1 Sahˬpaˬ 9:4 - Akha

⁴ Nawˬ da Daˬbiˇ loꞈ-ehˇ nawˇ ngaˬ-euˬ mehˬ shi nui ma ziꞈ dah ni gʼeh-awˇ yaw tsaˬ yaw dawˇ dawˇ-ehˇ dehꞈ-eu laꞈ kʼoeˇ, ngaˬ-euˬ zahˇ dawˬ kʼoꞈ dawˬ deuˬ hawˇ-eu ngaˬ neh nawˬ-ahˇ kʼaˇ ehˇ nehˬ-euˬ yawˬ jeˬ na luꞈ-ahˇ yaw muiˬ paˬ-ehˇ naˇ haˬ geuꞈ naˇ,

1 Sahˬpaˬ 9:4 Referans Kwoze

1 Sahˬpaˬ 15:5

Heˬtaˆ tsawˇ jeuˬ Uˇliˇyaˆ-ahˇ taꞈ leˇ-eu gaˇ kawˆ kʼoeˇ hmˬ maˬ ngeuˇ naˇ, Sahˬpaˬ Miˬyehˇ-euˬ ehˇ dawˬ-ahˇ Daˬbiˇ maˬ naˇ haˬ-euˬ maˬ jaˆ ni, aˬ yawꞈ nui ma tsaˬ-eu jeˬ-ahˇ Daˬbiˇ mˇ-euˬ miˇ neh, Leˬhawˇbamˬ-ahˇ Sahˬpaˬ Miˬyehˇ kʼoeˇ loꞈ-ehˇ jahˇ nehˬ-euˬ meh.

1 Sahˬpaˬ 3:14

Nawˬ da Daˬbiˇ loꞈ-ehˇ ngaˬ-euˬ zahˇ dawˬ kʼoꞈ dawˬ-ahˇ nawˇ caw teh-awˇ, ngaˬ-euˬ dawˬ-ahˇ nawˇ naˇ haˬ geuꞈ naˇ, ziˇ baw ziˇ za-euˬ guiˬ lahˬ nawˬ-ahˇ ngaˇ biꞈ ma.”

1 Sahˬpaˬ 11:6

Aˬ yawꞈ-euˬ aˬ da Daˬbiˇ loꞈ-ehˇ, Sahˬpaˬ Miˬyehˇ-euˬ mehˬ nah aˬ yawꞈ maˬ caw teh ni mˇ lehˬ shaˇ lehˬ-euˬ meh.

1 Sahˬpaˬ 11:4

Aˬ yawꞈ tsawˇ kʼaˆ kʼaˆ laˇ ngeh, aˬ yawꞈ maꞈ-euˬ miˬ yehˇ deuˬ-ahˇ uˬ duˬ tahˬ-eu gʼaˇ duˬ, aˬ yawꞈ maꞈ aˬ yawꞈ-ahˇ sheuˬ gʼeh-euˬ meh. Aˬ yawꞈ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ aˬ yawꞈ-euˬ aˬ da Daˬbiˇ saˇ jaˇ ziꞈ-euˬ loꞈ-ehˇ, aˬ yawꞈ saˇ jaˇ maˬ ziꞈ-a.

Aˇ dahˬ 17:1

Aˬbyaˬ gʼoeˬ tseˇ gʼoeˬ kʼoꞈ kʼawˆ ngeh, aˬ yawꞈ-euˬ mehˬ shi Sahˬpaˬ Miˬyehˇ doˆ le-awˇ, heu loꞈ-ehˇ ehˇ-eu meh. “Ngaˇ-aˬ, yawˬ jeˬ na luꞈ mˇ nya-eu Baoˬ huiˬ-eu Miˬyehˇ ma. Ngaˬ-euˬ ehˇ dawˬ naˇ haˬ-awˇ yaw tsaˬ yaw dawˇ jeˬ mˇ-awˬ.

Luˇkaꞈ 1:6

Nyiˬ dzeˇ zaˬ luꞈ Miˬyehˇ mehˬ shi dawˇ coe ni dehꞈ-awˇ, SahˬpaˬMiˬyehˇ-euˬ zahˇ dawˬ kʼoꞈ dawˬ hawˇ-eu zahˇ sahˇ kʼoꞈ dawˬ tawˆ luꞈ-ahˇ caw teh-eu meh.

