1 Saˬmeuˬlaˆ 17:26 - Akha

²⁶ Aˬ yawꞈ dawˬ peh jawˇ-eu deuˬ-ahˇ Daˬbiˇ naˇ haˬ-eu, “Tsawˇ haˬ heu gʼaˬ-ahˇ sehꞈ-awˇ, Iˇsaˬleˬlaˆ miˇ kʼahˬ-ahˇ noeˬ shaˬ noeˬ zahˬ-eu jeˬ laꞈ kʼoeˇ neh ka kʼoꞈ nehˬ nya-eu gʼaˬ aˬ jeˬ laꞈ sawˬ za meh ehˇ ta lehˇ. Dehꞈ luꞈ-eu Miˬyehˇ-euˬ guiˇ maꞈ-ahˇ guˇ guˇ-ehˇ lmˬ paˬ-ehˇ, Miˬyehˇ-ahˇ maˬ siˬ nya-eu teu loꞈ-ehˇ gʼeh-eu lawˇ ciꞈ ciꞈ kʼaˆ pyeuꞈ-eu Piˇliˇtiˆ tsawˇ haˬ teu gʼaˬ aˬ pa jeˬ-a.”

1 Saˬmeuˬlaˆ 17:26 Referans Kwoze

1 Saˬmeuˬlaˆ 11:2

Naˬhaˆ ehˇ-eu, “Naw maꞈ yawˬ gʼaˬ na luꞈ-euˬ myaˆ nuiˆ aˇ maˇ paw nuiˆ tsawˆ behꞈ nehˬ jiˇ-awˇ, Iˇsaˬleˬlaˆ tsawˇ haˬ dawˬ tawˆ luꞈ-euˬ nui ma-ahˇ deuˬ leˇ ni mˇ haw nehˬ gʼaˬ miˇ tsa maˬ ngeuˇ naˇ, naw maꞈ nehˬ ehˇ ngaˇ saˇ jaˇ maˬ dzaˬ.”

Dawˬmehˬ 5:26

Dehꞈ luꞈ-eu Miˬyehˇ miˬ dzaˬ laꞈ kʼoeˇ dawˬ ngehˬ gaˇ ya gaˬ gʼaˬ-awˇ, maˬ shiˇ ni dehꞈ-eu tsawˇ haˬ zaˬ jawˇ meh loˇ.

1 Saˬmeuˬlaˆ 17:36

Aˇ laˬ jaˬ shiˇ hawˇ-eu kʼaˬ hmˇ deuˬ-ahˇ ngaˇ sehꞈ-euˬ loꞈ-ehˇ, dehꞈ luꞈ-eu Miˬyehˇ-euˬ guiˇ maꞈ-ahˇ guˇ guˇ-ehˇ lmˬ luꞈ-eu, Miˬyehˇ-ahˇ maˬ siˬ nya-eu lawˇ ciꞈ zaˬ pyeuꞈ-eu Piˇliˇtiˆ tsawˇ haˬ kʼoeˇ gʼaˬ-ahˇ kʼawꞈ, kʼoeˇ loꞈ-ehˇ jahˇ nehˬ ma.

1 Saˬmeuˬlaˆ 17:10

Ngaˬ nehˬ-ehˇ deuˆ ceh ceh peuˬ-eu tsawˇ haˬ tiˬ gʼaˬ, iˬ nah tseˇ doˆ-awˬ lehˇ, Iˇsaˬleˬlaˆ tsawˇ haˬ deuˬ-ahˇ ngaˇ kuˇ-eu ma.”

1 Saˬmeuˬlaˆ 14:6

Aˬ yawꞈ-euˬ guiˇ deuˆ-eu keu ka baꞈ luꞈ-eu zaˬ guˬ kʼoeˇ gʼaˬ-ahˇ Yawˇnaˆshaˬ ehˇ nehˬ-eu, “Sahˬpaˬ Miˬyehˇ-ahˇ maˬ siˬ nya-eu Piˇliˇtiˆ tsawˇ haˬ kʼoeˇ deuˬ-euˬ taˆ-ahˇ aˇ nyaꞈ le tsehˆ haw kaˇ-euˇ. Sahˬpaˬ Miˬyehˇ aˇ nyaꞈ-ahˇ caw ba nehˬ laꞈ-eu duˇ. Aˬ dui-euˬ tsawˇ haˬ aˇ naˆ ni cuiˆ kʼawꞈ, aˬ yawꞈ caw ba nehˬ laꞈ-awˇ, aˬ dui gʼaˬ leˇ ni aˬ yawꞈ jahˇ naˇ, tiˬ jeˬ-iˬ maˬ laˆ tsoeˬ nya-aˇ.”

