1 Saˬmeuˬlaˆ 16:5 - Akha

⁵ Aˬ yawꞈ ehˇ-eu, “Yaw lehˬ doˆ laˇ-euˬ miˇ neh oe-euˬ maˬ ngeuˇ. Sahˬpaˬ Miˬyehˇ-ahˇ lawˇ nehˬ-eu lehˇ oe-euˬ tehꞈ ma. Naw maꞈ-euˬ gʼawˇ mawˇ shawˇ-awˇ ngaˬ nehˬ-ehˇ laˇ-awˬ.” Yeˬshehˇ hawˇ-eu aˬ yawꞈ-euˬ aˬ li deuˬ kʼawꞈ, gʼawˇ mawˇ shawˇ-awˇ lawˇ gaˇ shehˇ gaˇ laˇ-eu gʼaˇ duˬ aˬ yawꞈ kuˇ-euˬ meh.

1 Saˬmeuˬlaˆ 16:5 Referans Kwoze

Yawˇshuˆ 3:5

Iˇsaˬleˬlaˆ tsawˇ haˬ deuˬ-ahˇ Yawˇshuˆ ehˇ nehˬ-eu, “Yawˬ haˇ yawˬ ha laˆ muiˬ laˆ shawˇ-eu zahˇ jahˇ-awˬ. Aˬ jeˬ miˇ neh ehˇ naˇ, ni shawˬ nah Sahˬpaˬ Miˬyehˇ naw maꞈ-ahˇ kʼaˆ jeˬ-ehˇ gʼeh-eu jeˬ mˇ mehˬ nehˬ laꞈ tehꞈ-a.”

Doˆ-iˇ 19:10

Kʼoeˇ ngeh, Moˇseˬ-ahˇ Sahˬpaˬ Miˬyehˇ ehˇ-eu, “Iˇsaˬleˬlaˆ tsawˇ haˬ deuˬ jawˇ gaˇ iˇ-awˇ, uˬ duˬ tahˬ-eu gʼaˇ duˬ, iˬ nah hawˇ-eu ni shawˬ nah laꞈ kʼoeˇ yawˬ ha-euˬ gʼawˇ mawˇ shawˇ-awˬ lehˇ ehˇ nehˬ-awˬ. Yawˬ ha-euˬ dm gʼaˬ dm lmˇ deuˬ aˬ yawꞈ maꞈ ya lehˬ tsiˬ shawˇ meh.

1 Gawˇliˬtu 11:28

Kʼoeˇ miˇ neh, tsawˇ haˬ yawˬ gʼaˬ na luꞈ yawˬ haˇ yawˬ ha jeˬ huˬ shaˇ sawˇ gʼaˬ miˇ tsa, kaˬ muˇ dzaˬ-awˇ kʼmˬ maˬ ciˬ dawˇ-eu tsaˬ meh.

Yawˇshuˆ 7:13

Tuˇ-awˬ. Iˇsaˬleˬlaˆ tsawˇ haˬ deuˬ-ahˇ gʼawˇ mawˇ shawˇ-eu zahˇ jahˇ nehˬ-awˇ, ngaˇ jawˇ gaˇ laˇ-eu gʼaˇ duˬ bi lehˬ hmˬ dah-awˬ. Ni shawˬ nah lehˬ hmˬ dah taˬ-awˬ lehˇ aˬ yawꞈ maꞈ-ahˇ ehˇ nehˬ-awˬ. Aˬ jeˬ miˇ neh ehˇ naˇ, Iˇsaˬleˬlaˆ tsawˇ jeuˬ-euˬ Miˬyehˇ, Sahˬpaˬ Miˬyehˇ pyeuꞈ-eu ngaˇ heu loꞈ-ehˇ ehˇ paˬ-ehˇ gʼeh-eu jeˬ jaˆ-eu ma. ‘Iˇsaˬleˬlaˆ tsawˇ jeuˬ-oˇ. Ngaˬ neh ya laˆ luˬ ya laˆ seˇ meh lehˇ ehˇ taˬ-euˬ myawˬ tiˬ deuˬ na, naw maꞈ-euˬ myawˬ gahˬ nehˬ-ehˇ jaˆ luꞈ meh. Myawˬ kʼoeˇ deuˬ naw maꞈ nehˬ-ehˇ kʼaˇ jaˆ kʼoeˇ keuˆ ni, muiˇ-eu deuˬ-ahˇ naw maꞈ guiˇ maˬ deuˆ gʼaˬ nya-a’ lehˇ ehˇ nehˬ paˬ-ehˇ jaˆ-eu ma.

