1 Saˬmeuˬlaˆ 23:2 - Akha

² Kʼoeˇ miˇ neh, Piˇliˇtiˆ tsawˇ haˬ deuˬ-ahˇ guiˇ deuˆ-iˇ-eu gʼaˇ duˬ, Sahˬpaˬ Miˬyehˇ-ahˇ aˬ yawꞈ naˇ haˬ-euˬ meh. “Aˬ yawꞈ maꞈ-ahˇ guiˇ deuˆ-iˇ-awˇ, Kiˇlahˬ meuˬ-ahˇ ka kʼoꞈ nehˬ-awˬ” lehˇ, Sahˬpaˬ Miˬyehˇ ehˇ-eu meh.

1 Saˬmeuˬlaˆ 23:2 Referans Kwoze

1 Saˬmeuˬlaˆ 23:4

Kʼoeˇ miˇ neh, Sahˬpaˬ Miˬyehˇ-ahˇ Daˬbiˇ tiˬ poˆ paˇ naˇ haˬ-euˬ meh. Sahˬpaˬ Miˬyehˇ ehˇ-eu, “Kiˇlahˬ meuˬ-ahˇ guiˇ deuˆ-iˇ-awˬ. Aˬ jeˬ miˇ neh ehˇ naˇ, naw maꞈ-ahˇ Piˇliˇtiˆ tsawˇ haˬ deuˬ kʼoeˇ taˆ ngaˇ bi gʼaˬ leˇ ma.”

2 Saˬmeuˬlaˆ 5:23

Sahˬpaˬ Miˬyehˇ-ahˇ Daˬbiˇ mehˬ bawˬ tiˬ poˆ paˇ mˇ haw ngeh, Sahˬpaˬ Miˬyehˇ heu loꞈ-ehˇ ehˇ-eu meh. “Heu paw dzeˇ coeˇ-ahˇ neh aˬ yawꞈ maꞈ-ahˇ guiˇ taˬ deuˆ-iˇ. Boeˬ dzaˇ aˇ bawˇ bawˇ yaˇ paw neh iˇ jaw gʼeh-awˇ, aˬ yawꞈ maꞈ-ahˇ guiˇ deuˆ-eu gʼaˇ duˬ lehˬ hmˬ dah taˬ-awˇ jawˇ-awˬ.

2 Saˬmeuˬlaˆ 5:19

“Piˇliˇtiˆ tsawˇ haˬ deuˬ-ahˇ ngaˇ guiˇ deuˆ-iˇ-awˬ loˇ. Nawˇ ngaˬ-ahˇ bi gʼaˬ leˇ nehˬ laꞈ ma loˇ” lehˇ, Sahˬpaˬ Miˬyehˇ-ahˇ Daˬbiˇ naˇ haˬ ngeh, “Deuˆ-iˇ-awˬ. Nawˬ-ahˇ ngaˇ bi gʼaˬ leˇ ma” lehˇ, Sahˬpaˬ Miˬyehˇ ehˇ-eu meh.

Yeˬlaˬmiˇ 10:23

Sahˬpaˬ Miˬyehˇ-oˇ, tsawˇ haˬ zaˬ yaw dehꞈ dehꞈ-eu-aˬ, yawˬ ha gaˇ kawˆ yawˬ ha maˬ gʼaˬ leˇ-ehˇ, yawˬ ha saꞈ laˇ-ahˇ maˬ tuˆ tehˬ nya-eu ngaˇ siˬ nya ma.

1 Saˬmeuˬlaˆ 30:8

Kʼoeˇ ngeh, Daˬbiˇ Sahˬpaˬ Miˬyehˇ-ahˇ ehˇ nehˬ-eu, “Tsawˇ haˬ kʼoeˇ deuˬ-euˬ mehˬ nah ngaˇ caw teh-iˇ-awˬ loˇ. Aˬ yawꞈ maꞈ-ahˇ ngaˇ teh mi coeˇ tehꞈ-a loˇ.” Sahˬpaˬ Miˬyehˇ ehˇ-eu, “Aˬ yawꞈ maꞈ-ahˇ caw teh-iˇ-awˬ. Aˬ yawꞈ maꞈ-ahˇ nawˇ teh mi-awˇ, aˬ yawꞈ maꞈ neh nyehꞈ gʼeh-euˬ tsawˇ haˬ deuˬ-ahˇ nawˇ ka kʼoꞈ nya tehꞈ-a.”

1 Saˬmeuˬlaˆ 23:6

Aˬhiˇmaˬlehˇ-euˬ aˬ li Aˬbyaˬdaˬ cehˆ doˆ-awˇ, Kiˇlahˬ meuˬ-ahˇ Daˬbiˇ jawˇ gaˇ cehˆ uˇ-iˇ ngeh, piˇ ma dm-eu pehˇ kʼahˬ pehˇ nymˇ kʼawꞈ yuˇ gʼeh-euˬ meh.

Yawˇshuˆ 9:14

Iˇsaˬleˬlaˆ tsawˇ haˬ deuˬ Sahˬpaˬ Miˬyehˇ-ahˇ maˬ naˇ haˬ ni, tsawˇ haˬ kʼoeˇ deuˬ-euˬ dzaˬ dzaˬ dawˇ dawˇ tiˬ paˆ na deuˬ-ahˇ ha geuꞈ-euˬ meh.