2 Sahˬpaˬ 19:4

Dehꞈ luꞈ-eu Miˬyehˇ-ahˇ bi naˬ gʼa-eu gʼaˇ duˬ, Aˬshuˇliˆ sahˬ paˬ neh aˬ yawꞈ-euˬ yaw huiˬ yaw mahˇ deuˬ-ahˇ pyehˬ gʼeh leꞈ-euˬ meh. Kʼoeˇ loꞈ-ehˇ naˬ gʼa-eu dawˬ-ahˇ, nawˬ-euˬ Miˬyehˇ pyeuꞈ-eu Sahˬpaˬ Miˬyehˇ ya gaˬ-awˇ, naˬ gʼa le-euˬ tsawˇ haˬ kʼoeˇ deuˬ-ahˇ kʼehˬ nehˬ kʼaˆ nehˬ luꞈ-uˇ. Kʼoeˇ miˇ neh, maˬ shiˇ dzeuˇ-ehˇ dehꞈ luꞈ-eu tsawˇ haˬ deuˬ gʼaˇ duˬ, Miˬyehˇ-ahˇ guiˬ lahˬ shaˇ-awˬ.”

Daˬyeˬlaˇ 9:16

Nga maꞈ lehˬ-iˇ-euˬ miˇ-a. Dzeuˇ laˇ ngeh, nga maꞈ-ahˇ nawˇ haw piˇ nehˬ laꞈ-euˬ meh. Kʼoeˇ miˇ neh, Yeˬluˇsaˬlehˬ meuˬ-ahˇ nui ma taˬ pehˇ nehˬ laꞈ. Kʼoeˇ-aˬ, nawˬ-euˬ meuˬ meh. Nawˬ-euˬ muiˬ-eu shawˇ-eu gawˬ jawˬ meh. Nga maꞈ-euˬ iˬ baˇ hawˇ-eu nga maꞈ-euˬ aˬ poeˬ aˬ bawˇ deuˬ neh mˇ-euˬ yaw lehˬ jeˬ baˬ da neh, dawˬ peh jaˆ-eu miˇ kʼahˬ deuˬ-ahˇ jawˇ-eu tsawˇ haˬ deuˬ, Yeˬluˇsaˬlehˬ meuˬ hawˇ-eu nawˬ-euˬ tsawˇ haˬ deuˬ-ahˇ ja bu luꞈ meh.

Yeˬlaˬmiˇ 10:10

Ehˇ kʼawꞈ Sahˬpaˬ Miˬyehˇ nawˇ-aˬ, maˇ maˇ ni gʼeh-eu Miˬyehˇ meh. Nawˇ dehꞈ luꞈ-eu Miˬyehˇ pyeuꞈ-awˇ, mˬ maˬ maˬ byaˆ zaˇ ziˇ nawˇ sahˬ paˬ meh. Nawˇ nui ma pehˇ laˇ ngeh, miˇ tsaˬ tahˬ kʼawˇ yaw dzuˬ dzuˬ-awˇ, miˇ kʼahˬ tsawˇ jeuˬ nawˬ-euˬ nui pehˇ maˬ daˬ coeˇ-a.

Jaceuq 79:12

Sahˬpaˬ Miˬyehˇ-oˇ, aˬ cawˬ tsawˇ jeuˬ kʼoeˇ deuˬ nawˬ-ahˇ yehˬ bawˬ sehˇ lu-ehˇ gʼeh-euˬ miˇ neh, shiꞈ poˆ keuˆ ni aˬ yawꞈ maꞈ-ahˇ paˇ jahˇ kʼoꞈ nehˬ-awˬ.

Jaceuq 44:13

Aˬcawˬneh bi naˬgʼa-eu lehˇ, nawˇnga maꞈ-ahˇmˇlaꞈ-euˬmeh. dawˬpeh jawˇ-eu deuˬuiˇuiˇ-ehˇ, nga maꞈ-ahˇehˇniˇgʼa-eu meh.

