1 Saˬmeuˬlaˆ 10:27 - Akha

²⁷ Ehˇ kʼawꞈ, gaˇ dahˇ maˬ tsoeˬ-eu tsawˇ haˬ tiˬ paˆ na deuˬ aˬ yawꞈ-ahˇ yaw zeu maˬ baw-ehˇ, “Tsawˇ haˬ heu gʼaˬ aˬ dui-ahˇ muiˬ laˇ ni tiˬ jeˬ-iˬ maˬ mˇ nya luꞈ-a” lehˇ ehˇ-awˇ, aˬ yawꞈ-ahˇ laꞈ sawˬ tiˬ jeˬ-iˬ maˬ biꞈ leˇ ni jawˇ-eu meh.

1 Saˬmeuˬlaˆ 10:27 Referans Kwoze

2 Laˬsaˬbaˬ 17:5

Yuˇdaˆ miˇ kʼahˬ-ahˇ yaw muiˬ paˬ-ehˇ uˆ lahˇ gʼaˬ nya ni, Yeˬhawˇshaˬpaˇ-ahˇ Sahˬpaˬ Miˬyehˇ yaw muiˬ paˬ-ehˇ caw ba nehˬ-awˇ, miˇ kʼahˬ zaˬ dawˬ tawˆ luꞈ aˬ yawꞈ-ahˇ laꞈ sawˬ biꞈ laˇ-eu miˇ neh, aˬ yawꞈ smˇ muiˬ muiˬ dui dui laˇ-awˇ, aˬ cawˬ aˬ yawꞈ-ahˇ taˬ huiˬ taˬ mahˇ-eu meh.

1 Sahˬpaˬ 10:25

Aˬ yawꞈ jawˇ gaˇ kʼaˇ laˇ-eu tsawˇ haˬ yawˬ gʼaˬ na luꞈ, shuiˇ hawˇ-eu pyuˇ neh jahˇ taˬ-euˬ myawˬ guˇ deuˬ, pehˇ kʼahˬ pehˇ mahˇ deuˬ, guiˇ deuˆ-eu keu ka deuˬ, tsiˇ yaw saw jeˬ, dzaˇ muiˇ dzaˇ sawˇ deuˬ, mahˬ hawˇ-eu mahˬ shaˆ lawˬ deuˬ yuˇ-awˇ, laꞈ sawˬ biꞈ laˇ-euˬ meh. Yawˬ kʼoꞈ na luꞈ, aˬ yawꞈ maꞈ kʼoeˇ loꞈ-ehˇ aˬ yawꞈ jawˇ gaˇ laꞈ sawˬ yuˇ laꞈ nehˬ-euˬ meh.

1 Saˬmeuˬlaˆ 2:12

Eˇliˆ-euˬ aˬ li deuˬ gaˇ dahˇ maˬ tsoeˬ-a. Aˬ yawꞈ maꞈ Sahˬpaˬ Miˬyehˇ-ahˇ yaw zeu maˬ baw-a.

Gʼaˬkʼehˇ 7:35

“‘Nga maꞈ kʼoeˇ taˆ uˆ lahˇ-awˇ yaˇ kʼaˬ bi daˇ-eu lehˇ, aˬ suˇ gʼaˬ nawˬ-ahˇ kʼehˇ taˬ ta’ lehˇ, aˬ yawꞈ maꞈ neh ehˇ nehˬ-awˇ byehˇ dzeh nehˬ-euˬ Moˇseˬ kʼoeˇ gʼaˬ-aˬ, aˬ yawꞈ-euˬ mehˬ shi baw duˆ laꞈ kʼoeˇ ya mawˇ-euˬ mˬ taˆ gʼaˬ kʼehˇ neh bi caw ba-eu laꞈ kʼoeˇ, aˬ yawꞈ maꞈ-ahˇ bi uˆ lahˇ-awˇ bi ka kʼoꞈ-eu gʼaˇ duˬ Miˬyehˇ neh kʼehˇ leꞈ-euˬ Moˇseˬ pyeuꞈ-eu meh.

Iˇsaˬyaˇ 36:21

Sahˬ paˬ Heˬsaˬgiˇ neh ehˇ nehˬ taˬ-euˬ loꞈ-ehˇ, tsawˇ haˬ kʼoeˇ deuˬ dawˬ tiˬ dawˬ-iˬ maˬ ngehˬ ni ciˬ cuˇ ni jawˇ-eu meh.