Zaˬkaˬliˇ 3:7

“Baoˬ huiˬ-eu Sahˬpaˬ Miˬyehˇ nawˬ-ahˇ heu loꞈ-ehˇ ehˇ-eu meh. Ngaˬ-euˬ zahˇ dawˬ kʼoꞈ dawˬ mehˬ nah nawˇ caw teh-awˇ, ngaˬ neh bi mˇ-euˬ gaˇ deuˬ- ahˇ nawˇ mˇ naˇ, ngaˬ-euˬ Uˬ duˬ tahˬ nymˇ nymˇ ma hawˇ-eu kʼoeˇ-euˬ lahˇ laꞈ kʼoeˇ jaˆ-eu muiˬ-eu gaˇ deuˬ-ahˇ nawˇ ya haw ya pyaˆ-awˇ, ngaˬ-euˬ mehˬ shi jawˇ-eu mˬ taˆ gʼaˬ kʼehˇ deuˬ-euˬ shaˇ dawˬ-ahˇ ngaˇ naˇ haˬ nehˬ-euˬ loꞈ-ehˇ, nawˬ-euˬ shaˇ dawˬ-ahˇ kʼawꞈ ngaˇ naˇ haˬ nehˬ ma.

Dawqdaq 28:18

Yaw sui yaw dawˇ tsawˇ haˬ guˆ-eu gaˆ-eu jeˬ-ahˇ dzeuˇ-iˇ-awˇ, maˬ sui maˬ dawˇ-eu tsawˇ haˬ coˬ-iˇ tehꞈ-a.

Jaceuq 26:11

Ngaˇyaw tsaˬjeˬmˇ-eu miˇneh, gʼawˬshaˬgaˬ-awˇka kʼoꞈnehˬlaꞈ.

1 Sahˬpaˬ 14:8

Daˬbiˇ-euˬ zaˬ deuˬ uˆ deuˬ-euˬ laꞈ-ahˇ neh miˇ kʼahˬ heu kʼahˬ ngaˇ yuˇ doˆ-awˇ, nawˬ-ahˇ biꞈ-euˬ ma. Ehˇ kʼawꞈ, ngaˬ-ahˇ saˇ jaˇ ziꞈ dui dui-awˇ, ngaˬ-euˬ ehˇ dawˬ naˇ haˬ-eu laꞈ kʼoeˇ, ngaˬ neh kʼaˇ bi mˇ-euˬ jeˬ tehꞈ-ehˇ mˇ-eu ngaˬ-euˬ zaˬ kʼaˆ Daˬbiˇ-ahˇ nawˇ maˬ duˇ law hawˇ ngaˬ.

1 Sahˬpaˬ 11:38

Ngaˬ-euˬ zaˬ kʼaˆ Daˬbiˇ loꞈ-ehˇ, ngaˬ-euˬ ehˇ dawˬ tiˬ dawˬ-iˬ maˬ bi dzeˇ ni nawˇ naˇ haˬ geuꞈ-awˇ, ngaˬ-euˬ zahˇ dawˬ kʼoꞈ dawˬ deuˬ-ahˇ caw teh-eu laꞈ kʼoeˇ, ngaˬ neh ehˇ-euˬ jeˬ mˇ-awˇ, ngaˇ nui ma tsaˬ-eu loꞈ-ehˇ dehꞈ naˇ, nawˬ nehˬ-ehˇ ngaˇ aˬ myah luꞈ jawˇ ma. Nawˬ-ahˇ Iˇsaˬleˬlaˆ miˇ kʼahˬ-euˬ sahˬ paˬ bi pyeuꞈ laˇ-awˇ, Daˬbiˇ-ahˇ ngaˬ neh jahˇ nehˬ-euˬ loꞈ-ehˇ, nawˬ-euˬ miˇ kʼahˬ laꞈ kʼoeˇ nawˬ-euˬ zaˬ nawˬ-euˬ uˆ deuˬ dzoeˬ dzaˬ oꞈ ni ngaˇ jahˇ nehˬ ma.

Jaceuq 26:1

Sahˬpaˬ Miˬyehˇ-oˇ, Ngaˇyaw tsaˬyaw dawˇjeˬmˇ-awˇ, nawˬ-ahˇjah-eu ziꞈ-eu miˇneh, iˬbaˇ maˬahˇ-a lehˇ daˇ-awˬ.

Jaceuq 15:2

dawˇcoe ni cah luꞈ-eu tsawˇhaˬ, yaw tsaˬyaw dawˇmˇ-eu tsawˇhaˬ, dawˇcoe ni dawˬngehˬ-eu tsawˇhaˬ,

