1 Saˬmeuˬlaˆ 17:53 - Akha

⁵³ Iˇsaˬleˬlaˆ tsawˇ haˬ deuˬ Piˇliˇtiˆ tsawˇ haˬ deuˬ-euˬ taˆ-ahˇ jaˆ yaꞈ-euˬ myawˬ deuˬ yuˇ geuꞈ-euˬ meh.

1 Saˬmeuˬlaˆ 17:53 Referans Kwoze

Yeˬlaˬmiˇ 30:16

Ehˇ kʼawꞈ, naw maꞈ-ahˇ kawꞈ dzaˬ-euˬ tsawˇ haˬ kʼoeˇ deuˬ, aˬ cawˬ neh kawꞈ dzaˬ gaˇ paˇ ya daˬ-awˇ, naw maꞈ-ahˇ muiˇ-eu tsawˇ haˬ dawˬ tawˆ luꞈ, aˬ cawˬ miˇ kʼahˬ-ahˇ bi nyehꞈ gʼeh tehꞈ-a. Naw maꞈ-ahˇ kʼaˇ kʼaˆ dzaˬ-euˬ tsawˇ haˬ, aˬ cawˬ neh kʼaˆ dzaˬ gaˇ ya daˬ-awˇ, naw maꞈ-euˬ mˇ myawˬ-ahˇ ceh geuꞈ-euˬ deuˬ, aˬ cawˬ neh mˇ myawˬ bi ceh geuꞈ tehꞈ-a.

Yeˬlaˬmiˇ 4:20

Shaˬ zahˬ tiˬ hmˬ kʼoeˇ taˆ tiˬ hmˬ ciˬ tehˬ le-awˇ, miˇ kʼahˬ kʼahˬ lah ni cawˆ-iˇ jiˇ-eu ngaˇ. Nga maꞈ-euˬ sehˬ gʼawˆ deuˬ ja pyuˬ ni pyaˆ-iˇ-awˇ, lawˆ kaˬ saˬ paˇ deuˬ pyaˬ-iˇ jiˇ-euˬ meh.

1 Saˬmeuˬlaˆ 17:52

Iˇsaˬleˬlaˆ tsawˇ haˬ deuˬ hawˇ-eu Yuˇdaˆ tsawˇ haˬ deuˬ guˇ guˇ-ehˇ aˬ yawꞈ maꞈ mehˬ nah teh-awˇ, Gaˬdaˇ meuˬ-ahˇ iˇ-eu gaˇ ma hawˇ-eu Eˇkaˬloˬ meuˬ-euˬ lahˇ kʼehˬ-ahˇ keuˆ ni teh keuˆ-euˬ meh. Shaˬleˬ meuˬ-ahˇ iˇ-eu gaˇ ma tiˬ kahˇ law caw-ehˇ, Gaˬdaˇ meuˬ hawˇ-eu Eˇkaˬloˬ meuˬ-ahˇ keuˆ ni, deuˆ naˇ taˬ-euˬ Piˇliˇtiˆ tsawˇ haˬ deuˬ ga-eu meh.

1 Saˬmeuˬlaˆ 17:54

Daˬbiˇ-aˬ, Gawˇliˇyaˆ-euˬ uˬ duˬ yuˇ-awˇ, Yeˬluˇsaˬlehˬ meuˬ-ahˇ hehˇ kʼoꞈ gʼeh-euˬ meh. Ehˇ kʼawꞈ, Gawˇliˇyaˆ-euˬ guiˇ deuˆ-eu keu ka deuˬ-ahˇ, aˬ yawꞈ-euˬ sehˬ gʼawˆ-ahˇ bi jaˆ yaꞈ-euˬ meh.

1 Saˬmeuˬlaˆ 19:5

Aˬ yawꞈ-euˬ gʼawˇ mawˇ ya shiˇ gaˇ aˬ yawꞈ maˬ guˆ ni, Gawˇliˇyaˆ-ahˇ aˬ yawꞈ sehꞈ-eu laꞈ kʼoeˇ, Iˇsaˬleˬlaˆ tsawˇ jeuˬ gʼaˇ duˬ Sahˬpaˬ Miˬyehˇ guiˇ deuˆ gʼaˬ-euˬ meh. Kʼoeˇ loꞈ-ehˇ jahˇ-euˬ gaˇ ya mawˇ ngeh, nawˇ laˬ kʼaˬ cehˇ-euˬ meh. Toˆ-ehˇ ngeuˇ naˇ, nymˬ-mˇ tiˬ jeˬ-iˬ gaˇ kawˆ maˬ jaˆ gaˇ Daˬbiˇ-ahˇ nawˇ sehꞈ-eu laꞈ kʼoeˇ, mˇ lehˬ taˬ-euˬ jeˬ maˬ jaˆ-eu tsawˇ haˬ-ahˇ aˬ jeˬ miˇ neh yaw haiˬ jeˬ jahˇ nehˬ mawꞈ te.”

2 Saˬmeuˬlaˆ 23:10

Ehˇ kʼawꞈ, aˬ yawꞈ maˬ cehˆ-ehˇ, ziꞈ dah ni yawꞈ-eu laꞈ kʼoeˇ, aˬ laꞈ gʼah dui dui laˇ-euˬ miˇ neh mi cehˇ tuˆ tehˬ taˬ-euˬ maˬ pyehˬ dzeh nya-ehˇ pyeuꞈ laˇ ngeh keuˆ ni guiˇ deuˆ-euˬ meh. Kʼoeˇ ngeh nah, huiˬ dui dui-eu guiˇ tiˬ guiˇ Sahˬpaˬ Miˬyehˇ deuˆ gʼaˬ-euˬ meh. Guiˇ deuˆ gʼaˬ ngeh, Iˇsaˬleˬlaˆ tsawˇ haˬ deuˬ Eˇlaˬzaˬ jawˇ gaˇ paˇ gʼoꞈ laˇ-awˇ, shiˇ taˬ-awˇ ga-eu tsawˇ haˬ deuˬ dawꞈ luꞈ-eu guiˇ deuˆ-eu keu ka deuˬ lehˆ doˆ geuꞈ-euˬ meh.