Jaceuq 72:10

Saˬbeˬ sahˬ paˬ hawˇ-eu iˇ jaw lahˇ deuˬ-ahˇ jawˇ-eu sahˬ paˬ deuˬ, aˬ yawꞈ-ahˇ laꞈ sawˬ ya biꞈ ha laˇ tehꞈ-a. Sheˬba sahˬ paˬ hawˇ-eu Seˬbaˬ sahˬ paˬ aˬ nyaꞈ aˬ yawꞈ-ahˇ damˬ nehˬ laˇ tehꞈ-a.

Jaceuq 38:13

Ngaˇ-aˬ, naˬbawˇmaˬgaˬnya-eu, naˬbawˬtiˬgʼaˬ-ahˇduˇleˇ-awˇ, kʼaˬmeh dawˬmaˬngeh doˆnya-eu, aˬdzawˬtiˬgʼaˬ-ahˇduˇ-eu ma.

2 Laˬsaˬbaˬ 13:7

Aˇ nah, gaˇ dahˇ maˬ tsoeˬ-eu haiˬ-eu tsawˇ haˬ deuˬ-ahˇ aˬ yawꞈ kuˇ uiˬ-awˇ, Sawˇlaˬmoˬ-euˬ aˬ li Leˬhawˇbamˬ-ahˇ yehˬ baw-ehˇ gʼeh-euˬ meh. Kʼoeˇ ngeh, Leˬhawˇbamˬ gʼaˬ aˇ kʼoꞈ nahˬ-awˇ maˬ mˇ maˬ shaˇ nya-euˬ miˇ neh, aˬ yawꞈ maꞈ-ahˇ maˬ ciˬ daˬ nya-aˬ.

1 Sahˬpaˬ 4:21

Uˇpaˬlaˇ lawˇ baˬ-ahˇ neh Piˇliˇtiˆ miˇ kʼahˬ-ahˇ keuˆ ni hawˇ-eu , Iˇjiˇtuˆ miˇ kʼahˬ-euˬ miˇ kaˬ-ahˇ keuˆ ni kʼaˇ jaˆ-eu miˇ kʼahˬ dawˬ tawˆ luꞈ, Sawˇlaˬmoˬ-euˬ miˇ kʼahˬ pyeuꞈ-eu meh. Aˬ yawꞈ-euˬ tiˬ ziˇ, aˬ yawꞈ maꞈ aˬ yawꞈ-ahˇ kawˬ doˆ nehˬ-awˇ, aˬ yawꞈ uˆ lahˇ-eu uˬ moˆ jawˇ-euˬ meh.

2 Saˬmeuˬlaˆ 20:1

Giˇlaˇgaˬlaˇ meuˬ laꞈ kʼoeˇ, Beˬyaˬmiˬ tsawˇ jeuˬ Biˇkaˬliˇ-euˬ aˬ li Sheˬba lehˇ myahˇ-euˬ aˬ dzawˬ aˇ gah tiˬ gʼaˬ jawˇ-eu meh. Aˬ yawꞈ daˇ heh baw-awˇ, “Daˬbiˇ-ahˇ aˬ dui maꞈ maˬ taꞈ. Yeˬshehˇ-euˬ aˬ li nehˬ-ehˇ aˬ dui maꞈ nui ma maˬ gm. Iˇsaˬleˬlaˆ tsawˇ haˬ deuˬ-oˇ, yawˬ ha-euˬ nymˇ-ahˇ yawˬ ha gʼoꞈ-iˇ jiˇ-awˬ” lehˇ guˇ-eu meh.

2 Saˬmeuˬlaˆ 8:2

Kʼoeˇ naˇ, Mawˇbaˆ tsawˇ haˬ deuˬ-ahˇ aˬ yawꞈ guiˇ deuˆ gʼaˬ-euˬ meh. Guiˇ deuˆ ngeh nyehꞈ mi-euˬ deuˬ-ahˇ miˇ tsa bi yuꞈ-awˇ, smˬ bymˇ nyiˬ bymˇ sehꞈ-euˬ meh. Kʼoeˇ ngeh, Mawˇbaˆ tsawˇ haˬ deuˬ aˬ yawꞈ uˆ lahˇ-eu uˬ moˆ ya jawˇ-awˇ, aˬ yawꞈ-ahˇ kawˬ doˆ nehˬ-euˬ meh.