Neˬhaˬmiˇ 5:9

Kʼoeˇ naˇ, ngaˇ heu loꞈ-ehˇ ehˇ-euˬ ma. “Naw maꞈ mˇ luꞈ-eu teu maˬ tsaˬ-a. Naw maꞈ Miˬyehˇ-ahˇ guˆ-awˇ yaw tsaˬ jeˬ mˇ-eu laꞈ kʼoeˇ, aˬ dui-ahˇ muiˇ-eu lawˇ ciꞈ zaˬ deuˬ neh bi ja doeˇ kʼaˇ maˬ za ni dehꞈ-eu tsaˬ meh.

1 Yoˇhaˬ 5:20

Maˇ maˇ ni gʼeh-eu Miˬyehˇ-ahˇ aˬ dui siˬ nya laˇ ni, Miˬyehˇ-euˬ Zaˬmaˇ oe-awˇ noeˬ siˬ noeˬ mawˇ nya-eu tsawˇ gahˇ biꞈ laꞈ-euˬ meh lehˇ aˬ dui siˬ nya ma. Aˬ yawꞈ-euˬ Zaˬmaˇ Yeˬsuˇ Ka li laꞈ kʼoeˇ aˬ dui jawˇ luꞈ-eu miˇ neh, maˇ maˇ ni gʼeh-eu Miˬyehˇ laꞈ kʼoeˇ aˬ dui jawˇ luꞈ-eu ma. Heu-aˬ, maˇ maˇ ni gʼeh-eu Miˬyehˇ hawˇ-eu mˬ maˬ maˬ byaꞈ zaˇ ziˇ dehꞈ-eu jeˬ pyeuꞈ-eu meh.

1 Teˇsaˬloˇni 1:9

Nga maꞈ naw maꞈ jawˇ gaˇ oe ngeh naw maꞈ neh nga maꞈ-ahˇ aˬ joˆ-ehˇ ha geuꞈ nehˬ laꞈ-euˬ gaˇ kawˆ hawˇ-eu, maˇ maˇ ni gʼeh-eu dehꞈ luꞈ-eu Miˬyehˇ-ahˇ uˬ duˬ tahˬ-eu gʼaˇ duˬ, tahˬ pahˬ aˬ ma mawˇ kawˇ deuˬ-ahˇ naw maꞈ aˬ joˆ-ehˇ byehˇ dzeh-euˬ gaˇ kawˆ, tsawˇ haˬ kʼoeˇ deuˬ dawˬ tawˆ luꞈ ja luꞈ-eu meh.

Yawˇlaˆ 2:19

Aˬ yawꞈ maꞈ-ahˇ aˬ yawꞈ ehˇ-eu, “Cehˇ, aˬ gaꞈ dzaˇ uiˇ, saˬ loˬ tsiˇ, heu deuˬ naw maꞈ-ahˇ ngaˇ biꞈ-awˇ, nui kʼahˇ tiˬ shiˇ bi dzaˬ dehˆ ma. Aˬ cawˬ tsawˇ jeuˬ deuˬ naw maꞈ-ahˇ, yehˬ bawˬ-ehˇ maˬ paˇ bi gʼeh ma.

Jaceuq 74:18

Ehˇ kʼawꞈ, Sahˬpaˬ Miˬyehˇ-oˇ, muiˇ-eu deuˬ nawˬ-ahˇ uiˇ luꞈ gaˇ taˬ ngehˇ. Miˬyehˇ maˬ baw-eu tsawˇ haˬ deuˬ nawˬ-euˬ tsawˇ myahˇ-ahˇ yehˬ bawˬ sehˇ lu-ehˇ ehˇ luꞈ gaˇ taˬ ngehˇ.

1 Saˬmeuˬlaˆ 17:30

Aˬ yawꞈ kʼaˇ naˇ haˬ doe-euˬ tsawˇ haˬ dawˬ tawˆ luꞈ, aˬ yawꞈ tiˬ dawˬ tehꞈ-ehˇ ehˇ kʼoꞈ nehˬ-euˬ meh.

