1 Saˬmeuˬlaˆ 17:34 - Akha

³⁴ Daˬbiˇ ehˇ-eu, “Sahˬ paˬ-oˇ, ngaˇ-aˬ ngaˬ da-euˬ yawˇ deuˬ-ahˇ bo saˆ haw piˇ-eu gʼaˬ ma. Aˇ laˬ jaˬ shiˇ hawˇ-eu kʼaˬ hmˇ deuˬ yawˇ zaˬ baꞈ dzaˬ laˇ ngeh,

1 Saˬmeuˬlaˆ 17:34 Referans Kwoze

HeˬByehˇ 11:33

Jah-eu jeˬ baˬ da neh aˬ cawˬ-euˬ miˇ kʼahˬ deuˬ-ahˇ aˬ yawꞈ maꞈ guiˇ deuˆ gʼaˬ-euˬ meh. Yaw tsaˬ yaw dawˇ jeˬ aˬ yawꞈ maꞈ mˇ-awˇ, Miˬyehˇ neh saˇ jaˇ dzaˬ taˬ-euˬ jeˬ-ahˇ za-euˬ meh. Aˇ laˬ jaˬ shiˇ-ahˇ mehˬ cuꞈ cuꞈ nya-euˬ meh.

Yaˇ kʼaˬ daˇ 14:6

Ja pyuˬ ni, Sahˬpaˬ Miˬyehˇ-euˬ baoˬ Saˬsoˬ-ahˇ gʼaˬ bi kʼaˆ laˇ-awˇ, ciꞈ myehꞈ ciꞈ zaˬ-ahˇ ngawˬ paˆ-eu loꞈ-ehˇ, aˇ laˬ jaˬ shiˇ kʼoeˇ mawˇ-ahˇ aˬ yawꞈ-euˬ aˬ laꞈ neh ngawˬ paˆ dzeh-euˬ meh. Ehˇ kʼawꞈ, aˬ yawꞈ kʼoeˇ loꞈ-ehˇ jahˇ-euˬ gaˇ kawˆ, aˬ yawꞈ-euˬ aˬ da aˬ ma-ahˇ aˬ yawꞈ maˬ ehˇ nehˬ-a.

1 Saˬmeuˬlaˆ 17:33

Sawˇluˆ ehˇ-eu, “Nawˇ aˬ joˆ-ehˇ jahˇ-awˇ aˬ yawꞈ-ahˇ deuˆ ceh ceh nya nmˇ. Nawˇ-aˬ, aˬ li zaˬ guˬ tehꞈ nga siˬ. Aˬ yawꞈ-aˬ, guiˇ deuˆ myahˇ laꞈ-euˬ yehˇ tiˬ gʼaˬ meh.”

1 Saˬmeuˬlaˆ 17:35

ngaˇ caw teh gʼeh-awˇ ceh-iˇ-eu laꞈ kʼoeˇ, yawˇ zaˬ-ahˇ ka kʼoꞈ-euˬ ma. Aˇ laˬ jaˬ shiˇ hawˇ-eu kʼaˬ hmˇ deuˬ ngaˬ-ahˇ ceh laˇ naˇ, kuˬ byahˬ-ahˇ tsuˆ tehˬ-awˇ diˬ sehꞈ-euˬ ma.

Aˬmoˆ 3:12

Sahˬpaˬ Miˬyehˇ ehˇ-eu, “Aˇ laˬ jaˬ shiˇ neh bi kawꞈ sehꞈ dzaˬ-euˬ yawˇ tiˬ mawˇ-euˬ aˬ kuiˇ nyiˬ kahˬ hawˇ-eu naˬ paꞈ tiˬ pyawˬ tehꞈ-ehˇ, yawˇ bo-eu gʼaˬ mawˇ kʼoꞈ-euˬ loꞈ-ehˇ, nymˬ-mˇ muiˬ-eu ja ciˬ kʼoeˇ taˆ saˇ lehˆ ni dehꞈ byawˬ luꞈ-eu Saˬmaˬliˆ meuˬ-ahˇ jawˇ-eu tsawˇ haˬ deuˬ laꞈ kʼoeˇ, ui cuiˆ tehꞈ-ehˇ ya buˬ ya law-iˇ tehꞈ-a.”

Aˇ dahˬ 31:39

Nawˬ-euˬ yawˇ deuˬ-ahˇ bawˇ tsahˬ jeˬ zaˬ yaw haiˬ deuˬ neh kawꞈ sehꞈ-awˇ, ya sm-iˇ-euˬ aˬ geu poˆ maˬ kaˬ, sm-euˬ shaˬ bymˇ kʼoeˇ ngaˇ tehꞈ-ehˇ baꞈ-euˬ ma. Yawˬ ha-ahˇ maˬ bi daˇ laˇ-eu gʼaˇ duˬ, ngaˬ neh laˆ sehꞈ-euˬ maˬ ngeuˇ lehˇ ngaˇ ehˇ-awˇ, nawˬ-ahˇ baꞈ mawˇ nehˬ le-euˬ tiˬ poˆ-iˬ maˬ jaˆ. Uˬ ciꞈ nah gʼahˇ maˬ tseˇ paˆ ni, jeˬ zaˬ kʼaˇ byoˆ ngeh nawˇ ngaˬ-ahˇ bi tsoeˬ laꞈ-euˬ meh.