Yawˇlaˆ 2:16

Tsawˇ haˬ dawˬ tawˆ luꞈ kuˇ uiˬ-awˇ, muiˬ-eu shawˇ-eu baꞈ dzah dzah-awˬ. Tsawˇ mawˬ, zaˬ guˬ dawˬ tawˆ hawˇ-eu, aˬ coeˇ dawˇ zaˬ deuˬ kʼawꞈ kuˇ-awˬ. Sheuˬdahˬdzaˬ-euˬ tiˬ dehˬ pyeuꞈ-eu, miˬ zaˬ yo zaˬ yaw shuiꞈ deuˬ kʼawꞈ, tiˬ gʼaˬ-iˬ taˬ bi jawˇ tehˬ yaꞈ.

Yawˇbaˆ 1:5

Dzaˬ byawˇ kʼaˇ lawˇ ngeh, yawˬ shawˬ yawˬ uˬ shawˬ yaw naꞈ-ehˇ Yawˇbaˆ tuˇ-awˇ, aˬ yawꞈ-euˬ zaˬ aˬ yawꞈ gʼaˬ yawꞈ gʼaˇ duˬ lawˇ-eu shehˇ-eu jeˬ mˇ-awˇ, shawˇ nehˬ-eu meh. Aˬ yawꞈ-euˬ zaˬ tiˬ gʼaˬ na maˬ noeˬ maˬ duˇ-ehˇ Miˬyehˇ-ahˇ mˇ bahˬ-euˬ baw le lehˇ aˬ yawꞈ kʼahˬ lahˇ-eu baˬ da neh, kʼoeˇ loꞈ-ehˇ mˇ-euˬ meh.

Bawˇtsahˬ 11:8

Iˇsaˬleˬlaˆ tsawˇ haˬ deuˬ doe doe-ehˇ maˬnaˆ kaˬ muˇ kʼoeˇ gʼoˆ uiˬ-awˇ, lo lehˬ neh lehˬ-awˇ maˬ ehˇ, tahˬ tsmˇ-ahˇ tahˬ-awˇ maˬ ehˇ, laˆ loeˇ-euˬ meh. Kʼoeˇ naˇ, puꞈ-awˇ kaˬ muˇ aˇ yaˆ jahˇ-euˬ meh. Kʼoeˇ-aˬ, saˬ loˬ tsiˇ neh jahˇ-euˬ kaˬ muˇ loꞈ-ehˇ kuiˇ-eu meh. Uˬ ciꞈ paw aˬ yawꞈ maꞈ jawˇ gaˇ ceuˬ ga ngeh, maˬnaˆ aˇ siˬ kʼoeˇ kʼawꞈ ga keuˬ le-eu meh.

Aˇ dahˬ 35:2

Kʼoeˇ ngeh, aˬ yawꞈ-euˬ miˬ sawˇ zaˬ deuˬ hawˇ-eu, aˬ yawꞈ-euˬ tsawˇ haˬ dawˬ tawˆ luꞈ-ahˇ, Yaˬkoˆ heu loꞈ-ehˇ ehˇ nehˬ-euˬ meh. “Naw maꞈ nehˬ-ehˇ jaˆ-eu aˬ cawˬ tsawˇ jeuˬ-euˬ Miˬyehˇ pyeuꞈ-eu tahˬ pahˬ aˬ ma mawˇ kawˇ dawˬ tawˆ luꞈ, biˬ dzeh jiˇ yaꞈ-awˬ. Yawˬ ha-euˬ gʼawˇ mawˇ shawˇ-awˇ, mehˬ tsoeˬ yaw shawˇ dm-awˬ.

