1 Saˬmeuˬlaˆ 16:1 - Akha

¹ Saˬmeuˬlaˆ-ahˇ Sahˬpaˬ Miˬyehˇ heu loꞈ-ehˇ ehˇ nehˬ-euˬ meh. “Sawˇluˆ gʼaˇ duˬ nawˇ nui ma maˬ saˇ-ehˇ, aˬ myah keuˆ ni toˇ toˇ-ehˇ jawˇ-eu gʼeh te. Iˇsaˬleˬlaˆ miˇ kʼahˬ kʼoeˇ taˆ sahˬ paˬ maˬ paˇ bi geuꞈ-eu gʼaˇ duˬ, aˬ yawꞈ-ahˇ ngaˇ byehˇ dzeh gʼaˬ-euˬ ma. Ehˇ kʼawꞈ, nawˇ saˬ loˬ tsiˇ ui cuiˆ yuˇ-awˇ, Behˬlehˬhehˬ meuˬ-ahˇ Yeˬshehˇ lehˇ myahˇ-euˬ tsawˇ haˬ kʼoeˇ gʼaˬ jawˇ gaˇ nymˬ-mˇ iˇ-awˬ. Aˬ jeˬ miˇ neh ehˇ naˇ, sahˬ paˬ bi geuꞈ-eu gʼaˇ duˬ, aˬ yawꞈ-euˬ aˬ li tiˬ li-ahˇ ngaˇ tseˇ doˆ gʼaˬ-euˬ ma.”

1 Saˬmeuˬlaˆ 16:1 Referans Kwoze

2 Sahˬpaˬ 9:1

Aˇ yamˬ kʼoeˇ yamˬ laꞈ kʼoeˇ, Miˬyehˇ gʼaˇ duˬ ngehˬ dah-eu zaˬ guˬ tiˬ gʼaˬ-ahˇ Eˇliˇshehˇ kuˇ-awˇ, heu loꞈ-ehˇ ehˇ nehˬ-euˬ meh. “Lehˬ hmˬ-awˇ Giˇlaˆ miˇ kʼahˬ Laˬmoˆ meuˬ-ahˇ le-awˬ. Saˬ loˬ tsiˇ ciˬ cuˇ heu siˬ kʼawꞈ pi gʼeh-awˬ.

1 Saˬmeuˬlaˆ 15:23

Aˬ yawꞈ-ahˇ puiˬ-eu jeˬ-aˬ, jaˬ nehꞈ pyehˬ-eu naˆ ni doeˇ-awˇ, nui ma gʼahˇ-eu jeˬ-aˬ, miˬ yehˇ nui gʼaˬ-ahˇ uˬ duˬ tahˬ-eu naˆ ni iˬ baˇ huiˬ-eu meh. Sahˬpaˬ Miˬyehˇ-euˬ dawˬ-ahˇ nawˇ byehˇ dzeh-euˬ miˇ neh, nawˬ-ahˇ sahˬ paˬ lehˇ maˬ paˇ sawˇ nehˬ ni, aˬ yawꞈ gʼeh nawˬ-ahˇ byehˇ dzeh-euˬ meh.”

1 Saˬmeuˬlaˆ 15:35

Saˬmeuˬlaˆ laˇ ziˇ jiˇ leˇ ngeh keuˆ ni, sahˬ paˬ-ahˇ tiˬ poˆ-iˬ maˬ paˇ ya mawˇ ni ziˇ dehꞈ jiˇ-euˬ meh. Ehˇ kʼawꞈ, sahˬ paˬ gʼaˇ duˬ aˬ yawꞈ nui ma maˬ saˇ ni toˇ toˇ-ehˇ jawˇ-euˬ meh. Kʼoeˇ ngeh, Sawˇluˆ-ahˇ Sahˬpaˬ Miˬyehˇ gʼawˬ shaˬ haw gaˬ-awˇ, Iˇsaˬleˬlaˆ tsawˇ jeuˬ-euˬ sahˬ paˬ paˇ bi geuꞈ-euˬ meh.

Lormav 15:12

Iˇsaˬyaˇ neh paˇ ehˇ taˬ-euˬ, “Yeˬshehˇ-euˬ tsuiꞈ toeˬ oe leꞈ gaˇ, aˬ cawˬ tsawˇ jeuˬ-ahˇ uˆ lahˇ-eu, tsawˇ haˬ tiˬ gʼaˬ doˆ le tehꞈ-a. Aˬ yawꞈ laꞈ kʼoeˇ aˬ cawˬ tsawˇ jeuˬ, noeˬ tmˬ kʼaˇ bi za laˇ tehꞈ-a.”

