1 Saˬmeuˬlaˆ 10:16 - Akha

¹⁶ “Jeˬ zaˬ kʼoeˇ deuˬ mawˇ kʼoꞈ gʼaˬ-euˬ meh” lehˇ ehˇ nehˬ laꞈ-euˬ meh lehˇ, Sawˇluˆ ehˇ kʼoꞈ nehˬ-euˬ meh. Ehˇ kʼawꞈ, aˬ yawꞈ sahˬ paˬ ya pyeuꞈ laˇ meh lehˇ Saˬmeuˬlaˆ neh aˬ yawꞈ-ahˇ ehˇ nehˬ-euˬ gaˇ kawˆ deuˬ, aˬ yawꞈ-euˬ aˬ zawˇ-ahˇ aˬ yawꞈ maˬ ehˇ nehˬ-a.

1 Saˬmeuˬlaˆ 10:16 Referans Kwoze

Dawqdaq 29:11

Aˬ dzawˬ aˇ gah deuˬ aˬ cawˬ-ahˇ nui ma bi mawˇ-awˇ, nui ma-ahˇ noeˬ-eu tsawˇ haˬ aˬ cawˬ-ahˇ nui ma maˬ bi mawˇ ni oˇ dzeuˇ-eu meh.

1 Saˬmeuˬlaˆ 9:27

Aˬ yawꞈ nyaꞈ meuˬ meuˬ dzeˇ iˇ keuˆ ngeh, “Nawˬ-euˬ zaˬ kʼaˆ-ahˇ mehˬ hu paw bi iˇ tawˬ-awˬ” lehˇ, Sawˇluˆ-ahˇ Saˬmeuˬlaˆ ehˇ nehˬ-euˬ meh. Zaˬ kʼaˆ kʼoeˇ gʼaˬ iˇ dzeuˇ ngeh, “Heu gaˇ tiˬ kʼehˬ naˬ-awˬ. Miˬyehˇ neh ehˇ-euˬ dawˬ nawˬ-ahˇ ngaˇ ehˇ nehˬ nyaˇ” lehˇ, Sawˇluˆ-ahˇ Saˬmeuˬlaˆ ehˇ nehˬ-euˬ meh.

1 Saˬmeuˬlaˆ 9:20

Dzeuˇ yaꞈ-euˬ smˬ nah laꞈ kʼoeˇ byoˆ-iˇ-euˬ mahˬ tahˬ laˆ kʼoeˇ deuˬ gaˇ kawˆ taˬ paˇ noeˬ shaˬ. Mawˇ kʼoꞈ gʼaˬ-euˬ meh. Iˇsaˬleˬlaˆ tsawˇ haˬ deuˬ nymˬ-mˇ loˬ dui dui luꞈ-eu tsawˇ haˬ aˬ geu gʼaˬ-a lehˇ nawˇ siˬ nya ma loˇ. Aˬ yawꞈ maꞈ nawˬ-ahˇ loˬ-eu meh. Nawˇ hawˇ-eu nawˬ da-euˬ nymˇ jiˇ-ahˇ loˬ-eu meh.”

Yaˇ kʼaˬ daˇ 14:6

Ja pyuˬ ni, Sahˬpaˬ Miˬyehˇ-euˬ baoˬ Saˬsoˬ-ahˇ gʼaˬ bi kʼaˆ laˇ-awˇ, ciꞈ myehꞈ ciꞈ zaˬ-ahˇ ngawˬ paˆ-eu loꞈ-ehˇ, aˇ laˬ jaˬ shiˇ kʼoeˇ mawˇ-ahˇ aˬ yawꞈ-euˬ aˬ laꞈ neh ngawˬ paˆ dzeh-euˬ meh. Ehˇ kʼawꞈ, aˬ yawꞈ kʼoeˇ loꞈ-ehˇ jahˇ-euˬ gaˇ kawˆ, aˬ yawꞈ-euˬ aˬ da aˬ ma-ahˇ aˬ yawꞈ maˬ ehˇ nehˬ-a.

Doˆ-iˇ 4:18

Aˬ yawꞈ-euˬ tsawˇ mawˬ Yeˬdaˬyoˇ jawˇ gaˇ Moˇseˬ gʼoꞈ-iˇ-awˇ, “Iˇjiˇtuˆ miˇ kʼahˬ laꞈ kʼoeˇ jawˇ-eu ngaˬ-eu aˬ yuiꞈ aˬ nyiˇ deuˬ dehꞈ luꞈ jawˇ luꞈ nga siˬ loˇ lehˇ haw-iˇ-eu gʼaˇ duˬ, ngaˬ-ahˇ Iˇjiˇtuˆ miˇ kʼahˬ-ahˇ bi gʼoꞈ-iˇ laꞈ-awˬ” lehˇ ehˇ nehˬ ngeh, “Gʼoꞈ-iˇ nya tehꞈ-a” lehˇ Yeˬdaˬyoˇ aˬ yawꞈ-ahˇ ehˇ nehˬ-euˬ meh.

1 Saˬmeuˬlaˆ 10:15

“Naw nyaꞈ-ahˇ Saˬmeuˬlaˆ aˬ jeˬ ehˇ nehˬ laꞈ taˬ” lehˇ, aˬ yawꞈ-euˬ aˬ zawˇ Sawˇluˆ-ahˇ naˇ haˬ-euˬ meh.

Yaˇ kʼaˬ daˇ 14:9

Byaˬ byaˬ uiˇ kʼoeˇ aˬ yawꞈ beuˬ-awˇ, byaˬ byaˬ uiˇ dzaˬ dzaˬ-ehˇ iˇ-euˬ meh. Kʼoeˇ naˇ, aˬ yawꞈ-euˬ aˬ da aˬ ma jawˇ gaˇ iˇ-awˇ, byaˬ byaˬ uiˇ kʼoeˇ biꞈ-awˇ bi dzaˬ ngeh, aˬ nyaꞈ dzeˇ zaˬ kʼawꞈ byaˬ byaˬ uiˇ kʼoeˇ dzaˬ-euˬ meh. Ehˇ kʼawꞈ, shiˇ taˬ-euˬ aˇ laˬ jaˬ shiˇ kʼoeˇ mawˇ-euˬ gʼawˇ mawˇ laꞈ kʼoeˇ byaˬ byaˬ uiˇ kʼoeˇ beuˬ laꞈ-euˬ gaˇ kawˆ, aˬ yawꞈ nyaꞈ-ahˇ Saˬsoˬ maˬ ehˇ nehˬ-a.

Dawqdaq 12:23

Yaw gahˇ deuˬ tsawˇ gahˇ ciˬ zaꞈ-awˇ, dawˇ ga deuˬ lawˇ behˇ baꞈ doˆ-eu meh.

Dawˬ tsoˆ 3:7

Gʼeu pyaˬ-eu yamˬ baw-eu loꞈ-ehˇ, guꞈ tmˇ-eu yamˬ kʼawꞈ baw-eu meh. Ciˬ cuˇ jawˇ yamˬ baw-eu loꞈ-ehˇ, dawˬ ja ja-eu yamˬ baw-eu meh.