-euˬ meh. “Haˬgaˬlaˇ ngaˬ-ahˇ yaw zeu maˬ baw-eu-aˬ, nawˬ-ahˇ neh ahˇ-eu meh. Ngaˬ neh nawˬ-ahˇ mehˬ-awˇ aˬ yawꞈ-ahˇ bi yuˇ-euˬ ma. Ehˇ kʼawꞈ, yawˬ haˇ yawˬ ha aˬ nyiˇ pi leˇ-euˬ miˇ-a lehˇ siˬ leˇ ngeh tiˬ nah neh, Haˬgaˬlaˇ ngaˬ-ahˇ yaw zeu maˬ baw-a. Nawˇ lehˬ-eu nga loˇ, ngaˇ lehˬ-eu nga loˇ lehˇ, Sahˬpaˬ Miˬyehˇ yaˇ kʼaˬ daˇ nehˬ laꞈ luꞈ-uˇ.”

1 Beˬtuˆluˆ 2:23

Aˬ cawˬ aˬ yawꞈ-ahˇ dawˬ doeˇ ngehˬ daˆ nehˬ-euˬ kʼawꞈ, aˬ yawꞈ yaw doeˇ maˬ ehˇ kʼoꞈ nehˬ haw-aˬ. Aˬ cawˬ kʼehˬ nehˬ kʼaˆ nehˬ gaˇ aˬ yawꞈ ya daˬ ngeh, aˬ cawˬ-ahˇ guˆ tsiˬ nyehꞈ-eu dawˬ aˬ yawꞈ maˬ ngehˬ-ehˇ, dawˇ coe ni yaˇ kʼaˬ daˇ-eu gʼaˬ pyeuꞈ-eu Miˬyehˇ-euˬ aˬ laꞈ laꞈ kʼoeˇ aˬ yawꞈ-euˬ gʼawˇ mawˇ a nehˬ-euˬ meh.

Lormav 12:19

Aˬ yuiꞈ aˬ nyiˇ Ka li zaˬ deuˬ-oˇ, aˬ cawˬ-ahˇ laꞈ poˆ tiˬ jawˇ-iˬ taˬ poˆ. Miˬyehˇ yaˇ kʼaˬ daˇ luꞈ-uˇ. Aˬ jeˬ miˇ neh ehˇ naˇ, Jaˇliꞈ laꞈ kʼoeˇ heu loꞈ-ehˇ ehˇ taˬ-euˬ meh. “Laꞈ poˆ poˆ-eu jeˬ-aˬ, ngaˬ-ahˇ taꞈ-eu jeˬ pyeuꞈ-eu ma. Ngaˇ jahˇ kʼoꞈ nehˬ ma lehˇ Sahˬpaˬ Miˬyehˇ ehˇ-eu meh.”

Jaceuq 94:1

Sahˬpaˬ Miˬyehˇ-oˇ, nawˇ-aˬ, kʼehˬ nehˬ kʼaˆ nehˬ-eu Miˬyehˇ meh. Nawˇ nui ma pehˇ-eu jeˬ bi mawˇ-awˬ.

Yawˇbaˆ 5:8

“Ngaˬ-euˬ gʼawˇ mawˇ nawˇ pyeuꞈ law nmˇ-aˬ, Miˬyehˇ jawˇ paw ciˬ pyawˇ-awˇ gaˇ kawˆ heu aˬ yawꞈ-ahˇ a nehˬ ma.

Panmaeq 6:10

Aˬ yawꞈ maꞈ teˇ saˇ yaw kʼaˆ-ehˇ guˇ-awˇ, “Baoˬ huiˬ-eu Sahˬpaˬ Miˬyehˇ pyeuꞈ-eu muiˬ-eu shawˇ-eu tsaˬ-eu dawˇ-eu gʼaˬ-oˇ, nga maꞈ-ahˇ sehꞈ-euˬ miˇ tsaˬ kʼoeˇ taˆ jawˇ-eu tsawˇ haˬ kʼoeˇ deuˬ-ahˇ aˬ myah yaˇ kʼaˬ daˇ nehˬ-awˇ kʼehˬ-eu kʼaˆ-eu gʼeh te” lehˇ ehˇ-eu meh.

