1 Saˬmeuˬlaˆ 22:14 - Akha

¹⁴ Aˬhiˇmaˬlehˇ ehˇ-eu, “Daˬbiˇ-aˬ, nawˬ-euˬ gaˇ mˇ-eu yaw huiˬ yaw mahˇ dawˬ tawˆ luꞈ kʼoeˇ taˆ, nawˬ-ahˇ saˇ jaˇ ziꞈ dui dui-eu tiˬ gʼaˬ meh. Aˬ yawꞈ-aˬ, nawˬ-euˬ aˬ zaˬ pyeuꞈ-awˇ, nawˬ-ahˇ loꞈ piˇ-eu guiˇ maꞈ kʼoeˇ taˆ uˆ lahˇ-eu gʼaˬ pyeuꞈ-eu uˬ taꞈ, sahˬ paˬ-euˬ nymˇ laꞈ kʼoeˇ kʼaˇ jawˇ-eu tsawˇ haˬ dawˬ tawˆ luꞈ aˬ yawꞈ-ahˇ yaw zeu baw dui dui-eu meh.

1 Saˬmeuˬlaˆ 22:14 Referans Kwoze

1 Saˬmeuˬlaˆ 20:32

Yawˇnaˆshaˬ ehˇ-eu, “Aˬ yawꞈ aˬ jeˬ mˇ taˬ-euˬ jaˆ-eu miˇ neh, aˬ yawꞈ-ahˇ ya sehꞈ ta.”

1 Saˬmeuˬlaˆ 26:23

Saˇ jaˇ ziꞈ-awˇ yaw tsaˬ yaw dawˇ jeˬ mˇ-eu tsawˇ haˬ-ahˇ Sahˬpaˬ Miˬyehˇ guiˬ lahˬ biꞈ-eu meh. Iˬ nah nawˬ-ahˇ ngaˬ-euˬ aˬ laꞈ laꞈ kʼoeˇ aˬ yawꞈ a nehˬ laꞈ gʼaˬ-euˬ meh. Ehˇ kʼawꞈ, Sahˬpaˬ Miˬyehˇ neh tseˇ doˆ taˬ-euˬ gʼaˬ pyeuꞈ-eu miˇ neh, nawˬ-ahˇ laˆ tahˬ laˆ naˇ-eu jeˬ ngaˇ maˬ mˇ-aˬ.

1 Saˬmeuˬlaˆ 24:11

Ngaˬ-euˬ aˬ da-oˇ, heu gaˇ haw sheˇ. Ngaˇ tuˆ tehˬ luꞈ-eu nawˬ-euˬ pehˇ kʼahˬ pehˇ dahˬ-ahˇ haw sheˇ. Nawˬ-ahˇ ngaˇ sehꞈ-eu yehꞈ laˇ-euˬ kʼawꞈ maˬ sehꞈ ni, pehˇ kʼahˬ pehˇ dahˬ tehꞈ-ehˇ yehˬ tsehˆ-euˬ ma. Heu gaˇ haw-awˇ, ngaˬ-euˬ nui ma laꞈ kʼoeˇ, nawˬ-ahˇ puiˬ mawꞈ-eu jeˬ hawˇ-eu laˆ tahˬ laˆ naˇ nehˬ mawꞈ-eu jeˬ tiˬ pawꞈ-iˬ maˬ ahˇ nga lehˇ, nawˇ siˬ duˬ-awˬ. Ngaˬ neh nawˬ-ahˇ mˇ lehˬ taˬ-euˬ tiˬ jeˬ-iˬ maˬ jaˆ kʼawꞈ, ngaˬ-ahˇ sehꞈ-eu lehˇ nawˇ poˆ luꞈ meh.

1 Saˬmeuˬlaˆ 22:13

Sawˇluˆ ehˇ-eu, “Aˬ jeˬ miˇ neh Daˬbiˇ naw maꞈ ngaˬ-ahˇ puiˬ-eu lehˇ leh jeh te. Aˬ jeˬ miˇ neh Daˬbiˇ-ahˇ dzaˬ dzaˬ dawˇ dawˇ hawˇ-eu mi cehˇ biꞈ-awˇ, aˬ yawꞈ gʼaˇ duˬ Sahˬpaˬ Miˬyehˇ-ahˇ mehˬ bawˬ mˇ nehˬ teˬ. Nymˬ-mˇ ngaˇ jawˇ gaˇ neh aˬ yawꞈ cehˆ doˆ-awˇ, ngaˬ-ahˇ sehꞈ-eu lehˇ nawˬ jawˬ luꞈ meh.”

