1 Saˬmeuˬlaˆ 12:11 - Akha

¹¹ Nawˬ-ahˇ nga maꞈ uˬ duˬ tahˬ-eu ma lehˇ ehˇ-eu meh. Kʼoeˇ naˇ, Giˇdoˬ, Baˬyehˇ, Yeˬpaˬtaˆ aˬ ha smˇ gʼaˬ-ahˇ, tiˬ gʼaˬ saˇ-iˬ tiˬ gʼaˬ Sahˬpaˬ Miˬyehˇ pyehˬ gʼeh leꞈ-awˇ, aˇ saˬ saˬ laˇ ngeh ngaˬ-ahˇ pyehˬ gʼeh leꞈ-euˬ meh. Nga maꞈ oeˬ gʼaˬ aˬ yawꞈ gʼaˬ yawꞈ, muiˇ-eu deuˬ-euˬ aˬ laꞈ laꞈ kʼoeˇ neh naw maꞈ-ahˇ ka kʼoꞈ-awˇ, naw maꞈ-ahˇ nui saˇ za-eu laꞈ kʼoeˇ bi dehꞈ bi jawˇ-euˬ ma.

1 Saˬmeuˬlaˆ 12:11 Referans Kwoze

Yaˇ kʼaˬ daˇ 6:32

Kʼoeˇ ngeh neh naˇ, Giˇdoˬ-ahˇ Yeˬluˇbaˬlaˇ lehˇ myahˇ nehˬ-euˬ meh. Aˬ jeˬ miˇ neh ehˇ naˇ, “Baˬlaˇ-euˬ lawˇ duˬ bi deh pyaˆ-euˬ miˇ neh, Baˬlaˇ aˬ yawˆ yawꞈ ka kʼoꞈ luꞈ-uˇ” lehˇ Yawˇshaˆ ehˇ-eu meh.

Yaˇ kʼaˬ daˇ 4:6

Tiˬ nah keuˆ laˇ ngeh, Naˬtaˬliˇ miˇ kʼahˬ Geˬdeˬshaˆ meuˬ-ahˇ jawˇ-eu Aˬbiˇnamˬ-euˬ aˬ li Baˬyehˇ jawˇ gaˇ aˬ yawꞈ iˇ-awˇ ehˇ-eu, “Iˇsaˬleˬlaˆ tsawˇ jeuˬ-euˬ Miˬyehˇ pyeuꞈ-eu Sahˬpaˬ Miˬyehˇ nawˬ-ahˇ heu loꞈ-ehˇ dawˬ biꞈ leꞈ-euˬ meh. ‘Naˬtaˬliˇ tsawˇ jeuˬ hawˇ-eu Zeˬbuˬluˬ tsawˇ jeuˬ laꞈ kʼoeˇ, tsawˇ haˬ tiˬ muiˇ gʼaˬ sheuˬ-awˇ, Taˬbawˬ gawˬ jawˬ-ahˇ le-awˬ.

Yaˇ kʼaˬ daˇ 6:14

Kʼoeˇ ngeh, Sahˬpaˬ Miˬyehˇ dawˬ biꞈ-awˇ ehˇ-eu, “Nawˬ-eu gʼaˬ-ahˇ gʼoe-eu laꞈ kʼoeˇ iˇ-awˇ, Miˇdiˬyaˬ tsawˇ haˬ-euˬ aˬ laꞈ laꞈ kʼoeˇ, Iˇsaˬleˬlaˆ tsawˇ haˬ deuˬ-ahˇ ka kʼoꞈ doˆ-iˇ-awˬ. Ngaˬ-euˬ gʼawˇ mawˇ nawˬ-ahˇ pyehˬ gʼeh-eu ma.”

1 Saˬmeuˬlaˆ 7:13

Piˇliˇtiˆ tsawˇ haˬ deuˬ kʼoeˇ loꞈ-ehˇ guiˇ deuˆ smˬ-awˇ, Saˬmeuˬlaˆ yaw dehꞈ kʼaˇ dehꞈ-euˬ tiˬ ziˇ, aˬ yawꞈ maꞈ Iˇsaˬleˬlaˆ tsawˇ haˬ deuˬ-ahˇ guiˇ maˬ deuˆ laˇ nya ni, Sahˬpaˬ Miˬyehˇ neh laˆ tsoeˬ nehˬ-euˬ meh.