1 Sahˬpaˬ 8:25

Iˇsaˬleˬlaˆ tsawˇ jeuˬ-euˬ Miˬyehˇ pyeuꞈ-eu Sahˬpaˬ Miˬyehˇ-oˇ, nawˬ neh saˇ jaˇ dzaˬ taˬ-euˬ dawˬ kʼoeˇ dawˬ-ahˇ taˬ ngehˇ nehˬ laꞈ. Ngaˬ da nawˬ-euˬ ehˇ dawˬ naˇ haˬ-awˇ dehꞈ-euˬ loꞈ-ehˇ, aˬ yawꞈ-euˬ aˬ li deuˬ kʼawꞈ kʼoeˇ loꞈ-ehˇ dehꞈ naˇ, aˬ yawꞈ-euˬ zaˬ deuˬ uˆ deuˬ laꞈ kʼoeˇ Iˇsaˬleˬlaˆ miˇ kʼahˬ-ahˇ sahˬ paˬ geuꞈ-awˇ uˆ lahˇ-eu tiˬ gʼaˬ aˬ myah luꞈ doˆ laˇ tehꞈ-a lehˇ, ngaˬ da-ahˇ nawˬ neh ehˇ-euˬ dawˬ-ahˇ taˬ ngehˇ nehˬ laꞈ lehˇ, nymˬ-mˇ ngaˇ nawˬ-ahˇ shaˇ-eu ma.

Dawˬmehˬ 28:1

“Nawˬ-euˬ Miˬyehˇ pyeuꞈ-eu Sahˬpaˬ Miˬyehˇ-euˬ ehˇ dawˬ-ahˇ nawˇ naˇ haˬ geuꞈ-awˇ, iˬ nah ngaˇ nawˬ-ahˇ biꞈ-euˬ aˬ yawꞈ-euˬ zahˇ dawˬ kʼoꞈ dawˬ dawˬ tawˆ luꞈ-ahˇ saˇ jaˇ ziꞈ-eu laꞈ kʼoeˇ caw teh naˇ, miˇ tsaˬ kʼoeˇ taˆ jawˇ-eu tsawˇ jeuˬ dawˬ tawˆ luꞈ naˆ maˬ tseˇ huiˬ dzehˬ-eu tsawˇ jeuˬ, naw maꞈ-ahˇ aˬ yawꞈ bi pyeuꞈ laˇ tehꞈ-a.

Dawqdaq 20:7

Aˬ da yaw sui yaw dawˇ, zaˬ oeˬ jeˬ biˇ guiˬ lahˬ.

Dawqdaq 10:9

Yaw sui yaw dawˇ deuˬ kʼahˬ lahˇ kʼaˇ maˬ za-a. Ehˇ kʼawꞈ dehꞈ bahˬ dehꞈ lahˇ-eu deuˬ dzuˇ zaꞈ kʼaˇ maˬ za-a.

Aˇ dahˬ 20:5

Aˬbyaˬhaˬ maˬ ehˇ, Saˬlaˇ maˬ ehˇ, Saˬlaˇ-aˬ Aˬbyaˬhaˬ-euˬ dmˇ ma pyeuꞈ-eu ma lehˇ ehˇ-eu miˇ neh, nui ma shawˇ jehˆ ni gʼeh-eu laꞈ kʼoeˇ aˬ yawꞈ-ahˇ ngaˇ sheuˬ-euˬ ma. Ngaˬ-euˬ yaw lehˬ tiˬ jeˬ-iˬ maˬ jaˆ.”

1 Sahˬpaˬ 3:3

Sawˇlaˬmoˬ-aˬ, Sahˬpaˬ Miˬyehˇ-ahˇ gaˬ-eu laꞈ kʼoeˇ, aˬ yawꞈ aˬ da Daˬbiˇ neh mehˬ nehˬ tsoˆ nehˬ yaꞈ-euˬ loꞈ-ehˇ dehꞈ-euˬ meh. Ehˇ kʼawꞈ, aˬ yawꞈ-euˬ gʼawˇ mawˇ kʼawꞈ, jeˬ zaˬ gʼawˬ mya mawˇ sehꞈ-awˇ, jawˇ duˬ gʼawˬ mya tsahˇ laꞈ kʼoeˇ lawˇ-eu shehˇ-eu jeˬ mˇ-euˬ meh.

1 Sahˬpaˬ 3:6

Kʼoeˇ ngeh, Sawˇlaˬmoˬ heu loꞈ-ehˇ shaˇ-euˬ meh, “Nawˇ-aˬ, nawˬ-euˬ zaˬ kʼaˆ pyeuꞈ-eu ngaˬ da Daˬbiˇ-ahˇ, huiˬ dui dui-eu nawˬ-euˬ gʼoeˇ-eu gaˬ-euˬ jeˬ aˬ myah luꞈ bi mawˇ-awˇ, aˬ yawꞈ kʼawꞈ, yaw tsaˬ yaw dawˇ jeˬ hawˇ-eu saˇ jaˇ ziꞈ-eu jeˬ laꞈ kʼoeˇ, nawˬ nehˬ-ehˇ cawˬ cawˬ taꞈ-euˬ meh. Nawˬ-euˬ huiˬ dui dui-eu gʼoeˇ-eu gaˬ-euˬ jeˬ aˬ yawꞈ-ahˇ maˬ tsehˆ leˇ ni bi mawˇ-eu laꞈ kʼoeˇ, iˬ nah aˬ yawꞈ-euˬ dah zaˇ miˇ kʼahˬ-ahˇ bi uˆ lahˇ-eu aˬ li tiˬ li, aˬ yawꞈ-ahˇ nawˇ biꞈ nehˬ-euˬ meh.