1 Saˬmeuˬlaˆ 16:15

Aˬ yawꞈ-euˬ zaˬ kʼaˆ deuˬ aˬ yawꞈ-ahˇ ehˇ-eu, “Sahˬpaˬ Miˬyehˇ neh bi oe-euˬ haiˬ-eu yaw sahˇ nawˬ-ahˇ laˆ suˬ saˬ luꞈ-eu nga maꞈ siˬ nya ma.

1 Saˬmeuˬlaˆ 10:1

Kʼoeˇ naˇ, tsiˇ maˇ tsaꞈ tiˬ tsaꞈ Saˬmeuˬlaˆ yuˇ-awˇ, Sawˇluˆ-euˬ uˬ duˬ-ahˇ tsiˇ shehˆ daˆ-awˇ mehˬ cuˇ cuˇ nehˬ gʼaˬ ngeh, Sawˇluˆ-ahˇ heu loꞈ-ehˇ ehˇ nehˬ-euˬ meh. “Iˇsaˬleˬlaˆ tsawˇ jeuˬ kʼoeˇ taˆ bi uˆ lahˇ-eu gʼaˇ duˬ, nawˬ-ahˇ Sahˬpaˬ Miˬyehˇ tsiˇ lehꞈ nehˬ-eu meh. Aˬ yawꞈ-euˬ tsawˇ jeuˬ-ahˇ nawˇ ya uˆ lahˇ-awˇ, muiˇ-eu deuˬ dawˬ tawˆ luꞈ-euˬ aˬ laꞈ laꞈ kʼoeˇ, aˬ yawꞈ maꞈ-ahˇ nawˇ ya ka kʼoꞈ nehˬ meh. Aˬ yawꞈ-euˬ tsawˇ jeuˬ kʼoeˇ taˆ bi uˆ lahˇ-eu gʼaˇ duˬ, Sahˬpaˬ Miˬyehˇ nawˬ-ahˇ tseˇ doˆ-euˬ gaˇ kawˆ saˇ kiˇ heu loꞈ-ehˇ jaˆ tehꞈ-a.

1 Saˬmeuˬlaˆ 15:26

Saˬmeuˬlaˆ ehˇ-eu, “Nawˬ nehˬ-ehˇ ngaˇ maˬ gʼoꞈ leˇ. Sahˬpaˬ Miˬyehˇ-euˬ dawˬ-ahˇ nawˇ byehˇ dzeh-euˬ miˇ neh, nawˬ-ahˇ Iˇsaˬleˬlaˆ tsawˇ jeuˬ-euˬ sahˬ paˬ lehˇ aˬ yawꞈ maˬ paˇ sawˇ-ehˇ, aˬ yawꞈ nawˬ-ahˇ byehˇ dzeh gʼaˬ-euˬ meh.”

1 Saˬmeuˬlaˆ 9:16

“Ni shawˬ nah heu yamˬ-ahˇ, nawˇ jawˇ gaˇ Beˬyaˬmiˬ tsawˇ haˬ tiˬ gʼaˬ bi laˇ doˆ ma. Ngaˬ-euˬ tsawˇ jeuˬ Iˇsaˬleˬlaˆ tsawˇ haˬ deuˬ-ahˇ bi uˆ lahˇ-eu gʼaˇ duˬ, aˬ yawꞈ-ahˇ tsiˇ shehˆ daˆ nehˬ-awˬ. Aˬ yawꞈ maꞈ-ahˇ, Piˇliˇtiˆ tsawˇ haˬ deuˬ-euˬ aˬ laꞈ laꞈ kʼoeˇ neh aˬ yawꞈ ka kʼoꞈ nehˬ tehꞈ-a. Ngaˬ-euˬ tsawˇ haˬ deuˬ ya daˬ luꞈ-eu jeˬ-ahˇ ngaˇ mawˇ-awˇ, ‘Caw ba nehˬ laꞈ-awˬ’ lehˇ aˬ yawꞈ maꞈ guˇ luꞈ-eu teˇ saˇ-ahˇ ngaˇ ya gaˬ gʼaˬ-euˬ ma.”