1 Saˬmeuˬlaˆ 17:15

Daˬbiˇ gʼaˬ maˬ myahˇ kaˬ-ahˇ Behˬlehˬhehˬ meuˬ-ahˇ gʼoꞈ-iˇ-awˇ, aˬ yawꞈ aˬ da-euˬ yawˇ deuˬ-ahˇ ya haw-iˇ-eu meh.

2 Saˬmeuˬlaˆ 17:8

Nawˬ da Daˬbiˇ hawˇ-eu aˬ yawꞈ-euˬ tsawˇ haˬ deuˬ-aˬ, guiˇ deuˆ-eu kʼaˆ dui dui-awˇ, kʼaˬ hmˇ zaˬ bi nyehꞈ geuꞈ-euˬ kʼaˬ hmˇ aˬ ma tiˬ mawˇ loꞈ-ehˇ, guˆ dui dui laˇ paˬ-ehˇ gʼeh-eu tsawˇ haˬ deuˬ pyeuꞈ-eu gaˇ kawˆ nawˇ siˬ nya meh. Nawˬ da-aˬ, guiˇ mˇ myahˇ laꞈ-euˬ tsawˇ haˬ tiˬ gʼaˬ pyeuꞈ-awˇ, uˬ ciꞈ paw aˬ yawꞈ-euˬ tsawˇ haˬ deuˬ nehˬ-ehˇ aˬ yawꞈ maˬ yuꞈ-a.

2 Saˬmeuˬlaˆ 23:20

Kaˬzeˬlaˇ meuˬ-ahˇ jawˇ-eu Yeˬhawˇ yaˬdaˬ-euˬ aˬ li Baˬnaˇyaˬ kʼawꞈ, tsawˇ myahˇ doˆ-eu yehˇ tiˬ gʼaˬ pyeuꞈ-eu meh. Tsawˇ myahˇ doˆ-eu Mawˇbaˆ yehˇ nyiˬ gʼaˬ-ahˇ sehꞈ-euˬ poˆ gui ahˇ-ehˇ, aˬ yawꞈ neh mˇ taˬ-euˬ ja ceuˬ paˬ-ehˇ gʼeh-eu gʼawˬ mya jeˬ jaˆ-eu meh. Tiˬ poˆ-aˬ, juˬ kʼoeˬ tmˬ-eu aˇ nah tiˬ nah-ahˇ, duˬ kʼahˬ tiˬ kʼahˬ-ahˇ aˬ yawꞈ uˇ-iˇ-awˇ, aˇ laˬ jaˬ shiˇ tiˬ mawˇ sehꞈ-euˬ meh.

1 Laˬsaˬbaˬ 11:22

Kaˬzeˬlaˇ meuˬ-ahˇ jawˇ-eu Yeˬhawˇyaˬdaˬ-euˬ aˬ li Baˬnaˇyaˬ kʼawꞈ, tsawˇ myahˇ doˆ-euˬ yehˇ tiˬ gʼaˬ pyeuꞈ-eu meh. Tsawˇ myahˇ doˆ-eu Mawˇbaˆ yehˇ nyiˬ gʼaˬ-ahˇ sehꞈ-euˬ poˆ gui ahˇ-ehˇ, aˬ yawꞈ neh mˇ taˬ-euˬ ja ceuˬ paˬ-ehˇ gʼeh-eu gʼawˬ mya jeˬ jaˆ-eu meh. Tiˬ poˆ-aˬ, juˬ kʼoeˬ tmˬ-eu aˇ nah tiˬ nah-ahˇ, lo kʼahˬ tiˬ kʼahˬ-ahˇ aˬ yawꞈ uˇ-iˇ-awˇ, aˇ laˬ jaˬ shiˇ tiˬ mawˇ sehꞈ-euˬ meh.

Jaceuq 143:5

Dzeuˇ yaꞈ-euˬ aˇ nah aˇ yamˬ deuˬ-ahˇ noeˬ mawˇ laˇ miˇ-a. Nawˬ neh mˇ dzeuˇ shaˇ dzeuˇ yaꞈ-euˬ deuˬ-ahˇ ngaˇ shaˇ noeˬ-awˇ, gaˇ kawˆ kʼoeˇ deuˬ-ahˇ ngaˬ-euˬ nui ma laꞈ kʼoeˇ shaˇ sawˇ luꞈ-eu ma.

