1 Saˬmeuˬlaˆ 19:17 - Akha

¹⁷ “Aˬ jeˬ miˇ neh nawˇ ngaˬ-ahˇ teu loꞈ-ehˇ tsawˇ gahˇ gahˇ-awˇ, ngaˬ-ahˇ muiˇ-eu tsawˇ haˬ bi cehˆ dzeuˇ te” lehˇ Miˇkaˬlaˇ-ahˇ Sawˇluˆ ehˇ nehˬ ngeh, “Aˬ yawꞈ ya cehˆ dzeuˇ ni maˬ caw ba nehˬ naˇ, ngaˬ-ahˇ aˬ yawꞈ sehꞈ ma lehˇ lmˬ-eu miˇ neh heu loꞈ-ehˇ jahˇ-euˬ ma” lehˇ, Miˇkaˬlaˇ ehˇ kʼoꞈ nehˬ-euˬ meh.

1 Saˬmeuˬlaˆ 19:17 Referans Kwoze

2 Saˬmeuˬlaˆ 2:22

Aˬbaˬnaˬ tiˬ poˆ paˇ ehˇ-eu, “Ngaˬ-ahˇ taˬ paˇ teh hawˇ-awˬ nawˬ. Ngaˬ neh maˬ bi sehꞈ kʼoeˇ maˬ juˬ ni aˬ jeˬ gʼeh teu naˆ naˆ-ehˇ teh sehꞈ te. Nawˬ-ahˇ ngaˇ sehꞈ shaw naˇ, nawˬ-euˬ aˇ doˆ Yoˇbaˬ-ahˇ ngaˇ aˬ joˆ-ehˇ tahˬ puˬ nmˇ.”

Gaˬlaˬtiˆ 4:16

Nymˬ-mˇ ngaˇ naw maꞈ-ahˇ yaw tsaˬ yaw dawˇ jeˬ ehˇ nehˬ-euˬ miˇ neh, ngaˇ naw maꞈ-ahˇ muiˇ-eu tsawˇ haˬ pyeuꞈ shaw taˬ loˇ.

Maꞈtehˬ 2:16

Nahˇ ma doˆ kʼehˬ paw neh laˇ-euˬ zaˬ siˬ tsawˇ gahˇ ahˇ-eu tsawˇ haˬ kʼoeˇ deuˬ, aˬ yawꞈ-ahˇ tsawˇ gahˇ gahˇ-awˇ gʼoꞈ dzeuˇ-euˬ gaˇ kawˆ Heˬloˆ ya siˬ duˬ ngeh, nui ma pehˇ dui dui-euˬ meh. Kʼoeˇ ngeh, Behˬlehˬhehˬ meuˬ hawˇ-eu kʼoeˇ-euˬ tahˬ gʼoꞈ tahˬ jawˇ kʼaˇ jawˇ-eu, nyiˬ kʼoꞈ-ahˇ neh laꞈ oˆ paw-euˬ aˬ li zaˬ nahˬ dawˬ tawˆ luꞈ-ahˇ sehꞈ jiˇ-eu gʼaˇ duˬ aˬ yawꞈ dawˬ biꞈ-euˬ meh. Zaˬ siˬ tsawˇ gahˇ ahˇ-eu tsawˇ haˬ kʼoeˇ deuˬ neh aˬ yawꞈ-ahˇ ehˇ nehˬ taˬ-euˬ aˬ guiˇ kʼoeˇ siˬ doˆ laˇ-euˬ aˇ yamˬ shaˇ sawˇ duˬ-awˇ, aˬ li zaˬ nahˬ deuˬ-ahˇ bi sehꞈ-eu gʼaˇ duˬ kʼoeˇ loꞈ-ehˇ dawˬ biꞈ-euˬ meh.

1 Sahˬpaˬ 21:20

Eˇliˇyaˆ-ahˇ Aˬhaˆ mawˇ ngeh, “Ngaˬ-ahˇ muiˇ-eu gʼaˬ-oˇ, nawˇ ngaˬ-ahˇ poˆ mawˇ le-euˬ nga laˬ” lehˇ ehˇ nehˬ-euˬ meh. Eˇliˇyaˆ ehˇ-eu, “Ngeuˇ ma. Ngaˇ nawˬ-ahˇ poˆ mawˇ le-euˬ ma. Sahˬpaˬ Miˬyehˇ mehˬ shi yaw lehˬ jeˬ mˇ-eu gʼaˇ duˬ nawˇ maˇ maˇ ni noeˬ tsehˆ taˬ-euˬ meh.

