1 Saˬmeuˬlaˆ 18:21 - Akha

²¹ “Miˇkaˬlaˇ-ahˇ gʼoe-awˇ Daˬbiˇ-ahˇ lahˇ ju kʼmˇ-eu laꞈ kʼoeˇ, Piˇliˇtiˆ tsawˇ haˬ deuˬ neh bi sehꞈ-eu gʼaˇ duˬ, Miˇkaˬlaˇ Daˬbiˇ-ahˇ bi mˇ dzaˬ-iˇ ma” lehˇ Sawˇluˆ noeˬ-euˬ meh. Kʼoeˇ naˇ, “Nawˇ ngaˬ-euˬ aˬ zaˬ ya geuꞈ meh” lehˇ, Daˬbiˇ-ahˇ aˬ yawꞈ tiˬ poˆ paˇ ehˇ nehˬ-euˬ meh.

1 Saˬmeuˬlaˆ 18:21 Referans Kwoze

1 Saˬmeuˬlaˆ 18:17

“Ngaˬ-ahˇ saˇ jaˇ ziꞈ-eu yehˇ tiˬ gʼaˬ loꞈ-ehˇ, Sahˬpaˬ Miˬyehˇ gʼaˇ duˬ nawˇ kʼaˬ duˬ ni guiˇ deuˆ naˇ, ngaˬ buˇ aˬ yuiꞈ gʼaˬ pyeuꞈ-eu Meˬlaˇ nawˬ-ahˇ bi mˇ dzaˬ laˇ ma” lehˇ, Daˬbiˇ-ahˇ Sawˇluˆ ehˇ nehˬ-euˬ meh. Kʼoeˇ loꞈ-ehˇ jahˇ naˇ, Daˬbiˇ-ahˇ aˬ yawꞈ sehꞈ-eu maˬ loˬ-ehˇ, Piˇliˇtiˆ tsawˇ haˬ deuˬ neh bi deuˆ sehꞈ tehꞈ-a lehˇ Sawˇluˆ noeˬ-euˬ meh.

Yeˬlaˬmiˇ 9:8

Aˬ yawꞈ maꞈ-euˬ mehˬ laˇ shaˆ shiˇ kaˆ myaˬ, jaˬ myawꞈ mehˇ shuiˇ mˇ-eu maˬ naˬ leˇ-a. Yawˬ gʼaˬ na luꞈ dawˬ muiˬ ngehˬ gaˇ duˇ kʼawꞈ, nui ma laꞈ kʼoeˇ lahˇ ju kʼmˇ luꞈ-eu meh.

1 Saˬmeuˬlaˆ 18:26

Sawˇluˆ-euˬ gaˇ mˇ-eu yaw huiˬ yaw mahˇ kʼoeˇ deuˬ, Sawˇluˆ neh ehˇ-euˬ dawˬ kʼoeˇ Daˬbiˇ-ahˇ dzawˇ nehˬ ngeh, sahˬ paˬ-euˬ aˬ zaˬ ya geuꞈ-eu dawˬ peh peh laˇ-euˬ miˇ neh, Daˬbiˇ laˬ kʼaˬ cehˇ-eu meh. Oeˇ mˇ baˇ-eu aˇ nah maˬ keuˆ laˇ mi naˆ-ehˇ,

Doˆ-iˇ 10:7

Kʼoeˇ naˇ, sahˬ paˬ-euˬ gaˇ mˇ-eu yaw huiˬ yaw mahˇ deuˬ sahˬ paˬ -ahˇ ehˇ nehˬ-eu, “Tsawˇ haˬ heu gʼaˬ aˬ dui-ahˇ aˇ myah keuˆ ni laˆ bahˬ-eu lehˇ gʼeh-eu nga. Aˬ yawꞈ maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ uˬ duˬ tahˬ-iˇ-eu gʼaˇ duˬ, Iˇsaˬleˬlaˆ tsawˇ haˬ-ahˇ pyehˬ nehˬ-awˬ. Iˇjiˇtuˆ miˇ kʼahˬ cawˆ-iˇ-eu keuˆ laˇ taˬ-euˬ nymˬ-mˇ keuˆ ni nawˇ maˬ siˬ duˬ-aˬ siˬ loˇ.”

Yeˬlaˬmiˇ 5:26

Ngaˬ-euˬ tsawˇ haˬ laꞈ kʼoeˇ haiˬ-eu deuˬ kʼawꞈ keuˬ-awˇ, aˇ jiˇ lahˇ ju kʼmˇ-awˇ loꞈ-eu loꞈ-ehˇ, tsawˇ haˬ-ahˇ nyehꞈ-eu gʼaˇ duˬ loꞈ-eu meh.

Dawqdaq 29:5

Yawˬ ha-euˬ cawˬ-ahˇ ja poeˬ nehˬ-eu tsawˇ haˬ-aˬ, yawˬ haˇ yawˬ ha lahˇ ju kʼmˇ gaˇ duˇ-eu meh.

Jaceuq 38:12

Ngaˬ-ahˇsehꞈmawꞈ-eu tsawˇhaˬdeuˬ, ngaˬ-euˬmehˬshi lahˇju kʼmˇ-awˇ, ngaˬ-ahˇcoeˬmawꞈciˆmawꞈ-eu deuˬ, dawˬkʼaˆngehˬ-awˇlmˬ-eu laꞈkʼoeˇ, ngaˬ-ahˇlaˆshaˬ-eu lehˇjawˬ-eu, jawˇnaˬmˇ-eu maˬdah-iˬ-a.

1 Saˬmeuˬlaˆ 18:22

Sawˇluˆ-euˬ gaˇ mˇ-eu yaw huiˬ yaw mahˇ deuˬ-ahˇ Sawˇluˆ heu loꞈ-ehˇ ehˇ nehˬ-euˬ meh. “Daˬbiˇ-ahˇ ciˬ cuˇ ni kuˇ-awˇ, heu loꞈ-ehˇ ehˇ nehˬ-awˬ. Sahˬ paˬ Sawˇluˆ nawˬ-ahˇ nui ma tsaˬ dui dui-awˇ, aˬ yawꞈ-euˬ gaˇ mˇ-eu yaw huiˬ yaw mahˇ deuˬ kʼawꞈ nawˬ-ahˇ nui kʼahˇ shiˇ luꞈ meh. Teu miˇ neh sahˬ paˬ-euˬ aˬ buˇ-ahˇ nawˇ sheuˬ mawꞈ naˇ, nymˬ-mˇ aˇ yamˬ tsaˬ dui dui meh lehˇ ehˇ nehˬ-awˬ.”