1 Saˬmeuˬlaˆ 11:12

Kʼoeˇ ngeh, Iˇsaˬleˬlaˆ tsawˇ haˬ deuˬ Saˬmeuˬlaˆ-ahˇ heu loꞈ-ehˇ ehˇ nehˬ-euˬ meh. “Sawˇluˆ-ahˇ aˬ dui-euˬ sahˬ paˬ bi geuꞈ-eu maˬ tsaˬ-a lehˇ ehˇ-eu tsawˇ haˬ kʼoeˇ deuˬ aˬ gaˇ jawˇ ta. Tsawˇ haˬ kʼoeˇ deuˬ nga maꞈ-ahˇ a nehˬ laꞈ-awˬ. Nga maꞈ sehꞈ dzeh jiˇ ma.”

Maꞈtehˬ 2:11

Aˬ yawꞈ maꞈ nymˇ laꞈ kʼoeˇ uˇ leˇ ngeh, zaˬ nahˬ hawˇ-eu aˬ ma Maˬliˇ-ahˇ ya mawˇ-awˇ, pawˬ tsuiꞈ pawˬ dmˬ dmˬ-awˇ uˬ duˬ tahˬ-euˬ meh. Aˬ yawꞈ maꞈ neh yuˇ laꞈ-euˬ laꞈ sawˬ deuˬ pyeuꞈ-eu shuiˇ, lawˇ baoˬ, muˇ laˬ, heu deuˬ yuˇ doˆ-awˇ, aˬ yawꞈ-ahˇ damˬ nehˬ-euˬ meh.

1 Saˬmeuˬlaˆ 11:13

Ehˇ kʼawꞈ, Sawˇluˆ ehˇ-eu, “Iˬ nah tsawˇ haˬ tiˬ gʼaˬ-iˬ maˬ ya sehꞈ-a. Aˬ jeˬ miˇ neh ehˇ naˇ, iˬ nah-aˬ, Iˇsaˬleˬlaˆ tsawˇ jeuˬ-ahˇ Sahˬpaˬ Miˬyehˇ ka kʼoꞈ-euˬ aˇ nah meh.”

1 Saˬmeuˬlaˆ 16:20

Yeˬshehˇ gʼeh, ciꞈ myehꞈ ciꞈ zaˬ tiˬ mawˇ, kaˬ muˇ bi tawˬ-euˬ mahˬ tahˬ laˆ tiˬ mawˇ hawˇ-eu, aˬ gaꞈ dzaˇ uiˇ tiˬ byah ni dahˬ-eu shaˬ kʼoˆ iˇ puˬ tiˬ siˬ shaˇ dawˆ nehˬ-awˇ, Daˬbiˇ-ahˇ Sawˇluˆ jawˇ gaˇ bi le-euˬ meh.

1 Saˬmeuˬlaˆ 25:17

Gaˇ kawˆ heu hmˬ nawˇ shaˇ noeˬ-awˇ, aˬ joˆ-ehˇ jahˇ paˬ nga lehˇ noeˬ tsehˆ-awˬ. Gaˇ kawˆ heu hmˬ baˬ da neh, nga maꞈ-euˬ baw leˬ hawˇ-eu aˬ yawꞈ-eu nymˇ jiˇ kʼoeˇ taˆ luˬ-iˇ seˇ-iˇ-eu jeˬ keuˆ le nya tehꞈ-a. Aˬ yawꞈ nui ma gʼahˇ dui dui-awˇ, tiˬ gʼaˬ-euˬ ehˇ dawˬ-ahˇ-iˬ maˬ naˇ haˬ nehˬ laꞈ-a.”

1 Sahˬpaˬ 5:1

Duˇlu sahˬ paˬ Hiˇlamˬ-aˬ, Daˬbiˇ nehˬ-ehˇ maˬ tsehˆ leˇ ni cawˬ cawˬ taꞈ-euˬ miˇ neh, Daˬbiˇ-euˬ jawˇ duˬ-ahˇ Sawˇlaˬmoˬ sahˬ paˬ keuˆ leˇ-euˬ gaˇ kawˆ ya gaˬ ngeh, cawˬ cawˬ taꞈ-eu gʼaˇ duˬ tsawˇ haˬ pyehˬ gʼeh-euˬ meh.

Dawˬ tsoˆ 7:21

Aˬ cawˬ kʼaˇ ehˇ gaˇ naˇ haˬ naˇ, yawˬ ha zaˬ kʼaˆ-euˬ dawˬ doeˇ kʼawꞈ, yawˬ ha-ahˇ gaˬ keuˆ laˇ tehꞈ-a.