1 Saˬmeuˬlaˆ 15:19 - Akha

¹⁹ Toˆ-ehˇ ngeuˇ naˇ, aˬ jeˬ miˇ neh aˬ yawꞈ-euˬ ehˇ dawˬ-ahˇ nawˇ maˬ naˇ haˬ geuꞈ teˬ. Aˬ jeˬ miˇ neh naw maꞈ neh deuˆ za-euˬ mˇ myawˬ yuˇ geuꞈ-eu laꞈ kʼoeˇ Sahˬpaˬ Miˬyehˇ nui ma maˬ saˇ-eu jeˬ mˇ teˬ.”

1 Saˬmeuˬlaˆ 15:19 Referans Kwoze

1 Saˬmeuˬlaˆ 14:32

Kʼoeˇ miˇ neh, muiˇ-eu deuˬ-euˬ aˬ laꞈ laꞈ kʼoeˇ neh aˬ yawꞈ maꞈ kʼaˇ deuˆ za taˬ-euˬ jeˬ jaˆ gaˇ aˬ yawꞈ maꞈ cehˆ gʼeh-awˇ, yawˇ hawˇ-eu mawˇ neˇ deuˬ-ahˇ kʼaˇ mawˇ le gaˇ sehꞈ-awˇ, shiˬ lehꞈ-eu shaˬ jiˇ yaw jmˬ dzaˬ-euˬ meh.

Yeˬlaˬmiˇ 7:11

Ngaˬ-euˬ Uˬ duˬ tahˬ nymˇ nymˇ ma heu, smˇ kʼoeˬ tahˇ joe deuˬ-euˬ cehˆ zaꞈ duˬ meh lehˇ naw maꞈ noeˬ te loˇ. Naw maꞈ neh mˇ-euˬ jeˬ ngaˇ mawˇ luꞈ ma.

Dawqdaq 15:27

Myawꞈ dzaˬ shuiˇ dzaˬ-eu deuˬ yaw ha nymˇ jiˇ laˆ shaˬ-awˇ, laꞈ nmˬ maˬ yuˇ-eu deuˬ ziˇ baw-eu meh.

2 Laˬsaˬbaˬ 36:12

Sahˬpaˬ Miˬyehˇ mehˬ shi aˬ yawꞈ iˬ baˇ mˇ-awˇ nui ma nahˬ yu ni maˬ taˬ-ehˇ, Sahˬpaˬ Miˬyehˇ gʼaˇ duˬ ngehˬ dah-eu Yeˬlaˬmiˇ-euˬ ehˇ dawˬ-ahˇ maˬ naˇ haˬ geuꞈ-a.

2 Laˬsaˬbaˬ 33:6

Aˬ yawꞈ-euˬ aˬ li deuˬ-ahˇ Hiˬnoˬ deh kʼawꞈ laꞈ kʼoeˇ miˬ dzaˬ dzah puiˆ-awˇ lawˇ-euˬ meh. Ja maw maw-eu jeˬ hawˇ-eu mah loˬ loˬ-eu jeˬ aˬ yawꞈ mˇ-awˇ, nyiˇ paˬ shaˆ ma deuˬ-ahˇ aˬ yawꞈ gʼoe-euˬ meh. Sahˬpaˬ Miˬyehˇ nui ma pehˇ laˇ ngeh keuˆ ni, Sahˬpaˬ Miˬyehˇ mehˬ shi aˬ yawꞈ iˬ baˇ mˇ-euˬ meh.

2 Laˬsaˬbaˬ 33:2

Sahˬpaˬ Miˬyehˇ aˬ yawꞈ-euˬ tsawˇ haˬ deuˬ-ahˇ miˇ kʼahˬ kʼoeˇ kʼahˬ laꞈ kʼoeˇ sheuˬ uˇ gʼeh ngeh, miˇ kʼahˬ kʼoeˇ kʼahˬ laꞈ kʼoeˇ aˬ yawꞈ neh teh dzeh-euˬ tsawˇ jeuˬ kʼoeˇ deuˬ mˇ-euˬ jawꞈ dui dui-eu jeˬ-ahˇ Maˬnaˇseˬ caw teh--eu laꞈ kʼoeˇ Sahˬpaˬ Miˬyehˇ mehˬ shi aˬ yawꞈ iˬ baˇ mˇ-euˬ meh.

2 Tiˆmoˇseˬ 4:10

Deˬmaˆ-aˬ, heu ziˇ-ahˇ taꞈ-eu miˇ tsaˬ heu-ahˇ gaˬ-eu miˇ neh, ngaˬ-ahˇ byehˇ dzeh yaꞈ-awˇ Teˇsaˬloˇni meuˬ-ahˇ iˇ-euˬ meh. Gaˬleˬgeˬ gʼaˬ-aˬ, Gaˬlaˬtiˆ miˇ kʼahˬ-ahˇ iˇ-awˇ, Tiˇtuˆ gʼaˬ-aˬ, Daˬlaˬmaˬdiˇ miˇ kʼahˬ-ahˇ iˇ-euˬ meh.

1 Saˬmeuˬlaˆ 15:20

Sawˇluˆ ehˇ-eu, “Sahˬpaˬ Miˬyehˇ-euˬ ehˇ dawˬ-ahˇ ngaˇ maˬ naˇ haˬ geuꞈ-euˬ maˬ ngeuˇ. Aˬ yawꞈ neh ehˇ nehˬ laꞈ-euˬ loꞈ-ehˇ ngaˇ iˇ-awˇ, sahˬ paˬ Aˬgaˆ-ahˇ nyehꞈ kʼoꞈ laꞈ-awˇ, Aˬmaˬlehˇ tsawˇ haˬ dawˬ tawˆ luꞈ-ahˇ sehꞈ jiˇ-euˬ ma.

Bawˇtsahˬ 14:41

Ehˇ kʼawꞈ, Moˇseˬ ehˇ-eu, “Aˬ jeˬ miˇ neh Sahˬpaˬ Miˬyehˇ-euˬ ehˇ dawˬ-ahˇ nymˬ-mˇ poˆ kʼawꞈ naw maꞈ maˬ naˇ haˬ te. Naw maꞈ noeˬ-euˬ loꞈ-ehˇ maˬ mˇ pyeuꞈ nya-a.

2 Saˬmeuˬlaˆ 12:9

Ngaˇ nawˬ-ahˇ teu naˆ ni mˇ nehˬ taˬ-euˬ kʼawꞈ, aˬ jeˬ miˇ neh ngaˬ-euˬ zahˇ dawˬ kʼoꞈ dawˬ-ahˇ nawˇ maˬ naˇ haˬ geuꞈ te. Aˬ jeˬ miˇ neh teu loꞈ-ehˇ gʼeh-eu yaw haiˬ jeˬ nawˇ mˇ te. Uˇliˇyaˆ guiˇ deuˆ gaˇ bi deuˆ sehꞈ ni nawˬ neh toˆ-awˇ, Aˬmoˬ tsawˇ haˬ neh aˬ yawꞈ-ahˇ bi sehꞈ-awˇ, aˬ yawꞈ-euˬ miˬ zaˬ-ahˇ nawˇ sheuˬ geuꞈ-euˬ meh.