1 Saˬmeuˬlaˆ 15:11

“Ngaˬ neh Sawˇluˆ-ahˇ sahˬ paˬ bi geuꞈ-euˬ gaˇ kawˆ-ahˇ ngaˇ nui ma maˬ saˇ nya. Aˬ yawꞈ ngaˬ-ahˇ byehˇ dzeh-awˇ, ngaˬ-euˬ zahˇ dawˬ kʼoꞈ dawˬ deuˬ-ahˇ maˬ naˇ haˬ geuꞈ-a.” Saˬmeuˬlaˆ nui ma pehˇ-eu laꞈ kʼoeˇ, uˬ ciꞈ miˇ lah-ehˇ Sahˬpaˬ Miˬyehˇ-ahˇ guiˬ lahˬ shaˇ-euˬ meh.

Yeˬlaˬmiˇ 6:30

Sahˬpaˬ Miˬyehˇ pyeuꞈ-eu ngaˇ byehˇ dzeh-euˬ miˇ neh, gaˇ dahˇ maˬ tsoeˬ-eu shmˇ shmˇ keˬ meh lehˇ aˬ yawꞈ maꞈ-ahˇ ya kuˇ tehꞈ-a.

2 Sahˬpaˬ 9:6

Kʼoeˇ naˇ, aˬ yawꞈ nyaꞈ-ehˇ kuˆ lawˆ tiˬ lawˆ-ahˇ uˇ leˇ-awˇ, Miˬyehˇ gʼaˇ duˬ ngehˬ dah-eu zaˬ guˬ kʼoeˇ gʼaˬ Yeˬhuˇ-euˬ uˬ duˬ-ahˇ tsiˇ shehˆ daˆ nehˬ-awˇ ehˇ-eu, “Iˇsaˬleˬlaˆ-euˬ Miˬyehˇ pyeuꞈ-eu Sahˬpaˬ Miˬyehˇ heu loꞈ-ehˇ ehˇ-eu meh. ‘Ngaˬ-euˬ tsawˇ jeuˬ Iˇsaˬleˬlaˆ tsawˇ haˬ deuˬ kʼoeˇ taˆ, ngaˇ nawˬ-ahˇ sahˬ paˬ ka nehˬ-eu ma.

1 Saˬmeuˬlaˆ 16:23

Kʼoeˇ ngeh nah neh dahˬ beh-awˇ, Miˬyehˇ neh bi oe-euˬ haiˬ-eu yaw sahˇ kʼoeˇ Sawˇluˆ kʼoeˇ taˆ kʼaˇ keuˆ le ngeh, Daˬbiˇ deuˇ-mˬ diˬ nehˬ-euˬ meh. Kʼoeˇ loꞈ-ehˇ jahˇ ngeh, haiˬ-eu yaw sahˇ kʼoeˇ Sawˇluˆ jawˇ gaˇ neh doˆ-iˇ-awˇ nui ma paˇ bi saˇ laˇ-eu meh.

Yeˬlaˬmiˇ 7:16

Sahˬpaˬ Miˬyehˇ heu loꞈ-ehˇ ehˇ-eu meh. “Yeˬlaˬmiˇ-oˇ, tsawˇ haˬ heu deuˬ gʼaˇ duˬ guiˬ lahˬ taˬ shaˇ. Aˬ yawꞈ maꞈ-euˬ dah zaˇ ngoeˇ ngoeˇ-ehˇ guiˬ lahˬ taˬ shaˇ. Nawˇ aˬ yawꞈ maꞈ gʼaˇ duˬ tsawˇ kaˬ geuꞈ laˇ gaˇ ngaˇ maˬ naˇ haˬ.

Iˇsaˬyaˇ 55:4

Miˇ kʼahˬ tsawˇ jeuˬ deuˬ-ahˇ sheuˬ gʼeh-eu baoˬ aˬ yawꞈ-ahˇ ngaˇ biꞈ-awˇ, aˬ yawꞈ-ahˇ gʼoe-awˇ tsawˇ jeuˬ kʼoeˇ deuˬ-ahˇ, ngaˬ-euˬ baoˬ ngaˇ bi mawˇ-euˬ ma.

Iˇsaˬyaˇ 11:10

Daˬbiˇ-euˬ aˇ jeuˬ aˇ ca laꞈ kʼoeˇ sahˬ paˬ yaw shuiꞈ tiˬ gʼaˬ doˆ laˇ-euˬ gaˇ kawˆ, tsawˇ jeuˬ dawˬ tawˆ luꞈ-ahˇ bi siˬ bi mawˇ-eu aˇ nah keuˆ le tehꞈ-a. Aˬ yawꞈ dzoeˬ dzaˬ-eu meuˬ-ahˇ, aˬ yawꞈ maꞈ uiˬ laˇ-awˇ, aˬ yawꞈ-ahˇ taˬ huiˬ taˬ mahˇ tehꞈ-a.

