1 Saˬmeuˬlaˆ 17:44 - Akha

⁴⁴ “Laˇ-awˬ, kʼoeˇ taˆ paw zaw-eu aˇ jiˇ deuˬ hawˇ-eu bawˇ tsahˬ jeˬ zaˬ deuˬ-ahˇ, nawˬ-eu shaˬ jiˇ bi dzaˬ ma” lehˇ, Daˬbiˇ-ahˇ aˬ yawꞈ ehˇ nehˬ-euˬ meh.

1 Saˬmeuˬlaˆ 17:44 Referans Kwoze

Dawqdaq 18:12

Nui ma huiˬ-eu mehˬ nah yaw cawˆ teh-awˇ, nui nahˬ nui yu mehˬ nah taˬ huiˬ taˬ mahˇ-eu jeˬ caw-eu meh.

Yeˬsaˬgeˬlaˇ 28:2

“Tsawˇ haˬ zaˬ-oˇ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ heu loꞈ-ehˇ ehˇ-eu meh lehˇ, Duˇlu meuˬ-ahˇ uˆ lahˇ luꞈ-eu gʼaˬ-ahˇ ehˇ nehˬ-awˬ. “Nui ma huiˬ-eu mahˇ-eu laꞈ kʼoeˇ, ngaˇ miˬ yehˇ ma lehˇ nawˇ ehˇ-awˇ, Iˬ ma laˆ shaˆ gʼahˇ ceh jaˆ-eu, miˬ yehˇ nuiˇ mahˬ nuiˇ-eu ma lehˇ, nawˇ ehˇ taˬ-euˬ dawˬ jaˆ-eu meh. Miˬ yehˇ loꞈ-ehˇ gahˇ ma duˇ kʼawꞈ, miˬ yehˇ maˬ ngeuˇ-a, tsawˇ haˬ meh.

Yeˬlaˬmiˇ 9:23

Sahˬpaˬ Miˬyehˇ ehˇ-eu, “Tsawˇ gahˇ ahˇ-eu tsawˇ haˬ tsawˇ gahˇ kʼahˬ sehˇ taˬ jehˆ. Baoˬ ahˇ-eu tsawˇ haˬ baoˬ kʼahˬ sehˇ taˬ jehˆ. Pyuˇ shuiˇ jaˆ-eu tsawˇ haˬ pyuˇ shuiˇ kʼahˬ sehˇ taˬ jehˆ.

1 Saˬmeuˬlaˆ 17:46

Iˬ nah Sahˬpaˬ Miˬyehˇ-aˬ, nawˬ-euˬ gʼawˇ mawˇ-ahˇ ngaˬ-euˬ aˬ laꞈ laꞈ kʼoeˇ a nehˬ laꞈ tehꞈ-a. Nawˬ-ahˇ ngaˇ deuˆ gʼaˬ-awˇ, nawˬ-euˬ uˬ duˬ ngaˇ toˆ tsehˆ ma. Kʼoeˇ naˇ, shiˇ taˬ-awˇ ga-eu Piˇliˇtiˆ yehˇ deuˬ, aˇ jiˇ hawˇ-eu bawˇ tsahˬ jeˬ zaˬ deuˬ-ahˇ ngaˇ bi dzaˬ ma. Kʼoeˇ ngeh, Iˇsaˬleˬlaˆ tsawˇ jeuˬ nehˬ-ehˇ Miˬyehˇ jawˇ-eu gaˇ kawˆ, miˇ kʼahˬ dawˬ tawˆ luꞈ ya siˬ tehꞈ-a.

Panmaeq 19:17

Kʼoeˇ naˇ, nahˇ ma kʼoeˇ taˆ yawꞈ luꞈ-eu mˬ taˆ gʼaˬ kʼehˇ tiˬ gʼaˬ-ahˇ ngaˇ ya mawˇ-euˬ ma. Mˬ-euˬ gʼahˇ ceh kʼaˇ zaw luꞈ-eu aˇ jiˇ dawˬ tawˆ luꞈ-ahˇ, aˬ yawꞈ yaw kʼaˆ-ehˇ guˇ-awˇ heu loꞈ-ehˇ ehˇ nehˬ-euˬ meh. “Miˬyehˇ-euˬ huiˬ dui dui-eu bawˬ-iˬ-ahˇ uiˬ laˇ bymˇ laˇ-awˬ.

1 Saˬmeuˬlaˆ 14:12

Kʼoeˇ naˇ, Yawˇnaˆshaˬ hawˇ-eu aˬ yawꞈ-euˬ guiˇ deuˆ-eu keu ka baꞈ luꞈ-eu zaˬ guˬ aˬ nyaꞈ-ahˇ aˬ yawꞈ maꞈ guˇ-awˇ, “Heu gaˇ laˇ sheˇ. Naw nyaꞈ-ahˇ tiˬ jeˬ ehˇ nehˬ nyaˇ” lehˇ ehˇ-eu meh. Kʼoeˇ ngeh, aˬ yawꞈ-euˬ guiˇ deuˆ-eu keu ka baꞈ luꞈ-eu zaˬ guˬ kʼoeˇ gʼaˬ-ahˇ, “Ngaˬ-euˬ mehˬ nah caw teh laˇ-awˬ. Sahˬpaˬ Miˬyehˇ neh Iˇsaˬleˬlaˆ tsawˇ haˬ deuˬ-ahˇ Piˇliˇtiˆ tsawˇ haˬ deuˬ kʼoeˇ taˆ bi gʼaˬ leˇ nehˬ laꞈ-euˬ yaw duˬ baw ngaˇ” lehˇ Yawˇnaˆshaˬ ehˇ nehˬ-euˬ meh.

2 Saˬmeuˬlaˆ 21:10

Sawˇluˆ-euˬ ma nyiˇ pyeuꞈ-eu Aˬiˇyaˬ-euˬ aˬ buˇ Yiˇzaˬpaˬ gʼaˬ, tsawˇ shiˇ kʼoeˇ deuˬ ga-eu dawˬ peh kʼaˬ lo kʼoeˇ taˆ guˬ daˇ pehˇ zeuˇ saˬ paˇ neh sehˬ gʼawˆ gʼawˆ-awˇ, cehˇ yehˬ dahˬ beh ngeh yamˬ-ahˇ neh yehˇ gʼahˇ ahˇ le ngeh keuˆ ni loꞈ-euˬ meh. Shiˇ taˬ-euˬ tsawˇ haˬ kʼoeˇ deuˬ-ahˇ, nah gʼahˇ paw aˇ jiˇ maˬ ya bi dzaˬ-eu gʼaˇ duˬ maˬ ehˇ, uˬ ciꞈ paw haiˬ-eu jeˬ zaˬ deuˬ maˬ ya bi dzaˬ-eu gʼaˇ duˬ maˬ ehˇ, aˬ yawꞈ loꞈ piˇ-euˬ meh.

Yeˬlaˬmiˇ 34:20

Aˬ yawꞈ maꞈ-ahˇ sehꞈ mawꞈ-euˬ muiˇ-eu deuˬ-euˬ aˬ laꞈ laꞈ kʼoeˇ, aˬ yawꞈ maꞈ-ahˇ ngaˇ a nehˬ-awˇ aˬ yawꞈ maꞈ-euˬ gʼawˇ mawˇ-ahˇ, bawˇ tsahˬ jeˬ zaˬ hawˇ-eu aˇ jiˇ deuˬ neh bi dzaˬ jiˇ ma.