1 Saˬmeuˬlaˆ 23:1 - Akha

¹ Piˇliˇtiˆ tsawˇ haˬ deuˬ Kiˇlahˬ meuˬ-ahˇ guiˇ deuˆ le-awˇ, keuˆ le-euˬ cehˇ deuˬ pi geuꞈ luꞈ-eu gaˇ kawˆ Daˬbiˇ ya gaˬ-euˬ meh.

1 Saˬmeuˬlaˆ 23:1 Referans Kwoze

Yawˇshuˆ 15:44

Kiˇlahˬ meuˬ, Aˬkaˬziˇ meuˬ, Maˬleˇshaˬ meuˬ, heu gʼoeˬ meuˬ hawˇ-eu, meuˬ heu deuˬ-euˬ tahˬ gʼoꞈ tahˬ jawˇ jaˆ-eu meuˬ meuˬ zaˬ deuˬ meh.

Miˇkaˬ 6:15

Naw maꞈ cehˇ ka kʼawꞈ, maˬ ya yehˬ dzaˬ-aˇ. Saˬ loˬ tsiˇ lehˬ doˆ kʼawꞈ, maˬ ya zmˬ-aˇ. Aˬ gaꞈ dzaˇ uiˇ jahˇ kʼawꞈ, maˬ ya dawˇ haw-aˇ.

Yaˇ kʼaˬ daˇ 6:4

Miˇ kʼahˬ kʼoeˇ kʼahˬ laꞈ kʼoeˇ, aˬ yawꞈ maꞈ sehˬ gʼawˆ gʼawˆ-awˇ jawˇ naˬ luꞈ-eu laꞈ kʼoeˇ, laꞈ oˆ paw Gaˬzaˬ gahˬ kaˬ-ahˇ keuˆ ni, dzaˬ la gʼo cehˇ dawˬ tawˆ luꞈ-ahˇ laˆ cawˆ jiˇ nehˬ-euˬ meh. Yawˇ, mawˇ neˇ hawˇ-eu mahˬ tahˬ laˆ dawˬ tawˆ luꞈ aˬ yawꞈ maꞈ teh geuꞈ gʼeh jiˇ-awˇ, Iˇsaˬleˬlaˆ tsawˇ haˬ deuˬ dehꞈ dzaˬ-eu gʼaˇ duˬ tiˬ jeˬ-iˬ maˬ bi jawˇ yaꞈ-a.

Dawˬmehˬ 28:51

Nawˬ-euˬ mawˇ neˇ hawˇ-eu dzaˬ la gʼo cehˇ deuˬ-ahˇ aˬ yawꞈ maꞈ dzaˬ-awˇ, nawˇ gʼaˬ-aˬ, ya mehꞈ sehꞈ leꞈ tehꞈ-a. Dzaˬ la gʼo cehˇ maˬ ehˇ, aˬ gaꞈ dzaˇ uiˇ maˬ ehˇ, saˬ loˬ tsiˇ maˬ ehˇ, mawˇ neˇ maˬ ehˇ, aˬ yawꞈ maꞈ tiˬ pawꞈ-iˬ maˬ bi jaˆ yaꞈ-eu miˇ neh, nawˇ ya shiˇ tehꞈ-a.

Dawˬmehˬ 28:33

Shaˬ-eu zahˬ-eu laꞈ kʼoeˇ nawˬ neh ka taˬ-euˬ dzaˬ la gʼo cehˇ deuˬ-ahˇ, maˬ siˬ maˬ suˇ-eu boeˇ miˬ siˬ kʼaˬ deuˬ neh bi yuˇ geuꞈ jiˇ tehꞈ-a. Nawˬ-euˬ gʼaˇ duˬ tiˬ pawꞈ-iˬ maˬ bi dzeˇ yaꞈ-eu uˬ taꞈ, aˬ cawˬ neh bi kʼehˬ-awˇ, bi kʼaˆ dzaˬ gaˇ keuˆ ni nawˇ ya daˬ tehꞈ-a.

Uˬ duˬ 26:16

naw maꞈ-ahˇ ngaˇ kʼehˬ nehˬ kʼaˆ nehˬ ma. Naw maꞈ kʼoeˇ taˆ shaˬ zahˬ guˆ gaˆ bi keuˆ le ma. Naw maꞈ-euˬ myaˆ nuiˆ myaˆ behꞈ behꞈ-iˇ-awˇ, tsawˇ shiˇ uˬ kʼawˇ-ahˇ deuˬ leˇ gaˇ keuˆ ni kʼaˆ-eu maˬ laˆ taˬ nya-eu naˇ gawˇ deuˬ, naw maꞈ kʼoeˇ taˆ ngaˇ bi keuˆ le ma. Naw maꞈ siˬ yoeˬ sehˬ kʼawꞈ, guiˬ lahˬ maˬ baw-aˇ. Aˬ jeˬ miˇ neh ehˇ naˇ, naw maꞈ-ahˇ muiˇ-eu deuˬ naw maꞈ-ahˇ deuˆ gʼaˬ-awˇ, naw maꞈ neh kʼaˇ ka taˬ-euˬ deuˬ yuˇ dzaˬ jiˇ tehꞈ-a.

Yaˇ kʼaˬ daˇ 6:11

Kʼoeˇ naˇ, Sahˬpaˬ Miˬyehˇ-euˬ gʼaˬ kʼehˇ Awˇpaˬlaˇ pu-ahˇ oe-awˇ, Aˬbyeˇzaˬ aˇ jeuˬ Yawˇshaˆ-euˬ tsuiꞈ kaˆ aˇ bawˇ dawˬ pehˬ-ahˇ nuiˇ-euˬ meh. Yawˇshaˆ-euˬ aˬ li Giˇdoˬ-aˬ, Miˇdiˬyaˬ tsawˇ haˬ maˬ bi mawˇ-eu gʼaˇ duˬ, aˬ gaꞈ dzaˇ uiˇ lehˬ duˬ-ahˇ cehˇ diˬ diˬ kʼoeˬ luꞈ-eu meh.

Daˬyeˬlaˇ 2:35

Ja pyuˬ ni, shuiˇ, miˇ tsaˬ, guiˬ shuiˇ, pyuˇ hawˇ-eu shuiˇ kʼoeˇ deuˬ dawˬ tawˆ luꞈ meuˇ-iˇ loeˇ-iˇ jiˇ-awˇ, jawˇ la yamˬ-ahˇ cehˇ bymˇ saˬ kʼawꞈ-ahˇ ga-eu kʼaˬ lehˇ loꞈ-ehˇ pyeuꞈ jiˇ-euˬ meh. Jaˬ lehˇ neh bi baw byoˆ jiˇ-awˇ iˇ zaˇ laˇ zaˇ maˬ siˬ ni pyeuꞈ-iˇ-euˬ meh. Ehˇ kʼawꞈ, kʼaˬ lo kʼoeˇ siˬ gawˬ jawˬ jawˬ ma pyeuꞈ laˇ-awˇ, miˇ tsaˬ tahˬ kʼawˇ-ahˇ huiˬ byah-euˬ meh.