1 Saˬmeuˬlaˆ 23:26 - Akha26 Gawˬ jawˬ tiˬ jawˬ-ahˇ tehꞈ-ehˇ, Sawˇluˆ hawˇ-eu aˬ yawꞈ-euˬ tsawˇ haˬ deuˬ tiˬ paw dzeˇ kʼaˇ-ahˇ jawˇ-awˇ, Daˬbiˇ hawˇ-eu aˬ yawꞈ-euˬ tsawˇ haˬ deuˬ tiˬ paw dzeˇ kʼaˇ-ahˇ jawˇ luꞈ-eu meh. Sawˇluˆ hawˇ-eu aˬ yawꞈ-euˬ tsawˇ haˬ deuˬ teh miˇ laˇ paˬ-ehˇ pyeuꞈ laˇ-awˇ, aˬ yawꞈ maꞈ-ahˇ nyehꞈ mi shaw-iˬ-eu miˇ neh, Daˬbiˇ hawˇ-eu aˬ yawꞈ-euˬ tsawˇ haˬ deuˬ cehˆ tehˇ tehˬ luꞈ-eu meh. Gade chapit la |
Nawˇ-aˬ, nga maꞈ-euˬ Miˬyehˇ ma. Aˬ yawꞈ maꞈ-ahˇ nawˇ kʼehˬ nehˬ kʼaˆ nehˬ-awˬ. Nga maꞈ-ahˇ ceh le-eu lehˇ oe luꞈ-eu myaˬ dui dui-eu guiˇ maꞈ heu maꞈ-ahˇ deuˆ ceh ceh-eu gʼaˇ duˬ, nga maꞈ noeˬ maˬ paˇ doˆ miˇ-a. Aˬ joˆ-ehˇ ya jahˇ paˬ nga lehˇ shaˇ noeˬ dui-euˬ miˇ-a. Ehˇ kʼawꞈ, nawˇ caw ba nehˬ laꞈ-eu jeˬ-ahˇ nga maꞈ noeˬ tmˬ luꞈ ma.”
Kʼoeˇ ngeh, Daˬbiˇ-aˬ, aˬ yawꞈ nehˬ-ehˇ Yeˬluˇsaˬlehˬ meuˬ-ahˇ jawˇ luꞈ-eu aˬ yawꞈ-euˬ gaˇ mˇ-eu yaw huiˬ yaw mahˇ deuˬ-ahˇ heu loꞈ-ehˇ ehˇ nehˬ-euˬ meh. “Aˬbaˇsaˬloˬ-euˬ aˬ laꞈ laꞈ kʼoeˇ neh aˬ dui ya buˬ ya law-iˇ ni, yaw kawˇ ma-ehˇ ya cehˆ meh. Yaw kawˇ-ehˇ lehˬ hmˬ tehˇ tehˬ-awˬ. Nymˬ-mˇ aˬ yawꞈ oe keuˆ-awˇ, aˬ dui-ahˇ guiˇ deuˆ gʼaˬ shaw naˇ, yawˬ gʼaˬ na luꞈ ya bi sehꞈ jiˇ gaˇ keuˆ tehꞈ-a.”
Saˬsoˬ kʼoeˇ gaˇ oe taˬ-euˬ gaˇ, Gaˬzaˬ meuˬ-ahˇ jawˇ-eu tsawˇ haˬ deuˬ ya siˬ-awˇ, jawˇ duˬ kʼoeˇ tsahˇ-ahˇ loꞈ jawˬ-awˇ, uˬ ciꞈ miˇ lah-ehˇ meuˬ lahˇ kʼehˬ-ahˇ aˬ yawꞈ-ahˇ loꞈ-euˬ meh. “Uˬ bya bya laˇ ngeh keuˆ ni aˬ yawꞈ-ahˇ loꞈ-awˇ sehꞈ ma” lehˇ aˬ yawꞈ maꞈ noeˬ-awˇ, uˬ ciꞈ miˇ lah-ehˇ ciꞈ cuˇ ni jawˇ-euˬ meh.
Kʼoeˇ ngeh, Sawˇluˆ hawˇ-eu aˬ yawꞈ-euˬ tsawˇ haˬ deuˬ Daˬbiˇ-ahˇ poˆ leˇ-euˬ meh. Ehˇ kʼawꞈ, gaˇ kawˆ kʼoeˇ Daˬbiˇ ya gaˬ-awˇ, Maˬoˬ bawˇ tsahˬ bawˇ dahˇ laꞈ kʼoeˇ jaˆ-eu lo guˇ tehꞈ-ehˇ gʼeh-eu gawˬ jawˬ tiˬ jawˬ kʼoeˇ taˆ le daˆ-euˬ meh. Kʼoeˇ loꞈ-ehˇ le daˆ taˬ-euˬ gaˇ kawˆ Sawˇluˆ paˇ ya gaˬ ngeh, Daˬbiˇ-euˬ mehˬ nah paˇ teh leˇ-euˬ meh.