1 Sahˬpaˬ 9:1 - Akha

¹ Uˬ duˬ tahˬ nymˇ nymˇ ma maˬ ehˇ, sahˬ paˬ jawˇ-eu nymˇ maˬ ehˇ, aˬ yawꞈ kʼaˇ tsoˆ mawꞈ-eu yawˬ jeˬ na luꞈ maˬ ehˇ, Sawˇlaˬmoˬ tsoˆ gʼaˬ jiˇ ngeh,

1 Sahˬpaˬ 9:1 Referans Kwoze

2 Laˬsaˬbaˬ 7:11

Uˬ duˬ tahˬ nymˇ nymˇ ma hawˇ-eu sahˬ paˬ jawˇ-eu hawˇ nymˇ Sawˇlaˬmoˬ tsoˆ gʼaˬ-awˇ, kʼoeˇ gaˇ taꞈ leˇ-eu gaˇ deuˬ aˬ yawˬ neh noeˬ taˬ-euˬ loꞈ-ehˇ yaw muiˬ paˬ-ehˇ mˇ luiˆ shaˇ luiˆ gʼaˬ jiˇ ngeh,

1 Sahˬpaˬ 9:19

Aˬ yawꞈ-euˬ myawˬ gahˬ deuˬ bi jaˆ-euˬ meuˬ deuˬ, aˬ yawꞈ-euˬ mahˬ deuˬ hawˇ-eu mahˬ laˆ lawˬ deuˬ taˬ-euˬ meuˬ deuˬ, Yeˬluˇsaˬlehˬ meuˬ laꞈ kʼoeˇ maˬ ehˇ, Leˬbaˬnoˬ miˇ kʼahˬ laꞈ kʼoeˇ maˬ ehˇ, aˬ yawꞈ neh kʼaˇ uˆ lahˇ-euˬ miˇ kʼahˬ yawˬ gaˇ na luꞈ maˬ ehˇ, aˬ yawꞈ neh kʼaˇ tsoˆ-euˬ jeˬ hawˇ-eu kʼaˇ mˇ kʼaˇ shaˇ-euˬ jeˬ laꞈ kʼoeˇ, tsawˇ haˬ paˆ-awˇ myawˬ kʼaˆ bi mˇ-euˬ meh.

Dawˬ tsoˆ 6:9

Kʼoeˇ-aˬ, tiˬ jeˬ-iˬ gaˇ dahˇ maˬ tsoeˬ-a. Jaˬ lehˇ mehˬ nah teh-eu loꞈ-ehˇ tehꞈ meh. Aˇ dzehˬ poˆ geuꞈ-eu naˆ maˬ tseˇ, yawˬ ha kʼaˇ jaˆ-eu jeˬ-ahˇ nui kʼahˇ shiˇ-eu zaˬ dzehˬ meh.

Dawˬ tsoˆ 2:10

Ngaˇ-aˬ, kʼaˇ geuꞈ mawꞈ-eu jeˬ za-euˬ tsawˇ haˬ ma. Kʼaˇ byawˬ kʼaˇ mo mawꞈ-eu jeˬ, maˬ ya byawˬ maˬ ya mo-ehˇ dzahˬ tehˬ-euˬ tiˬ poˆ-iˬ maˬ jaˆ. Ngaˬ neh kʼaˇ mˇ kʼaˇ shaˇ doˆ-euˬ jeˬ-ahˇ ngaˇ nui kʼahˇ shiˇ-awˇ kʼahˬ sehˇ jehˆ-eu ma. Heu-aˬ, ngaˬ neh mˇ za-euˬ guiˬ lahˬ ma.

Dawˬ tsoˆ 2:4

Huiˬ dui dui-eu gaˇ deuˬ ngaˇ mˇ-euˬ ma. Ngaˇ jawˇ-eu gʼaˇ duˬ nymˇ gʼawˬ mya nymˇ tsoˆ-awˇ, aˬ gaꞈ yaˇ kmˇ gʼawˬ mya kmˇ mˇ haw-euˬ ma.

