1 Sahˬpaˬ 9:12 - Akha

¹² Ehˇ kʼawꞈ, Duˇlu meuˬ-ahˇ neh Hiˇlamˬ laˇ-awˇ, sahˬ paˬ Sawˇlaˬmoˬ neh aˬ yawꞈ-ahˇ biꞈ-euˬ meuˬ kʼoeˇ deuˬ-ahˇ haw laˇ ngeh, meuˬ kʼoeˇ deuˬ-ahˇ aˬ yawꞈ maˬ geuꞈ mawꞈ-a.

1 Sahˬpaˬ 9:12 Referans Kwoze

Yaˇ kʼaˬ daˇ 14:3

Ehˇ kʼawꞈ, aˬ yawꞈ-euˬ aˬ ma aˬ da aˬ yawꞈ-ahˇ ehˇ nehˬ-eu, “Lawˇ ciꞈ zaˬ pyeuꞈ-eu Piˇliˇtiˆ tsawˇ haˬ deuˬ jawˇ gaˇ aˬ jeˬ miˇ neh nawˇ miˬ zaˬ ya gʼa-iˇ ta. Aˬ dui-euˬ tsawˇ jeuˬ, aˬ dui pehˬ-euˬ aˇ jeuˬ laꞈ kʼoeˇ aˬ buˇ zaˬ guˬ maˬ poˆ mawˇ nya nya loˇ.” Ehˇ kʼawꞈ, Saˬsoˬ aˬ yawꞈ-euˬ aˬ da gʼaˬ-ahˇehˇ nehˬ-eu, “Aˬ buˇ kʼoeˇ gʼaˬ-ahˇ sheuˬ laˬ-iˇ-awˬ. Aˬ yawꞈ-ahˇ ngaˇ mawꞈ dui dui nya.”

Bawˇtsahˬ 22:34

Baˬlamˬ ehˇ-eu, “Ngaˇ iˬ baˇ mˇ gʼaˬ-euˬ ma. Ngaˬ-ahˇ laˆ tsoeˬ-eu lehˇ gaˇ ma-ahˇ nawˇ yawꞈ luꞈ-eu ngaˇ maˬ siˬ-aˬ. Ehˇ kʼawꞈ, ngaˇ le-eu maˬ tsaˬ-a lehˇ nawˇ noeˬ naˇ, nymˬ-mˇ ngaˇ iˇ kahˇ paw paˇ gʼoꞈ kʼoꞈ-iˇ ma.”

1 Sahˬpaˬ 9:11

Kʼoeˇ loꞈ-ehˇ tsoˆ gaˇ kʼaˇ loˬ-eu shuˬ liˇ daˇ kawˬ, miˬ shuˬ hawˇ-eu shuiˇ deuˬ, Duˇlu sahˬ paˬ Hiˇlamˬ neh aˬ yawꞈ-ahˇ biꞈ-euˬ meh. Nymˇ kʼoeˇ nyiˬ nymˇ tsoˆ gʼaˬ ngeh, Gaˬliˬlehˇ gahˬ kaˬ-ahˇ jaˆ-eu meuˬ nyiˬ tseˇ meuˬ, sahˬ paˬ Sawˇlaˬmoˬ neh Hiˇlamˬ-ahˇ biꞈ-euˬ meh.

1 Sahˬpaˬ 9:13

Kʼoeˇ miˇ neh, “Nawˇ ngaˬ-ahˇ heu loꞈ-ehˇ gʼeh-eu meuˬ deuˬ biꞈ laꞈ law hawˇ ngaˬ tawˇ” lehˇ, sahˬ paˬ Sawˇlaˬmoˬ-ahˇ aˬ yawꞈ ehˇ nehˬ-euˬ meh. Kʼoeˇ miˇ neh, miˇ kʼahˬ kʼoeˇ deuˆ-ahˇ, iˬ nah keuˆ ni Kaˬbuˇlaˆ lehˇ kuˇ-eu meh.