1 Saˬmeuˬlaˆ 31:4

Kʼoeˇ ngeh, aˬ yawꞈ-euˬ guiˇ deuˆ-eu keu ka baꞈ luꞈ-eu zaˬ guˬ-ahˇ, “Miˬyehˇ maˬ baw-eu Piˇliˇtiˆ tsawˇ haˬ heu deuˬ ngaˬ-ahˇ kʼaˇ gʼeh mawꞈ-eu gʼeh-awˇ maˬ bi sehꞈ mawꞈ nya. Nawˬ-euˬ mi cehˇ gʼeu doˆ-awˇ ngaˬ-ahˇ sehꞈ-awˬ” lehˇ, Sawˇluˆ ehˇ nehˬ-euˬ meh. Ehˇ kʼawꞈ, zaˬ guˬ kʼoeˇ gʼaˬ kʼoeˇ loꞈ-ehˇ maˬ jahˇ peuˬ-a. Kʼoeˇ miˇ neh, yawˬ haˇ yawˬ ha mi cehˇ gʼawˇ daˬ-awˇ, coˬ daˆ sehꞈ-euˬ meh.

Yeˬlaˬmiˇ 9:25

Sahˬpaˬ Miˬyehˇ ehˇ-eu, “Nui ma laꞈ kʼoeˇ keuˆ ni baˆ kʼoˆ mehˬ dzaˬ maˬ yehˬ-ehˇ, zahˇ kʼaˇ deˬ maˬ deˬ laꞈ nyiˇ paw tehꞈ-ehˇ baˆ kʼoˆ mehˬ dzaˬ yehˬ taˬ-euˬ tsawˇ haˬ deuˬ-ahˇ, ngaˇ kʼehˬ nehˬ kʼaˆ nehˬ-eu aˇ yamˬ keuˆ le luꞈ meh.

Yeˬlaˬmiˇ 9:26

Iˇjiˇtuˆ miˇ kʼahˬ, Yuˇdaˆ miˇ kʼahˬ, Eˬdoˬ miˇ kʼahˬ, Aˬmoˬ miˇ kʼahˬ, Mawˇbaˆ miˇ kʼahˬ hawˇ-eu gaˇ mahˇ kaˬ gaˇ jaˆ-eu kʼaˇ shuiꞈ deh ga miˇ kʼahˬ-ahˇ kʼaˇ jawˇ-eu tsawˇ haˬ dawˬ tawˆ luꞈ-ahˇ, ngaˇ kʼehˬ nehˬ kʼaˆ nehˬ ma. Gaˇ mahˇ kaˬ-eu kʼaˇ shuiꞈ deh ga miˇ kʼahˬ-ahˇ jawˇ-eu tsawˇ jeuˬ heu deuˬ dawˬ tawˆ luꞈ, nui ma keuˆ-awˇ uˬ jehˆ jehˆ dzeh-eu maˬ ngeuˇ-a. Iˇsaˬleˬlaˆ tsawˇ ha dawˬ tawˆ luꞈ kʼawꞈ, nui ma laꞈ kʼoeˇ keuˆ ni baˆ kʼoˆ mehˬ dzaˬ yehˬ taˬ-euˬ tiˬ gʼaˬ-iˬ maˬ ahˇ-a.”

Yeˬsaˬgeˬlaˇ 28:10

Boeˇ miˬ siˬ kʼaˬ deuˬ-euˬ laꞈ-ahˇ baˆ kʼoˆ mehˬ dzaˬ maˬ yehˬ taˬ-euˬ, tsawˇ haˬ loꞈ-ehˇ ya shiˇ meh lehˇ, Dawˬ tawˆ kʼoeˇ taˆ uˆ lahˇ luꞈ-eu, ngaˇ Sahˬpaˬ Miˬyehˇ ehˇ-eu ma.”