1 Sahˬpaˬ 9:11

Kʼoeˇ loꞈ-ehˇ tsoˆ gaˇ kʼaˇ loˬ-eu shuˬ liˇ daˇ kawˬ, miˬ shuˬ hawˇ-eu shuiˇ deuˬ, Duˇlu sahˬ paˬ Hiˇlamˬ neh aˬ yawꞈ-ahˇ biꞈ-euˬ meh. Nymˇ kʼoeˇ nyiˬ nymˇ tsoˆ gʼaˬ ngeh, Gaˬliˬlehˇ gahˬ kaˬ-ahˇ jaˆ-eu meuˬ nyiˬ tseˇ meuˬ, sahˬ paˬ Sawˇlaˬmoˬ neh Hiˇlamˬ-ahˇ biꞈ-euˬ meh.

1 Sahˬpaˬ 7:51

Uˬ duˬ tahˬ nymˇ nymˇ ma tsoˆ-eu gaˇ yawˬ jeˬ na luꞈ-ahˇ sahˬ paˬ Sawˇlaˬmoˬ mˇ luiˆ gʼaˬ jiˇ ngeh, aˬ yawꞈ aˬ da Daˬbiˇ neh Sahˬpaˬ Miˬyehˇ-ahˇ damˬ nehˬ-euˬ shuiˇ deuˬ, pyuˇ deuˬ hawˇ-eu, nui jeˬ dawˬ tawˆ luꞈ-ahˇ, Uˬ duˬ tahˬ nymˇ nymˇ ma laꞈ kʼoeˇjaˆ-eu myawˬ taˬ-eu aˇ lawˆ deuˬ laꞈ kʼoeˇ jeˬ hmˬ taˬ-euˬ meh.

1 Sahˬpaˬ 6:37

Sawˇlaˬmoˬ uˆ lahˇ-eu oeˬ kʼoꞈ byah laˇ ngeh kʼoꞈ, ba la nyiˬ siˬ tiˬ siˬ pyeuꞈ-eu Ziˇbaˆ ba la-ahˇ, Uˬ duˬ tahˬ nymˇ nymˇ ma gawˬ dahˬ beh-euˬ meh.

1 Sahˬpaˬ 7:1

Sawˇlaˬmoˬ-aˬ, aˬ yawꞈ jawˇ-eu sahˬ paˬ-euˬ hawˇ nymˇ tiˬ nymˇ paˇ tsoˆ-awˇ, nymˇ kʼoeˇ nymˇ tsoˆ gʼaˬ ngeh keuˆ ni, tseˇ smˇ kʼoꞈ tsoˆ-euˬ meh.

1 Sahˬpaˬ 7:2

Leˬbaˬnoˬ aˇ bawˇ sahˬ kʼaˆ lehˇ myahˇ-euˬ aˇ lawˆ lawˆ ma tiˬ lawˆ aˬ yawꞈ tsoˆ ahˇ-euˬ meh. Aˇ lawˆ kʼoeˇ lawˆ-aˬ, yaw mahˇ paw nyiˬ tseˇ ngaˬ lmˇ, yaw jeˇ paw tseˇ nyiꞈ lmˇ nui paˆ, yaw goˇ paw shiꞈ lmˇ nui paˆ byah-awˇ, shuˬ liˇ kʼawˇ zeuˇ oeˬ cehˆ ka tuˇ-awˇ, shuˬ liˇ pyaꞈ dmˬ tsahˬ-awˇ tsoˆ-euˬ meh.

1 Sahˬpaˬ 8:66

Yehꞈ nah tiˬ nah keuˆ laˇ ngeh, tsawˇ haˬ kʼoeˇ deuˬ-ahˇ Sawˇlaˬmoˬ bi gʼoꞈ-iˇ-euˬ meh. Sahˬpaˬ Miˬyehˇ-euˬ zaˬ kʼaˆ Daˬbiˇ hawˇ-eu aˬ yawꞈ-euˬ tsawˇ jeuˬ Iˇsaˬleˬlaˆ tsawˇ haˬ deuˬ-ahˇ Sahˬpaˬ Miˬyehˇ neh biꞈ-euˬ guiˬ lahˬ yaw dzahˇ deuˬ baˬ da neh, sahˬ paˬ Sawˇlaˬmoˬ-ahˇ aˬ yawꞈ maꞈ ja ceuˬ-euˬ meh.

