1 Saˬmeuˬlaˆ 15:13 - Akha

¹³ Sawˇluˆ jawˇ gaˇ Saˬmeuˬlaˆ le keuˆ ngeh, Saˬmeuˬlaˆ-ahˇ Sawˇluˆ ha-awˇ, “Saˬmeuˬlaˆ-oˇ, Sahˬpaˬ Miˬyehˇ nawˬ-ahˇ guiˬ lahˬ biꞈ luꞈ-uˇ. Sahˬpaˬ Miˬyehˇ-euˬ zahˇ dawˬ kʼoꞈ dawˬ-ahˇ ngaˇ caw teh-awˇ mˇ luꞈ ma” lehˇ ehˇ nehˬ-euˬ meh.

1 Saˬmeuˬlaˆ 15:13 Referans Kwoze

Luˇta 3:10

Bawˇza ehˇ-eu, “Sahˬpaˬ Miˬyehˇ nawˬ-ahˇ guiˬ lahˬ biꞈ luꞈ-uˇ. Nawˬ-euˬ kʼaˬ dzeˇ zaˬ-euˬ aˇ jeuˬ aˇ ca-ahˇ, nawˇ saˇ jaˇ ziꞈ dui dui-eu gaˇ kawˆ, nymˬ-mˇ nawˇ mˇ-eu heu naˆ maˬ tseˇ, nawˬ-euˬ zahˇ shaˇ aˬ ma-ahˇ nawˬ neh mˇ nehˬ-euˬ gaˇ deuˬ, saˇ kiˇ pyeuꞈ luꞈ meh. Iˬ nah keuˆ ni, smˇ muiˬ muiˬ gaˇ maˬ ehˇ, iˇ shaˬ shaˬ gaˇ maˬ ehˇ, zaˬ guˬ tiˬ gʼaˬ na-ahˇ dahˬ dzaˬ-iˇ ma lehˇ nawˇ maˬ noeˬ-a.

Yaˇ kʼaˬ daˇ 17:2

Aˬ yawꞈ-euˬ aˬ ma-ahˇ aˬ yawꞈ ehˇ nehˬ-eu, “Nawˬ-eu pyuˇ maˇ byaˆ tiˬ heˇ tiˬ yaˇ byaˆ byoˆ ngeh, smˇ kʼoeˬ-ahˇ nawˇ yaˬ kʼehˇ yaˬ-euˬ ngaˇ gaˬ-euˬ ma. Nawˬ-euˬ pyuˇ kʼoeˇ deuˬ ngaˬ neh yuˇ-awˇ, ngaˇ jawˇ gaˇ jaˆ luꞈ meh.” Aˬ yawꞈ-euˬ aˬ ma ehˇ-eu, “Ngaˬ li-oˇ, Sahˬpaˬ Miˬyehˇ nawˬ-ahˇ guiˬ lahˬ biꞈ luꞈ-uˇ.”

Luˇkaꞈ 18:11

“Paˬliˬsehˇ kʼoeˇ gʼaˬ tiˬ paw yawꞈ-awˇ, ‘Miˬyehˇ-oˇ, ngaˇ-aˬ, aˬ cawˬ-ahˇ maˬ duˇ-eu miˇ neh nawˬ-euˬ guiˬ lahˬ-ahˇ ja ceuˬ-eu ma. Aˬ cawˬ loꞈ-ehˇ kʼoeˬ dzaˬ kʼaˆ dzaˬ-eu, maˬ sui maˬ dawˇ-eu, aˬ cawˬ miˬ zaˬ-ahˇ bahˬ-eu heu deuˬ ngaˇ maˬ mˇ. Kʼoeˇ uˬ taꞈ, kʼoeˇ gaˇ yawꞈ luꞈ-eu kawˬ taꞈ-eu tsawˇ haˬ heu gʼaˬ-ahˇ ngaˇ maˬ duˇ-eu miˇ neh, nawˬ-euˬ guiˬ lahˬ-ahˇ ja ceuˬ-eu ma.