1 Saˬmeuˬlaˆ 26:23

Saˇ jaˇ ziꞈ-awˇ yaw tsaˬ yaw dawˇ jeˬ mˇ-eu tsawˇ haˬ-ahˇ Sahˬpaˬ Miˬyehˇ guiˬ lahˬ biꞈ-eu meh. Iˬ nah nawˬ-ahˇ ngaˬ-euˬ aˬ laꞈ laꞈ kʼoeˇ aˬ yawꞈ a nehˬ laꞈ gʼaˬ-euˬ meh. Ehˇ kʼawꞈ, Sahˬpaˬ Miˬyehˇ neh tseˇ doˆ taˬ-euˬ gʼaˬ pyeuꞈ-eu miˇ neh, nawˬ-ahˇ laˆ tahˬ laˆ naˇ-eu jeˬ ngaˇ maˬ mˇ-aˬ.

Aˇ dahˬ 31:53

Aˬbyaˬhaˬ-euˬ Miˬyehˇ hawˇ-eu, Naˬkawˬ-euˬ Miˬyehˇ aˇ nyaꞈ-ahˇ yaˇ kʼaˬ daˇ nehˬ laꞈ tehꞈ-a.” Kʼoeˇ ngeh, aˬ yawꞈ-euˬ aˬ da Iˇtsaˆ uˬ duˬ tahˬ-eu Miˬyehˇ-euˬ tsawˇ myahˇ uˬ moˆ, Yaˬkoˆ saˇ jaˇ dzaˬ-euˬ meh.

1 Saˬmeuˬlaˆ 24:15

Maˬ ngeuˇ naˇ, kuiˬ shehˇ-euˬ mehˬ nah teh luꞈ ta loˇ. Aˇ nyaꞈ aˬ geu gʼaˬ lehˬ nga lehˇ, Sahˬpaˬ Miˬyehˇ noeˬ tsehˆ-awˇ yaˇ kʼaˬ daˇ luꞈ-uˇ. Gaˇ kawˆ heu hmˬ-ahˇ aˬ yawꞈ haw-awˇ, ngaˬ-ahˇ haw piˇ-eu laꞈ kʼoeˇ, nawˬ-euˬ aˬ laꞈ laꞈ kʼoeˇ aˬ yawꞈ ngaˬ-ahˇ ka kʼoꞈ nehˬ laꞈ luꞈ-uˇ.”

2 Saˬmeuˬlaˆ 22:48

Aˬ cawˬ-ahˇ laꞈ poˆ poˆ nya ni, Miˬyehˇ ngaˬ-ahˇ ngehˬ gʼeh laꞈ-awˇ, ngaˬ-ahˇ muiˇ-eu tsawˇ haˬ deuˬ-ahˇ, ngaˬ-euˬ laꞈ oꞈ bi awꞈ-euˬ meh.

1 Saˬmeuˬlaˆ 20:1

Laˬmahˇ gahˬ kaˬ laꞈ kʼoeˇ jaˆ-eu Naˬiˇyoˆ pu-ahˇ neh Daˬbiˇ cehˆ doˆ-awˇ, Yawˇnaˆshaˬ jawˇ gaˇ le-awˇ, “Ngaˇ aˬ jeˬ mˇ bahˬ taˬ-euˬ jaˆ ta. Aˬ jeˬ iˬ baˇ ahˇ ta. Nawˬ da ngaˬ-ahˇ sehꞈ mawꞈ paˬ-ehˇ, aˬ yawꞈ kʼoeˇ taˆ ngaˬ neh mˇ lehˬ taˬ-euˬ aˬ jeˬ jaˆ ta” lehˇ naˇ haˬ-euˬ meh.

1 Laˬsaˬbaˬ 12:18

Aˬ yawꞈ maꞈ laꞈ kʼoeˇ, aˇ nah tsawˇ myahˇ doˆ-eu yehˇ smˬ tseˇ gʼaˬ kʼoeˇ taˆ aˬ yuiꞈ geuꞈ-eu gʼaˬ pyeuꞈ laˇ-euˬ Aˬmaˬsehˇ kʼoeˇ taˆ, Miˬyehˇ-euˬ yaw sahˇ uˆ lahˇ le-awˇ, “Yeˬshehˇ-euˬ aˬ li Daˬbiˇ-oˇ, nga maꞈ nawˬ-euˬ tsawˇ haˬ pyeuꞈ-eu ma. Nawˇ hawˇ-eu nawˬ-ahˇ caw jaw-eu deuˬ gʼaˬ leˇ-eu guiˬ lahˬ za luꞈ-uˇ. Miˬyehˇ nawˬ nehˬ-ehˇ jawˇ meh” lehˇ ehˇ-eu meh. Kʼoeˇ naˇ, aˬ yawꞈ maꞈ-ahˇ Daˬbiˇ ha geuꞈ-awˇ, aˬ yawꞈ-euˬ guiˇ maꞈ kʼoeˇ taˆ uˆ lahˇ-eu aˬ yuiꞈ deuˬ bi geuꞈ-euˬ meh.