2 Saˬmeuˬlaˆ 17:20

Aˬbaˇsaˬloˬ-euˬ gaˇ mˇ-eu yaw huiˬ yaw mahˇ deuˬ nymˇ kʼoeˇ nymˇ-ahˇ oe-awˇ, “Aˬhiˇmaˆ hawˇ-eu Yawˇnaˆshaˬ aˬ nyaꞈ aˬ gaˇ iˇ taˬ” lehˇ, zaˬ miˬ zaˬ kʼoeˇ gʼaˬ-ahˇ naˇ haˬ le-euˬ meh. Zaˬ miˬ zaˬ kʼoeˇ gʼaˬ gʼeh, “Aˬ yawꞈ nyaꞈ lawˇ baˬ tsehˆ doˆ dzeuˇ-euˬ meh” lehˇ, zaˬ miˬ zaˬ kʼoeˇ gʼaˬ paˇ ehˇ kʼoꞈ nehˬ-euˬ meh. Tsawˇ haˬ kʼoeˇ deuˬ aˬ yawꞈ nyaꞈ-ahˇ poˆ haw kʼawꞈ maˬ poˆ mawˇ nya-ehˇ, Yeˬluˇsaˬlehˬ meuˬ-ahˇ gʼoꞈ leˇ-euˬ meh.

1 Saˬmeuˬlaˆ 28:12

Zaˬ miˬ zaˬ kʼoeˇ gʼaˬ Saˬmeuˬlaˆ-ahˇ ya mawˇ ngeh, “Aˬ jeˬ miˇ neh nawˇ ngaˬ-ahˇ tsawˇ gahˇ gahˇ te. Nawˇ sahˬ paˬ Sawˇluˆ maˬ ngeuˇ loˇ” lehˇ, yaw kʼaˆ-ehˇ guˇ-awˇ ehˇ-eu meh.

1 Saˬmeuˬlaˆ 22:17

Kʼoeˇ naˇ, kʼoeˇ gaˇ yawꞈ luꞈ-eu aˬ yawꞈ-ahˇ loꞈ piˇ-eu guiˇ maꞈ-ahˇ ehˇ nehˬ-eu, “Sahˬpaˬ Miˬyehˇ-euˬ piˇ ma heu deuˬ-ahˇ sehꞈ-awˬ. Aˬ jeˬ miˇ neh ehˇ naˇ, aˬ yawꞈ maꞈ Daˬbiˇ-ahˇ nui ma taꞈ-awˇ, Daˬbiˇ cehˆ doˆ-euˬ gaˇ kawˆ aˬ yawꞈ maꞈ siˬ nya jiˇ kʼawꞈ, ngaˬ-ahˇ maˬ ehˇ nehˬ laꞈ ni zaꞈ taˬ-euˬ meh.” Ehˇ kʼawꞈ, sahˬ paˬ-ahˇ loꞈ piˇ-eu guiˇ maꞈ kʼoeˇ maꞈ, Sahˬpaˬ Miˬyehˇ-euˬ piˇ ma kʼoeˇ deuˬ-ahˇ maˬ sehꞈ-a.

1 Saˬmeuˬlaˆ 19:14

Sawˇluˆ-euˬ tsawˇ haˬ deuˬ Daˬbiˇ-ahˇ nyehꞈ laˇ ngeh, Daˬbiˇ jawˇ saˇ maˬ doˆ-a lehˇ aˬ yawꞈ maꞈ-ahˇ Miˇkaˬlaˇ ehˇ nehˬ-euˬ meh.

1 Saˬmeuˬlaˆ 19:16

Aˬ yawꞈ maꞈ naˬ suˬ laꞈ kʼoeˇ uˇ leˇ haw ngeh, ja ciˬ kʼoeˇ taˆ tahˬ pahˬ aˬ ma mawˇ kawˇ baꞈ yuꞈ taˬ-awˇ, uˬ duˬ-ahˇ ciꞈ myehꞈ caꞈ hm uˬ gʼmˬ yuˇ taˬ-awˇ bi jaˆ gaˇ ya mawˇ-euˬ meh.