Luˇkaꞈ 17:10

Kʼoeˇ loꞈ-ehˇ duˇ ni, naw maꞈ kʼawꞈ, naw maꞈ-ahˇ kʼaˇ kʼehˇ-euˬ jeˬ mˇ gʼaˬ jiˇ ngeh, ‘Nga maꞈ-aˬ, maˬ poeˬ maˬ lawˬ-eu zaˬ kʼaˆ tehꞈ ma. Nga maꞈ-ahˇ daˇ-eu gaˇ-ahˇ nga maꞈ mˇ jiˇ-euˬ tehꞈ ma’ lehˇ ehˇ-awˬ.”

Dawqdaq 31:31

Aˬ yawꞈ neh kʼaˇ mˇ kʼaˇ shaˇ-euˬ jeˬ baˬ da neh, aˬ yawꞈ-ahˇ taˬ huiˬ-awˬ. Yawˬ gʼaˬ na luꞈ aˬ yawꞈ-ahˇ yaw zeu baw-eu tsaˬ meh.

Dawqdaq 30:13

Yawˬ haˇ yawˬ ha maˬ gaˇ dui dui miˇ-a lehˇ noeˬ-eu tsawˇ haˬ jawˇ-eu meh.

Dawqdaq 28:13

Yawˬ ha-euˬ iˬ baˇ laˆ zaꞈ-eu lehˇ leh jeh-eu tsawˇ haˬ tiˬ jawˇ-iˬ maˬ dehꞈ dzaˬ laˇ-a. Yawˬ ha-euˬ iˬ baˇ pah mehˬ-eu tsawˇ haˬ-ahˇ Miˬyehˇ gʼawˬ shaˬ gaˬ nehˬ tehꞈ-a.

1 Saˬmeuˬlaˆ 15:11

“Ngaˬ neh Sawˇluˆ-ahˇ sahˬ paˬ bi geuꞈ-euˬ gaˇ kawˆ-ahˇ ngaˇ nui ma maˬ saˇ nya. Aˬ yawꞈ ngaˬ-ahˇ byehˇ dzeh-awˇ, ngaˬ-euˬ zahˇ dawˬ kʼoꞈ dawˬ deuˬ-ahˇ maˬ naˇ haˬ geuꞈ-a.” Saˬmeuˬlaˆ nui ma pehˇ-eu laꞈ kʼoeˇ, uˬ ciꞈ miˇ lah-ehˇ Sahˬpaˬ Miˬyehˇ-ahˇ guiˬ lahˬ shaˇ-euˬ meh.

1 Saˬmeuˬlaˆ 15:9

Ehˇ kʼawꞈ, Sawˇluˆ hawˇ-eu aˬ yawꞈ-euˬ tsawˇ haˬ deuˬ Aˬgaˆ-ahˇ maˬ sehꞈ ni bi jawˇ-euˬ meh. Muiˬ dui dui-eu yawˇ hawˇ-eu mawˇ neˇ deuˬ maˬ ehˇ, muiˬ dui dui-eu yawˇ zaˬ hawˇ-eu mawˇ neˇ mawˇ zaˬ deuˬ maˬ ehˇ, maˬ sehꞈ ni bi jawˇ-euˬ meh. Kʼaˇ muiˬ-eu jeˬ dawˬ tawˆ luꞈ-ahˇ maˬ laˆ cawˆ ni bi jaˆ-euˬ meh. Gaˇ dahˇ maˬ tsoeˬ-eu jeˬ hawˇ-eu aˇ poeˬ maˬ baw-eu jeˬ tehꞈ-ehˇ aˬ yawꞈ maꞈ laˆ cawˆ-euˬ meh.

Aˇ dahˬ 14:19

Aˬbyaˬ-ahˇ aˬ yawꞈ heu loꞈ-ehˇ dawˬ ngehˬ gʼeh nehˬ-euˬ meh. “Mˬ hawˇ-eu miˇ-ahˇ beh-euˬ yaw sahˇ pyeuꞈ-eu Huiˬ dui mahˇ dui dui-eu Miˬyehˇ, Aˬbyaˬ-ahˇ guiˬ lahˬ biꞈ luꞈ-uˇ.