Yaˇ kʼaˬ daˇ 8:35

Iˇsaˬleˬlaˆ tsawˇ jeuˬ gʼaˇ duˬ, Giˇdoˬ-euˬ nymˇ jiˇ muiˬ-eu jeˬ mˇ nehˬ laꞈ-euˬ miˇ neh, guiˬ lahˬ huiˬ miˇ-a lehˇ kʼawꞈ aˬ yawꞈ maꞈ maˬ noeˬ-a.

Yaˇ kʼaˬ daˇ 8:29

Giˇdoˬ-aˬ, aˬ yawꞈ-euˬ nymˇ-ahˇ gʼoꞈ-iˇ-awˇ jawˇ-euˬ meh.

Yaˇ kʼaˬ daˇ 6:31

Ehˇ kʼawꞈ, aˬ yawꞈ-ahˇ kʼaˇ ngehˬ cawˬ laˇ-eu tsawˇ haˬ deuˬ-ahˇ Yawˇshaˆ ehˇ nehˬ-eu, “Naw maꞈ Baˬlaˇ miˬ yehˇ paw pyawˬ te loˇ. Aˬ yawꞈ-ahˇ ka kʼoꞈ-eu gʼeh te loˇ. Aˬ yawꞈ jawˇ paw pyawˬ-eu tsawˇ haˬ aˬ geu gʼaˬ maˬ kaˬ, uˬ shawˬ maˬ buˬ-iˇ mi naˆ-ehˇ ya shiˇ tehꞈ-a. Baˬlaˇ-aˬ, miˬ yehˇ pyeuꞈ-eu ngeuˇ naˇ, aˬ yawꞈ-euˬ lawˇ duˬ bi deh pyaˆ gaˇ keuˆ-eu-aˬ, aˬ yawˆ yawꞈ ka kʼoꞈ tehꞈ-a.”

Yaˇ kʼaˬ daˇ 7:1

Tiˬ nah-aˬ, Giˇdoˬ hawˇ-eu aˬ yawꞈ-euˬ tsawˇ haˬ dawˬ tawˆ luꞈ yaw naꞈ-ehˇ tuˇ-awˇ, Haˬloˆ lawˇ gawˆ dawˬ peh taˆ tsoˆ-awˇ jawˇ-eu meh. Miˇdiˬyaˬ tsawˇ haˬ-euˬ taˆ-aˬ, aˬ yawꞈ maꞈ-euˬ laꞈ taˆ paw jaˆ-eu deh kʼawꞈ-ahˇ, Mawˇleh gawˬ duˇ dawˬ peh jaˆ-eu meh.

1 Saˬmeuˬlaˆ 3:20

Kʼoeˇ miˇ neh, Saˬmeuˬlaˆ Sahˬpaˬ Miˬyehˇ gʼaˇ duˬ ngehˬ dah-eu gʼaˬ maˇ maˇ ni pyeuꞈ-eu gaˇ kawˆ, Iˇsaˬleˬlaˆ miˇ kʼahˬ doe ni kʼaˇ jawˇ-eu tsawˇ haˬ dawˬ tawˆ luꞈ siˬ nya jiˇ-euˬ meh.

2 Sahˬpaˬ 13:5

Suˇliˆ tsawˇ haˬ deuˬ neh kʼehˬ nehˬ kʼaˆ nehˬ-euˬ jeˬ-ahˇ buˬ-iˇ nya ni, Iˇsaˬleˬlaˆ tsawˇ haˬ deuˬ-ahˇ aˬ yuiꞈ geuꞈ-awˇ sheuˬ gʼeh nehˬ-eu tsawˇ haˬ tiˬ gʼaˬ Sahˬpaˬ Miˬyehˇ pyehˬ leꞈ-awˇ, aˇ hu ba dehꞈ dzeuˇ jawˇ dzeuˇ yaꞈ-euˬ aˇ nah aˇ yamˬ loꞈ-ehˇ, aˬ yawꞈ maꞈ nui saˇ oꞈ-eu laꞈ kʼoeˇ ya dehꞈ ya jawˇ-euˬ meh.

1 Laˬsaˬbaˬ 7:17

Uˇlamˬ-aˬ, Beˬdaˬ lehˇ myahˇ-euˬ aˬ li tiˬ li jawˇ-eu meh. Heu deuˬ-aˬ, Maˬnaˇseˬ-euˬ aˬ li Maˬkiˬlaˇ-euˬ aˬ li Giˇlaˆ-euˬ zaˬ deuˬ uˆ deuˬ meh.