1 Saˬmeuˬlaˆ 20:26

Ehˇ kʼawꞈ, kʼoeˇ ngeh nah Sawˇluˆ tiˬ jeˬ-iˬ maˬ ehˇ ni jawˇ-euˬ meh. Aˬ jeˬ miˇ neh ehˇ naˇ, “Tiˬ jeˬ paˬ gʼeh-awˇ zahˇ sahˇ kʼoꞈ-ahˇ taꞈ leˇ-eu laꞈ kʼoeˇ maˬ shawˇ-eu miˇ neh maˬ laˇ-euˬ ngeuˇ nga” lehˇ aˬ yawꞈ noeˬ-euˬ meh.

Zeˬpaˬniˇ 1:7

Miˇ tsaˬ zaˬ deuˬ ciˬ cuˇ jawˇ-awˬ. Sahˬpaˬ Miˬyehˇ huiˬ-eu aˇ nah, Miˬyehˇ kʼehˬ-eu kʼaˆ-eu kʼoeˇ nah, dawˬ peh peh le tehˇ tehˬ luꞈ meh. Jeˬ zaˬ sehꞈ-awˇ lawˇ-eu loꞈ-ehˇ, Sahˬpaˬ Miˬyehˇ-euˬ tsawˇ haˬ-ahˇ, Sahˬpaˬ Miˬyehˇ sehꞈ le tehꞈ-a.”

1 Sahˬpaˬ 2:13

Kʼoeˇ naˇ, Haˬgiˇdaˇ-euˬ aˬ li Aˬdawˇniˇyaˆ-aˬ, Sawˇlaˬmoˬ-euˬ aˬ ma Baˬsheˬba jawˇ gaˇ le-euˬ meh. “Yaw muiˬ jeˬ gaˇ kawˆ-ahˇ neh laˇ-euˬ ma loˇ” lehˇ Baˬsheˬba naˇ haˬ ngeh, “Ngeuˇ ma” lehˇ aˬ yawꞈ ehˇ kʼoꞈ nehˬ-euˬ meh.

1 Laˬsaˬbaˬ 12:18

Aˬ yawꞈ maꞈ laꞈ kʼoeˇ, aˇ nah tsawˇ myahˇ doˆ-eu yehˇ smˬ tseˇ gʼaˬ kʼoeˇ taˆ aˬ yuiꞈ geuꞈ-eu gʼaˬ pyeuꞈ laˇ-euˬ Aˬmaˬsehˇ kʼoeˇ taˆ, Miˬyehˇ-euˬ yaw sahˇ uˆ lahˇ le-awˇ, “Yeˬshehˇ-euˬ aˬ li Daˬbiˇ-oˇ, nga maꞈ nawˬ-euˬ tsawˇ haˬ pyeuꞈ-eu ma. Nawˇ hawˇ-eu nawˬ-ahˇ caw jaw-eu deuˬ gʼaˬ leˇ-eu guiˬ lahˬ za luꞈ-uˇ. Miˬyehˇ nawˬ nehˬ-ehˇ jawˇ meh” lehˇ ehˇ-eu meh. Kʼoeˇ naˇ, aˬ yawꞈ maꞈ-ahˇ Daˬbiˇ ha geuꞈ-awˇ, aˬ yawꞈ-euˬ guiˇ maꞈ kʼoeˇ taˆ uˆ lahˇ-eu aˬ yuiꞈ deuˬ bi geuꞈ-euˬ meh.