1 Saˬmeuˬlaˆ 21:2

Daˬbiˇ ehˇ-eu, “Sahˬ paˬ-euˬ gaˇ jaˆ-eu miˇ neh ngaˇ heu gaˇ oe-euˬ ma. Ngaˬ-ahˇ heu gaˇ pyehˬ gʼeh leꞈ-awˇ bi mˇ-euˬ jeˬ aˬ cawˬ-ahˇ taˬ bi siˬ lehˇ, sahˬ paˬ ngaˬ-ahˇ ehˇ taˬ-euˬ meh. Ngaˬ-euˬ tsawˇ haˬ deuˬ-ahˇ kʼawꞈ, jawˇ duˬ tiˬ tsahˇ-ahˇ paˇ tahˬ puˬ ma lehˇ ehˇ taˬ yaꞈ-euˬ ma.

1 Saˬmeuˬlaˆ 18:27

Daˬbiˇ hawˇ-eu aˬ yawꞈ-eu tsawˇ haˬ deuˬ doˆ-iˇ-awˇ, Piˇliˇtiˆ tsawˇ haˬ nyiˬ yaˇ gʼaˬ-ahˇ sehꞈ-euˬ meh. Sahˬ paˬ-euˬ aˬ zaˬ ya geuꞈ ni, sahˬ paˬ jawˇ gaˇ baˆ kʼoˆ mehˬ dzaˬ kʼoeˇ deuˬ yuˇ gʼeh-awˇ gui nehˬ-euˬ meh. Kʼoeˇ naˇ, Sawˇluˆ neh Daˬbiˇ hawˇ-eu Miˇkaˬlaˇ aˬ nyaꞈ-ahˇ bi sheuˬ dahˬ dzaˬ-euˬ meh.

1 Saˬmeuˬlaˆ 18:13

Kʼoeˇ miˇ neh, Daˬbiˇ-ahˇ aˬ yawꞈ jawˇ gaˇ neh bi doˆ-iˇ-awˇ, yehˇ tiˬ heˇ gʼaˬ kʼoeˇ taˆ haw-eu aˬ yuiꞈ bi geuꞈ-euˬ meh. Daˬbiˇ-aˬ, aˬ yawꞈ-euˬ yehˇ kʼoeˇ deuˬ sheuˬ-awˇ guiˇ deuˆ-iˇ-euˬ meh.

1 Saˬmeuˬlaˆ 17:25

Aˬ yawꞈ maꞈ tiˬ gʼaˬ tiˇ gʼaˬ ehˇ-eu, “Aˬ yawꞈ-ahˇ haw sheˇ. Aˬ yawꞈ guˇ gaˇ naˇ haˬ sheˇ. Sahˬ paˬ Sawˇluˆ heu loꞈ-ehˇ saˇ jaˇ dzaˬ taˬ-euˬ maˬ ngeuˇ-a loˇ. Tsawˇ haˬ teu gʼaˬ-ahˇ kʼaˇ deuˆ sehꞈ nya-eu gʼaˬ-ahˇ huiˬ dui dui-eu laꞈ sawˬ biꞈ-awˇ, aˬ yawꞈ-euˬ aˬ buˇ-ahˇ bi sheuˬ-eu uˬ taꞈ, aˬ yawꞈ-euˬ aˬ da-euˬ nymˇ jiˇ kʼawꞈ doˆ-eu ka-eu jeˬ ma bi baꞈ ni bi dzeuˇ-iˇ ma lehˇ saˇ jaˇ dzaˬ taˬ-euˬ maˬ ngeuˇ-a loˇ.”

1 Saˬmeuˬlaˆ 25:28

Ngaˬ neh mˇ-euˬ yaw lehˬ jeˬ jaˆ naˇ kʼawꞈ, iˬ baˇ pyehˬ nehˬ laꞈ-awˬ. Sahˬpaˬ Miˬyehˇ-aˬ, nawˇ hawˇ-eu nawˬ-euˬ zaˬ nawˬ-euˬ uˆ deuˬ-ahˇ sahˬ paˬ bi geuꞈ tehꞈ-a. Aˬ jeˬ miˇ neh ehˇ naˇ, aˬ yawꞈ gʼaˇ duˬ nawˇ guiˇ deuˆ luꞈ-awˇ, yaw dehꞈ kʼaˇ dehꞈ kʼoeˇ keuˆ ni yaw haiˬ jeˬ maˬ mˇ ni nawˇ jawˇ tehꞈ-a.