Jaceuq 32:8

Sahˬpaˬ Miˬyehˇ ehˇ-eu, “Nawˇya iˇ-eu gaˇma tiˬkahˇ, nawˬ-ahˇngaˇmehˬnehˬtsoˆnehˬ-awˇ, Ngaˬ-euˬmyaˆnuiˆhaw piˇnehˬma.

1 Laˬsaˬbaˬ 14:10

“Piˇliˇtiˆ tsawˇ haˬ deuˬ-ahˇ ngaˇ guiˇ deuˆ-iˇ-eu tsaˬ meh loˇ. Nawˇ ngaˬ-ahˇ bi gʼaˬ leˇ nehˬ laꞈ ma loˇ” lehˇ, Miˬyehˇ-ahˇ Daˬbiˇ naˇ haˬ haw ngeh, “Deuˆ-iˇ-awˬ. Nawˬ-ahˇ ngaˇ bi gʼaˬ leˇ ma” lehˇ Sahˬpaˬ Miˬyehˇ ehˇ-eu meh.

Yaˇ kʼaˬ daˇ 1:1

Yawˇshuˆ shiˇ dzeuˇ ngeh, Iˇsaˬleˬlaˆ tsawˇ haˬ deuˬ Sahˬpaˬ Miˬyehˇ-ahˇ naˇ haˬ-eu, “Nga maꞈ tsawˇ jeuˬ deuˬ laꞈ kʼoeˇ, tsawˇ jeuˬ aˬ geu jeuˬ aˬ cawˬ mehˬ hu le-awˇ, Kaˬnaˬ tsawˇ jeuˬ-ahˇ guiˇ ya deuˆ leˇ nmˇ.”

Bawˇtsahˬ 27:21

Uˇleˬ hawˇ-eu Duˇmeˬ zmˬ-eu laꞈ kʼoeˇ ngaˬ-eu nui kʼahˇ-ahˇ siˬ nya-eu piˇ ma Eˇlaˬzaˬ-ahˇ aˬ yawꞈ ya gʼoe meh. Yawˬ jeˬ na luꞈ laꞈ kʼoeˇ, Eˇlaˬzaˬ neh mehˬ nehˬ tsoˆ nehˬ-euˬ loꞈ-ehˇ, Yawˇshuˆ hawˇ-eu Iˇsaˬleˬlaˆ tsawˇ haˬ aˇ maꞈ dawˬ tawˆ luꞈ ya mˇ meh.”

1 Saˬmeuˬlaˆ 10:22

“Maˬ laˇ keuˆ jiˇ-euˬ tsawˇ haˬ jawˇ ta siˬ loˇ” lehˇ, Sahˬpaˬ Miˬyehˇ-ahˇ aˬ yawꞈ maꞈ naˇ haˬ ngeh, “Myawˬ baꞈ gahˬ taˬ-euˬ naˇ kʼah Sawˇluˆ dzuˇ zaꞈ luꞈ meh” lehˇ Sahˬpaˬ Miˬyehˇ ehˇ-eu meh.

1 Saˬmeuˬlaˆ 23:3

Ehˇ kʼawꞈ, Daˬbiˇ-euˬ tsawˇ haˬ deuˬ Daˬbiˇ-ahˇ ehˇ-eu, “Aˬ dui maꞈ heu gaˇ Yuˇdaˆ miˇ kʼahˬ laꞈ kʼoeˇ jawˇ luꞈ-eu tehꞈ-ehˇ kʼawꞈ, guˆ kʼaˇ za-eu-aˬ, nymˬ-mˇ Kiˇlahˬ meuˬ-ahˇ Piˇliˇtiˆ tsawˇ haˬ deuˬ-ahˇ guiˇ paˇ deuˆ-iˇ naˇ, heu naˆ maˬ tseˆ shaˬ laˇ-eu maˬ ngeuˇ-a loˇ.”

2 Saˬmeuˬlaˆ 2:1

Kʼoeˇ naˇ, “Ngaˇ le-awˇ Yuˇdaˆ miˇ kʼahˬ laꞈ kʼoeˇ jaˆ-eu meuˬ tiˬ meuˬ na-ahˇ uˆ lahˇ leˇ-awˬ loˇ” lehˇ, Sahˬpaˬ Miˬyehˇ-ahˇ Daˬbiˇ naˇ haˬ ngeh, “Uˆ lahˇ leˇ-awˬ” lehˇ ehˇ-eu meh. “Aˬ geu meuˬ-ahˇ uˆ lahˇ leˇ-eu” lehˇ Daˬbiˇ paˇ naˇ haˬ ngeh, “Heˬbyoˬ meuˬ-ahˇ uˆ lahˇ leˇ-awˬ” lehˇ, Sahˬpaˬ Miˬyehˇ ehˇ-eu meh.

1 Saˬmeuˬlaˆ 14:37

Kʼoeˇ ngeh, “Piˇliˇtiˆ tsawˇ haˬ deuˬ-ahˇ ngaˇ guiˇ deuˆ-iˇ-eu tsaˬ meh loˇ. Nawˇ nga maꞈ-ahˇ bi gʼaˬ leˇ nehˬ laꞈ ma loˇ” lehˇ, Miˬyehˇ-ahˇ Sawˇluˆ naˇ haˬ-euˬ meh. Ehˇ kʼawꞈ, kʼoeˇ ngeh nah aˬ yawꞈ-ahˇ Miˬyehˇ tiˬ jeˬ-iˬ maˬ ehˇ kʼoꞈ nehˬ-a.