1 Saˬmeuˬlaˆ 22:5 - Akha

⁵ Kʼoeˇ naˇ, Miˬyehˇ gʼaˇ duˬ ngehˬ dah-eu tsawˇ haˬ pyeuꞈ-eu, Gaˆ lehˇ myahˇ-euˬ tiˬ gʼaˬ Daˬbiˇ jawˇ gaˇ oe-awˇ, “Nawˇ heu gaˇ maˬ paˇ jawˇ ni Yuˇdaˆ miˇ kʼahˬ-ahˇ yaw kawˇ-ehˇ iˇ-awˬ” lehˇ ehˇ le-euˬ meh. Kʼoeˇ ngeh, Daˬbiˇ doˆ-iˇ-awˇ, Hehˇyehˆ lehˇ kuˇ-eu bawˇ tsahˬ bawˇ dahˇ-ahˇ jawˇ-iˇ-euˬ meh.

1 Saˬmeuˬlaˆ 22:5 Referans Kwoze

2 Laˬsaˬbaˬ 29:25

Sahˬ paˬ Daˬbiˇ-ahˇ Miˬyehˇ gʼaˇ duˬ ngehˬ dah nehˬ-euˬ gʼaˬ pyeuꞈ-eu Gaˆ hawˇ-eu, Miˬyehˇ gʼaˇ duˬ ngehˬ dah-eu Naˬdaˬ-ahˇ gʼoe-awˇ, Sahˬpaˬ Miˬyehˇ neh sahˬ paˬ Daˬbiˇ-ahˇ mehˬ nehˬ tsoˆ nehˬ taˬ-euˬ dawˬ deuˬ-ahˇ sahˬ paˬ Heˬsaˬgiˇ caw teh-eu laꞈ kʼoeˇ, Leˬbiˇ tsawˇ haˬ deuˬ-ahˇ cehˇ lehˇ, deuˇ mˬ hawˇ-eu, bawˬ law bi yuˇ-awˇ, Sahˬpaˬ Miˬyehˇ-euˬ Uˬ duˬ tahˬ nymˇ nymˇ ma laꞈ kʼoeˇ bi jawˇ-euˬ meh.

1 Laˬsaˬbaˬ 29:29

Sahˬ paˬ Daˬbiˇ yaw dehꞈ dehꞈ yaꞈ-euˬ gaˇ kawˆ, aˇ dahˬ beh gaˇ neh aˇ saˬ saˬ gaˇ keuˆ ni, Miˬyehˇ gʼaˇ duˬ ngehˬ dah-eu deuˬ pyeuꞈ-eu Saˬmeuˬlaˆ, Naˬdaˬ, Gaˆ aˬ ha smˇ gʼaˬ-euˬ sahˬ boꞈ deuˬ laꞈ kʼoeˇ boꞈ ahˇ taˬ-euˬ meh.

1 Laˬsaˬbaˬ 21:9

Daˬbiˇ-ahˇ Miˬyehˇ gʼaˇ duˬ ngehˬ dah nehˬ-eu gʼaˬ pyeuꞈ-eu Gaˆ-ahˇ, Sahˬpaˬ Miˬyehˇ heu loꞈ-ehˇ ehˇ nehˬ-euˬ meh.

2 Saˬmeuˬlaˆ 24:11

Uˬ shawˬ paw Daˬbiˇ uˬ suˇ tuˇ ngeh yamˬ-ahˇ, Daˬbiˇ-ahˇ Miˬyehˇ gʼaˇ duˬ ngehˬ dah nehˬ-eu gʼaˬ pyeuꞈ-eu Gaˆ-ahˇ, Sahˬpaˬ Miˬyehˇ heu loꞈ-ehˇ ehˇ nehˬ-euˬ meh. “Daˬbiˇ jawˇ gaˇ iˇ-awˇ, gaˇ kawˆ smˇ jeˬ laꞈ kʼoeˇ aˬ yawꞈ-ahˇ tiˬ jeˬ bi tseˇ geuꞈ-awˇ, aˬ yawꞈ neh kʼaˇ tseˇ geuꞈ-euˬ jeˬ ngaˇ bi keuˆ ma lehˇ ehˇ nehˬ-iˇ-awˬ.”

1 Saˬmeuˬlaˆ 22:4

Kʼoeˇ naˇ, aˬ yawꞈ-euˬ aˬ da aˬ ma-ahˇ Mawˇbaˆ sahˬ paˬ nehˬ-ehˇ taˬ yaꞈ-awˇ, lo kʼahˬ kʼoeˇ kʼahˬ laꞈ kʼoeˇ aˬ yawꞈ kʼaˇ dzuˇ zaꞈ luꞈ kʼoeˇ keuˆ ni, kʼoeˇ gaˇ bi jawˇ-euˬ meh.

2 Saˬmeuˬlaˆ 23:14

Aˇ yamˬ kʼoeˇ yamˬ laꞈ kʼoeˇ, ziꞈ dah ni laˆ ziꞈ taˬ-euˬ taˆ jaˆ-eu gawˬ duˇ-ahˇ Daˬbiˇ jawˇ-awˇ, Piˇliˇtiˆ guiˇ maꞈ tiˬ maꞈ Behˬlehˬhehˬ meuˬ-ahˇ jawˇ luꞈ-eu meh.

Jaceuq 63:1

Miˬyehˇ-oˇ, nawˇ-aˬ ngaˬ-euˬ Miˬyehˇ pyeuꞈ-awˇ, nawˬ-ahˇ ngaˇ noeˬ tmˬ luꞈ-eu ma. Ngaˬ-euˬ nui ma gʼawˇ mawˇ dawˬ tawˆ luꞈ nawˬ-ahˇ noeˬ tmˬ luꞈ-eu ma. Iˇ cuꞈ maˬ jaˆ ehˇ koˆ kaˆ ni tsawˬ paˆ-iˇ taˬ-euˬ miˇ tsaˬ tiˬ tsahˇ iˇ cuꞈ mehꞈ-eu loꞈ-ehˇ, ngaˬ-euˬ saꞈ laˇ nawˬ-ahˇ noeˬ tmˬ luꞈ-eu ma.

1 Laˬsaˬbaˬ 11:16

Aˇ yamˬ kʼoeˇ yamˬ laꞈ kʼoeˇ, ziꞈ dah ni tsoˆ taˬ-euˬ taˆ jaˆ-eu gawˬ duˇ tiˬ duˇ-ahˇ Daˬbiˇ jawˇ luꞈ-awˇ, Piˇliˇtiˆ tsawˇ haˬ deuˬ Yeˬluˇsaˬlehˬ meuˬ-ahˇ uˇ laˇ-awˇ jawˇ luꞈ-eu meh.