1 Saˬmeuˬlaˆ 13:9 - Akha

⁹ Kʼoeˇ ngeh, “Miˬ dzaˬ dzah puiˆ-awˇ lawˇ-eu jeˬ hawˇ-eu cawˬ cawˬ taꞈ-eu lawˇ-eu jeˬ yuˇ laꞈ-awˬ” lehˇ, tsawˇ haˬ kʼoeˇ deuˬ-ahˇ Sawˇluˆ ehˇ nehˬ-euˬ meh. Kʼoeˇ naˇ, miˬ dzaˬ dzah puiˆ-awˇ lawˇ-eu jeˬ aˬ yawꞈ lawˇ-euˬ meh.

1 Saˬmeuˬlaˆ 13:9 Referans Kwoze

1 Sahˬpaˬ 3:4

Tiˬ poˆ-aˬ, Giˇbyoˬ meuˬ-ahˇ aˬ yawꞈ le-awˇ, lawˇ-eu shehˇ-eu jeˬ mˇ leˇ-euˬ meh. Aˬ jeˬ miˇ neh ehˇ naˇ, aˬ cawˬ naˆ maˬ tseˇ tsawˇ myahˇ doˆ dzehˬ-eu lawˇ duˬ-aˬ, kʼoeˇ gaˇ jaˆ-eu meh. Aˬ yawꞈ jeˬ zaˬ aˇ yaˇ mawˇ sehꞈ-awˇ, miˬ dzaˬ dzah puiˆ-awˇ lawˇ-eu jeˬ lawˇ nehˬ-euˬ meh.

Dawˬmehˬ 12:6

Miˬ dzaˬ dzah puiˆ-awˇ lawˇ-eu jeˬ hawˇ-eu, nui deuˬ lawˇ-eu jeˬ maˬ ehˇ, tseˇ bymˇ tiˬ bymˇ hawˇ-eu nui deuˬ damˬ-eu jeˬ maˬ ehˇ, gʼaw beh beh-euˬ mawˇ neˇ hawˇ-eu yawˇ maˬ ehˇ, kʼoeˇ gaˇ naw maꞈ ya lawˇ meh.

Iˇsaˬyaˇ 66:3

“Tsawˇ haˬ zaˬ deuˬ yawˬ ha kʼaˇ noeˬ doˆ-euˬ jeˬ mˇ-eu meh. mawˇ neˇ sehꞈ-awˇ lawˇ-eu hawˇ-eu tsawˇ haˬ sehꞈ-awˇ lawˇ-eu, aˬ yawꞈ maꞈ gʼaˇ duˬ tiˬ kawˆ meh. Yawˇ zaˬ lawˇ-eu hawˇ-eu aˬ kuiˬ-euˬ kawˬ lahˇ ngawˬ kʼehꞈ-eu, aˬ yawꞈ maꞈ gʼaˇ duˬ tiˬ kawˆ meh. Dzaˬ la gʼo cehˇ lawˇ-eu hawˇ-eu aˬ zaꞈ-euˬ shiˬ lawˇ-eu, aˬ yawꞈ maꞈ gʼaˇ duˬ tiˬ kawˆ meh. Tsiˇ yaw saw jeˬ lawˇ-eu hawˇ-eu tahˬ pahˬ aˬ ma mawˇ kawˇ-ahˇ guiˬ lahˬ shaˇ-eu jeˬ, aˬ yawꞈ maꞈ-euˬ gʼaˇ duˬ maˬ beu gaˇ-a. Nui daˆ daˆ laˇ paˬ-ehˇ gʼeh-eu uˬ duˬ tahˬ-eu jeˬ-ahˇ, aˬ yawꞈ maꞈ cehˇ gʼa luꞈ-eu meh.

Dawqdaq 21:27

Haiˬ-eu tsawˇ haˬ deuˬ lawˇ gaˇ shehˇ gaˇ Sahˬpaˬ Miˬyehˇ bye-awˇ, nui ma maˬ dawˇ-eu laꞈ kʼoeˇ lawˇ gaˇ bye dzehˬ-eu meh.

Dawqdaq 21:3

Yaw tsaˬ yaw dawˇ jeˬ-ahˇ mˇ-awˬ. Lawˇ-eu shehˇ-eu jeˬ naˆ maˬ tseˇ, kʼoeˇ jeˬ-ahˇ Sahˬpaˬ Miˬyehˇ nui kʼahˇ shiˇ meh.

Dawqdaq 20:22

Laꞈ poˆ poˆ-eu dawˬ taˬ ngehˬ, Sahˬpaˬ Miˬyehˇ jahˇ jiˇ gaˇ dawˬ keuˆ-awˬ.

Dawqdaq 15:8

Tsawˇ muiˬ neh shaˇ-euˬ shaˇ dawˬ-ahˇ Sahˬpaˬ Miˬyehˇ nui kʼahˇ shiˇ-awˇ, tsawˇ doeˇ neh lawˇ-euˬ shehˇ-euˬ jeˬ-ahˇ aˬ yawꞈ bye-eu meh.

Jaceuq 37:7

Nawˇnui ma gʼawˬmahˇni taˬ-awˇ, SahˬpaˬMiˬyehˇ-ahˇdawˬtawˬ-awˬ. Aˬcawˬdehꞈdzaˬgaˇtaˬnoeˬshaˬ. Yaw haiˬjeˬmˇgaˇmyaˆtaˬnaˆ.

2 Saˬmeuˬlaˆ 24:25

Sahˬpaˬ Miˬyehˇ gʼaˇ duˬ lawˇ duˬ tiˬ tsahˇ aˬ yawꞈ gawˬ-awˇ, miˬ dzaˬ dzah puiˆ-awˇ lawˇ-eu jeˬ hawˇ-eu, cawˬ cawˬ taꞈ-eu lawˇ-eu je lawˇ nehˬ-euˬ meh. Kʼoeˇ ngeh, aˬ yawꞈ-euˬ shaˇ dawˬ-ahˇ Sahˬpaˬ Miˬyehˇ naˇ haˬ geuꞈ nehˬ-awˇ, Iˇsaˬleˬlaˆ tsawˇ haˬ deuˬ-euˬ kʼoeˇ taˆ bi keuˆ le-euˬ yaw jaw naˇ-eu naˇ gawˇ kʼoeˇ byoˆ-iˇ-euˬ meh.

1 Saˬmeuˬlaˆ 14:18

Kʼoeˇ ngeh, “Miˬyehˇ-euˬ Dawˬ ma saˇ jaˇ Bahˬ keuˆ baꞈ laꞈ sheˇ” lehˇ, piˇ ma Aˬhiˇyaˬ-ahˇ Sawˇluˆ ehˇ nehˬ-euˬ meh. Aˇ nah aˇ yamˬ kʼoeˇ yamˬ laꞈ kʼoeˇ, Aˬhiˇyaˬ gʼaˬ Dawˬ ma saˇ jaˇ Bahˬ keuˆ kʼoeˇ baꞈ-awˇ, Iˇsaˬleˬlaˆ tsawˇ haˬ deuˬ-euˬ mehˬ hu cah luꞈ-eu meh.

Dawˬmehˬ 12:5

Naw maꞈ tsawˇ jeuˬ heu myaˆ ni gʼeh-eu miˇ kʼahˬ laꞈ kʼoeˇ, aˬ yawꞈ-euˬ mehˬ shi naw maꞈ le-awˇ, aˬ yawꞈ-ahˇ uˬ duˬ ya tahˬ-eu jawˇ duˬ tiˬ tsahˇ Sahˬpaˬ Miˬyehˇ tseˇ doˆ tehꞈ-a.