Ngaˬ neh mˇ-euˬ yaw lehˬ jeˬ jaˆ naˇ kʼawꞈ, iˬ baˇ pyehˬ nehˬ laꞈ-awˬ. Sahˬpaˬ Miˬyehˇ-aˬ, nawˇ hawˇ-eu nawˬ-euˬ zaˬ nawˬ-euˬ uˆ deuˬ-ahˇ sahˬ paˬ bi geuꞈ tehꞈ-a. Aˬ jeˬ miˇ neh ehˇ naˇ, aˬ yawꞈ gʼaˇ duˬ nawˇ guiˇ deuˆ luꞈ-awˇ, yaw dehꞈ kʼaˇ dehꞈ kʼoeˇ keuˆ ni yaw haiˬ jeˬ maˬ mˇ ni nawˇ jawˇ tehꞈ-a.
1 Saˬmeuˬlaˆ 18:17 - Akha17 “Ngaˬ-ahˇ saˇ jaˇ ziꞈ-eu yehˇ tiˬ gʼaˬ loꞈ-ehˇ, Sahˬpaˬ Miˬyehˇ gʼaˇ duˬ nawˇ kʼaˬ duˬ ni guiˇ deuˆ naˇ, ngaˬ buˇ aˬ yuiꞈ gʼaˬ pyeuꞈ-eu Meˬlaˇ nawˬ-ahˇ bi mˇ dzaˬ laˇ ma” lehˇ, Daˬbiˇ-ahˇ Sawˇluˆ ehˇ nehˬ-euˬ meh. Kʼoeˇ loꞈ-ehˇ jahˇ naˇ, Daˬbiˇ-ahˇ aˬ yawꞈ sehꞈ-eu maˬ loˬ-ehˇ, Piˇliˇtiˆ tsawˇ haˬ deuˬ neh bi deuˆ sehꞈ tehꞈ-a lehˇ Sawˇluˆ noeˬ-euˬ meh. Gade chapit la |
1 Saˬmeuˬlaˆ 18:17
22 Referans Kwoze
Kʼoeˇ ngeh, “Sahˬ paˬ-euˬ aˬ buˇ-ahˇ sheuˬ-euˬ aˇ poeˬ sahˬ paˬ nawˬ-ahˇ shaˇ mawꞈ-eu jeˬ-aˬ, aˬ yawꞈ-ahˇ muiˇ-eu Piˇliˇtiˆ tsawˇ haˬ deuˬ-ahˇ nawˇ laꞈ poˆ poˆ nehˬ-eu laꞈ kʼoeˇ, Piˇliˇtiˆ tsawˇ haˬ deuˬ-euˬ baˆ kʼoˆ mehˬ dzaˬ tiˬ yaˇ hmˬ yuˇ kʼoꞈ nehˬ laꞈ naˇ gʼaˬ meh lehˇ, Daˬbiˇ-ahˇ naw maꞈ ehˇ nehˬ-awˬ” lehˇ, aˬ yawꞈ maꞈ-ahˇ Sawˇluˆ ehˇ nehˬ-euˬ meh. Daˬbiˇ-ahˇ Piˇliˇtiˆ tsawˇ haˬ deuˬ neh bi sehꞈ ni, Sawˇluˆ kʼoeˇ loꞈ-ehˇ tsawˇ gahˇ gahˇ-euˬ meh.
Aˬ yawꞈ maꞈ tiˬ gʼaˬ tiˇ gʼaˬ ehˇ-eu, “Aˬ yawꞈ-ahˇ haw sheˇ. Aˬ yawꞈ guˇ gaˇ naˇ haˬ sheˇ. Sahˬ paˬ Sawˇluˆ heu loꞈ-ehˇ saˇ jaˇ dzaˬ taˬ-euˬ maˬ ngeuˇ-a loˇ. Tsawˇ haˬ teu gʼaˬ-ahˇ kʼaˇ deuˆ sehꞈ nya-eu gʼaˬ-ahˇ huiˬ dui dui-eu laꞈ sawˬ biꞈ-awˇ, aˬ yawꞈ-euˬ aˬ buˇ-ahˇ bi sheuˬ-eu uˬ taꞈ, aˬ yawꞈ-euˬ aˬ da-euˬ nymˇ jiˇ kʼawꞈ doˆ-eu ka-eu jeˬ ma bi baꞈ ni bi dzeuˇ-iˇ ma lehˇ saˇ jaˇ dzaˬ taˬ-euˬ maˬ ngeuˇ-a loˇ.”