Yawˇshuˆ 3:10

Naw maꞈ mehˬ hu paw le gʼeh leꞈ-eu nehˬ ehˇ, Kaˬnaˬ tsawˇ jeuˬ, Heˇtaˆ tsawˇ jeuˬ, Hiˇbiˇ tsawˇ jeuˬ, Paˬyehˆ tsawˇ jeuˬ, Geuˬgaˬshaˆ tsawˇ jeuˬ, Aˬmawˇliˆ tsawˇ jeuˬ hawˇ-eu, Yeˬbuˇ tsawˇ jeuˬ heu deuˬ-ahˇ, aˬ yawꞈ aˬ diˇ aˬ maˇ teh doˆ gʼeh tehꞈ-a. Miˇ tsaˬ dawˬ tawˆ luꞈ-ahˇ uˆ lahˇ-eu Sahˬpaˬ Miˬyehˇ-euˬ Dawˬ ma saˇ jaˇ Bahˬ keuˆ kʼoeˇ,

2 Laˬsaˬbaˬ 32:17

Aˬshuˇliˆ sahˬ paˬ-aˬ, Iˇsaˬleˬlaˆ tsawˇ jeuˬ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ sahˬ boꞈ boꞈ-awˇ heu loꞈ-ehˇ yehˬ bawˬ sehˇ lu-ehˇ ehˇ-euˬ meh. “Tsawˇ jeuˬ nui deuˬ-euˬ miˬ yehˇ deuˬ yawˬ ha-euˬ tsawˇ jeuˬ-ahˇ ngaˬ-euˬ aˬ laꞈ laꞈ kʼoeˇ neh maˬ ka kʼoꞈ nehˬ nya-eu loꞈ-ehˇ, Heˬsaˬgiˇ-euˬ miˬ yehˇ kʼawꞈ aˬ yawꞈ-euˬ tsawˇ jeuˬ-ahˇ maˬ ka kʼoꞈ nya-aˇ.”

Iˇsaˬyaˇ 37:23

Aˬ suˇ gʼaˬ-ahˇ nawˇ yehˬ bawˬ sehˇ lu-ehˇ ehˇ-awˇ yaˬ kʼehˇ yaˬ luꞈ te lehˇ noeˬ-eu nya. Iˇsaˬleˬlaˆ-euˬ muiˬ-eu shawˇ-eu Miˬyehˇ pyeuꞈ-eu ngaˬ-ahˇ, nawˇ yaw zeu maˬ baw te loˇ.

Daˬyeˬlaˇ 5:23

Mˬ taˆ Sahˬpaˬ Miˬyehˇ-ahˇ nawˇ jahˇ gʼeh haw-eu laꞈ kʼoeˇ, aˬ yawꞈ-euˬ Uˬ duˬ tahˬ nymˇ nymˇ ma laꞈ kʼoeˇ jaˆ-eu kʼmˬ maˬ deuˬ nawˇ yuˇ ahˇ laꞈ-awˇ, nawˇ hawˇ-eu nawˬ-euˬ gaˇ mˇ-eu sahˬ paˬ sahˬ ma deuˬ, nawˬ-euˬ miˬ zaˬ deuˬ hawˇ-eu ma nyiˇ deuˬ, aˬ gaꞈ dzaˇ uiˇ kʼaˇ ahˇ-awˇ dawˇ dawˇ-ehˇ, naˬ bawˇ maˬ gaˬ nya, myaˆ nuiˆ maˬ mawˇ nya-eu tiˬ jeˬ-iˬ maˬ siˬ nya-eu miˬ yehˇ deuˬ pyeuꞈ-eu, shuiˇ, pyuˇ, guiˬ shuiˇ, shmˇ, daˇ kawˬ, kʼaˬ lo, heu deuˬ neh jahˇ taˬ-euˬ miˬ yehˇ deuˬ-ahˇ ja ceuˬ-euˬ meh. Ehˇ kʼawꞈ, nawˬ-ahˇ toeˬ dehꞈ toeˬ shiˇ nya-awˇ, nawˇ kʼaˇ mˇ kʼaˇ shaˇ-eu yawˬ jeˬ na luꞈ-ahˇ tuˆ tehˬ luꞈ-eu Miˬyehˇ-ahˇ nawˇ maˬ taˬ huiˬ-a.

Daˬyeˬlaˇ 6:27

Aˬ yawꞈ ka kʼoꞈ-eu gʼaˬ pyeuꞈ-awˇ, ngehˬ gʼeh dah teˬ nehˬ-eu gʼaˬ meh. Mˬ hawˇ-eu miˇ tsaˬ heu kʼoeˇ taˆ, zahˬ leˇ-eu jeˬ mˇ-eu gʼaˬ meh. Aˇ laˬ jaˬ shiˇ maˬ bi kawꞈ ni, Daˬyeˬlaˇ-ahˇ ka kʼoꞈ-euˬ meh.”