1 Sahˬpaˬ 6:12

“Ngaˬ-euˬ zahˇ dawˬ kʼoꞈ dawˬ dawˬ tawˆ luꞈ-ahˇ nawˇ caw teh-awˇ, ngaˬ-euˬ ehˇ dawˬ-ahˇ naˇ haˬ geuꞈ naˇ, nawˬ da Daˬbiˇ-ahˇ ngaˬ neh saˇ jaˇ dzaˬ taˬ-euˬ jeˬ, nawˬ-euˬ kʼoeˇ taˆ ngaˇ bi keuˆ le ma.

2 Sahˬpaˬ 20:3

“Sahˬpaˬ Miˬyehˇ-oˇ, ngaˇ nawˬ-ahˇ saˇ jaˇ ziꞈ-eu laꞈ kʼoeˇ yaw dehꞈ dehꞈ-awˇ, nawˬ neh ngaˬ-ahˇ bi mˇ mawꞈ-eu jeˬ-ahˇ leh jeh-awˇ mˇ-euˬ gaˇ taˬ ngehˇ nehˬ laꞈ” lehˇ shaˇ-euˬ meh. Kʼoeˇ naˇ, aˬ yawꞈ ngoeˇ dui dui-euˬ meh.

Jaceuq 78:72

Aˬ yawꞈ maꞈ-ahˇ yaw tsaˬ yaw dawˇ laꞈ kʼoeˇ aˬ yawꞈ bo saˆ-awˇ, tsawˇ gahˇ ahˇ-eu laꞈ kʼoeˇ sheuˬ gʼeh-euˬ meh.

Jaceuq 101:2

Ngaˬ-euˬ dehꞈ jeˬ dehꞈ kawˆ iˬ baˇ taˬ kʼaˇ maˬ za. Ngaˇ jawˇ gaˇ nawˇ aˬ myah oe-eu gʼeh te. Ngaˬ-euˬ nymˇ laꞈ kʼoeˇ ngaˇ shawˇ jehˆ ni dehꞈ ma.

Jaceuq 128:1

Sahˬpaˬ Miˬyehˇ-euˬ dawˬ-ahˇ naˇ haˬ-awˇ, aˬ yawꞈ-euˬ zahˇ dawˬ kʼoꞈ dawˬ-ahˇ caw teh-awˇ dehꞈ-eu deuˬ guiˬ lahˬ huiˬ-eu meh.

2 Saˬmeuˬlaˆ 22:22

Sahˬpaˬ Miˬyehˇ-euˬ gaˇ ma-ahˇ, maˬ byehˇ dzeh ni ngaˇ cah laꞈ-awˇ, yaw haiˬ jeˬ-ahˇ mˇ-eu laꞈ kʼoeˇ, Miˬyehˇ-ahˇ maˬ gʼawˬ-iˇ haw-aˬ.

2 Laˬsaˬbaˬ 17:4

Aˬ yawꞈ aˬ da-euˬ Miˬyehˇ-ahˇ aˬ yawꞈ uˬ duˬ tahˬ-awˇ, Miˬyehˇ-euˬ zahˇ dawˬ kʼoꞈ dawˬ-ahˇ naˇ haˬ geuꞈ-eu laꞈ kʼoeˇ, Iˇsaˬleˬlaˆ miˇ kʼahˬ-ahˇ uˆ lahˇ-eu sahˬ paˬ deuˬ loꞈ-ehˇ maˬ gʼeh ni aˬ yawꞈ dehꞈ-euˬ meh.

Yeˬsaˬgeˬlaˇ 18:9

Tsawˇ haˬ kʼoeˇ gʼaˬ-aˬ, ngaˬ-euˬ dawˬ-ahˇ naˇ haˬ geuꞈ-awˇ, ngaˬ-euˬ zahˇ dawˬ kʼoꞈ dawˬ-ahˇ yaw muiˬ paˬ-ehˇ caw teh-eu meh. Aˬ yawꞈ-aˬ, yaw tsaˬ yaw dawˇ tsawˇ haˬ pyeuꞈ-awˇ, aˬ diˇ aˬ maˇ ya dehꞈ tehꞈ-a” lehˇ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ ehˇ-eu meh.