1 Saˬmeuˬlaˆ 14:41 - Akha

⁴¹ Iˇsaˬleˬlaˆ tsawˇ jeuˬ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ Sawˇluˆ ehˇ nehˬ-eu, “Sahˬpaˬ Miˬyehˇ-oˇ, aˬ jeˬ miˇ neh nawˇ ngaˬ-ahˇ iˬ nah dawˬ maˬ ngehˬ cawˬ nehˬ laꞈ te. Iˇsaˬleˬlaˆ tsawˇ jeuˬ-euˬ Miˬyehˇ pyeuꞈ-eu Sahˬpaˬ Miˬyehˇ-oˇ, muiˬ-eu shawˇ-eu kʼaˬ lo heu deuˬ dawˬ peh ngaˬ-ahˇ dawˬ ngehˬ cawˬ nehˬ laꞈ-awˬ. Yawˇnaˆshaˬ nga nyaꞈ da zaˬ tiˬ gʼaˬ na iˬ baˇ ahˇ naˇ, Uˇleˬ-ahˇ gʼoe-awˇ ehˇ nehˬ laꞈ-awˬ. Ehˇ kʼawꞈ, nawˬ-euˬ Iˇsaˬleˬlaˆ tsawˇ haˬ deuˬ laꞈ kʼoeˇ tiˬ gʼaˬ na iˬ baˇ ahˇ naˇ, Duˇmeˬ-ahˇ gʼoe-awˇ ehˇ nehˬ laꞈ-awˬ.”‘Uˇleˬ hawˇ-eu Duˇmeˬ’ lehˇ ehˇ-eu dawˬ tsuiꞈ Doˆ-iˇ-eu 28.30-ahˇ haw-awˬ.* Kʼoeˇ ngeh, Yawˇnaˆshaˬ hawˇ-eu Sawˇluˆ aˬ nyaꞈ da zaˬ iˬ baˇ ahˇ-awˇ, Iˇsaˬleˬlaˆ tsawˇ haˬ deuˬ iˬ baˇ maˬ ahˇ-eu gaˇ kawˆ ya siˬ duˬ-euˬ meh.

1 Saˬmeuˬlaˆ 14:41 Referans Kwoze

Gʼaˬkʼehˇ 1:24

Kʼoeˇ naˇ, a yawꞈ maꞈ heu loꞈ-ehˇ guiˬ lahˬ shaˇ-euˬ meh. “SahˬpaˬMiˬyehˇ-oˇ, tsawˇ haˬ yawˬ gʼaˬ na luꞈ-euˬ nui noeˬ nui duˇ-ahˇ nawˇ siˬ nya-eu meh. Yuˇdaˆ-aˬ, yawˬ paw yawˬ ciˬ pyawˇ-awˇ, aˬ yawꞈ-ahˇ geuˇ-eu jawˇ duˬ-ahˇ le dzeuˇ-euˬ meh. Kʼoeˇ miˇ neh, Yuˇdaˆ-euˬ dah zaˇ gʼaˬ kʼehˇ geuꞈ-awˇ gaˇ mˇ-eu gʼaˇ duˬ, tsawˇ haˬ heu nyiˬ gʼaˬ laꞈ kʼoeˇ nawˬ neh tseˇ doˆ-euˬ gʼaˬ nga maꞈ-ahˇ mehˬ nehˬ laꞈ-awˬ.”

Yawˇnaˆ 1:7

Saˇ baoˬ kʼoeˇ taˆ gaˇ mˇ luꞈ-eu tsawˇ haˬ deuˬ tiˬ gʼaˬ tiˇ gʼaˬ ehˇ-eu, “Aˬ dui maꞈ kʼoeˇ taˆ heu loꞈ-ehˇ gʼeh-eu guˆ-eu gaˆ-eu jeˬ keuˆ le-euˬ heu aˬ geu gʼaˬ baˬ da neh nga lehˇ, pyehˆ tseˇ duˬ haw kaˇ-euˇ.” Aˬ yawꞈ maꞈ pyehˆ tseˇ duˬ haw ngeh, Yawˇnaˆ-ahˇ duˬ leˇ-euˬ meh.

Dawqdaq 16:33

Tsawˇ haˬ zaˬ ja maw maw nya kʼawꞈ, yaw muiˬ yaw doeˇ jahˇ tsehˆ-eu jeˬ, Miˬyehˇ-euˬ laꞈ-ahˇ jaˆ-eu meh.

Gʼaˬkʼehˇ 1:26

Kʼoeˇ naˇ, aˬ yawꞈ nyaꞈ-euˬ tsawˇ myahˇ boꞈ ahˇ-awˇ, maˬ haw ni beuˬ ngeh, Maˬtiˇ-ahˇ zaˬ leˇ-euˬ meh. Kʼoeˇ miˇ neh, Maˬtiˇ-ahˇ gʼaˬ kʼehˇ tseˇ tiꞈ gʼaˬ nehˬ-ehˇ bi gawꞈ leˇ-euˬ meh.

1 Saˬmeuˬlaˆ 14:40

Kʼoeˇ naˇ, “Naw maꞈ dawˬ tawˆ luꞈ teu gaˇ yawꞈ-awˬ. Ngaˇ hawˇ-eu Yawˇnaˆshaˬ heu gaˇ yawꞈ ma” lehˇ, aˬ yawꞈ maꞈ-ahˇ Sawˇluˆ ehˇ nehˬ ngeh, “Nawˬ neh muiˬ meh lehˇ kʼaˇ noeˬ-euˬ loꞈ-ehˇ geuꞈ ma” lehˇ aˬ yawꞈ maꞈ ehˇ-eu meh.

1 Saˬmeuˬlaˆ 14:42

Kʼoeˇ ngeh, “Ngaˬ li Yawˇnaˆshaˬ nga nyaꞈ aˬ geu gʼaˬ iˬ baˇ ahˇ-eu nga lehˇ ehˇ nehˬ laꞈ-awˬ” lehˇ Sawˇluˆ paˇ ehˇ-eu meh. Kʼoeˇ naˇ, Yawˇnaˆshaˬ gʼaˬ iˬ baˇ ahˇ-eu gaˇ kawˆ uˬ duˬ duˬ leˇ-euˬ meh.

Dawqdaq 18:18

Shehˆ tsaˬ tsaˬ-awˇ jahˇ tsaˬ geuꞈ-eu jeˬ-aˬ, baoˬ huiˬ-eu tsawˇ haˬ deuˬ-euˬ iˬ dehˬ iˬ ceh la miˆ-eu meh.