2 Sahˬpaˬ 9:3

Aˬ yawˬ-euˬ uˬ duˬ-ahˇ saˬ loˬ tsiˇ heu shehˆ daˆ nehˬ-awˇ, ‘Ngaˇ nawˬ-ahˇ Iˇsaˬleˬlaˆ sahˬ paˬ ka nehˬ-eu ma lehˇ, Sahˬpaˬ Miˬyehˇ ehˇ-eu meh’ lehˇ ehˇ nehˬ-awˬ. Kʼoeˇ naˇ, yaw kawˇ-ehˇ gʼoꞈ le-awˬ.”

1 Yoˇhaˬ 5:16

Yawˬ ha-euˬ cawˬ Ka li zaˬ tiˬ gʼaˬ na shiˇ gaˇ maˬ keuˆ-eu iˬ baˇ mˇ-euˬ ya mawˇ naˇ, Miˬyehˇ-ahˇ guiˬ lahˬ shaˇ-eu tsaˬ meh. Miˬyehˇ aˬ yawꞈ-ahˇ dehꞈ-eu saꞈ laˇ biꞈ nehˬ tehꞈ-a. Heu-aˬ, shiˇ gaˇ maˬ keuˆ-eu iˬ baˇ mˇ-euˬ jeˬ-ahˇ ehˇ-eu ma. Shiˇ gaˇ keuˆ-eu iˬ baˇ mˇ-euˬ jeˬ kʼawꞈ jaˆ-eu meh. Kʼoeˇ-euˬ gʼaˇ duˬ naw maꞈ Miˬyehˇ-ahˇ guiˬ lahˬ shaˇ-awˬ lehˇ ngaˇ maˬ ehˇ.

Yeˬlaˬmiˇ 15:1

Sahˬpaˬ Miˬyehˇ ngaˬ-ahˇ ehˇ-eu, “Moˇseˬ hawˇ-eu Saˬmeuˬlaˆ aˬ ha nyaꞈ ngaˬ-euˬ mehˬ shi yawꞈ laˇ-awˇ shaˇ ju kʼawꞈ, tsawˇ haˬ heu deuˬ-ahˇ ngaˇ gʼawˬ shaˬ maˬ gaˬ. Ngaˇ mawˇ gaˇ aˬ yawꞈ maꞈ maˬ bi jawˇ ni, gaˇ mahˇ kaˬ gaˇ bi iˇ byoˆ-awˬ.

Yeˬlaˬmiˇ 11:14

Yeˬlaˬmiˇ-oˇ, tsawˇ haˬ heu deuˬ-euˬ dah zaˇ ngaˬ-ahˇ guiˬ lahˬ taˬ shaˇ. Aˬ yawꞈ maꞈ shaˬ le zahˬ le-awˇ, caw ba nehˬ laꞈ lehˇ ngaˬ-ahˇ shaˇ ngeh, ngaˇ maˬ naˇ haˬ nehˬ.”

Iˇsaˬyaˇ 11:1

Yeˬshehˇ-euˬ sahˬ nyiꞈ dawˬ pehˬ-ahˇ, baw nmˬ nmˬ doˆ laˇ-awˇ, duˬ ciˇ-ahˇ uˬ laꞈ tsoꞈ doˆ laˇ-eu loꞈ-ehˇ, sahˬ paˬ yaw shuiꞈ doˆ laˇ tehꞈ-a.

HeˬByehˇ 11:32

Heu naˆ maˬ tseˇ paˇ ja siˬ loˇ. Giˇdoˬ, Baˬlehˇ, Saˬsoˬ, Yeˬpaˬtaˆ, Daˬbiˇ, Saˬmeuˬlaˆ aˬ ha maꞈ hawˇ-eu, Miˬyehˇ gʼaˇ duˬ ngehˬ dah-eu deuˬ-euˬ gaˇ kawˆ maˬ paˇ ja jiˇ coeˇ miˇ-a.

1 Sahˬpaˬ 8:16

‘Ngaˬ-euˬ tsawˇ jeuˬ-ahˇ Iˇjiˇtuˆ miˇ kʼahˬ laꞈ kʼoeˇ neh ngaˇ sheuˬ doˆ laꞈ-euˬ tiˬ nah neh, iˬ nah keuˆ ni, ngaˬ-ahˇ uˬ duˬ tahˬ-eu uˬ duˬ tahˬ nymˇ bi tsoˆ-eu gʼaˇ duˬ, Iˇsaˬleˬlaˆ miˇ kʼahˬ laꞈ kʼoeˇ jaˆ-eu meuˬ tiˬ meuˬ-iˬ ngaˇ maˬ tseˇ doˆ-aˬ siˬ. Ehˇ kʼawꞈ Daˬbiˇ-oˇ, ngaˬ-euˬ tsawˇ jeuˬ-ahˇ bi uˆ lahˇ-eu gʼaˇ duˬ, nawˬ-ahˇ ngaˇ tseˇ doˆ-eu ma.’