Aˇ dahˬ 3:12

“Nawˬ neh ngaˬ nehˬ-ehˇ bi jawˇ le-euˬ zaˬ miˬ zaˬ heu gʼaˬ, ngaˬ-ahˇ aˇ siˬ kʼoeˇ biꞈ laꞈ-eu miˇ neh ngaˇ dzaˬ-euˬ ma” lehˇ, kʼaˬ dzeˇ zaˬ kʼoeˇ gʼaˬ Miˬyehˇ pyeuꞈ-eu Sahˬpaˬ Miˬyehˇ-ahˇ ehˇ kʼoꞈ nehˬ-euˬ meh.

Dawqdaq 27:2

Yawˬ haˇ yawˬ ha taˬ ja ceuˬ. Aˬ cawˬ neh bi ja ceuˬ-awˬ. Boeˇ miˬ siˬ kʼaˬ deuˬ neh bi ja ceuˬ-awˬ.

1 Saˬmeuˬlaˆ 13:10

Miˬ dzaˬ dzah puiˆ-awˇ lawˇ-eu jeˬ lawˇ gʼaˬ-euˬ nehˬ-ehˇ Saˬmeuˬlaˆ laˇ keuˆ-euˬ meh.

1 Saˬmeuˬlaˆ 15:20

Sawˇluˆ ehˇ-eu, “Sahˬpaˬ Miˬyehˇ-euˬ ehˇ dawˬ-ahˇ ngaˇ maˬ naˇ haˬ geuꞈ-euˬ maˬ ngeuˇ. Aˬ yawꞈ neh ehˇ nehˬ laꞈ-euˬ loꞈ-ehˇ ngaˇ iˇ-awˇ, sahˬ paˬ Aˬgaˆ-ahˇ nyehꞈ kʼoꞈ laꞈ-awˇ, Aˬmaˬlehˇ tsawˇ haˬ dawˬ tawˆ luꞈ-ahˇ sehꞈ jiˇ-euˬ ma.

1 Saˬmeuˬlaˆ 25:14

Naˬbaˬlaˇ-euˬ zaˬ kʼaˆ tiˬ gʼaˬ, Naˬbaˬlaˇ-euˬ miˬ zaˬ Aˬbiˇgeˬlaˆ-ahˇ heu loꞈ-ehˇ ehˇ nehˬ-euˬ meh. “Daˬbiˇ bawˇ tsahˬ bawˇ dahˇ-ahˇ neh tsawˇ haˬ tiˬ deuˬ pyehˬ gʼeh leꞈ-awˇ, ngaˬ maꞈ-euˬ baw leˬ jawˇ gaˇ dawˬ tsaꞈ bi tsaꞈ gaˬ le-euˬ gaˇ kawˆ hawˇ-eu, dawˬ tsaꞈ tsaꞈ le-euˬ tsawˇ haˬ kʼoeˇ deuˬ-ahˇ nga maꞈ-euˬ baw leˬ neh dehˬ-awˇ bi gʼoꞈ leˇ-euˬ gaˇ kawˆ nawˇ yaˬ gaˬ gʼaˬ maˬ loˇ.

2 Saˬmeuˬlaˆ 2:5

tsawˇ haˬ pyehˬ gʼeh-awˇ, heu loꞈ-ehˇ bi tsaꞈ gaˬ-iˇ-euˬ meh. “Naw maꞈ-euˬ sahˬ paˬ-ahˇ baꞈ pahˬ nehˬ-euˬ laꞈ kʼoeˇ, naw maꞈ saˇ jaˇ ziꞈ-eu gaˇ kawˆ bi siˬ bi mawˇ-euˬ miˇ neh, Sahˬpaˬ Miˬyehˇ naw maꞈ-ahˇ guiˬ lahˬ biꞈ luꞈ-uˇ.

1 Saˬmeuˬlaˆ 23:21

Tsawˇ haˬ kʼoeˇ deuˬ-ahˇ Sawˇluˆ heu loꞈ-ehˇ ehˇ nehˬ-euˬ meh. “Naw maꞈ ngaˬ-ahˇ gʼawˬ shaˬ gaˬ-eu siˬ nya-eu miˇ neh, Sahˬpaˬ Miˬyehˇ naw maꞈ-ahˇ guiˬ lahˬ biꞈ luꞈ-uˇ.