1 Saˬmeuˬlaˆ 2:16 - Akha

¹⁶ Lawˇ-eu tsawˇ haˬ kʼoeˇ gʼaˬ ehˇ-eu, “Aˬ dui yaw tsaˬ yaw dawˇ dawˇ-ehˇ jahˇ kaˇ-euˇ. Shaˬ tsuˇ jeˬ huˬ dzah puiˆ-awˇ lawˇ gʼaˬ miˇ tsa, nawˇ kʼaˇ geuꞈ mawꞈ-eu loꞈ-ehˇ yuˇ-awˬ.” Ehˇ kʼawꞈ, piˇ ma-euˬ gʼaˬ zaˬ kʼoeˇ gʼaˬ ehˇ-eu, “Toˆ-ehˇ maˬ geuꞈ. Nymˬ-mˇ mi naˆ-ehˇ biꞈ laꞈ-awˬ. Maˬ biꞈ laꞈ naˇ ceh doˆ geuꞈ ma.”

1 Saˬmeuˬlaˆ 2:16 Referans Kwoze

Uˬ duˬ 3:16

Sahˬpaˬ Miˬyehˇ nui ma tsaˬ-eu dzaˬ dzaˬ dawˇ dawˇ lawˇ-eu jeˬ lawˇ nehˬ-eu gʼaˇ duˬ, heu deuˬ dawˬ tawˆ luꞈ-ahˇ piˇ ma gʼaˬ yuˇ-awˇ, lawˇ duˬ kʼoeˇ taˆ dzah puiˆ-awˇ ya lawˇ meh. Shaˬ tsuˇ dawˬ tawˆ luꞈ, Sahˬpaˬ Miˬyehˇ-euˬ pyeuꞈ-eu meh.

Miˇkaˬ 3:5

Aˇ poeˬ biꞈ nya-eu tsawˇ haˬ deuˬ-ahˇ “Naw maꞈ-ahˇ Miˬyehˇ guiˬ lahˬ biꞈ-eu laꞈ kʼoeˇ yaw saˇ saˇ-ehˇ ya dehꞈ tehꞈ-a” lehˇ ehˇ nehˬ-awˇ, aˇ poeˬ maˬ biꞈ-eu tsawˇ haˬ deuˬ-ahˇ, “Naw maꞈ-ahˇ Miˬyehˇ laˆ cawˆ tehꞈ-a” lehˇ ehˇ-eu Miˬyehˇ gʼaˇ duˬ ngehˬ dah-eu deuˬ neh, ngaˬ-euˬ tsawˇ haˬ deuˬ gaˇ ma bi sheuˬ bahˬ-euˬ meh. Kʼoeˇ loꞈ-ehˇ Miˬyehˇ gʼaˇ duˬ ngehˬ dah-eu tsawˇ haˬ kʼoeˇ deuˬ-ahˇ Sahˬpaˬ Miˬyehˇ heu loꞈ-ehˇ ehˇ-eu meh.

Neˬhaˬmiˇ 5:15

Ngaˬ-euˬ mehˬ hu Yuˇdaˆ miˇ kʼahˬ-ahˇ uˆ lahˇ-eu gaˇ mˇ yaꞈ-euˬ deuˬ-aˬ, miˇ kʼahˬ zaˬ deuˬ-ahˇ kʼaˆ behˆ yaw kah ciˬ pi-awˇ, tiˬ nah dzaˬ-eu dzaˬ dzaˬ dawˇ dawˇ, aˬ gaꞈ dzaˇ uiˇ hawˇ-eu pyuˇ maˇ byaˆ oeˬ tseˇ byaˆ taꞈ-euˬ meh. Aˬ yawꞈ maꞈ-euˬ zaˬ kʼaˆ deuˬ kʼawꞈ miˇ kʼahˬ zaˬ kʼoeˇ taˆ kʼaˆ dzaˬ-euˬ meh. Ehˇ kʼawꞈ, ngaˇ-aˬ, Miˬyehˇ-ahˇ guˆ-eu miˇ neh kʼoeˇ loꞈ-ehˇ maˬ jahˇ-aˬ.

Yaˇ kʼaˬ daˇ 18:25

Daˬ tsawˇ haˬ deuˬ ehˇ-eu, “Tsawˇ haˬ heu deuˬ nui ma pehˇ laˇ-awˇ nawˬ-ahˇ guiˇ maˬ bi deuˆ mawꞈ naˇ, tiˬ jeˬ-iˬ maˬ ngehˬ ni ciˬ cuˇ ni jawˇ-awˬ. Nawˇ hawˇ-eu nawˬ-euˬ miˬ sawˇ zaˬ dawˬ tawˆ luꞈ ya shiˇ jiˇ nmˬ-mˇ.”

1 Saˬmeuˬlaˆ 2:15

Kʼoeˇ uˬ taꞈ, lawˇ-eu tsawˇ haˬ kʼoeˇ gʼaˬ shaˬ tsuˇ yuˇ doˆ-awˇ miˬ dzaˬ-ahˇ dzah puiˆ-awˇ maˬ ya lawˇ mi naˆ-ehˇ, piˇ ma-euˬ gʼaˬ zaˬ oe-awˇ, “Piˇ ma shaˬ jiˇ yaw jaꞈ maˬ geuꞈ mawꞈ nya jeˇ. Yaw jmˬ tehꞈ-ehˇ geuꞈ ma jeˇ” lehˇ ehˇ le-eu meh.

1 Saˬmeuˬlaˆ 2:17

Eˇliˆ-euˬ aˬ li deuˬ neh mˇ-euˬ iˬ baˇ kʼoeˇ, Sahˬpaˬ Miˬyehˇ mehˬ shi huiˬ dui dui-eu iˬ baˇ pyeuꞈ-eu meh. Aˬ jeˬ miˇ neh ehˇ naˇ, Sahˬpaˬ Miˬyehˇ-ahˇ lawˇ nehˬ shehˇ nehˬ-eu jeˬ-ahˇ aˬ yawꞈ maꞈ yehˬ bawˬ sehˇ lu-ehˇ jahˇ-euˬ meh.