Yeˬsaˬgeˬlaˇ 34:12

Cah byaˆ jiˇ-euˬ yawˇ deuˬ-ahˇ yawˇ bo-eu yaw sahˇ poˆ kʼoꞈ uiˬ-eu loꞈ-ehˇ, ngaˬ-euˬ yawˇ deuˬ-ahˇ ngaˇ poˆ kʼoꞈ uiˬ ma. Juˬ kʼoeˬ tmˬ-awˇ mˬ zahˇ tsui ni gʼeh ngeh nah aˬ yawꞈ maꞈ kʼaˇ cehˆ byaˆ taˬ-euˬ gaˇ, ngaˇ poˆ mawˆ kʼoꞈ ma.

Zaˬkaˬliˇ 9:7

Shiˬ maˬ dzeˇ-eu shaˬ jiˇ hawˇ-eu, maˬ dzaˬ kʼmˬ-eu dzaˇ dawˬ tawˆ luꞈ, aˬ yawꞈ maꞈ maˬ paˇ bi dzaˬ ma. Kʼaˇ dehꞈ kʼaˇ dzeuˇ-iˇ-euˬ dawˬ tawˆ, Yuˇdaˆ tsawˇ jeuˬ tiˬ jeuˬ loꞈ-ehˇ, ngaˬ-euˬ tsawˇ haˬ bi pyeuꞈ laˇ ma. Eˇkaˬloˬ tsawˇ haˬ kʼoeˇ deuˬ kʼawꞈ, Yeˬbuˇ tsawˇ haˬ deuˬ-ahˇ duˇ ni, ngaˬ-euˬ tsawˇ haˬ bi pyeuꞈ laˇ ma.

Zaˬkaˬliˇ 11:16

Yawˇ bo-eu yaw sahˇ tiˬ gʼaˬ-ahˇ kʼehˇ-awˇ, ngaˬ-euˬ yawˇ bi bo-eu lehˇ gʼeh-eu ma. Ehˇ kʼawꞈ shaˬ zahˬ naꞈ-eu yawˇ deuˬ-ahˇ ngehˬ maˬ gʼeh-ehˇ, byoˆ-iˇ-euˬ yawˇ maˬ poˆ kʼoꞈ-eu uˬ taꞈ, naˇ luꞈ-eu yawˇ-ahˇ maˬ laˆ taˬ ni, jawˇ saˇ doˆ-eu yawˇ deuˬ-ahˇ kʼawꞈ dzaˇ maˬ bi dzaˬ-aˇ. Tsuˇ dui dui-eu yawˇ deuˬ-ahˇ aˬ yawꞈ sehꞈ dzaˬ-awˇ, kuiˇ sehˬ toˆ paˆ dzeh tehꞈ-a.

Luˇkaꞈ 2:8

Miˇ kʼahˬ kʼoeˇ kʼahˬ-ahˇ jawˇ-eu yawˇ bo-eu tsawˇ haˬ tiˬ deuˬ, yaˇ peuˬ-ahˇ yawˇ bo yaꞈ-euˬ meh.

Yoˇhaˬ 10:11

“Ngaˇ-aˬ, muiˬ-eu yawˇ bo-eu yaw sahˇ ma. Yawˇ deuˬ-euˬ gʼaˇ duˬ ngaˇ shiˇ dah peuˬ ma.

Lormav 5:4

Aˬ dui daˬ coeˇ oˇ coeˇ-eu baˬ da neh, lawˬ haw-eu jeˬ-ahˇ gʼaˬ leˇ-euˬ tsawˇ haˬ deuˬ lehˇ, Miˬyehˇ aˬ dui-ahˇ sawˇ nehˬ laꞈ tehꞈ-a. Aˬ yawꞈ kʼoeˇ loꞈ-ehˇ sawˇ nehˬ laꞈ-eu baˬ da neh, noeˬ tmˬ-eu jeˬ jaˆ laˇ tehꞈ-a.

Panmaeq 13:2

Jeˬ zaˬ kʼoeˇ mawˇ kʼaˬ zuiˬ-ahˇ duˇ-eu meh. Aˬ kuiˇ aˬ laꞈ kʼaˬ hmˇ-ahˇ duˇ-awˇ, kʼaˬ meh aˇ laˬ jaˬ shiˇ-ahˇ duˇ-eu meh. Byaˆ yahˬ kʼoeˇ mawˇ-aˬ, aˬ yawꞈ-euˬ baoˬ maˬ ehˇ, dzoeˬ dzaˬ nuiˇ mahˬ maˬ ehˇ, huiˬ dui dui-eu uˆ lahˇ-eu baoˬ maˬ ehˇ, jeˬ zaˬ kʼoeˇ mawˇ-ahˇ biꞈ-euˬ meh.