1 Saˬmeuˬlaˆ 2:7 - Akha

⁷ Tiˬ paˆ na deuˬ iˇ shaˬ shaˬ-awˇ, tiˬ paˆ na deuˬ smˇ muiˬ muiˬ ni, tiˬ paˆ na deuˬ laꞈ oꞈ teˬ-awˇ, tiˬ paˆ na deuˬ laꞈ taꞈ tsehˆ ni, aˬ yawꞈ neh bymˇ-euˬ shaˬ bymˇ meh.

1 Saˬmeuˬlaˆ 2:7 Referans Kwoze

Jaceuq 75:7

Yaˇ kʼaˬ daˇ-euˬ gʼaˬ Miˬyehˇ pyeuꞈ-awˇ, tiˬ deuˬ-ahˇ nawˬ awˆ-awˇ, tiˬ deuˬ-ahˇ gʼeu tuˇ nehˬ-eu meh.

Yawˇbaˆ 5:11

Nui nahˬ nui yu -ahˇ ciˬ huiˬ-awˇ, Ngoeˇ-eu deuˬ laˬ kʼaˬ ya cehˇ ni, caw ba nehˬ-eu gʼaˬ Miˬyehˇ meh.

Yawˇbaˆ 1:21

Aˬ yawꞈ ehˇ-eu, “Ngaˇ ngaˬ ma-euˬ uˬ maˆ laꞈ kʼoeˇ dehꞈ doˆ le ngeh tiˬ jeˬ-iˬ maˬ yuˇ leꞈ-euˬ loꞈ-ehˇ, shiˇ ngeh kʼawꞈ tiˬ jeˬ-iˬ maˬ paˇ yuˇ gʼeh ma. Sahˬpaˬ Miˬyehˇ-aˬ, biꞈ-eu gʼaˬ pyeuꞈ-eu loꞈ-ehˇ, yuˇ kʼoꞈ-eu gʼaˬ kʼawꞈ pyeuꞈ luꞈ-uˇ. Aˬ yawꞈ-euˬ tsawˇ myahˇ-ahˇ ja ceuˬ-eu jeˬ oꞈ luꞈ-uˇ.”

Yaˬkoˆ 4:10

Sahˬpaˬ Miˬyehˇ-euˬ mehˬ shi nui ma nahˬ yu ni taˬ-awˬ. Aˬ yawꞈ naw maꞈ-ahˇ ciˬ huiˬ ciˬ mahˇ nehˬ laꞈ tehꞈ-a.

Iˇsaˬyaˇ 2:12

Nui ma huiˬ-awˇ smˇ kʼaˆ kʼaˆ-eu deuˬ hawˇ-eu, jahˇ huiˬ jahˇ gʼeh-eu deuˬ gʼaˇ duˬ, Baoˬ huiˬ-eu Sahˬpaˬ Miˬyehˇ lehˬ hmˬ taˬ-euˬ aˇ nah jaˆ meh.

Jaceuq 102:10

Aˬ jeˬ miˇ neh ehˇ naˇ nawˇ ngaˬ-ahˇ nui ma pehˇ-awˇ, ciˬ diˇ-awˇ baꞈ dzeh nehˬ laꞈ-euˬ meh.

2 Sahˬpaˬ 9:6

Kʼoeˇ naˇ, aˬ yawꞈ nyaꞈ-ehˇ kuˆ lawˆ tiˬ lawˆ-ahˇ uˇ leˇ-awˇ, Miˬyehˇ gʼaˇ duˬ ngehˬ dah-eu zaˬ guˬ kʼoeˇ gʼaˬ Yeˬhuˇ-euˬ uˬ duˬ-ahˇ tsiˇ shehˆ daˆ nehˬ-awˇ ehˇ-eu, “Iˇsaˬleˬlaˆ-euˬ Miˬyehˇ pyeuꞈ-eu Sahˬpaˬ Miˬyehˇ heu loꞈ-ehˇ ehˇ-eu meh. ‘Ngaˬ-euˬ tsawˇ jeuˬ Iˇsaˬleˬlaˆ tsawˇ haˬ deuˬ kʼoeˇ taˆ, ngaˇ nawˬ-ahˇ sahˬ paˬ ka nehˬ-eu ma.

Yawˇbaˆ 40:12

Aˬ yawꞈ maꞈ-ahˇ dehˬ awˆ nehˬ-awˇ, nui ma maˬ dawˇ-eu tsawˇ haˬ deuˬ yawꞈ luꞈ gaˇ nawˬ pyehˆ nehˬ-awˬ.