1 Sahˬpaˬ 9:10

Sawˇlaˬmoˬ-aˬ, Uˬ duˬ tahˬ nymˇ nymˇ ma hawˇ-eu aˬ yawꞈ jawˇ-eu nymˇ-ahˇ, nyiˬ tseˇ kʼoꞈ tsoˆ-awˇ tsoˆ gʼaˬ-euˬ meh.

2 Laˬsaˬbaˬ 8:6

Baˬlaˆ meuˬ, aˬ yawꞈ neh myawˬ gahˬ hawˇ-eu dzaˬ dzaˬ dawˇ dawˇ tawˬ taˬ-awˇ jeˬ hmˬ-euˬ meuˬ dawˬ tawˆ luꞈ hawˇ-eu, aˬ yawꞈ-euˬ mahˬ deuˬ hawˇ-eu mahˬ laˆ lawˬ deuˬ bi jawˇ-euˬ meuˬ deuˬ meh. Yeˬluˇsaˬlehˬ meuˬ-ahˇ maˬ ehˇ, Leˬbaˬnoˬ miˇ kʼahˬ laꞈ kʼoeˇ maˬ ehˇ, aˬ yawꞈ kʼaˇ uˆ lahˇ keuˆ-eu miˇ kʼahˬ deuˬ doe ni maˬ ehˇ, aˬ yawꞈ neh kʼaˇ lehˬ hmˬ taˬ-euˬ loꞈ-ehˇ, meuˬ tsoˆ pu tsoˆ-eu gaˇ aˬ yawꞈ mˇ doˆ gʼeh-euˬ meh.

1 Sahˬpaˬ 3:1

Sawˇlaˬmoˬ-aˬ, Iˇjiˇtuˆ sahˬ paˬ zaˬ miˬ sheuˬ-awˇ, Iˇjiˇtuˆ sahˬ paˬ nehˬ-ehˇ cawˬ cawˬ taꞈ-euˬ meh. Sahˬ paˬ hawˇ nymˇ hawˇ-eu Uˬ duˬ tahˬ nymˇ nymˇ ma maˬ tsoˆ dah-ehˇ, Yeˬluˇsaˬlehˬ meuˬ-euˬ meuˬ meuˬ lahˇ maˬ gawˬ gʼaˬ nmˇ kaˬ, sahˬ paˬ zaˬ miˬ kʼoeˇ gʼaˬ-ahˇ, Daˬbiˇ-euˬ meuˬ laꞈ kʼoeˇ sheuˬ taˬ-awˇ bi jawˇ-euˬ meh.

2 Laˬsaˬbaˬ 7:1

Sahˬ paˬ Sawˇlaˬmoˬ guiˬ lahˬ shaˇ gʼaˬ ngeh, mˬ kʼoeˇ taˆ neh miˬ dzaˬ oe ka-awˇ, lawˇ taˬ shehˇ taˬ-euˬ jeˬ-ahˇ puiˆ-euˬ meh. Uˬ duˬ tahˬ nymˇ nymˇ ma laꞈ kʼoeˇ kʼawꞈ, Sahˬpaˬ Miˬyehˇ-euˬ yaw shehꞈ kʼahˬ sehˇ bya byah jiˇ-euˬ meh.

2 Laˬsaˬbaˬ 8:1

Sawˇlaˬmoˬ-aˬ, Uˬ duˬ tahˬ nymˇ nymˇ ma hawˇ-eu aˬ yawꞈ jawˇ-eu gʼaˇ duˬ sahˬ paˬ-euˬ hawˇ nymˇ-ahˇ, nyiˬ tseˇ kʼoꞈ tsoˆ-awˇ tsoˆ gʼaˬ-euˬ meh.