1 Laˬsaˬbaˬ 11:3

Kʼoeˇ loꞈ-ehˇ, Iˇsaˬleˬlaˆ miˇ kʼahˬ-euˬ aˬ yuiꞈ aˬ tsu dawˬ tawˆ luꞈ, Heˬbyoˬ meuˬ-ahˇ sahˬ paˬ Daˬbiˇ jawˇ gaˇ laˇ-awˇ, aˬ yawꞈ hawˇ-eu aˬ yawꞈ maꞈ yaw kaˬ saˇ jaˇ dzaˬ taꞈ-euˬ meh. Kʼoeˇ naˇ, aˬ yawꞈ maꞈ aˬ yawꞈ-ahˇ tsiˇ shehˆ daˆ nehˬ-awˇ, Saˬmeuˬlaˆ-ahˇ gʼoe-awˇ Sahˬpaˬ Miˬyehˇ neh saˇ jaˇ dzaˬ taˬ-euˬ loꞈ-ehˇ, aˬ yawꞈ Iˇsaˬleˬlaˆ miˇ kʼahˬ-euˬ sahˬ paˬ pyeuꞈ laˇ-euˬ meh.

1 Laˬsaˬbaˬ 28:4

Iˇsaˬleˬlaˆ tsawˇ jeuˬ-euˬ Miˬyehˇ pyeuꞈ-eu Sahˬpaˬ Miˬyehˇ-aˬ, Iˇsaˬleˬlaˆ miˇ kʼahˬ-ahˇ aˬ myah luꞈ bi uˆ lahˇ-eu gʼaˇ duˬ, ngaˇ hawˇ-eu ngaˬ-euˬ zaˬ deuˬ uˆ deuˬ-ahˇ tseˇ doˆ-euˬ meh. Aˬ yuiꞈ geuꞈ-awˇ bi sheuˬ gʼeh-eu gʼaˇ duˬ, Yuˇdaˆ tsawˇ jeuˬ-ahˇ aˬ yawꞈ tseˇ doˆ-awˇ, Yuˇdaˆ tsawˇ jeuˬ laꞈ kʼoeˇ ngaˬ da-euˬ aˇ jeuˬ-ahˇ aˬ yawꞈ paˇ tseˇ doˆ-euˬ meh. Ngaˬ da-euˬ aˇ jeuˬ jeuˬ lah ni laꞈ kʼoeˇ ngaˬ-ahˇ tseˇ doˆ-awˇ, Iˇsaˬleˬlaˆ miˇ kʼahˬ tiˬ kʼahˬ kʼahˬ lah ni kʼoeˇ taˆ sahˬ paˬ bi geuꞈ-eu gʼaˇ duˬ, aˬ yawꞈ nui ma tsaˬ-eu meh.

Zaˬkaˬliˇ 4:14

“Kʼoeˇ-aˬ, miˇ tsaˬ dawˬ tawˆ luꞈ-ahˇ uˆ lahˇ-eu Sahˬpaˬ Miˬyehˇ-euˬ gaˇ bi mˇ-eu gʼaˇ duˬ, Miˬyehˇ neh tsiˇ lehꞈ-awˇ tseˇ doˆ taˬ-eu tsawˇ haˬ nyiˬ gʼaˬ-ahˇ ehˇ mawꞈ-eu meh” lehˇ, aˬ yawꞈ ehˇ-eu meh.

1 Saˬmeuˬlaˆ 17:12

Daˬbiˇ-aˬ, Yuˇdaˆ miˇ kʼahˬ Behˬlehˬ hehˬ meuˬ-ahˇ jawˇ-eu Eˇpaˬleˬ tsawˇ jeuˬ Yeˬshehˇ-euˬ aˬ li pyeuꞈ-eu meh. Yeˬshehˇ-aˬ, aˬ li yehꞈ li jawˇ-eu meh. Sawˇluˆ sahˬ paˬ geuꞈ luꞈ ngeh, aˬ yawꞈ tsawˇ mawˬ mawˬ dui dui laˇ-euˬ meh.