Kʼoeˇ uˬ taꞈ, Sahˬpaˬ Miˬyehˇ aˬ yawꞈ-euˬ tsawˇ haˬ-ahˇ ka kʼoꞈ-eu gʼaˇ duˬ, gahˬ hawˇ-eu mi cehˇ maˬ gʼoe-eu gaˇ kawˆ, heu gaˇ jawˇ-eu tsawˇ haˬ dawˬ tawˆ luꞈ ya siˬ ya mawˇ duˬ tehꞈ-a. Aˬ yawꞈ-aˬ, gʼaˬ leˇ-eu gʼaˬ pyeuꞈ-awˇ, naw maꞈ dawˬ tawˆ luꞈ-ahˇ nga maꞈ-euˬ aˬ laꞈ laꞈ kʼoeˇ a nehˬ laꞈ tehꞈ-a”
Ngaˇ nawˬ-ahˇ teu naˆ ni mˇ nehˬ taˬ-euˬ kʼawꞈ, aˬ jeˬ miˇ neh ngaˬ-euˬ zahˇ dawˬ kʼoꞈ dawˬ-ahˇ nawˇ maˬ naˇ haˬ geuꞈ te. Aˬ jeˬ miˇ neh teu loꞈ-ehˇ gʼeh-eu yaw haiˬ jeˬ nawˇ mˇ te. Uˇliˇyaˆ guiˇ deuˆ gaˇ bi deuˆ sehꞈ ni nawˬ neh toˆ-awˇ, Aˬmoˬ tsawˇ haˬ neh aˬ yawꞈ-ahˇ bi sehꞈ-awˇ, aˬ yawꞈ-euˬ miˬ zaˬ-ahˇ nawˇ sheuˬ geuꞈ-euˬ meh.
Daˬbiˇ hawˇ-eu aˬ yawꞈ-eu tsawˇ haˬ deuˬ doˆ-iˇ-awˇ, Piˇliˇtiˆ tsawˇ haˬ nyiˬ yaˇ gʼaˬ-ahˇ sehꞈ-euˬ meh. Sahˬ paˬ-euˬ aˬ zaˬ ya geuꞈ ni, sahˬ paˬ jawˇ gaˇ baˆ kʼoˆ mehˬ dzaˬ kʼoeˇ deuˬ yuˇ gʼeh-awˇ gui nehˬ-euˬ meh. Kʼoeˇ naˇ, Sawˇluˆ neh Daˬbiˇ hawˇ-eu Miˇkaˬlaˇ aˬ nyaꞈ-ahˇ bi sheuˬ dahˬ dzaˬ-euˬ meh.
Ziˇkaˬlehˆ meuˬ-ahˇ Daˬbiˇ gʼoꞈ keuˆ leˇ ngeh, Yuˇdaˆ miˇ kʼahˬ laꞈ kʼoeˇ aˬ yuiꞈ aˬ tsu geuꞈ luꞈ-eu aˬ yawꞈ-euˬ cawˬ deuˬ jawˇ gaˇ, aˬ yawꞈ neh guiˇ deuˆ za-euˬ myawˬ gahˬ deuˬ bi biꞈ ha-iˇ-awˇ, “Sahˬpaˬ Miˬyehˇ-ahˇ muiˇ-eu tsawˇ haˬ deuˬ-ahˇ nga maꞈ neh deuˆ za-euˬ myawˬ gahˬ deuˬ laꞈ kʼoeˇ, naw maꞈ-ahˇ kʼawꞈ laꞈ sawˬ biꞈ-eu ma” lehˇ tsaꞈ ahˇ gʼeh-euˬ meh.
Piblisite