1 Laˬsaˬbaˬ 29:12

Pyuˇ shuiˇ myawˬ gahˬ hawˇ-eu smˇ muiˬ smˇ baw baw-eu jeˬ dawˬ tawˆ luꞈ, nawˇ jawˇ gaˇ neh doˆ le-euˬ tehꞈ meh. Nawˬ-euˬ gʼaˬ hawˇ-eu nawˬ-euˬ baoˬ-ahˇ gʼoe-awˇ, yawˬ jeˬ na luꞈ-ahˇ nawˇ uˆ lahˇ-eu meh.

2 Laˬsaˬbaˬ 32:27

Sahˬ paˬ Heˬsaˬgiˇ smˇ muiˬ muiˬ dui dui laˇ-awˇ, tsawˇ haˬ yawˬ gʼaˬ na luꞈ aˬ yawꞈ-ahˇ taˬ huiˬ taˬ mahˇ-euˬ meh. Aˬ yawꞈ-euˬ shuiˇ deuˬ pyuˇ deuˬ, aˇ poeˬ kʼaˆ-eu kʼaˬ lo sehˇ deuˬ, yaw saw gʼawˬ mya jeˬ hawˇ-eu aˇ poeˬ kʼaˆ-eu mˇ myawˬ deuˬ bi jaˆ-eu gʼaˇ duˬ, myawˬ gahˬ taˬ-eu nymˇ deuˬ aˬ yawꞈ tsoˆ-euˬ meh.

2 Laˬsaˬbaˬ 32:29

Kʼoeˇ uˬ taꞈ, yawˇ deuˬ, mawˇ neˇ deuˬ hawˇ-eu pyuˇ shuiˇ myawˬ gahˬ gʼawˬ mya ni Miˬyehˇ neh aˬ yawꞈ-ahˇ paˇ biꞈ-euˬ miˇ neh, meuˬ gʼawˬ mya meuˬ aˬ yawꞈ tsoˆ-euˬ meh.

Jaceuq 75:8

Sahˬpaˬ Miˬyehˇ-euˬ aˬ laꞈ-ahˇ kʼmˬ maˬ tiˬ kʼmˬ ciˬ luꞈ-awˇ, aˬ yawꞈ-euˬ nui ma pehˇ-eu jeˬ pyeuꞈ-eu taˆ dui dui-eu aˬ gaꞈ dzaˇ uiˇ shehˆ ahˇ taˬ-euˬ meh. Aˬ gaꞈ dzaˇ uiˇ kʼoeˇ aˬ yawꞈ shehˆ kʼaˇ ngeh, haiˬ-eu tsawˇ haˬ dawˬ tawˆ luꞈ dawˇ-eu meh. Tiˬ dzaˆ-iˬ maˬ bi dzeˇ ni dawˇ jiˇ-eu meh.

Dawqdaq 22:2

Smˇ muiˬ iˇ shaˬ maˬ beu-eu tiˬ tsahˇ jaˆ meh. Nyiˬ gʼaˬ luꞈ-ahˇ Sahˬpaˬ Miˬyehˇ beh-euˬ meh.

Yeˬlaˬmiˇ 49:15

Nawˇ gʼaˬ baˬ-iˇ ni Sahˬpaˬ Miˬyehˇ jahˇ-awˇ, tsawˇ haˬ tiˬ gʼaˬ-iˬ nawˬ-ahˇ yaw zeu maˬ baw ni pyeuꞈ-iˇ tehꞈ-a.

Yeˬsaˬgeˬlaˇ 17:24

Ngaˇ Sahˬpaˬ Miˬyehˇ ngeuˇ meh lehˇ, miˇ kʼahˇ laꞈ kʼoeˇ dehꞈ-eu aˇ bawˇ, dawˬ tawˆ luꞈ siˬ duˬ jiˇ tehꞈ-a. Bawˇ goˇ deuˬ-ahˇ ngaˇ tuˇ cuˬ-awˇ, bawˇ awˆ deuˬ-ahˇ bi goˇ laˇ ma. Bawˇ nyoeˇ deuˬ-ahˇ bi nyoeˬ-iˇ-awˇ, baw guˇ deuˬ-ahˇ bi nyoeˇ laˇ ma. Sahˬpaˬ Miˬyehˇ pyeuꞈ-eu ngaˇ heu loꞈ-ehˇ ehˇ-eu ma. Ngaˬ neh kʼaˇ ehˇ taˬ-euˬ jeˬ ngaˇ mˇ ma.